Leikhúskort: 4–7 sýningar
% %
Lúxuskort: 8+ sýningar 30 40
25 ára og yngri: 4 sýningar
%
Miðasala á borgarleikhus.is og
Vaðlaheiðargöng
And Björk, of course ...
Kvöldstund með Heiðari snyrti
Óbærilegur léttleiki knattspyrnunnar
Hvíta tígrisdýrið
Jólin eru á næsta leiti og Ægir Ó. Ægis forstjóri og mágur hans, jafnvægismálaráðherrann, sjá fram á stórgróða vegna einkaleyfis þeirra á innflutningi á jólatrjám og ávöxtum. En það er í mörg horn að líta hjá forstjórahjónunum Ægi og Pálínu. Frumsýning á ballettinum Djáknanum á Myrká stendur fyrir dyrum, þar sem Guðrún dóttir þeirra fer með aðalhlutverkið og Pálína þráir ekkert heitar en að mæta á frumsýninguna á bílnúmerinu R-9. Dægurlagahöfundurinn Leifur og atómskáldið Unndór takast á um ástir Guðrúnar. Sigga sviðsmaður vonar að sýningin hrynji ekki öll í gröf djáknans. Mælirinn gengur hjá leigubílstjóranum Gunnari og hinn slóttugi Einar í Einiberjarunni reynist erfiður ljár í þúfu. Þegar skip Ægis og ráðherrans með öllum herlegheitum jólanna er sett í sóttkví vegna skæðs faraldurs – Deleríum búbónis – þurfa mágarnir að taka á öllum sínum spillingarráðum.
Deleríum búbónis er ein af perlum íslensks leikhúss, dásamlegur gamansöngleikur með pólítískum broddi, fullur af sígildum lögum bræðranna Jónasar og Jóns Múla Árnasona, lögum á borð við „Einu sinni á ágústkvöldi“, „Ljúflingshóll“ og „Söngur jólasveinanna“, sem flestir þekkja sem „Úti er alltaf að snjóa“.
Höfundar: Jónas og Jón Múli Árnasynir
Leikstjórn: Bergur Þór Ingólfsson
Danshöfundur: Unnur Elísabet Gunnarsdóttir
Tónlistarstjórn: Agnar Már Magnússon
Leikmynd: Heimir Sverrisson
Búningar: Stefanía Adolfsdóttir
Lýsing: Gunnar Hildimar Halldórsson
Hljóðmynd: Þorbjörn Steingrímsson
Leikgervi: Guðbjörg Ívarsdóttir
Leikarar: Ásthildur Úa Sigurðardóttir
Björn Stefánsson
Esther Talía Casey
Haraldur Ari Stefánsson
Halldór Gylfason
Sigurður Þór Óskarsson
Sólveig Guðmundsdóttir
Valur Freyr Einarsson
Vilhelm Neto
Hljómsveit:
Agnar Már Magnússon
Matthías Hemstock
Nicolas Moreaux
Sigurður Flosason
Frumsýnt: Salur:
Frumsýnt: Salur:
Hún er óstöðvandi gleðisprengja, full af orku en stundum löt, skarpgreind en fljótfær og svo hugmyndarík að foreldrum hennar stendur hreinlega ekki alltaf á sama. Stelpuskottið Fíasól er fyrir löngu orðin sígild í íslenskri barnabókmenntasögu og á sér aðdáendur á öllum aldri. Í vetur stígur hún loks á Stóra sviðið í Borgarleikhúsinu í nýrri leikgerð sem byggir á rómuðum skáldverkum Kristínar Helgu Gunnarsdóttur.
Það gengur á ýmsu bæði í skólanum og á heimilinu þegar Fíasól ákveður að hafa tækjalausan dag og ekki síður þegar hrekkjavakan nálgast. En þegar mamma heldur að þau pabbi geti bara lagt sumarhýru Fíusólar inn á bankabók verður nú fyrst allt vitlaust og Fíasól stofnar hjálparsveit barna. Eins og Fíasól segir sjálf þá er ekki alltaf gott að vita hvort hugmyndir séu góðar eða slæmar þegar þær koma upp í kollinn!
Leikstjórinn Þórunn Arna Kristjánsdóttir leiðir hér úrvalslið leikara og kraftmikinn barnahóp í nýjum fjölskyldusöngleik með frumsaminni tónlist hins góðkunna Braga Valdimars Skúlasonar.
Höfundur: Kristín Helga
Gunnarsdóttir
Leikgerð: Maríanna Clara
Lúthersdóttir og Þórunn Arna Kristjánsdóttir
Tónlist og söngtextar: Bragi
Valdimar Skúlason
Leikstjórn: Þórunn Arna
Kristjánsdóttir
Danshöfundur: Valgerður Rúnarsdóttir
Tónlistarstjórn: Karl Olgeirsson
Leikmynd: Eva Signý Berger
Búningar: Júlíanna Lára
Steingrímsdóttir
Lýsing: Pálmi Jónsson
Hljóðmynd: Þorbjörn
Steingrímsson
Leikgervi: Elín S. Gísladóttir
Leikarar:
Bergur Þór Ingólfsson
Birna Pétursdóttir
Jörundur Ragnarsson
Rakel Ýr Stefánsdóttir
Sigrún Edda Björnsdóttir
Sveinn Ólafur Gunnarsson
Sölvi Dýrfjörð
Vilhelm Neto
Auðunn Sölvi Hugason
Auður Óttarsdóttir
Bríet Sóley Valgeirsdóttir
Garðar Eyberg Arason
Guðmundur Brynjar Bergsson
Guðný Þórarinsdóttir
Gunnar Erik Snorrason
Heiðrún Han Duong
Hildur Kristín Kristjánsdóttir
Hlynur Atli Harðarson
Jakob Steinsen
Kolbrún Helga Friðriksdóttir
Kristín Þórdís Guðjónsdóttir
Oktavía Gunnarsdóttir
Óttar Kjerulf Þorvarðarson
Rafney Birna Guðmundsdóttir
Rebecca Lív Biraghi
Sigurður Hilmar Brynjólfsson
Stormur Björnsson
Viktoría Dalitso Þráinsdóttir
Þyrí Úlfsdóttir
Frumsýnt:
Það er allt í himnalagi hjá Mary Jane. Eiginmaðurinn Steve er í góðri stöðu, sonurinn Nick var að komast inn í Harvard og dóttirin Frankie… tja… hún er svo skapandi og lífleg. Steve vinnur reyndar 60 tíma á viku, Nick er að bugast undan væntingunum sem til hans eru gerðar og Frankie reynir að fóta sig sem ættleidda tvíkynhneigða dóttir úthverfadrottningarinnar. En Mary Jane er í lagi. Þessar nokkru ópíóða töflur á dag eru bara til að slá rétt aðeins á sársaukann eftir bílslysið í fyrra. Smátt og smátt er farið að kvarnast upp úr fallegu fjölskyldumyndinni sem Mary Jane sendir með jólakortinu á hverju ári og áður en yfir lýkur þarf öll fjölskyldan að horfast í augu við óþægilegar staðreyndir – óþægilegar staðreyndir sem eru kannski grundvöllur lífsins þegar betur er að gáð.
Söngleikurinn Eitruð lítil pilla byggir á tónlist af plötu Alanis Morissette, Jagged Little Pill, einni áhrifamestu plötu tíunda áratugarins og einni söluhæstu hljómplötu allra tíma. Tónlist Morissette einkennist af óbeisluðum krafti og hráum og hnitmiðuðum textum. Lög á borð við „You Oughta Know“, „You Learn“ og „Ironic“ eru ótvírætt meðal helstu einkennislaga tíunda áratugarins.
Höfundur: Diablo Cody
Tónlist og söngtextar: Alanis
Morissette
Þýðing: Matthías Tryggvi
Haraldsson og Ingólfur Eiríksson
Leikstjórn: Álfrún Helga
Örnólfsdóttir
Danshöfundur: Saga Sigurðardóttir
Tónlistarstjórn: Örn Eldjárn
Leikmynd: Eva Signý Berger
Búningar: Karen Briem
Lýsing: Pálmi Jónsson
Hljóðmynd: Kristinn Gauti
Einarsson
Myndbandshönnun: Elmar
Þórarinsson
Leikgervi: Andrea Ruth Andrésdóttir og Hildur Emilsdóttir
Leikhópur:
Aldís Amah Hamilton
Birna Pétursdóttir
Elín Sif Hall
Esther Talía Casey
Hannes Þór Egilsson
Haraldur Ari Stefánsson
Hákon Jóhannesson
Íris Tanja Flygenring
Jóhanna Vigdís Arnardóttir
Marinó Máni Mabazza
Rakel Ýr Stefánsdóttir
Sigurður Ingvarsson
Sölvi Dýrfjörð
Valur Freyr Einarsson
Védís Kjartansdóttir
Hljómsveit:
Ingibjörg Elsa Turchi
Sólrún Mjöll Kjartansdóttir
Tómas Jónsson
Þorbjörn Sigurðsson
Örn Eldjárn
Frumsýnt: Salur:
Ásta upplifir sig í blóma lífsins þótt hún glími við ýmis veikindi og erfiðleika sem fylgja hækkandi aldri. Ekki bætir úr skák að hjartkær einkadóttirin þvælist dálítið fyrir henni og er hreint út sagt óþolandi stjórnsöm á köflum. Þegar Ásta mætir sínum stærstu áskorunum er gott að eiga öflugan bakhjarl í Guði – ekki síst þar sem segja má að Ásta sé með hann gjörsamlega í vasanum eða hvað? Það kemur svo í ljós að Guð þarf að láta hendur standa fram úr ermum í þeim miklu breytingum sem standa fyrir dyrum í lífi Ástu.
María Reyndal sló rækilega í gegn með verkinu Er ég mamma mín? sem gekk fyrir fullu húsi í Borgarleikhúsinu í þrjú leikár. Hér er hún komin með nýtt verk, að þessu sinni um Ástu og samferðafólk hennar – lífs og liðið og baráttu mannsandans við að sleppa tökunum. Með Guð í vasanum einkennist af hlýju og leiftrandi húmor enda hefur María einstakt lag á að fjalla á grátbroslegan en heiðarlegan hátt um mannleg samskipti. Katla Margrét Þorgeirsdóttir fer fyrir einvala liði leikara í þessari fallegu sýningu.
Höfundur og leikstjóri: María Reyndal
Leikmynd og búningar: Brynja
Björnsdóttir
Lýsing: Pálmi Jónsson
Hljóðmynd: Ísidór Jökull Bjarnason
Leikgervi: Elín S. Gísladóttir
Aðstoð við handrit og dramatúrg:
Sveinn Ólafur Gunnarsson
Leikarar:
Hjörtur Jóhann Jónsson
Katla Margrét Þorgeirsdóttir
Kristbjörg Kjeld
Rakel Ýr Stefánsdóttir
Sólveig Arnarsdóttir
Sveinn Ólafur Gunnarsson
Frumsýnt: Salur:
Í nýju og brakandi fersku verki eftir höfuðleikskáld okkar Íslendinga, Tyrfing Tyrfingsson, er Heiðar snyrtir aðalsöguhetjan. Það er aðfangadagskvöld jóla og hjónaleysin Lúna og Ingi sitja heima og vilja helst vera einhvers staðar allt annars staðar. Þegar barið er að dyrum er þar hvorki kominn andi jólanna né jólasveinninn heldur Heiðar snyrtir sem á erindi við Inga.
Eins og allir vita sem þekkja til verka Tyrfings er enginn honum fremri þegar kemur að því að skapa persónur, samtöl og aðstæður sem skera inn að hjarta, vekja hlátur en eru um leið svo óbærilegar að þær valda jafnvel líkamlegum óþægindum. Persónur hans eru gjarnan á skjön við samfélagið, tilheyra hópi sem oft kallast jaðraður, en eru þegar nánar er að gáð fyrst og fremst breyskar manneskjur – stundum bara aðeins lélegri í að fela breyskleika sína en við hin.
Kvöldstund með Heiðari snyrti er áttunda leikrit Tyrfings Tyrfingssonar og það sjötta sem sýnt er í Borgarleikhúsinu. Þeir Stefán Jónsson, leikstjóri, sameina nú krafta sína í þriðja sinn.
Höfundur: Tyrfingur Tyrfingsson
Leikstjórn: Stefán Jónsson
Leikmynd: Börkur Jónsson
Búningar: Helga I. Stefánsdóttir
Tónlist og hljóðmynd: Ísidór
Jökull Bjarnason
Lýsing: Gunnar Hildimar
Halldórsson
Leikgervi: Elín S. Gísladóttir
Leikarar:
Ásthildur Úa Sigurðardóttir
Hilmir Snær Guðnason
Sigrún Edda Björnsdóttir
Sigurður Þór Óskarsson
Frumsýnt: Salur:
Andri og Eva hafa ekki stundað kynlíf í fjórtán mánuði og fjóra daga. Samt er ekkert að. Ekki þvælast andvökur og brjóstagjafir fyrir barnlausu parinu; engin kulnun í vinnunni; engin risvandamál eða hormónatruflanir; ekki skortir ástina og löngunin er svo sannarlega til staðar. En ekkert gengur. Það er komið að úrslitastundu. Þau eru komin í leikhúsið til að gera það! Skoska leikskáldið og leikstjórinn Anthony Neilson er helst þekktur fyrir óvægin og erfið verk á borð við Ritskoðarann og Ófagra veröld sem bæði hafa verið sýnd hér á landi. Hann hefur þó skrifað margs konar ólík verk, bæði fyrir leikhús og kvikmyndir og með Teprunum sýnir hann á sér nýjar hliðar. Þar eru samskipti kynjanna í brennidepli en verkið einkennist fyrst og fremst af leiftrandi húmor þótt broddurinn sé aldrei langt undan. Hér fara leikararnir góðkunnu
Vala Kristín Eiríksdóttir og Jörundur Ragnarsson
á kostum í hlutverkum Evu og Andra undir styrkri stjórn Hilmis Snæs Guðnasonar.
Höfundur: Anthony Neilson
Þýðing: Ingunn Snædal
Leikstjórn: Hilmir Snær Guðnason
Leikmynd og búningar: Sean Mackaoui
Lýsing: Fjölnir Gíslason
Hljóðmynd: Ísidór Jökull Bjarnason
Leikgervi: Guðbjörg Ívarsdóttir
Leikarar:
Jörundur Ragnarsson
Vala Kristín Eiríksdóttir
Frumsýnt: Salur: 1. mars Nýja
Við endimörk sólkerfisins bíða fimm geimfarar eftir afleysingu. Enginn kemur. Þrátt fyrir ítrekaðar tilraunir berast engin svör frá Jörðu. Tíminn líður. Klukkan tifar á Jarðartíma, þótt sólarhringurinn á Plútó sé 153 tímar. Hvenær missir fólk tengsl við tímann þegar ekkert viðmið er lengur til að mæla daga, vikur, mánuði, ár? Tíminn verður afstæður og raunveruleikinn molnar í sundur þegar fimm einstaklingar eru lokaðir í rými sem engin leið er að komast út úr. Dulmagnað og hrollvekjandi spennuleikrit eftir eitt athyglisverðasta leikskáld Bretlands, Alistair McDowall.
Una Þorleifsdóttir hefur leikstýrt mörgum af áhugaverðustu og rómuðustu sýningum síðustu ára og má þar nefna Atómstöðina –endurlit í Þjóðleikhúsinu og Þéttingu hryggðar Síðustu daga Sæunnar og Prinsessuleikana Borgarleikhúsinu. Hér leiðir hún glæsilegan hóp leikara um ókunnar slóðir.
Guðjónsdóttir, leikhússtjóri
Framundan er litríkt leikár sem upphefur mennskuna, talar opinskátt, setur mörk og syngur hátt. Í Borgarleikhúsinu ríkir blómlegur baráttuandi og það er mér sannur heiður að hefja annað tímabil í starfi leikhússtjóra umkringd framúrskarandi hópi fólks, fyrsta flokks listamönnum og algjörlega frábærum krökkum sem taka þátt í leiksýningum vetrarins.
Verkefnaskrá vetrarins er einstaklega glæsileg. Níu líf halda áfram sinni sigurgöngu, en sýningar nálgast nú 200 og leikárin orðin fimm. Mátulegir halda áfram að mæla prómillin og magnaða sýningin Svartþröstur snýr aftur.
Á Stóra sviðinu birtast okkur þrjár stórsýningar þar sem tónlist og dans leika veigamikið hlutverk. Fyrst ber að telja endurvakningu sígildrar perlu, Deleríum búbónis eftir þá bræður Jónas og Jón Múla Árnasyni. Um er að ræða farsakennt verk með pólitískan brodd umvafið gullaldar tónlist sem á stað í hjörtum okkar allra.
Barnamenning blómstrar sem aldrei fyrr í Borgarleikhúsinu en Fíasól gefst aldrei upp! er næsta stórsýning leikársins. Söguhetja
Kristínar Helgu Gunnarsdóttur, með sína ríku réttlætiskennd og heillandi galsaskap, birtist ljóslifandi á sviðinu ásamt óviðjafnanlegri fjölskyldu og vinum. Tónlist og
textar eru eftir Braga Valdimar Skúlason. Spennið beltin – það er
bylting á næsta leiti því „heilmikil áhrif hvert barn getur haft!“
Síðasta stórsýning ársins er svo Eitruð lítil pilla eftir Diablo Cody með magnaðri tónlist kanadísku tónlistarkonunnar Alanis Morissette. Handritið hlaut Tony verðlaunin eftirsóttu en tónlistin er margverðlaunuð og skaut Alanis Morissette upp á stjörnuhimininn á einni nóttu. Hvernig setjum við mörk, hvernig tökumst við á við áföll, hvernig sýnum við samtakamátt og hvenær segjum við stopp? Tilfinningarík fjölskyldusaga, tryllt tónlist og óttaleysi við tabú á Stóra sviðinu í febrúar, en sýningin markar að auki endurkomu Jóhönnu Vigdísar Arnardóttur í Borgarleikhúsið.
Á minni sviðum verður íslenskt efni í öndvegi auk spennandi erlendra nútímaverka. Fyrsta frumsýning leikársins er ljúfsár og leiftrandi fyndin sýning Maríu Reyndal Með Guð í vasanum þar sem Katla Margrét Þorgeirsdóttir fer fyrir einvala liði leikara. Við höldum áfram að brosa í október þegar Teprurnar eftir Anthony Neilson mæta á Litla sviðið til að gera það. Efni sem kitlar flesta: kynlíf, eða skortur á því öllu heldur!
Á síðustu Grímuverðlaunahátíð hlaut Matthías Tryggvi Haraldsson, leikskáld Borgarleikhússins 20202022, Grímuna fyrir leikrit ársins, Síðustu daga Sæunnar. Það var sérlega ánægjulegt enda leikskáld
hússins mikilvægur listamaður sem starfar í húsinu undir verndarvæng leikritunarsjóðs LR.
Í vetur sýnum við nýjasta verk Tyrfings Tyrfingssonar, fyrrum leikskálds Borgarleikhússins, Kvöldstund með Heiðari snyrti með Hilmi Snæ Guðnasyni í titilhlutverkinu. Við höldum áfram að æsa skilningarvitin á allan mögulegan máta þegar sálfræðitryllir sem gerist í geimstöð birtist á Nýja sviðinu í mars. Tíminn verður afstæður og aðstæður ógnvænlegar í mögnuðu verki Alistair McDowall, X.
Í samstarfi við leikhópinn Monochrome og List án landamæra fáum við að skyggnast inn í líf og áskoranir Fúsa, Sigfúsar Sveinbjörns Svanbergssonar, sem er lífskúnstner og leikari sem lifir með fötlun. Leikhópurinn Rauði sófinn brýst með okkur í gegnum byl á heiði í Aðventu sem er leikgerð byggð á bók Gunnars Gunnarssonar og leikhópurinn Verkfræðingar rýnir í brokkgengt samband manns og náttúru í rannsókn sinni um fagurfræði Vaðlaheiðarganganna.
Þetta og ótalmargt fleira í Borgarleikhúsinu á komandi leikári. Verið velkomin!
Eftir sólríkt sumar og góða hvíld erum við komin til starfa á ný. Síðasta leikár fór vel með okkur. Hver sýningin á fætur annarri rataði til sinna, húsið var fullt af lífi og hrein unun að sjá glaða gesti njóta samveru og veitinga í fallegum forsal leikhússins.
Frumsýnt: Salur:
Fúsi, aldur og fyrri störf, er heimildaleiksýning um Sigfús Sveinbjörn Svanbergsson. Í sýningunni fer Fúsi yfir ævi sína og valin atriði úr fjölbreyttu lífi hans eru færð í leik- og söngbúning með aðstoð leikara og söngvara. Fúsi er húmoristi, fótboltaáhugamaður, leikari, söngvari og lífskúnstner sem minnir okkur á að lífið er alltaf þess virði að lifa því þó stundum sverfi að. Hindranirnar í lífi Fúsa hafa eflt hann og hvatt til að lifa lífinu til hins ýtrasta með fötlun sinni og njóta hvers einasta dags. Stundum er lífsreynsla þó þess eðlis að aldrei verður fyllilega hægt að komast yfir hana, sama hversu jákvæður og sterkur einstaklingur er.
Sýningin byggir á viðtölum við Fúsa, sem
Agnar Jón frændi hans og leikstjóri sýningarinnar tók við hann meðan á covid faraldrinum stóð.
Tilurð sýningarinnar er því samband frændanna Fúsa og Agnars og samverustundir þeirra.
Höfundar: Agnar Jón Egilsson og
Sigfús Sveinbjörn Svanbergsson
Leikstjórn: Agnar Jón Egilsson
Leikmynd og búningar: Svanhvít
Thea Árnadóttir
Þátttakendur:
Agnar Jón Egilsson
Halldóra Geirharðsdóttir
Sigfús Sveinbjörn Svanbergsson
Vala Kristín Eiríksdóttir
Í samstarfi við sviðslistaframleiðandann Monochrome og List án landamæra
Frumsýnt: Salur:
„Maður þvælist með hundi og hrút um öræfin í desember, leitar að kindum, hreppir slæm veður en kemst lifandi til byggða …“ Svo segir rithöfundurinn Jón Kalman frá í formála þessarar perlu íslenskrar bókmenntasögu, Aðventu Gunnars Gunnarssonar.
Í byrjun desember 1925 hélt
Benedikt Sigurjónsson á fjöll með hund og forystusauð í leit að kindum. Þeir tefjast við smölun fyrir aðra, hreppa slæm veður, leitin dregst á langinn fram yfir jól, nestið klárast og vosbúðin er mikil. Loks ná þeir til byggða, þrotnir að kröftum en með nokkrar kindur. Aðventa byggir á þessari eftirleitarferð Benedikts um Mývatnsfjöll en frásögn hans birtist í tímaritinu Eimreiðinni árið 1931 og varð Gunnari innblástur að hans frægustu skáldsögu.
Aðventa er þó svo miklu meira en saga af kindaleit í vondu veðri, því óveður geisa líka innra með fólki.
Í sögunni býr harmræn ástarsaga, leit
mannsins að trú og tilgangi, afturlit til ævi sem styttist í annan endann og sú sátt sem hverjum manni er nauðsyn að ná við fortíðina svo lifa megi af en farast ella. Þá er sagan óður til náttúrunnar og dýranna og þeim djúprætta kunnugleik sem líklega næst aðeins milli fjarskyldra dýrategunda.
Í uppsetningu Sviðslistahópsins Rauða sófans verður leitast við að miðla þáttum verksins – stórfenglegri náttúru, ríku innra lífi aðalsöguhetjunnar og samspilinu þar á milli. Sú óvenjulega leið er farin að hafa sýninguna að mestu án orða en þess í stað mynda tónlist, myndlist, leiklist og tækni órofa heild. Áhorfandinn dregst inn í iðandi stórhríð en sér þar hjörtu sem bjarma frá sér kærleika og ást.
Sýningin er styrkt af Sviðslistasjóði, Launasjóði sviðslistafólks og Gunnarsstofnun.
Höfundur: Gunnar Gunnarsson
Leikgerð: Móeiður Helgadóttir og Egill Ingibergsson
Leikstjórn og lýsing: Egill Ingibergsson
Leikmynd og teikningar: Þórarinn Blöndal, Móeiður Helgadóttir og Egill Ingibergsson
Búningar og leikgervi: Þórhildur Sunna Jóhannsdóttir
Tónlist og hljóðmynd: Sigurður Halldórsson
Framkvæmdastjórn: Davíð Freyr Þórunnarson/MurMur
Leikarar:
Friðgeir Einarsson
Lovísa Ósk Gunnarsdóttir
Í samstarfi við leikhópinn
Rauða sófann
Frumsýnt: Salur:
Verk um stórkostlegustu framkvæmd Íslandssögunnar, samband manns og náttúru, um fólk sem svimar aðeins og heldur að aðrir geti mögulega séð að það sé eitthvað tens og sé að stara á það, um fólk sem vill bara að það sé auðveldara að fara austur fyrir.
Verkið Vaðlaheiðargöng er unnið í samsköpun undir listrænni stjórn Karls Ágúst Þorbergssonar. Verkið endurspeglar þá ljóðrænu fegurð sem birtist í framkvæmdasögu Vaðlaheiðarganga, sambandi mannlegs hversdagsleika og náttúru og yfirvofandi endalokum alls í kjölfar hamfarahlýnunar.
Leikhópurinn Verkfræðingar er nýr af nálinni en meðlimir hans hafa getið sér gott orð með fjölbreyttum sýningum sviðslistahópa á borð við 16 elskendur og Sóma þjóðar.
Sýningin er styrkt af Sviðslistasjóði og Launasjóði sviðslistafólks.
Höfundur: Leikhópurinn
Verkfræðingar
Listræn stjórnun og leikstjórn:
Karl Ágúst Þorbergsson
Leikmynd og búningar: Júlíanna
Lára Steingrímsdóttir
Tónlist og hljóðmynd: Gunnar
Karel Másson
Lýsing: Ólafur Ágúst Stefánsson
Framleiðandi: Davíð Freyr Þórunnarson/MurMur
Leikarar:
Aðalbjörg Árnadóttir
Hilmir Jensson
Kolbeinn Arnbjörnsson
Í samstarfi við leikhópinn
Verkfræðinga
Nú er tilvalið að skella sér aftur á Níu líf – eða í þriðja sinn, eða fjórða!
Fimmta leikárið í röð mætir stórsýningin Níu líf á Stóra sviðið – nú þegar hafa yfir hundrað þúsund manns séð sýninguna og ætlar vinsældum hennar seint að linna. Enda er Bubbi Morthens samofinn þjóðarsálinni og sögur Bubba eru sögur okkar allra; sögur Íslands.
Höfundur og leikstjóri: Ólafur Egill Egilsson
Tónlist og söngtextar: Bubbi Morthens
Danshöfundur: Lee Proud
Tónlistarstjórn: Guðmundur Óskar Guðmundsson
Leikmynd: Ilmur Stefánsdóttir
Búningar: Filippía Elísdóttir
Lýsing: Björn Bergsteinn Guðmundsson
Hljóðmynd: Gunnar Sigurbjörnsson og
Þórður Gunnar Þorvaldsson
Leikgervi: Elín S. Gísladóttir
Leikhópur: Björn Stefánsson, Elín Hall, Esther Talía Casey, Halldór Gylfason, Halldóra Geirharðsdóttir, Haraldur Ari Stefánsson, Hjörtur Jóhann
Jónsson, Halldór Gylfason, Jóhann Sigurðarson, Katrín Mist Haraldsdóttir, Rakel Ýr Stefánsdóttir, Sólbjört Sigurðardóttir, Sölvi Viggósson Dýrfjörð, Valur Freyr Einarsson, Hlynur Atli Harðarson, Magnús Bjarnason og Óttar Kjerulf Þorvarðarson
Kórar: Söngskólinn Domus vox, Stúlknakór Reykjavíkur og Aurora
Hljómsveit: Aron Steinn Ásbjarnarson, Guðmundur Óskar Guðmundsson, Hjörtur Ingvi Jóhannsson, Þorvaldur Þorvaldsson og Örn Eldjárn
Sýningar hefjast: Salur: Söngvari og leikkona ársins — Halldóra Geirharðsdóttir Gríman 2022Sýningar hefjast: Salur:
Til er kenning um að áfengismagn í líkama mannskepnunnar sé í raun hálfu prómilli undir æskilegum mörkum. Áfengi hefur fylgt manninum frá örófi alda, það sagt opna hugann, liðka fyrir samræðum og kynda undir sköpunargáfunni en getur jafnframt verið hættulegt og eyðileggjandi afl. Í Mátulegum ákveða fjórir menntaskólakennarar á miðjum aldri að gera tilraun til að sannreyna kenninguna um að manneskjan sé fædd með of lítið áfengismagn í blóðinu - þeir eru lífsleiðir, staðnaðir í starfi og á góðri leið með að sigla einkalífinu í strand. Getur verið að áfengi sé í raun svarið við vandamálum þeirra, svarið við lífsgátunni?
Mátulegir er grátbroslegt verk um leitina að lífsneistanum, lífsfyllingunni og þá refilstigu sem sú leit getur leitt mann á. Verkið er sviðsútgáfa Thomas Vinterberg af kvikmynd hans Druk sem unnið hefur til fjölda verðlauna.
Höfundar: Thomas Vinterberg og Claus Flygare
Þýðing: Þórdís Gísladóttir
Leikstjórn: Brynhildur Guðjónsdóttir
Leikmynd: Heimir Sverrisson
Búningar: Filippía Elísdóttir
Lýsing: Þórður Orri Pétursson
Hljóðmynd: Ísidór Jökull Bjarnason
Sviðshreyfingar: Anna Kolfinna Kuran
Leikgervi: Elín S. Gísladóttir
Leikarar: Halldór Gylfason, Hilmir Snær
Guðnason, Jörundur Ragnarsson og
Þorsteinn Bachmann
Sýningar hefjast: Salur:
Gírastúlkan, Klakadrengurinn og Ósýnilega stúlkan
búa uppi á háalofti undir ógnarstjórn Konunnar með kjólfaldinn. Þau dreymir um að komast burt, en lykillinn er vel falinn. Ekki bætir úr skák að Hvíta tígrisdýrið fylgist með hverri hreyfingu úr skuggunum. Hvíta tígrisdýrið er myrkt og táknrænt fjölskylduævintýri um það að vera innilokuð og minni máttar. Fæstar fjölskyldur eru fullkomnar og fullorðnir þykjast stundum mega koma fram við börn eins og þeim hentar, en hvað gerist þegar börnin svara fyrir sig?
Þessi magnaða barnasýning gekk fyrir fullu húsi síðasta vetur og var því ákveðið að bæta við nokkrum sýningum á þessu leikári. Sýningin er fyrir gesti frá sex ára aldri en hentar einnig þeim allra hugrökkustu undir sex ára.
Sýningin er styrkt af Sviðslistasjóði, Launasjóði sviðslistamanna og Borgarsjóði.
Höfundur: Bryndís Ósk Þ. Ingvarsdóttir
Leikstjórn: Guðmundur Felixson
Leikmynd og búningar: Bryndís Ósk Þ. Ingvarsdóttir
Tónlist og hljóðmynd: Eygló Höskuldsdóttir Viborg
Lýsing: Kjartan Darri Kristjánsson
Aðstoðarleikstjórn: Magnús Thorlacius
Framkvæmdastjórn: Ragnheiður Maísól Sturludóttir/ MurMur
Myndskreytingar á kynningarefni: Pétur Atli Antonsson
Leikarar: Guðlaug Elísabet Ólafsdóttir, Jökull Smári Jakobsson, Laufey Haraldsdóttir og Þuríður Blær Jóhannsdóttir
Í samstarfi við leikhópinn Slembilukku
Sýningar hefjast: Salur: 26. október Litla svið
Sýningar hefjast: Salur:
Leikritið And Björk, of course... eftir Þorvald Þorsteinsson er drepfyndinn og hrollvekjandi leiðangur um sjálfsmyndir einstaklinga og þjóðar. Nokkrar ólíkar persónur koma saman á sjálfshjálparnámskeiði til að finna sig, hreinsa til í sálarlífinu og verða betri manneskjur. Í gegnum miskunnarlausa leiki freista þau þess að ná stjórn á lífi sínu, finna tilgang og verða eitthvað annað og meira en vanmáttug og ein úti á ballarhafi.
And Björk, of course... er sprenghlægilegt, óviðeigandi og óþægilegt. Verkið var fyrst frumsýnt í Borgarleikhúsinu árið 2002 í leikstjórn Benedikts Erlingssonar og hlaut einróma lof gagnrýnenda.
Höfundur: Þorvaldur Þorsteinsson
Leikstjórn: Gréta Kristín Ómarsdóttir
Leikmynd og búningar: Brynja Björnsdóttir
Lýsing: Ólafur Ágúst Stefánsson
Hljóðmynd: Axel Ingi Árnason og Pétur Karl Heiðarson
Leikarar: Arna Magnea Danks, Davíð Þór Katrínarson, Eygló Hilmarsdóttir, Jón Gnarr, María Pálsdóttir, María Heba Þorkelsdóttir og Sverrir Þór Sverrisson
Sýningar hefjast: Salur:
Þorleifur Aron, kallaður Doddi, fráskilinn karlmaður á fimmtugsaldri og Óli Gunnar, yngri bróðir hans hittast til að horfa á alla leiki Manchester United saman í sófanum. Leikir enska liðsins eru fastinn sem gefur lífi þeirra lit en einnig sá tími sem þeir geta eytt saman og fengið frið frá amstri dagsins. Yfir leiknum fá tilfinningar þeirra lausan tauminn og í gegnum leikinn fá þeir útrás auk þess sem óhófleg drykkja þeirra er réttlætanleg. Þennan tiltekna laugardag sem verkið gerist bregður út af vananum er Benedikt Hafberg, hinn nýi kærasti barnsmóður Dodda ásamt söngvaranum Valdimar bætast óvænt við hópinn að horfa á leikinn. Spennan innan sem utan vallar eykst sem því nemur og úr verður óútreiknanleg atburðarás sem spannar 90 mínútur. Því líkt utan vallar sem innan þá getur allt gerst í heimi knattspyrnunnar. Óbærilegur léttleiki knattspyrnunnar alla sem elska og hata fótbolta. Sýningin hlaut fjórar tilnefningar til Grímuverðlaunanna 2023.
Sýningin er styrkt af Sviðslistasjóði.
Höfundar:
og Ólafur Ásgeirsson
Hugmynd:
Ólafur Ásgeirsson og Viktoría Blöndal
Leikstjórn:
Leikmynd og búningar:
Valdimar Guðmundsson
Ásta Jónína Arnardóttir og Juliette Louste
Sviðshreyfingar:
Dramatúrg:
Leikarar:
Pétursson, Sveinn Ólafur Gunnarsson
og Valdimar Guðmundsson
Sýningar hefjast: Salur:
Þá Gunna og Felix þarf sennilega ekki að kynna fyrir neinum enda hafa þeir glatt börn á öllum aldri í áratugi og verið brennandi í áhuga sínum og ástríðu fyrir barnamenningu. Nú bjóða þeir félagarnir - ásamt Karli Olgeirssyni - börnum og fylgdarfólki á dásamlega jólastund í Borgarleikhúsinu, alla sunnudaga á aðventunni.
Gegnum tíðina hefur Felix gefið Gunnari sérlega góðar jólagjafir og þessi jól ætlar Gunni að launa vini sínum hugulsemina og gefa Felix bestu jólagjöf í heimi. Nú er gjöfin góða á leiðinni og bæði Gunni og Felix eru að farast úr spenningi rétt eins og öll börn sem bíða jólanna með fiðrildi í maganum.
Jól á náttfötunum var frumsýnd í Gaflaraleikhúsinu síðustu jól en nú eru Gunni og Felix komnir á Litla sviðið í Borgarleikhúsinu og lofa gleði, söng, gríni, spennu og síðast en ekki síst jólahuggulegheitum!
Sýningar hefjast: Salur:
Leikhópurinn Miðnætti er barnafjölskyldum að góðu kunnur enda hefur hann á síðustu árum sett upp fjölmargar metnaðarfullar og stórskemmtilegar sýningar fyrir börn á öllum aldri. Þetta er þriðja leikárið þar sem Miðnætti kemur í Borgarleikhúsið með þessa undurfallegu sýningu fyrir allra yngstu leikhúsgestina.
Tjaldið er upplifunarleikhús fyrir börn frá þriggja mánaða til þriggja ára. Hér verður boðið upp á litla veislu fyrir skynfærin þar sem börnin fá að skyggnast undir leikhústjaldið og upplifa tóna, liti og snertingu sem bæði örvar, þroskar og gleður andann. Sýningin var tilnefnd sem Barnasýning ársins á Grímuhátíðinni 2022 og var Agnes Wild jafnframt tilnefnd til Grímuverðlauna sem leikstjóri ársins.
Athugið að ekki er stuðst við móðurmál í sýningunni nema að mjög litlu leyti svo hún er ætluð öllum börnum óháð tungumáli. Eftir sýningu verður í boði að setjast fram í forsal leikhússins og njóta veitinga og notalegrar stundar með börnunum.
Í samstarfi við leikhópinn Miðnætti.
Sýningin er styrkt af mennta- og menningarmálaráðuneyti — Sviðslistaráði.
Leikstjórn: Agnes Wild
Leikmynd, búningar og leikgervi: Eva Björg
Harðardóttir
Tónlist og hljóðmynd: Sigrún Harðardóttir
Lýsing: Ólafur Ágúst Stefánsson
Sviðshreyfingar: Juliette Louste
Flytjendur: Nick Candy og Sigrún Harðardóttir
Á ári hverju er börnum úr Reykjavík boðið í Borgarleikhúsið. Nemendum í 10. bekk er boðið á hina hjartnæmu og mikilvægu sýningu Allt sem er frábært. Öllum nemendum 5. bekkjar er boðið á Kjarval, undurfagurt og skemmtilegt verk um listmálarann Jóhannes Sveinsson Kjarval. Leikskólasýning ársins er ávallt gleðilegur viðburður en þá fyllist leikhúsið af öllum elsta árgangi leikskólanna í Reykjavík en í vetur verður það hin hugljúfa og töfrandi sýning Ofurhetjumúsin.
Sýningar hefjast: Salur: mars
Allt sem er frábært er gleðieinleikur um depurð. Með aðstoð áhorfenda, sem taka virkan þátt í sýningunni, gerir Vala Kristín Eiríksdóttir atlögu að depurðinni og lífsleiðanum - og segir í leiðinni hrífandi sögu af ást, sorg og ís með dýfu.
Höfundur: Duncan Macmillan
Þýðing og staðfærsla: Kristín Eiríksdóttir
Leikstjórn: Ólafur Egill Egilsson
Leikmynd og búningar: Brynja Björnsdóttir
Lýsing: Þórður Orri Pétursson
Hljóðmynd: Baldvin Þór Magnússon
Leikgervi: Guðbjörg Ívarsdóttir
Aðstoðarleikstjórn: Hlynur Páll Pálsson
Leikari: Vala Kristín Eiríksdóttir
Sýningar hefjast: Salur:
Í leikandi léttri fjölskyldusýningu sem byggir að hluta til á verðlaunabók Margrétar Tryggvadóttur um listamanninn, er leitast við að draga upp mynd af Jóhannesi Sveinssyni Kjarval; drengnum, manninum og málaranum.
Höfundur leikgerðar og leikstjóri:
Stefán Hallur Stefánsson
Leikmynd og búningar: Guðný Hrund Sigurðardóttir
Tónlist: Úlfur Eldjárn
Lýsing: Pálmi Jónsson
Hljóðmynd: Þorbjörn Steingrímsson
Sviðshreyfingar: Kata Ingva
Leikgervi: Elín S. Gísladóttir
Aðstoðarmaður leikstjóra: Rakel Björk Björnsdóttir
Leikarar: Birna Pétursdóttir og Haraldur Ari Stefánsson
Sýningar hefjast:
Leikhúsið hefur legið í dvala um stund og því er frábært að fá fullan sal af börnum til að hjálpa okkur að vekja það. Þá er aldrei að vita nema að áhorfendur fái að heyra æsispennandi ævintýri, eða kannski alveg ótrúlega sögu, pínulitla sögu um ennþá minni mús sem ferðast um undraheima leikhússins í leit að hugrekki sínu.
Höfundur og leikstjóri: Þórunn Arna Kristjánsdóttir
Tónlist og útsetningar: Rakel Björk Björnsdóttir
Lýsing: Pálmi Jónsson
Myndbönd: Elmar Þórarinsson og Pálmi Jónsson
Hljóðmynd: Þorbjörn Steingrímsson
Leikarar: Elín Hall og Rakel Ýr Stefánsdóttir
Leikhúsbar Borgarleikhússins býður upp á úrval af ekta dönsku smurbrauði frá Jómfrúnni. Barinn
opnar kl. 18:30 öll sýningarkvöld og því geta gestir byrjað leikhúskvöldið á einstakri matarupplifun.
Þú getur pantað veitingar á borgarleikhus.is eða skoðað úrvalið á staðnum.
Viltu eftirminnilegt leikhúskvöld fyrir hópinn þinn? Við sníðum stærð og umfang heimsóknar ykkar að þörfum hópsins. Tilvalið er að byrja kvöldið á skoðunarferð um Borgarleikhúsið og gæða sér á dýrindis veitingum frá Jómfrúnni áður en sýningin hefst.
Í Borgarleikhúsinu er hægt að leigja sali fyrir ýmis tækifæri og veislur af ólíkum stærðum og gerðum. Hafðu samband í tölvupósti á borgarleikhus@borgarleikhus.is til að nálgast nánari upplýsingar um útleigu rýma.
Það tekur aðeins tvær mínútur að skipta yfir. Skannaðu QR kóðann eða farðu inn á orkusalan.is og skráðu þig í viðskipti. Skrifaðu „Borgarleikhús“ í tilvísunarreitinn og þú færð frítt rafmagn fyrsta mánuðinn!
Í Leiklistarskóla Borgarleikhússins er boðið upp á þriggja ára metnaðarfullt leiklistarnám fyrir börn á grunnskólaaldri. Lögð er áhersla á skapandi leiklistarnám þar sem jákvæð hvatning og uppbygging nemenda er í forgrunni undir leiðsögn framúrskarandi kennara. Á hverju vori taka nemendur þátt í metnaðarfullri uppskeruhátíð þar sem útskriftarnemar sýna frumsamið leikverk og nemendur á yngri stigum sýna styttri atriði. Inntökuprufur eru á hverju hausti.
Leiklistarskóli Borgarleikhússins býður upp á fjölbreytt sumarnámskeið fyrir krakka á öllum aldri. Boðið er upp á skapandi leiklistar- og söngleikjanámskeið þar sem unnið er með leikgleði, spuna og sjálfstraust. Á námskeiðinu er jafnframt lögð áhersla á persónusköpun, leiktúlkun og
líkams- og raddbeitingu. Þegar hafa mörg hundruð börn sótt þessi skemmtilegu námskeið.
Borgarleikhúsið, í samstarfi við KrakkaRÚV, setur á svið tvö leikrit sem hlutu verðlaun á Sögum-verðlaunahátíð barnanna. Það eru nemendur á lokaári Leiklistarskóla Borgarleikhússins sem leika og allir listrænir stjórnendur sýninganna eru starfandi listamenn við Borgarleikhúsið.
Á hverju ári tekur Leiklistarskóli Borgarleikhússins á móti hópi barna sem eru í leit að alþjóðlegri vernd á Íslandi. Verkefnið er styrkt af Mannréttinda-, nýsköpunar- og lýðræðisráði Reykjavíkurborgar og er hluti af þeirri vegferð Borgarleikhússins að auka aðgengi að menningarstarfsemi hússins. Áhersla er lögð á sköpun og leikgleði með lágmarks áherslu á tungumálið. Þátttakendur fá svo skoðunarferð um leikhúsið og er einnig boðið á sýningu.
Gott að vita
Gott aðgengi Í Borgarleikhúsinu er gott aðgengi fyrir hjólastóla. Salerni fyrir fatlaða er staðsett við Nýja sviðið.
Textun
Borgarleikhúsið býður upp á skjátexta á ensku, pólsku og íslensku á völdum sýningum.
Tónmöskvar
Allir salir hússins eru búnir sérstökum tónmöskvum sem gera notendum heyrnatækja kleift að heyra betur það sem fram fer.
Leikárið 2023-2024
Útgefandi: Borgarleikhúsið
Leikhússtjóri: Brynhildur Guðjónsdóttir
Ábyrgðarmaður: Guðný Steinsdóttir
Ritstjórn: Alexía Björg Jóhannesdóttir, Halla Björg Randversdóttir og
Maríanna Clara Lúthersdóttir
Umsjón með textagerð: Magnús Þór Þorbergsson og Maríanna Clara Lúthersdóttir
Prentun: Svansprent
Ljósmynd á forsíðu: Svenni Speight
Stílisti á forsíðu: Filippía Elísdóttir
Leturgerð: Sharp Grotesk
Hönnun: Brandenburg
Innihald blaðsins er birt með fyrirvara um breytingar.
borgarleikhus.is
Sími: 568 8000
Listabraut 3 103 Reykjavík
Fylgdu okkur á Facebook og Instagram: @borgarleikhusid
Bakhjarlar
Borgarleikhúsið er rekið með sérstökum rekstrarsamningi við Reykjavíkurborg sem gerir leikhúsinu kleift að bjóða landsmönnum upp á metnaðarfullt og skapandi leikhús. Jafnframt er stuðningur eftirtalinna fyrirtækja ómetanlegur.