12 minute read
L’istorgia dals fils in Engiadina Bassa
Ils Vitals da Sent in Engiadina Bassa d’eiran pioniers in quai chi s’tratta muontar fils per transports da laina. Eu less raquintar quia da mias experienzas fattas in connex cun tals fils.
Mario Riatsch
Advertisement
Meis badat Not Vital (1846–1921) vaiva la derivanza d’Uina dadaint. Ils «Ruinas-chs», sco ch’els gnivan nomnats, d’eiran glieud fich simpla e lavuriusa. El possedaiva a Sur En duos resgias chi servivan a resgiar il lainom our dals gods da Sent. Davo ha el fabrichà eir amo üna resgia our in Val da Muglins sur la stradella. A Sur En vaiva’l eir ün muglin. I vegn quintà ch’el custodiva il muglin e la resgia in üna jada. El vaiva installà üna s-chellina chi communichaiva cur cha’l gran aint il tantermozza d’eira a fin. Davo avair impli il gran tuornaiva’l darcheu in resgia per continuar sia lavur. Ün oter raquint da sar Jon Vonmoos descriva la grond’abiltà cha quaist hom avaiva per elavurar il lainom: Per cuvrir ün tet in Uina dadoura tagliet el là la laina, tilla manet oura Sur-En per resgiar oura assinas, transportet talas darcheu inaint e fet sü il tet dubel per predsch modest da fr. 4.50/m². Pür l’on 2005 es gnü darcheu refat il tet da Johann Tschalär. In quel connex n’haja pudü salvar ün toc da la chanal dal tet cun aint las inizialas da meis badat «N.V. 1910». Cur ch’el es dvantà amalà intuorn il 1921 haja’l dit ils seguaints pleds: Cur cha l’hom nun ais plü abel al lavur nun ha el plü pers nöa sün quaist muond. Id ais da murir. Dals tschinch figls da meis badat Not, jertettan trais üna resgia. Il quart il muglin e meis tat, il plü vegl, Otto, gnit exclus da la jerta, perquai cha meis badat tmaiva ch’el fess massa gronda concurrenza als fradgliuns. Dal 1910 dürant la fabrica da las Gallarias es eir gnü tendü ün filfier 8mm sü da la val da la Stüra. Quai sarà stat ün dals prüms fils a lunga distanza cha meis tat Otto varà tendü. Causa cha la val fa üna storta stuvaiva la chargia gnir inviada dasper l’ancoragi via e’l crötsch pichà aint il prossem fil chi manaiva lura fin giò sün la via da Prà pitschen. Da meis bazegner Mario n’haja las plü bleras algordanzas. El ha eir cumanzà cun transports da laina. Il prüm cun fils «Valtellina», davo cun oters indrizs plü nouvs cun generatur da diesel e tuorns in tuot las variaziuns. El possedaiva üna resgia ad Ardez. Là ha’l taglià aint blera laina pellas ouvras chi dovraivan mantunadas da laina per far las armadüras aint ils tunels. Plüs gronds tagls ha Mario Vital surtut quia illa regiun. Quai impustüt eir davo dons da lavinas sco p. ex. our il Vinadi. Là vaiva üna lavina devastà cumplettamaing il god. Bezegner quinteva cha’ls boffs vevan soflà la laina fin sü pro las gallarias da la via chi maina da la Kajetansbrücke a Danuder. Ma eir da greivs accidaints nun es meis bazegner restà schanià. Pro üna lavur cul fil aint vers l’Acla da Fans es saglida la sua chi porta our da la sella e toc a meis bazegner plainamaing giò pel cheu e spadla. Üna part da la pel dal cheu ed ün’ureglia as vevan distachadas dal cheu. Pers via til hana trat sü da la costa sülla via da Samignun. Da là a struozchas fin oura Vinadi e lura chargià i’l jeep e manà a Scuol a l’ospidal. Cun gronda furtüna ha’l survivü quaist discapit. La paja nu d’eira eir na la plü gronda in considerant che privels cha’ls lavuraints vaivan da tour sün sai. El quintaiva cha la paja d’ün di d’eira ün tschincun.
La staziun sura da la Valtellina, ingio chi gniva tachà aint la laina vi dals charins. (Fotografias: Missas a disposiziun da Mario Riatsch)
O dit oter: 50 raps l’ura. E quai natüralmaing sainza ils viadis sül e tuornar dal lö da lavur. Meis bazegner es i lura in pensiun dal 1975 cur ch’eu vaiva 5 ons. Da là davent n’haja passantà bleras uras cun el in reisgia sü Ardez ma eir aint ils gods intuorn Sent. Alch chi’m fascineva fich d’eira ir cun bazegner a far laina dad arder. La gronda part da la glieud rumiva la romma e toccaria lung las vias da la vart sura ingiò chi d’eira bler plü cumadaivel. Quai d’eira pro meis bazegner oter. Cun seis indschign da fils, tschirellas, suas e.o.p. as drizzeva’l aint, usche chi’s pudaiva cun pac sforz trar sü la romma e toccaria chi d’eira suot la via. El dschaiva eir: «la bella romma da larsch as rechatta là ingio cha la majorità da la glieud nu n’ha ils mezs per tilla racoglier». Dad uschè ün’ acziun am regorda amo fich bain: Sü da la via da Dartos vaiva la gruppa da cumün fat ün tagl da laina dürant l’inviern. Cur chi’d es lura gnü dat liber il god per ramassar la romma, quai chi d’eria fich retscherchà da quel temp, eschna eir no its sü Dartos cun seis Opelin beige. Aint il porta bagagl diveras suas, 2 zapins ed üna tschirella. La tschirella gniva francada vi d’ün bös-ch sur la via. Cun ün toc lizza da ca. 80m passeva eu lura da la costa giò fin pro ün dals mantuns ch’el veva pinà e sigilà cun las inizialas «MV» Cun üna sua plü fina giraiva intuorn quaist mantun. Eu vez amo precis meis bazegner sül ur da la via guardond scha seis abeadi franca inuorden la legna. Il cumanzamaint dal fil gniva tachà cun ün’anza indretschada vi dal crötsch dal Opel. Bazegner sezzaiva lura aint il
La staziun suot Ardez, ingio cha la laina gniva lura eir sortida tenor ils differents sortimaints.
auto e natüralmaing be sainza motor, be cul pais dal auto as mettaiva’l in movimaint da la via gò. Per ch’eu nu veva da chaminar sü e pudaiva uschea spargnar forzas, am tgnaiva vi dad ün rom chi pendaiva oura ün pa. In paca pezza vaivna uschea üna bella mantunada romma sü immez la via. Quella gniva lura tagliada culla resgia a motor fingià sülla lunghezza da la platta e lovada bain aint il porta bagasch. Che sotisfacziun cha quai am daiva e che baja cur ch’ün porta bagasch d’eira darcheu impli cun romma. Cun bazegner inspizzaiva eir suvent il magazin Marugg, chi’s rechatta sül stradun pro la punt chi maina sur il Tasnan via. Aint in quel magazin d’eira üna pruna da scuvrir. Da tuotta sorts tschirellas, dublase triplas. Crötschs in tuottas fuormas ma eir ün dals prüms Motors Deuz dals ons 30 amo avant la 2. guerra mundiala. Üna gonda quantità da bobinas cun suas da tuottas grossezzas e lunghezzas. Eu n’ha amo uossa la savur dal grass chi serviva per uondscher tuot quista roba, aint il nas. Usche s’ha svilupà pro mai l’interess da lavurar cun fils. In meis giarsunadi a Scuol possedaiva il cumün eir ün indriz Bacco per far transport da laina. Là n’haja pudü imprender üna pruna da nos capo lavuraint, A. Zürcher. Ils blers transports illa regiun gnivan effetuats tras ditas privatas ed accordants. La gronda part da quaists lavuraints derivaivan da la val Passaria. Ma eir las dittas indigenas Janett, Gross … d’eiran in quel temp ils specialists. Eu d’eria fich cuntaint da pudair güdar a metter sü minch’on divers fils convenziunals.
Culla Valtellina vain transportà la laina sur l’En, nan dal god Maria Pitschna/Clauter, fin pro la fabrica veglia suot Ardez.
Davo fini meis giarsunadi sco bos-cher, n’haja fat mia pracha da taglialaina a Ramosch ed a Lavin. Eir là suna gnü in contact culs Guflers chi d’eiran da quel temp fich capabels per gestir ils fils. Adonta amo adüna cun vegls indrizs gniva transportà la gronda part da la laina cul fil convenziunal. Mias prümas experienzas cun fils mobils n’haja lura fat a la scoula da silvicultur a Maiavilla. Eir là d’eira meis tema predilet, il transport da laina cul fil. Da nos docent e «pappa da fils», Ruedi Aggeler, pudessa quintar diveras episodas. Uschè es quai i inavant ed eu sun stat per 2 ons silvicultur a Vicosoprano e per 21 ons pro’l cumün da Sent ed a la fin pro’l cumün fusiunà dal cumün da Scuol. Dürant qaist temp n’haja güdà a metter sü üna pruna fils, la gronda part fils convenziunals. In conex culla fusiun dals cumüns intuorn Scuol as haja eir pudü reorganisar il servezzan forestal ed investir in mezs fich moderns chi correspuondan a la tecnica d’hozindi. Il cumün posseda 2 fils convenziunals Wyssen ed ün grü mobil da la firma Konrad (KMS 4000U). Daspö bundant 10 ons suna ingaschà sco instructur da fil pella scolaziun da giarsuns ed expert per tour gio examends dals specialists per fil (Seilkraneinsatzleiter). Il svilup va inavant e mechanisaziun ed eir l’electronica nu ferma a l’ur dal god. Las maschinas davaintan adüna plü modernas e la prestaziun crescha. La rendita dal god pero as diminuescha continuadamaing. I nun es hoz bod na plü pussibel da far ün tagl da laina cun agüd dal fil sainza cha quel es defficitari. E quai adonta tuot la technologia.
Dürant ils ultims ons lavura bler insembel eir cun meis basdrin Nemorino Gianotti. El es creschü sü giò’l Tessin ed es eir specialist da fil. El maina üna pitschna dita ed es capocuors pro’ls giarsuns Tessinais. Usche as vezza cha eir da quella vart es i inavant l’entusiassem pella lavur cul fil. Amo hoz as vezza ils stizzis d’als vegls fils in nossa regiun. Per ex. In Val d’Assa, sü Pramaran, vi La Foppa e.o.p. Per cha quists indrizs nu van dal tuot in invlidanza n’haja refabrichà üna «Valtellina» sco model a Sur En Sent. Quist proget es gnü realisà dal 2008 in connex cullas eivnas da God da Sur En. Il model es ca. 300m lung e transporta laina ruduonda dal Plan da la Jürada fin giò’l Plan da l’Ogna. La «Valtellina» vegn missa in funcziun pro differentas occurenzas. Plünavant es quai ün’ulteriura sporta illa regiun dal camping Sur En, chi spordscha fingià uossa diversas attracziuns. La «Valtellina» es eir ecologicamaing fich interessanta. Ella funcziuna plainamaing sainza energia. Causa la pendenza tira üna chargia l’otra e metta uschea in funcziun tuot il sistem. Ün simil proget exista eir fingià a Talamona in Valtellina. No vain visità quista teleferica culla gruppa god Engiadina Bassa insembel cun noss schefs da god l’on 2004. Dal 2008 vaina lura relisà a Sur En Sent sper il camping il proget manzunà survart.
Il fil da la Foppa 1945
La cumischiun per provedimaint da lavr dürant la 2. guerra, relaschà dal cussagl cumünal da Sent Tanter oter staja scrit in quel documaint (suot punct 6) il seguant: Cun quai cha tuots fabricats privats sun gnüts sistits causa la mobilisaziun es stat il cumün costret da pisserar per lavur per la populaziun giuvna e per quels chi survgnivan alternativmaing alch temp congedi da militar. Sün racumandaziun da las instanzas superiuras ha il cumün tut a fit trais fuorns per arder charbun. Quels sun gnüts miss in funcziun in Val Lavèr. Üna gruppa da lavuraints tagliaiva là laina, till’ardaivan a charbun e’ls vitürins manaivan ils sachs da charbuncul tragliun fin a la staziun da Scuol. Ün otra squadra da taglialainas, rinforzats cun var 10 Polacs internats han manà tras duos gronds tagls, ün vi la Chavrida’e l’otravi la Foppa. Cun ün fil dad 1,8 km lungezza ha Mario Vital condot quella laina fin jo sülla via chantunala a Chanals, tanter Scuol e Crusch. Davent da là han ils vitürins manà tuot a la staziun da la viafier, ingio cha la zondra gniva resgiada sü in bloccins per nudrir las pignas a gas in ils camiuns ed autos da posta. La reacziun cun gas prodüts svessa güdaiv’a spargnar benzin.
Hier noch einige Erzählungen von meinem Grossvater Mario Vital, und anderen Leuten, welche ich im Archiv Cultural EB in S-chadatsch gefunden habe:
Der Seilzugtransport
Mario ist am 5. Mai 1910 geboren. In den Jahren 1928/29 hat mein Vater Otto Vital die Seilzugtransportfirma gegründet. Es galt, zuerst sämtliches Material wie Motor und Seilwinde in das Holzschlaggebiet hinaufzubringen. Wegen fehlender Erschliessung konnten Pferdefuhrwerke nur beschränkt eingesetzt werden. Manchmal half uns das Militär. Bei der Errichtung der Bergstation achteten wir darauf, dass möglichst wenige zusätzliche Bäume geschlagen werden mussten. Vom Standort der Seilwinde zogen die Arbeiter das Zugseil bis zum Inn. Mit einem Stein wurde eine Schnur über den Inn geworfen, um anschliessend das an der Schnur befestigte Seil hinüberzuziehen. Das Tragseil und der Laufwagen konnten dann am gespannten Seil hinübergebracht werden. Anschliessend wurde das Tragseil an einem Baumstamm befestigt, der ungefähr zwei Meter tief in die Erde eingegraben war, dem sogenannten Totmannanker.
Der tägliche Arbeitsweg über den Inn war bisweilen auch etwas abenteuerlich.
Der Holzschlag am Clauter
Im Jahre 1935 vergab man meinem Vater (Otto Vital) einen Stockschlag auf dem Clauter. Die Gemeinde hatte diesen Schlag zu einem Franken pro m3 vergeben. Die Arbeit bestand darin, das Holz zu schlagen, es über den «Plan da Clauter» zu schleifen und anschliessend durch den «Fasten Grond» hinunterzureisten. Dann folgte der Weitertransport mit Pferdefuhrwerken auf der Strasse von Val Sampuoir bis zur Bergstation des Seilkrans, um dann mit dem Seilzug bis zur Ziegelfabrik unterhalb der Mühle transportiert zu werden. Schliesslich brachten die Fuhrmänner das Holz bis zum Bahnhof, wo es meist sofort auf die Züge verladen wurde. Das Sägeholz wurde der Firma Hefti in Zürich geliefert. Das Brennholz wurde zu Fr. 36.– je Klafter direkt vor die Haustüre der Käufer gebracht. Aus der Buchhaltung von Herrn Otto Vital sind unter anderem folgende Einträge aufgeführt: – Seilspannen und Holz verladen: Fr. –.70/Std. – Tagelohn für Holzfäller: Fr. 6.– bis 7.–Eu spresch cha eir in nossa regiun as poja eir inavant gestir ils gods cun fils. Ch’eir ils cumüns spordschan a lur giarsuns pussibiltats da lavur e far lur experienzas cun quaist möd da transport e cha ün o tschel as lascha motivar da far la scolaziun sco spezialist da grüs da laina. (Seilkranspezialist)
