Sterkari í starfi - Haust 2022

ENDURMENNTUN er leiðandi á íslenskum símenntunarmarkaði og framboð námskeiða er mikið og fjölbreytt. Við leggjum metnað okkar í að mæta væntingum viðskiptavina og höfum virk tengsl við Háskóla Íslands, atvinnulíf og samfélag.

Bæklingurinn Sterkari í starfi er einungis gefinn út á rafrænu formi og inniheldur fjölbreytt námskeið á mörgum fagsviðum, sem hugsuð eru fyrir fólk til að efla sig í starfi.

Endurmenntun hefur undanfarið stóraukið úrval sitt á fjarnámskeiðum og í bæklingi þessum verða þau námskeið sem öruggt er að verði kennd í fjarkennslu merkt með myndavélatákni. Fjarnámskeiðin fara fram í rauntíma í ZOOM þar sem þátttakendur geta tekið virkan þátt í umræðum með kennara.

ÁTT ÞÚ RÉTT Á STYRK FRÁ STÉTTARFÉLAGI TIL AÐ SÆKJA NÁMSKEIÐ EÐA NÁM? Stéttarfélög styrkja félagsmenn sína til að sækja nám og námskeið. Einnig veitir Vinnumálastofnun styrki til ýmissa námstækifæra. Endurmenntun hvetur alla til að sækja sér þá styrki sem þeir eiga rétt á. Hafðu samband við þitt stéttarfélag og kannaðu málið!

Ritstjórn: Þórunn Arnaldsdóttir Ábyrgð: Halla Jónsdóttir endurmenntunarstjóri Umbrot: Sigrún K. Árnadóttir Innihald bæklingsins er birt með fyrirvara um breytingar.

SÉRSNIÐNAR FRÆÐSLULAUSNIR

Endurmenntun Háskóla Íslands hefur þjónað atvinnulífinu í áratugi og er í stöðugu samtali við fyrirtæki, stofnanir og fagfélög um þarfir fyrir fræðslu.

Þetta endurspeglast í fjölbreyttu framboði EHÍ og hægt er að panta stök námskeið þaðan fyrir tiltekna hópa. Einnig er boðið upp á sérsniðnar fræðslulausnir sem geta m.a. innifalið:

• Greiningu markmiða og þarfa – innihald fræðslu og kennsluhættir

• Hönnun fræðslu í takt við þarfir

• Undirbúning og framkvæmd fræðslu

• Mat á árangri – eftirfylgd

ÁVINNINGUR

Stjórnendur nútímans eru meðvitaðir um að þekking og hæfni starfsfólks er grundvöllur árangurs. En fræðsla er fjárfesting og það skiptir máli að tímanum sé vel varið. Mikilvægt er að vinna faglega að undirbúningi og framkvæmd fræðslu svo að hún skili því virði sem henni er ætlað. Þegar fyrir liggur að fræða þurfi hóp starfsmanna um tiltekið efni er ástæða til að íhuga sérsniðnar lausnir en ávinningur þess felst m.a. í því að þær: Hitta beint í mark

• Svara sértækum þörfum um fræðslu hvað varðar bæði innihald og kennsluhætti

• Taka mið af stefnu og starfsemi hvers fyrirtækis (markmiðum, menningu, aðstæðum, tíma o.fl.)

Sveigja sig að aðstæðum

• Fræðslan fer fram á þeim tíma sem hentar best.

• Góð aðstaða er fyrir hendi í húsnæði Endurmenntunar en

einnig er sjálfsagt að koma með fræðslu inn í fyrirtæki og stofnanir ef það hentar betur.

• Stafrænar fræðslulausnir gefa starfsfólki kost á að velja stað og stund sem hentar þeim best.

Efla liðsheild

• Skapar vettvang fyrir fólk til að vera samferða í fræðslu, taka umræður og hafa gaman.

Tryggja fagmennsku

• Hjá Endurmenntun starfa sérfræðingar í fræðslu með þekkingu á kennslu, áralanga reynslu af þarfagreiningu, undirbúningi og öllum þeim smátriðum í framkvæmd fræðslu sem skipta sköpum þegar á hólminn er komið.

• Þarfagreining er ávallt unnin í góðu samstarfi við tengilið þess fyrirtækis eða stofnunar sem um ræðir.

• Endurmenntun starfar með kennurum sem eru hæfustu sérfræðingar á hverju sviði, bæði úr háskólasamfélaginu og atvinnulífinu.

Gera árangur mælanlegan

• Skýr markmið með fræðslu og faglegur undirbúningur eru grundvöllur þess að hægt sé að meta árangur hennar.

• Endurmenntun leggur áherslu á að fylgja því eftir hvort markmiðum með fræðslu hafi verið náð og hefur til þess viðeigandi verkfæri.

Ef óskað er eftir nánari upplýsingum um sérpöntuð námskeið og/eða sérniðnar fræðslulausnir þá vinsamlegast sendið póst á endurmenntun@hi.is

NÁMSKEIÐ FYRIR STJÓRNENDUR

MEÐ MARGARET ANDREWS

Margaret Andrews frá Higher Ed Associates, býr yfir gríðarlegri reynslu af leiðtogaþjálfun og stjórnun og er meðal þeirra fremstu á sínu sviði. Hún var áður deildarforseti við Harvard háskóla og kennir þar reglulega en einnig stýrði hún MBA náminu í MIT. Andrews starfar sem kennari, ráðgjafi og fyrirlesari víðs vegar um heiminn þar sem hún er eftirsótt fyrir sérfræðiþekkingu sína á stjórnendastarfinu.

Í nóvember býður Endurmenntun stjórnendum að kaupa sérsniðna þjónustu í samstarfi við Andrews þar sem hægt er að velja úr þremur námskeiðum sem hægt er að laga að þörfum hvers fyrirtækis. Dagarnir sem námskeiðin eru í boði eru 2. – 4. nóv. en hægt er að hanna þau allt frá hálfum degi upp í þrjá heila daga. Námskeið Andrews eru eftirfarandi:

LEADING FOR CREATIVITY AND INNOVATION PROGRAM

Hér er fjallað um hvernig stjórnendur geta nýtt sér aðferðir sköpunarferlisins (e. creative process) til að virkja sköpunarkraft og nýsköpun starfsfólks síns. Námskeiðið er lifandi og hvatt er til virkrar þátttöku í umræðum og æfingum innan hópsins.

MANAGING YOURSELF AND LEADING OTHERS

Hagnýtt námskeið um grundvallaratriði stjórnunar. Farið verður ítarlega í allar hliðar stjórnunarstarfsins og hvernig er hægt að þjálfa upp lausnamiðaða stjórnarhætti.

GAME-CHANGING LEADERSHIP

Námskeið fyrir stjórnendur sem vilja brúa bilið á milli mismunandi kynslóða og menningarheima á vinnustaðnum og leiða starfsfólk sitt í átt að framtíðinni. Farið verður í breytingastjórnun og hversu mikilvægt það er fyrir stjórnendur að þora að stokka upp í gömlum hefðum og venjum.

Námskeið Andrews hafa ávallt fengið afar góðar viðtökur hér á landi en fyrrum þátttakendur hafa meðal annars þetta að segja: Frábær kennslutækni sem er til algjörrar eftirbreytni.

Andrews is one of the best teacher I have ever had.

Motivational, inspiring. Best training I have attended. I think she is brilliant. She knows so much about the subject and her experience is so vast it’s impressive. She can discuss for hours and explain without even having notes.

Áhugasamir geta haft samband við endurmenntun@hi.is Þeir sem vilja kynna sér stjórnun og leiðtogaþjálfun með Andrews án þess að nýta sér sérsniðnu lausnirnar geta skráð sig á námskeiðið Leading with Emotional Intelligence sem er á dagskrá Endurmenntunar í haust.

FINNUR ÞÚ EKKI NÁMSKEIÐIÐ SEM ÞIG VANTAR?

Það er mikilvægt að námskeiðsframboð EHÍ sé ávallt í takt við eftirspurn og áhuga viðskiptavina okkar. Starfsfólk Endurmenntunar er stöðugt á höttunum eftir nýjum hugmyndum að spennandi námskeiðum og námskeiðsframboðið er í sífelldri þróun. Ef þú ert með hugmynd að námskeiði eða fræðslu sem er vöntun á, endilega smelltu á hlekkinn hér að neðan!

HUGMYNDABANKI