Actividades da Biblioteca 2019 - 2020

Diálogo

EOI Ferrol Número 18 ANO 2020

Biblioteca

www.eoiferrol.org

Actividades da Biblioteca da EOI Ferrol 2019-2020

15

EOI Ferrol

Número 18 ANO 2020

Diálogo

Este curso seguimos coa vontade de ter unha biblioteca aberta e dinámica ao servizo de toda a comunidade educativa do centro de Ferrol e tamén das seccións de Cedeira e das Pontes. Aquí vai un pequeno resumo das actuacións e das actividades que se foron realizando. Temos que agradecer especialmente o labor do voluntariado. Por mor dos prazos de maquetación desta revista, só aparecen as actividades do primeiro semestre.

Outubro 2019

Formamos @s 10 voluntari@s (alumnado da escola) e ao profesorado que fan que este curso a biblioteca estea aberta tódolos días, de luns a venres, pola mañá e pola tarde (agás venres pola tarde). Preparamos as “mochilas” de material para o alumnado da extensión das Pontes. Actualizamos a información sobre as actividades e outras novidades no taboleiro que está no corredor diante da biblioteca, no apartado da biblioteca na páxina web www.eoiferrol.org e no noso perfil de Facebook.

Cando comezaron as actividades, fixérono coas seguintes iniciativas: as charlas case semanais en diferentes idiomas da Asociación Cultural Goethe e un obradoiro de italiano ofertado pola asociación L’Armata Brancaleone.

Speaking con Sarath no que presentou o seu país, a India (03/10/19) Cartaz do obradoiro de italiano (29-30/10/19)

Colaboramos co PHIL, o proxecto Europeo Erasmus+, celebrando o día mundial da alimentación (o 16 de outubro) con diversas actuacións: decorouse a vidreira, expuxéronse os fondos da biblioteca sobre o tema e organizouse unha videoconferencia en inglés sobre o tema da alimentación co centro colaborador no proxecto da República Checa .

Biblioteca

EOI Biblioteca

EOI Ferrol Número 18 ANO 2020 www.eoiferrol.org

Día mundial da alimentación: vidreira, exposición de fondos e videoconferencia coa República Checa

Novembro 2019

Este mes comezaron os clubs de lectura nos diferentes idiomas da escola. Xa dispoñemos de 4 lectores electrónicos (mercamos un máis) que circulan moi ben e que son demandados sobre todo cando os exemplares en papel están todos emprestados.

Biblioteca

Cartaz do concurso, entrega de premios e fotografía da vidreira c@s gañador@s

En resposta a unha petición que viña na enquisa final do curso anterior, este mes adquirimos e instalamos unha caixa para que @s usuari@s poidan facer as devolucións aínda que a biblioteca estea pechada.

Caixa de devolución

www.eoiferrol.org

EOI Biblioteca

EOI Ferrol Número 18 ANO 2020

Cartel anunciando o mercado solidario e foto do día de apertura

Decembro 2019

Este mes centrámonos na organización do mercado solidario. Puxemos á venda moitas obras (sobre todo libros e algún dvd, cd…) que foron doadas por membros de toda a comunidade educativa durante o mes de novembro e logramos unha boa de recadación para a Cociña Económica de Ferrol grazas aos donativos de todos. Aproveitamos para adquirir algúns adornos para mellorar o decorado de Nadal e para facer da biblioteca un espazo máis atractivo.

O Club de Lectura de Galego convidou á autora Emma Pedreira, que veu presentar a súa novela As fauces feroces.

Club de galego con Emma Pedreira (13/12/2019) Sorteo da viaxe de proxecto PHIL (20/12/2019)

Tamén se organizou o sorteo de alumnado para participar na viaxe á República Checa co Proxecto Erasmus+ PHIL e o Departamento de Alemán celebrou o seu 25º aniversario cunha videopresentación, unha mesa redonda e actividades interactivas.

25º aniversario do Departamento de Alemán (20/12/2019)

Biblioteca

EOI Biblioteca

EOI Ferrol Número 18 ANO 2020 www.eoiferrol.org

Xaneiro 2020

Entregamos o premio do mellor lector do semestre a Luisa G., estudante de galego A2, e o seu profesor fíxolle unha pequena entrevista na clase c@s compañeir@s de aula. Ademais solicitamos a colaboración d@s usuari@s da biblioteca para realizar vídeos recomendando lecturas ou películas nos diferentes idiomas da escola. Colaboraron alumnado e profesorado e usamos a rede Facebook para difundilos.

Febreiro 2020

Este mes contamos coa presenza do autor Fran P. Lorenzo no club de lectura de galego dedicado a súa novela Cabalos e lobos.

Club de lectura de galego de Cabalos e lobos con Fran. P. Lorenzo

Biblioteca

Marzo 2020

O mes de marzo o Departamento de Italiano ten previsto varias actividades na biblioteca: presentación dun libro, charla durante as xornadas culturais e videoconferencia literaria. O Departamento de Francés organizará tamén unha sesión de “café literario” durante as xornadas culturais.

Ademais a finais de mes toda a comunidade educativa participará na celebración do día mundial do teatro (27 de marzo).

Carteis das actividades de italiano

Abril-Xuño 2020

Seguimos traballando para vós, cos clubs de lectura e as conversas en diferentes linguas, co concurso de microrelatos, coa celebración das Letras Galegas, coa colaboración no Proxecto Europeo PHIL, cos premios @s mellores lector@s e máis…

Moitas grazas a tod@s: alumnado voluntario, profesorado colaborador, departamentos e asociacións de alumnado que participan activamente na dinamización da Biblioteca da EOI de Ferrol.

Virginia Fernández (Coordinadora da Biblioteca da EOI Ferrol)