Actividades da Biblioteca 2020 - 2021

EOI Ferrol

Número 19 ANO 2021

Diálogo

Biblioteca

www.eoiferrol.org

Diálogo

114

EOI Ferrol Número 19 ANO 2021

Virginia Fernández

Actividades da Biblioteca 2020-2021

Responsable da Biblioteca EOI Ferrol

Neste curso tan especial, a nosa biblioteca viuse moi afectada polas restricións debidas á situación de pandemia. Notouse sobre todo a falta de xente, dado que os clubs de lectura non son presenciais e que non se organizan charlas nos diferentes idiomas da escola como adoitaba facelo semanalmente a Asociación cultural Goethe. A biblioteca séntese baleira. Así e todo, ante a necesidade de adaptación, con pequenas pinceladas logramos preparar e organizar “cousiñas xeitosas”.

Outubro

Abrimos a finais de outubro coas medidas de hixiene e distanciamento necesarias: elaboración de carteis co protocolo sanitario, acondicionamento de produtos desinfectantes e panos de limpeza, sinalización dos asentos, preparación de caixas de corentena para as devolucións...

Sala de lectura

Cartel do protocolo sanitario / Caixa de corentena para devolucións

Biblioteca

Outra novidade é a apertura da Sala de Lectura no segundo andar. Esta sala permanece sempre aberta. Nela habilitouse un andel de auto-empréstito con lecturas en diferentes idiomas.

Formamos ao voluntariado (8 alumnos/as da escola) e ao profesorado novo, grazas aos que este curso a biblioteca pode estar aberta todos os días, de luns a venres, pola mañá e pola tarde (agás venres pola tarde), contando dese xeito (cun horario amplo) para ofertar un mellor servizo.

Novembro 2020

Seguindo as suxestións da enquisa do curso anterior e as instrucións das autoridades, procedemos a fomentar as actividades en liña e a dixitalización da biblioteca.

Comezamos os clubs de lectura: algúns en liña dende a biblioteca, outros cos grupos estables nas aulas.

Club de lectura de Inglés en liña e cartel

Presenza nas redes sociais

Creamos o perfil de Instagram que sincronizamos co perfil de Facebook para atinxir a público máis novo e difundir as nosas novidades e actuacións.

Elaboramos trípticos dixitais con recomendacións de lecturas integrais (pensados para alumnado de ni-

www.eoiferrol.org

EOI Ferrol Número 19· ANO 2021· Páxina 115

vel B2 e superior) en todos os idiomas. Os trípticos foron enviados en pdf ao profesorado correspondente e colgados na sección da biblioteca na páxina web da EOI Ferrol.

Decembro 2020

Este ano, non puidemos celebrar o tradicional mercado solidario de Nadal entón decidimos organizar unha recollida de alimentos para a Cociña Económica de Ferrol. A participación foi satisfactoria pois xuntamos unhas oito caixas de alimentos variados.

Cartel da recollida solidaria

Saixas cos alimentos Seccións na web da EOI Ferrol

Xaneiro 2021

Este mes inauguramos na páxina web da EOI Ferrol a sección de Lecturas en liña. Nela atoparedes ligazóns a páxinas non só de literatura senón tamén de prensa, cociña, viaxes, historia... para ler na vosa lingua de estudo.

Febreiro 2021

O mes anterior pedimos a colaboración do alumnado para organizar unha mostra de fotografía titulada “A Escola da miña infancia”. Buscabamos imaxes que reflectiran a escolaridade e a súa evolución a través diferentes lugares e diferentes épocas. En total xuntamos 21 fotos, dende Ferrol ata Brasil, pasando por Asturias, Madrid, París, Londres, Alemaña, os Estados Unidos... dende os anos 60 ata a época actual: un resultado moi significativo e interesante. A exposición montouse na vidreira da biblioteca durante o período de suspensión das clases presenciais, por iso tivemos que elaborar unha presentación dixital que se mandou por correo electrónico á comunidade educativa e do mesmo xeito retrasouse a entrega de premios.

Mostra de fotografía: vidreira, gañadoras, entrega de premios

Marzo 2021

O departamento de Galego organizou o club de lectura da obra Seique en liña coa participación da

Biblioteca

Páxina 116 · EOI Ferrol Número 19 · ANO 2021 www.eoiferrol.org

autora Susana Sánchez Aríns por videoconferencia. Na biblioteca asistiu ao encontro virtual o alumnado de galego C2.2.

Carteis da videoconferencia de galego e do día mundial do Teatro

Para celebrar o día mundial do teatro (o 27 de marzo) organizamos a Semana do Teatro do 22 ao 26 de marzo que consiste en dar visibilidade a este xénero literario con actividades diversas: lectura dunha escena dunha obra (cada profesor/a decide a que convén mellor segundo os grupos) en todas as aulas e en todas as linguas da EOI Ferrol, exposición na biblioteca dos fondos dispoñibles sobre teatro para emprestar e charla sobre obras concretas nos clubs de lectura de francés e de galego.

Abril-Xuño 2021

Cando remitimos este artigo para a súa publicación, aínda non rematou o curso. Aínda así adiantamos as actividades que esperamos poder facer sempre e cando a situación sanitaria nolo permita.

Esperamos organizar o concurso de microrelatos en abril, entregar o premio ao mellor lector en maio, celebrar as Letras Galegas e máis...

Graciñas a todos/as pola vosa colaboración e participación!