FCE Nuusbrief Maart 2010

2010

FCE NUUS MAART Liewe Gebedsondersteuners Die FCE Personeelkonferensies wat tweejaarliks plaasvind vorm ‘n integrale deel van die organisasie se karakter. Tydens hierdie konferensies ontmoet ons mekaar op hartsvlak en kry ons begrip vir mekaar se lief en leed. Ons skep ‘n eilandsituasie waar ons ongestoord die Here se aangesig soek om te toets of al ons werksaamhede nog binne God se visie vir FCE inpas. Die konferensie bied ook ‘n platform vir die personeel om openlik en eerlik hul harte te deel en om mekaar in liefde te versterk, te vermaan of te bemoedig. Dit is FCE se bergtop-ervaring om ons voor te berei om terug te keer na die vallei waar ons geloof, ons toewyding en volharding deur die jaar getoets word.

Ons het hierdie konferensie met dieselfde entoesiasme en toewyding binnegegaan as vorige jare, min wetend dat elkeen in die organisasie soos deur vuur heen gelouter sou word. Van die oomblik wat die ramshoring geblaas is om die opening van die konferensie aan te kondig en die banier met die leuse, “Consider Your Ways,” gehys is, was ons bewus van God se Heilige Teenwoordigheid. Met vrees en bewing het ons tot Hom genader en het Hy ons harte, ons gedagtes en ons motiewe gefynkam.

Ons het weer soos so dikwels tevore besef dat God erns maak met die opdrag wat Hy vir al Sy kinders gegee het. Hy is nie beindruk met ons “goeie werke” nie, Hy soek nie ons offers nie, wat Hy van ons verwag het Hy ook van Dawid destyds verwag: “die offer wat U wil hê o God, is verootmoediging: U sal ‘n hart vol ootmoed en berou nie gering ag nie.” (Ps. 51:19). Die tyd het aangebreek dat ons as gelowiges besef dat die Evangelie nie vir ons gegee is vir eie gewin, vir gerief en gemak of vir selfsugtige voordeel nie. Die wêreld om ons stort in duie, mense se lewens is in chaos en die Evangelie wat ons verkondig, maak geen verskil in hierdie wêreld nie: omdat ons die Evangelie afwater, omdat ons die guns van mense soek; omdat ons die Evangelie tot ons eie voordeel misbruik en omdat ons hierdie wêreld liewer het as die Skepper van hierdie wêreld.

Hoe meer die duisternis in hierdie wêreld toeneem, hoe helderder moet die lig skyn. En om ons lig te laat skyn, vra uithou, aanhou en vashou. Ons kan nie aanspraak maak op rus nie, ons sal dubbel so hard moet werk. Ons het nie beursies om saam te dra nie en ons kan nie terugval op versekerings nie. Ons kan nie na ons eie belange omsien nie, want God se belange is ons prioriteit, ons kan nie ons eie huise begin bou nie, want Sy huis lê in puin. Ons het die werklikheid van dissipelsmaak vierkantig in die oë moes kyk en het Jesus hoor sê: “As iemand agter My aan wil kom, moet hy homself verloën, sy kruis dra en My volg”. (Mark. 8:34) Met hierdie boodskap kom ek na julle, ons gebedsondersteuners, diegene wat deur die Here oortuig is om ons hande te vat, om ons rug toe te maak en ons mede-werkers in die uitbreiding van Sy Koninkryk te wees.

Bereken die koste – ons het jul ondersteuning baie nodig.

Neels

KING’S HIGHWAY KUNSUITSTALLING SOMERSET WES GASTEHUIS

17 - 21 MAART 2010 (9:00 - 21:00)

‘n Verskeidenheid van kunswerke van verskeie kunstenaars sal te koop wees Kom en geniet kwaliteit kuns, ons teetuin Navrae: 0218515318 en King’s Highway gasvryheid. www.kingshighway.co.za

FCE TWEEJAARLIKSE PERSONEELKONFERENSIE

Die tema van die Konferensie : Consider your Ways : Op 4 Januarie 2010 word die FCE Konferensie op Hodygos Namibië geopen met die blaas van die ramshoring en die hys van die vaandel: ‘Consider Your Ways.’ Die Woord van die Here spreek tot ons: “KYK wanneer die vaandel opgesteek word, LUISTER wanneer die ramshoring blaas!” (Jes. 18:3).

Vir twee dae beweeg die Here met Sy Gees deur ons om “ons te suiwer, sodat ons weer aan die Here toegewy kan wees en ‘n offer aan Hom kan bring, ‘n offer wat vir Hom aanneemlik is en bestaan uit regdoen” (Mal. 3:3,4). Ons staan skuldig voor die Here, want soos die Israeliete van ouds het ons begin terugverlang na die vleispotte van Egipte en ons skuldig gemaak aan murmurering. Ons KYK en sien dat ons: “baie gesaai, maar min geoes het, eet, maar nie genoeg kry nie, drink, maar dors bly, klere het, maar nie warm word nie,(Haggai 1:6). Ons LUISTER en ons hoor hoedat die Here ons vermaan “to consider our ways” om weer soos destyds met ons hele hart terug te keer na die roeping van FCE: “herbou my Huis, sodat Ek my eer kan ontvang en tevrede kan wees.” (Hag 1:8). Ons het ons harte leeg gehuil en tot inkeer gekom deur ware en opregte berou. Toe ons van ons knieë af opstaan, kon ons na die Here draai en sê: “Hier is ek, stuur my!”

Die volgende paar dae het ons d.m.v. video-uittreksel op die wêreld gefokus, die wêreld waarin die Here ons uitstuur om Sy getuies te wees. Ons was geskok oor wat ons gesien het. Ons vyand gebruik die moderne tegnologie, die media, die politiek, die ekonomie, animisme, sosialisme, humanisme en selfs die “kerk” om mense afvallig te maak. Die mense wat ons oplei, kom uit hierdie wêreld waarin alles daarop gerig is “om hulle aan hierdie wêreld gelykvormig te maak” (Rom. 12:1). Weereens staan ons voor die uitdaging: “Consider your Ways.” Is ons opleiding soos destyds, suiwer Christus-gesentreerd? Is dit ‘n opleiding wat mense se denke vernuwe, sodat hulle kan onderskei wat van God is en daarvolgens begin lewe?. Is ons persoonlike lewens ‘n getuienis van Christus in ons en is ons in ons optrede opreg voor die Here, sodat ander ons kan volg? Aan die einde van die konferensie het ons besef dat ons wakker moet wees om “hierdie tyd te beoordeel” (Luk 12:59). Die Here het ons tydens die konferensie tot stilstand gedwing en ons die keuse gegee ‘to consider our ways’ Daar was baie tekortkoming waarvoor ons Sy vergifnis ontvang het. Dit was ‘n vernederende ervaring, maar dit het genesing gebring. Genesing wat gelei het tot ‘n oorgawe om voort te gaan om God se Koninkryk te bou. Die Woord van die Here het weer tot ons gekom: “Begin met die werk, want Ek is by julle My Gees sal altyd by julle bly. Moenie bang wees nie!” (Hag. 2:5) “Laat die kindertjies na my toe kom…”

Ons kinders het deel gehad aan die konferensie. Onder leiding van ons studente en vrywillige werkers het hulle elke oggend biddend hulle dag beplan. Die baniere wat hulle gemaak het, en in die saal teen die mure opgesit het, was ‘n getuienis van hoe die Here hulle gebruik het om ons uit Sy Woord te bedien. Dit was elke keer bevestigend van dit wat die Here deur die dag deurgegee het.

Deurentyd het ons beleef hoedat die Here ons kinders seën en hulle voorberei om ‘n seën vir die nasies te wees.

DIE JOSHUA -KONFERENSIE: 9 - 12 JANUARIE Na afloop van die personeelkonferensie is die Josua-konferensie bygewoon deur die leiers van die Opleidingsentrums en al die jong, opkomende leiers van FCE. Jong manne en vroue wat oortuig is van God se roeping op hul lewens om die nasies met die Evangelie te bereik. ‘n Nuwe geslag wat toegerus moet word om die wêreld te verander. Ons besef dat dit nodig is om ons jong leiers groot te maak om die visie van FCE voort te dra. Moses het ‘n Joshua gehad wat hom opgevolg het, maar Joshua het nie iemand opgelei om by hom oor te neem nie. Toe het die volk vir ‘n koning gevra, wat hulle op ‘n dwaalspoor gelei het. Jesus het saam met Sy dissipels geleef en van elke geleentheid gebruik gemaak om hulle te leer wat Sy Vader se wil is en hoe om Hom te volg.

Die jonger manne en vroue het aan die voete van hul leermeesters gesit en geleer uit die wysheid van die grysheid. Elkeen van die ervare leiers in FCE het geleentheid gekry om hul verhaal te vertel: hoe die Here hulle geroep het en hulle stryd om daardie roeping te gehoorsaam; die teenkanting wat hul van hul familie, vriende en soms ook die ‘kerk’ gekry het; die versoekings wat hulle moes weerstaan om getrou te bly; die stryd wat hulle gehad het om onder gesag te staan; hoe dikwels hulle wou oppak en terugdraai omdat die pad steil is en hulle net kon volhard omdat hulle aan God toegewy was; hoe hulle moes leer om in geloof te leef en God onvoorwaardelik te vertrou; die oorwinnings wat behaal is, elke keer wat hulle die regte keuses gemaak het. Ons kon hulle seën met God se versekering aan Josua: “Soos ek by Moses was, so sal Ek by jou wees. Ek sal jou nie in die steek laat nie, jou nie verlaat nie. Wees sterk, wes vasberade, want jy moet hierdie volk die land in besit laat neem wat Ek met ‘n eed aan hulle voorvaders beloof het. (Josua 1:5,6)

FCE OPLEIDING In gehoorsaamheid aan die Here wat tydens die konferensie ons die opdrag gegee het: “to consider our ways” het ons ons opleiding evalueer om seker te maak dat ons nog op koers is met God se plan.

Ons het die afgelope tyd beleef dat ons veral met jongmense te doen kry wat baie min of geen kennis van die Woord het nie. Ons het ook besef dat ons opleiding mense teoreties toerus, maar dat hulle nie weet hoe om die teorie in die praktyk toe te pas nie. Daarom is ons terug na die tekenbord. Ons het met God se vergrootglas deur ons Visie, ons Mandaat en ons Opleiding gegaan. Die Here het kom bevestig dat daar niks met die inhoud van ons opleiding skort nie, maar dat ons ons strategie moet aanpas.

geleentheid om studente Bybelvaardig te maak en na elke teoreties module, studente die geleentheid te gee om dit in die praktyk toe te pas.

Visie: Ons het FCE se visie herskryf van “to make disciples of Jesus Christ worldwide by building a Highway for the Lord, through Education and Training”, na: Jesus Christ making disciples through us, worldwide – by building a highway of Holiness, through education and training.

3. Dissipelskap-Sendingopleiding (Gevorderd) Hierdie is ‘n 9 maande opleiding wat jaarliks in Januarie en Julie in Suid-Afrika, Zambie en Malawi aangebied word en waarvan die 2de fase in Zambie en Malawie voortgesit word.

Mandaat: Daarna het ons na die mandaat gekyk, wat ons van die Here gekry het nl. “om die liggaam van Christus toe te rus vir hulle diens”. Dit is belangrik dat ons mense na die Here toe moet lei deur Evangelisasie, maar ons mag nie daar eindig nie, ons taak is om mense so toe te rus dat hulle die Here lief sal hê met hul hele hart en hul naastes soos hulself; dat hulle op elke terrein van die samelewing Christus-gesentreerd sal lewe en dat hulle tydig en ontydig die evangelie sal verkondig.

Kontak die kantoor vir meer inligting en ‘n volledige uiteensetting van die opleiding of besoek on webtuiste www.fce.org.za

Die opleiding vanaf 2010 lyk dus as volg: 1. Dissipelskap-Sendingopleiding(Verkort) Hierdie is ‘n 6 weke kursus wat net op Wolseley jaarliks in Oktober aangebied word.

2. Dissipelskap-Sendingopleiding (Basies) Hierdie is ‘n 3 maande kursus wat jaarliks in Januarie en Julie op Wolseley, Zambië en Malawi aangebied word.

KURSUSDATUMS 2010 Dissipelskap-Sendingopleiding (Verkort) 11 Oktober – 21 November : Wolseley

Opleiding: Ten einde mense te lei tot geestelike volwassenheid en geestelike verantwoordelikheid, het ons besluit om ons opleiding langer te maak. Dit bied vir ons

SOEDAN

Die laagste punt waartydens ons met hierdie konferensie gaan draai het, was toe die Soedanesers nie vir die konferensie opgedaag het nie. Dit het daartoe gelei dat ons besluit het om die werk in die Soedan tydelik te staak.

Hierdie besluit was nooit deel van ons beplanning nie en in ons wildste drome het ons dit nie voorsien nie. FCE het na vele samesprekings en ure se debat tot die besluit gekom.

Ons het hierdie besluit geneem nadat die spanleier en die vyf Soedanesers wat ons opgelei het om die werk in die Soedan voort te sit, op nommer nege-en-neëntig besluit het om nie die personeelkonferensie by te woon nie. Hierdie besluit het hulle op hul eie geneem en nooit die leierskap van FCE daaroor geraadpleeg nie. Die leierskap het eers daarvan te hore gekom op die konferensie. FCE het hul reis vanaf Goli na Zambië geborg en ook al hul visumgelde betaal. Daar was vir hulle plek ingeruim in die voertuie wat van Zambië na Namibië sou reis. Hulle het tot in Zambië gekom, maar nie verder nie. Na FCE se besluit om die werk tydelik in Soedan te staak het Daniel O’hide en sy vrou Beatrice uit FCE bedank. Saam met hulle het 9 van die 10 studente wat ons vir verdere opleiding Zambië toe gestuur het, ook opgepak en teruggegaan Soedan toe. Ons werk nog daagliks deur die teleurstelling en die seer en moet keuses maak om te bly glo dat God ook hierin in beheer is. Ons is bewus daarvan dat mense vrae rondom ons drastiese besluit het en selfs voel dat ons oorreageer. Ongelukkig vrees ons die Here meer as mense, ons ken ook die vyand se krag om chaos te saai waar daar nie eenheid en vertroue is nie. Baie van ons gebedsondersteuners het hul tyd, energie en finansies in hierdie projek gesit. Ons wil jul steeds aanmoedig om te bly bid vir ons roeping in die Soedan.

NUUS VAN ONS OPLEIDINGSENTRUMS Na die konferensie is ons terug na Wolseley, Zimbabwe, Zambië, Malawi en Indië om voort te gaan om dissipels van Jesus Christus te maak. Landa Cope skryf in die verband: “It is not enough to reach the unreached. It is not enough to plant churches amongst those who have no churches. We are to disciple individuals, and through them, disciple their communities and nations. If we do not, we are not fulfilling the purpose for which we were created and given eternal life.”

Op Masaiti begin ons ons geestelik en fisies voorberei om die skuif na Koti ni Eden te maak. In Kalungu het ons met ‘n groenteprojek begin wat sorg vir kos op ons tafels, in die villages en ook vir die markte om ons. Moses en Regina is met hul familie op pad om hul op ons opleidingsentrum in Malawi te gaan vestig. Chimemwe en Elizabeth sal saam met hulle in die gemeenskappe werk en Chimemwe sal Regina met die tuisonderrig van hulle twee kinders help. In ons volgende nuusbrief gee ons breedvoerig terugvoering oor wat by die onderskeie opleidingsentrums gebeur. Ons plaas maandeliks op ons webtuiste ‘n gebedskalender; bid asseblief daarvolgens.

OUD-STUDENTE RE-UNIE ZAMBIA Toe die Here ons onlangs daaraan herinner “to Consider Your Ways’ het ons tot die besef gekom dat ons die afgelope jare dit gruwelik nagelaat het om kontak met ons alumni wat oral in Zambië werksaam is, te behou. Ons onmiddellike reaksie op hierdie versuim was om ons oud-studente in die Koperbeltstreek in Zambië op te soek. Ons het altesaam een-en-dertig onderwysers en gemeenskapswerkers in verskeie skole, weeshuise en werksplekke besoek.

Die uitvloeisel van hierdie besoek was ‘n naweek van Feesvieringe in die FCE King’s Highway gastehuis vanaf 26 – 28 Februarie. Dit was ‘n wonderlike weersiens! Daar is oor-en-weer gegroet, almal was verbaas oor die mans, vrouens en kinders wat tot families toegevoeg is en het verstom gestaan oor die verandering wat met die jare ingetree het, die vrouens word mooier en die mans breër. Daar was baie verhale en getuienisse, geleentheid om ondervindings te deel, mekaar aan te moedig en misverstande uit die weg te ruim. Die huidige studente kon met die oud-studente meng en die baie staaltjies oor die pioniersfase van die kollege geniet. Almal is, soos in die ou dae, op ‘n oop vragmotor gelaai om die nuwe Kollege Kampus en skool op Koti ni Eden te gaan besigtig.

Die program het gesprekke oor Christus in jou, Christus-gesentreedheid en mobilisering ingesluit. Neels se boodskap oor “The Vision planted in you” het die personeel en die oud-studente inspireer om hul Godgegewe roeping met oorgawe uit te leef. Idees is uitgeruil oor hoe om in die toekoms kontak te behou, nouer samewerking te bewerkstellig en tyd in te ruim vir uitreik na mekaar. Teen die einde van die naweek het sestig stemme in aanbidding God se lof besing en Hom geëer vir Sy goedheid en trou. Almal was bemoedig met die woorde uit Hag. 2:4 “Skep moed, burgers van die land ….en werk, want Ek is by julle.”

FCE Suid - Afrika, Posbus 126, Wolseley, 6830, Tel/Faks: +27 (0)23 2310 208, info@fce.org.za, www.fce.org.za