Ellert Ólafsson gefur út bók

Gefur út bók um stærðfræði Ellert Ólafsson

Ellert Ólafsson er fæddur á Suðureyri árið 1944. Foreldrar hans eru Ólafur Friðbertsson skipstjóri og Guðrún Valdimarsdóttir.

Ellert stofnaði Tölvufræðsluna hf. ásamt dr. Kristjáni Ingvarssyni árið 1983 í upphafi tölvualdar. Fyrirtækið kenndi notkun tölvutækni í atvinnulífi. Árið 1987 útskrifaði fyrirtækið 2000 nemendur í Skrifstofutækni sem var 256 klst. nám í ritvinnslu, töflureiknum, gagnagrunnum, fjarskiptum, ensku og mannlegum samskiptum. Þetta met hefur ekki enn verið slegið. Á þessum árum voru Íslendingar fremstir Norðurlanda í notkun tölvutækni.

Ellert stofnaði Tölvu- og stærðfræðiþjónustuna árið 1999, sem er enn í fullum rekstri. Á liðnu ári skrifaði Ellert tvær bækur fyrir námskeið félagsins. Þar sem ekki er hægt að halda námskeið eru þessar bækur nú seldar á almennum markaði.

Ellert segist hlakka mikið til næsta árs því þá fari námskeiðin í gang og fyrirhugað sé að stofna útibú í Stokkhólmi. „Það er mikill lúxus og skemmtilegt að vera gamalmenni á áttræðisaldri. Lífið er spennandi ævintýri“, segir Ellert að lokum.

Bækurnar kosta 8000 kr Félagar í Súgfirðingafélaginu fá bækurnar á sérstökum átthagaafslætti á 6990 kr.