《自由港》2021年8月號「國際線」 by 《自由港 Harbour of Freedom》

今期以「國際線」為題，對英、美、加、澳多個國際線人士及團體進行專訪，主要因為過去香港媒體喺國際線上側重於報道各國推行嘅政策以及各種活動，對於當地港人團體則缺乏較為詳細嘅報道，因此唔少香港人會知道唔同國家有咩政策或者遊行集會，但往往對於相關組織所知甚少。所以我哋希望通過今期嘅《自由港》，令大家對佢哋有進一步了解，例如佢哋近日嘅抗爭動向、對香港未來嘅願景等。而今期封面，主要係希望大家能夠記得，國際線上所有嘅成果，係建基於無數抗爭者犧牲之上，有人受傷、有人失去自由，甚至有人為香港付出生命。大家諗一諗，投身國際線嘅朋友，可能只係一班留學生，或者居住當地嘅港人，點解佢哋可以接觸外國議員及政要，倡議各種政策？除咗因為佢哋自身嘅努力之外，更多係因為無數戰友嘅犧牲，因為各種令人動容嘅畫面，種種震撼人心嘅時刻，令香港抗爭上升成為一個國際議題，國際線先得以開展。因此懇請各位時刻銘記呢一筆血債，唔好沉於安逸，亦唔好為目前嘅成果而沾沾自喜，更唔應該好似某敖姓男子咁將功勞歸於自身，變得傲慢。

因為國際線背後，係無數手足嘅鮮血與淚水。

專訪梁頌恆留美半年嘅成果與困境

澳洲除咗有袋鼠，仲有一班默默努力嘅香港人

「攬炒」之後？專訪「攬炒巴」——劉祖迪專訪「攬炒巴」劉祖迪

離港廿載，心繫香江「暖氣軍師撐香港」負責人 Terry Leung

專訪 Alliance Canada Hong Kong (ACHK) 執行董事 Cherie Wong

加拿大嘅「香港人主場」：香港台

第二代港人 = 唔 Care 香港？其實唔一定

短篇小說投稿 : 《飛花散後》- 張翼

讀者投稿 - 香港民族真正需要嘅係理想主義

留美半年嘅成果與困境

專訪梁頌恆

前立法會議員梁頌恆流亡美國經已半年，現時身處華盛頓並申請庇護。雖然流亡海外，但呢半年期間佢依然繼續參與各種游說工作，並成立 NGO 支援其他流亡海外嘅抗爭者，而今次我哋就邀請佢進行訪問，希望佢能夠分享一下呢半年以來嘅成果以及目前所面對嘅困境。於今年五月，梁頌恆與另外幾位流亡者，於美國創辦名為「HKLC」（Hong Kong Liberation Coalition）嘅 NGO，主要負責支援流亡手足，同時亦進行游說工作以及海外集會活動。

「『手足唔係 Condom』唔只係口號嚟，係要做架嘛，咁我哋嘗試做返我地自己個份。」梁頌恆表示，一眾流亡手足其實係為香港犧牲好多嘅一班人，喺能力範圍內都應該盡力幫助佢哋喺海外適應新生活，同時亦希望佢哋安頓好之後可以諗吓點樣為香港作出貢獻。而「HKLC」目前係美國為數不多由香港流亡者成立嘅 NGO。同為流亡者嘅佢哋，更加能夠明白流亡所經歷嘅困難同苦況，因此都希望能夠幫助其他流亡抗爭者，由人道支援、申請簽證、協助政治庇護到讀書搵工嘅諮詢，都希望能夠喺能力範圍下盡量做到。流亡者嘅經歷，亦能夠喺國際游說上起到重大作用。梁頌恆認為，手足第一身對抗中共嘅經歷更加能夠引起迴響，得到外國媒體、官員嘅關注。「你諗下你係國會議員，你想聽一個 lobbyist 講嘢，定一個被逼以海路離開香港、被逼喺墨西哥偷渡入美國嘅手足故事？將心比己，其實好易明。」

佢亦希望一眾手足嘅經歷，能夠喺游說工作上發揮最大效果，通過法案協助港人或者推動制裁，都希望流亡者嘅故事能夠成為國際戰線嘅助力。而梁頌恆流亡至今經已半年，係呢段期間一直同國務院、國土安全部、國會議員辦公室一路保持聯絡，並有定時向佢哋提供香港嘅最新消息。另一方面，亦同當地唔同嘅抗共團體緊密合作，建立起夥伴關係。而短期之內，梁頌恆表示將會集中精力喺呼籲杯葛北京冬奧，加快與改善《香港人民自由和選擇法案》(Hong Kong people freedom and choice act) 同《香港安全港法案》(Hong Kong safeharbor act)，同埋推動對中國嘅系統性制裁呢三方面。

百廢待興

問到呢半年嚟所面對嘅困難，梁頌恆表示：「基本上就係無人、無錢、無經驗、無身份，即係百無。」由到達美國至今，梁頌恆喺華盛頓所接觸親民主派嘅香港人只有幾十個，但單單係美國國會已經有五百幾個議員，淨係要同每一位支持香港抗爭嘅議員保持聯絡，工作量都十分龐大。而錢方面，每年港共政府用於海外游說嘅資金高達百幾萬美元，加上中共係背後所做嘅各種行動亦耗費不菲。相比之下，雖然唔少抗爭者都接近無償工作，但係要為其他流亡手足提供支援依然係一筆開支，兩者相比之下，資源方面嘅差距就更加明顯。另一方面，身份同經驗亦成為佢哋所面臨嘅問題之一，喺外地人生路不熟，加上「HKLC」嘅成員大多數仍然等候政治庇護，因此梁頌恆亦坦言係成立 NGO 嘅過程，以及開設戶口等等各方面都需要比其他人花更多功夫先做到。但除咗上述各種困難之外，流亡海外並非代表絕對安全，亦唔代表唔會再受到中共打壓，相反「HKLC」一直都因為佢哋嘅立場而受到各種壓力。例如早前佢哋嘅網頁啟用短短十日就被供應商下架，而眾籌亦因不明原因被募資平台停用，無奈以另一平台代替。

當地情況梁頌恆認為，華盛頓當地居民對香港發生嘅事都算係有頗深嘅認識，例如係一間普通嘅 Coffee Shop 同其他人傾偈，只要提及自己來自香港，基本上大多數人都可以就香港嘅事傾到兩句。

前景

唔少人擔心未來國際局勢會唔會回歸從前，中國同自由世界又傾又砌，齊齊賺大錢，而香港人雖然當地對香港議題有一定認承受嘅苦難同中共嘅惡行卻被世識，但梁頌恆表示世界唔係圍繞人遺忘。但梁頌恆表示，今日民香港而轉，假使香港人無所作為，主文明世界對中國呢場新冷戰已世界對於香港嘅關注只會日漸冷經開始，無辦法返到去從前，對卻，因此點樣喺當地維持香港議此並唔太憂慮。題熱度亦係佢哋需要努力嘅方向之一。反而梁頌恆擔心香港人嘅進度唔夠快，無辦法跟上局勢變化，最終係呢場新冷戰中淪為旁觀者，所以佢都希望香港人可以加緊步伐，等未來時機成熟嘅時候能夠好好把握機會。

最後對香港人，無論係喺香港本土抑或散落海外各地嘅人，梁頌恆寄語大家：

「以香港作為你嘅信仰，喺生活中一定搵到有啲嘢可以幫手做」

澳洲除咗有袋鼠，仲有一班默默努力嘅香港人比起英美等國嘅國際戰線，澳洲相比之下確實無咁惹人注目。儘管如此，依然有一班香港人喺澳洲堅守崗位，默默喺呢邊土地上繼續為香港出一分力，喺澳洲推動各種有利香港抗爭嘅政策。澳港聯早在雨傘革命期間已經成立，一直以來都有為香港唔同議題發聲，例如 2018 年周庭被取消立法會參選資格等，同時亦有接洽出訪澳洲嘅民主派人士，但自從反送中抗爭以來，佢哋更活躍喺支援香港抗爭方面。由 2019 年 6 月至今，澳港聯先後舉辦過多次聲援香港集會，同時亦出席各種社區分享會，向當地人講解香港情況，以及講述警暴問題。除此之外，佢哋亦曾經參與澳洲國會就《馬格尼茨基人權法》（Magnitsky Act）展開嘅聽證會，向國會表達在澳香港人社群對該法案嘅睇法。

可惜由於武漢肺炎疫情，澳洲國會唔少議案積壓至今，因此澳港聯表示，未來其中一個主要方向將會繼續游說工作，希望能夠加快《馬格尼茨基人權法》、《澳洲避風港計劃》等法案通過，以及希望澳洲政府能夠進一步關注中國對當地嘅滲透。除此之外亦會繼續舉行各種集會活動，例如早前 612 兩周年嘅集會，以及未來亦會繼續舉行活動呼籲澳洲當局能夠杯葛北京冬奧。另一方面有鑒於越來越多香港人前往海外，澳洲亦係佢哋其中一個選擇，所以澳港聯亦會開展協助當地港人嘅工作，例如提供各種資訊服務以及正在籌備嘅澳洲生活指南等等，希望能夠解決當地港人所面對嘅各種問題。而澳洲將會喺今年八月進行人口普查，澳港聯亦希望香港人能夠將香港填作祖藉，將香港語填為常用語言。一方面希望能夠加強大家對於香港人呢個身份嘅歸屬感，同時亦希望澳洲政府能夠多加留意香港族群以及佢哋嘅聲音。

「唔敢講有咩意義，只係希望嚟到澳洲都盡一分力幫到香港」雖然澳港聯嘅工作範圍頗廣，由游說工作到舉行集會，乃至支援港人都涵括其中，但對於筆者問到手頭上工作對於抗爭嘅意義，佢哋都回答得頗為謙虛。澳港聯認為，佢哋手頭上嘅工作，唔敢講話對抗爭有太大貢獻，只係希望能夠為香港抗爭出一分力，向當地政府以及人民講述中國嘅另一面，唔好俾佢哋喺澳洲粉飾太平，能夠令當地願意逐步脫離對中國經濟嘅倚賴，同時亦令當地可以持續關注香港嘅情況。同時亦希望當地港人能夠凝聚返海外港人嘅力量，擴大自身網絡，實現港人互助，一方面宣揚返香港人同中國人嘅不同之處，同時喺當地為「香港人」呢個身份建立一個較好嘅形象。

困難同其他國家嘅國際線一樣，澳港聯同樣面對人手以及資金嘅問題。人手方面，目前大多數成員都各有工作，未必能夠全力去推動抗爭相關嘅事務，亦缺乏各方面嘅專業人士，因此遇到各種問題嘅時候難以得到專業嘅意見，所以佢哋亦希望藉此機會呼籲大家，身處澳洲嘅各位如果可以的話可以去佢哋嘅 Facebook 專頁填妥義工表格，協助佢哋嘅工作。而資金方面，目前有唔少計劃其實都需要資金實施，但目前大多數資金都投放於各種支援工作上，因此好多時候就算有好嘅諗法，都未必有足夠資源去實行。

對於未來短期內澳港聯希望能夠先做好手頭上嘅工作，例如為當地港人提供更多支援、繼續推動法案等等，同時亦希望能夠同當地組織展開更緊密嘅合作，連結當地嘅力量。而對於未來局勢，佢哋並無太大睇法，不過認為「無論未來係好係壞，其實並無太大分別，一樣盡做，做好自己嘅角色，喺唔同崗位上努力」。不過眼見目前唔少香港人陷入各種爭端當中，例如：走定留、「捉鬼論」等等，澳港聯認為，香港人嘅數量唔算多，陷於各種爭論以及內鬥之中對抗爭並無益處，假如真正係為香港而戰，倒不如將無謂嘅爭端放埋一邊，做好手頭上嘅工作更好。

「攬炒」之後？

專訪「攬炒巴」劉 - 祖迪

相信「攬炒巴」呢個名大家都唔陌生，自 2019 年 6 月以「我要攬炒」身份喺連登討論區發表攬炒論之後，一直活躍國際線至今。呢兩年來，各國對華態度日趨強硬，唔少國家都推出相關政策甚至制裁，而香港抗爭就成為其中一條導火線。所有嘅一切看似都向當初「攬炒」呢個方向前進，咁「攬炒」之後香港人又應該點做？今日我哋就訪問咗「攬炒巴」- 劉祖迪，聽聽佢嘅講法。

自今年四月宣布辭職全身投入抗爭之後，劉祖迪嘅工作主要圍繞游說、舉行集會以及發展實業三方面，而現時則集中精力於前兩者。雖然無打鑼打鼓，但其實游說工作一直有默默進行，除咗同唔同嘅政客會面進行游說之外，亦積極咁同佢哋啲職員打好關係。劉祖迪表示，好多人唔明白點解要同議員或政客嘅職員打好關係，但其實有好多政策雖然最終拍板係由議員決定，但分析以及制定等工作都係由職員負責，因此同佢哋發展出良好關係非常重要。而問到相關工作對現時抗爭有冇意義，劉祖迪就將時間拉返去 1980 年中美建交開始講。「1980 至 2019 年期間，美國對華政策方針就係姑息與養大中共，期望中國經濟發展之後會走向民主化。但經歷 2019 年嘅努力，2020 年《香港關係法》正式被美國終止，呢個係一個里程碑。《香港關係法》會被取消或暫停，喺 2019 年之前簡直係痴人說夢，大家仍然停留喺爭取個人制裁層面，例如凍結資產或取消外國護照等等，去到 2020 年可以行到呢一步，其實比預期加速好多，不過仲未夠，更長遠係希望經濟制裁甚至推倒聯繫匯率。」

三大困難劉祖迪認為，今日國際線嘅困難主要有三，分別係：香港人身份認同問題、山頭主義以及資金。身份認同方面，劉祖迪表示香港人同猶太人、印度人唔同，缺乏共同信仰，比起其他族裔更難維繫彼此，因此亦擔心隨住香港人離散世界各地，身份認同亦會隨之淡薄。但對於呢個問題目前佢亦無好嘅辦法，只能夠希望透過海外大小組織或黃店，努力去鞏固香港人嘅身份及減慢消逝速度。

而山頭主義其實係香港抗爭者當中歷久不衰嘅問題，劉祖迪指唔少人濫用「兄弟爬山」呢個思想，演變為山頭主義。「成日見到 A 表示如果有 B 就唔會參加該活動，B 又會話如果見到 C 就唔會現身。雖然暫時到最後都能夠協調到，但依然有人抱住呢種心態甚至自我膨脹，如果可以好似倫敦 612 集會咁，放低分歧一齊合作就最好。」最後就係「錢」，無論係抗爭甚至去到革命都需要錢，咁錢從何來呢？而且仲要係可持續嘅資金。呢方面劉祖迪認為杜汶澤係一個非常好嘅示範，能夠建立起可以持續發展嘅事業，做到「錢生錢」咁長久營運。劉祖迪亦希望香港人能夠做到呢一點，解決資金方面嘅問題，畢竟有錢先有影響力，就算係資助抗爭活動甚至武裝革命都需要用錢，而佢亦坦言目前仍然倚賴大眾捐款及訂閱，未來需要先解決生存問題先有餘力做到其他嘢。

有關於英國本地講到英國本地嘅情況，近日越來越多香港人移居英國，相信大家都會關心當地人對此嘅睇法。劉祖迪表示，雖然自 2019 年 6 月開始都為香港抗爭帶來好多報道，令唔少外國人對香港都有一定了解，但英國社會普遍人對 BNO Visa 以及港英之間嘅淵源認識唔深，喺呢方面要令當地群眾有進一步了解仍然需要努力，多啲接觸當地群眾，等佢哋知道香港人，或者香港民族所為何事。同時，近日有手足喺海外遊行嘅時候採取較為激烈嘅行動，對此「攬炒巴」又有咩睇法？佢認為有啲較為激進嘅事喺外國進行對抗爭並無幫助，反而會產生反效果，做之前需要三思而行。「例如裝修銀行、大使館嘅行為，到底有冇實際作用？好似七一集會當日，就有手足差啲被捕，好彩最後冇事，到

底又值唔值得？有啲嘢或者畫面好靚，可以發洩，但最後可能影響庇護甚至遣返香港，希望大家做之前可以衡量下。」劉祖迪認為代價要同成效要正比，尤其是喺外國，佢亦唔希望海外對香港人嘅印象係一班會周街打人、或者亂咁破壞建築物或商舖嘅激進團體。至於口號上只要避免「Kill Chinese」呢種口號，其他其實並無所謂。有關種族問題，劉祖迪強調，香港人要避免被標籤成一個帶有歧視性嘅族群，雖然明白香港人會反中國，將中國人同中國掛鉤，但係外國社會要特別小心，唔可以俾當地人誤解我哋係歧視。雖然過去香港社會唔多唔少都有一定歧視問題，但係當我哋去到外國，同樣作為一個少數族群，係呢方面就要特別小心，唔可以變成一班極右、歧視有色人種嘅人。

未來對於未來，劉祖迪表示個人層面短期內希望專注於碩士學位嘅畢業論文，希望自己嘅專業能夠對日後嘅游說工作有所幫助。而對於國際及整體局勢，劉祖迪認為「戰略上要樂觀，戰術上要悲觀」，認為戰略上我哋要對目前大方向有信心、要樂觀，而戰術上要將敵人睇到好聰明、好強大，盡可能高估對手，並思考各種方法去突破困境。但總體而言，佢表示比起 2016 年 DQ 之後嘅一潭死水，今日局勢相對樂觀。比起一九年之前嘅溫水煮蛙，今日嘅香港人就算一時三刻無法抗衡，但經歷過反送中抗爭，大多數都已經覺醒，唔單只係港中區隔嗰種，而係認知度制度早已淪為橡皮圖章，體制內抗爭毫無作用呢種。因此相比過去，劉祖迪對今日香港嘅未來更為樂觀，相信只要行正確嘅路，可能 20 年之後就可以光復香港。

離港廿載，心繫香江「暖氣軍師撐香港」負責人

Terry Leung

對唔少香港人而言，「暖氣軍師撐香港」呢個名可能會相對陌生，但如果提到「英國藍黃地圖」，唔知各位又會唔會有些許印象呢？其實呢個地圖正係由「暖氣軍師撐香港」負責整合，希望各位香港人係英國亦能選擇立場相近嘅店舖。而今日我哋邀請到「暖氣軍師撐香港」負責人 Terry Leung 進行訪問，希望令各位香港人對佢哋有更加多嘅了解。 Terry 移民英國已經二十幾年，成立「暖氣軍師撐香港」目的主要有三，分別係：舉行遊行集會、協助香港人（無論 BNO、BC 或政治庇護者）適應及融入英國社會，以及喺英國推動反共產黨滲透嘅工作。由去年 12 月開始，「暖氣軍師撐香港」先後喺倫敦舉辦「1212」、「612」、「71」三次集會以及若干街站活動。對於未來是否會繼續舉行集會，Terry 表示到 11 月之前都未有打算，佢認為現時集會活動太過頻繁，在英港人難免會有熱度消退嘅情況出現，因此暫時希望集中資源幫助香港人融入英國，以及令更多英國本地人了解香港情況。關於點樣協助香港人融入當地，現時「暖氣軍師撐香港」同當地志願團體有所合作，介紹新到英國嘅香港人參與義工工作，並確保相關團體會提供適當培訓俾香港人，

例如英文班或者預留位置比香港人等。相關工作嘅例子就包括目前正與民間團體 British Born Chinese 舉辦 language Exchange，等香港人接觸 BBC(British Born Chinese) 以及練習英文。對於反滲透工作，Terry 認為推動「英國黃藍地圖」正正係其中一個可行方向。除咗希望當地人支持黃店之外，Terry 亦希望大家能夠舉報疑似中共滲透嘅店舖。而對於「黃店」一詞，Terry 因為唔單只香港人開嘅鋪頭先可以稱之為「黃店」，只要支持民主自由，同樣亦可以列為「黃店」。但可惜喺推動「黃藍地圖」過程中都遇到各種難關，例如唔少店舖擔心失去中國客源而唔敢表態，甚至一啲曾經表態嘅黃店亦會退縮或者有所顧慮。而喺舉報藍店呢方面，Terry 亦擔心會被誤解為「種族歧視」，引起當地反感，因此現階段期望能夠先鞏固好黃店版圖，再推廣到香港人以外嘅群體。此外，移民二十幾年嘅 Terry 亦直言，點樣同香港人相處亦係其中一項困難，唔單止可能同香港有些許脫節，亦包括各種抗爭者之間嘅人事關係，呢點佢亦需要時間去適應。

Terry 認為現階段最重要嘅係令英國人唔單止了解香港發生咩事，更要願意為此作出實際行動。「其實大多數英國人都知香港咩事，我哋嘅目標係要令佢哋提供更多實質幫助，例如社交媒體嘅新聞要 like 或者分享俾朋友睇，跟進一步可以寫信俾自己選區嘅議員。」對於未來有更多港人到達英國，Terry 希望能夠達成兩件事。首先希望香港嘅遭遇能夠加強英國對中共的警惕，畢竟中共喺英國同樣進行緊各種滲透活動。「我哋要話俾當地人聽，未來英國同樣會面對中共侵害，而呢件事由外人（香港人）推動會缺乏說服力，但假如香港人能夠融入英國，有一個英國人嘅身份去保護自己嘅地方（英國），效果上會比傳統理解嘅國際線更好。」其次就係保留民族性，「雖然我哋習慣叫香港『人』，但我哋係一個民族，喺點樣保留民族性上我哋不妨向藏人學習」Terry 認為，當年藏人出走所經歷嘅事，唔少香港人亦同樣經歷緊，因此可以向佢哋學習，譬如點樣將文化傳承至今，又如何維持海外族群嘅凝聚力等。「可能我哋呢代人都返唔到香港，但係我哋要將身份傳承比下一代，等佢哋去做。」但又要融入當地，又要保留民族性，兩者係咪矛盾呢？ Terry 認為並唔一定，例如喺英國有唔同嘅少數族裔，譬如猶太人、印度人等，佢哋既保留自身文化，同時能夠與其他民族友好共存，對英國社會亦有非常大嘅貢獻。香港人都一樣，一方面要保留自己嘅文化，同時要加深對當地嘅了解，例如皇室文化、國歌、傳統歌曲或節日等等。「如果嚟到英國表現得同中國人一樣，拒絕融入當地社會，我哋又點樣說服英國人對香港伸出援手？」

專訪

ALLIANCE CANADAHK

執行董事

Cherie Wong 「如果我有安全生活嘅權利，咁我必須要用呢份權利發聲並支持依場運動」

Alliance Canada Hong Kong (ACHK) 係一個加拿大嘅全國性港人組織，成立於 2020 年 1 月，其目的係希望倡導加拿大政府支持香港嘅民主運動，同時亦支持其他面臨中共壓迫嘅族群，而主要工作分為三方面：游說、研究及社區賦權。研究作為 ACHK 嘅主要工作之一，並唔係單純向加拿大政府表達意見，而係建基於足夠嘅研究工作為大前提下，向加拿大政府提供問題簡報、政策建議，針對香港議題提供具可行性嘅方案，並列出大量事實駁斥中國嘅大外宣觀點，令加拿大政府追究中國嘅責任，並有效支援一眾支持民主嘅香港人以及其他有需要嘅抗爭者。 ACHK 過去嘅首批項目之一，係為尋求安全嘅香港人制定關於重新安置途徑嘅政策文件。經過加拿大香港人社群嘅不懈努力，喺倡導加拿大政府允許港人以工作或學歷得到永久居留途徑方面取得初步成功，而加拿大亦陸續批准咗唔少來自香港嘅政治庇護個案，喺移民措施方面可以話係取得各種大大小小嘅成果。

雖然並非每一個人都想離開香港，但 Cherie 希望確保有需要嘅人可以得到呢啲機會，但 Cherie 強調唔可以因此滿足，未來依然有非常多嘅工作要做，因為 ACHK 嘅工作唔單只係為香港人提供一條離開香港、喺海外開展新生活嘅出路，而係希望推動各種政策，為香港嘅民主未來創造機會。過去一年，ACHK 先後五次受邀出席議會委員會，當中兩度出席加中關係特別委員會（CACN)。喺聽證會上，佢哋向加拿大政府展示中共暴力鎮壓香港抗爭嘅相關證明，並提出各種政策建議，例如制裁相關官員、抵制同對中國國有企業進行撤資等。而當中有部份建議納入委員會報告以及政府實施嘅政策當中，同時亦改變加拿大政府對中國嘅整體態度，但 Cherie 強調，呢啲「成果」其實係加拿大政府早就應該做嘅變革。

現況

Cherie 表示，雖然加拿大與中國關係日漸緊張，甚至有唔少加拿大人喺中國被拘留，但不幸嘅係呢個情況亦令唔少政治人物發聲嘅時候有所顧慮。喺過去一年，ACHK 同各各政策制定者建立關係以及信任嘅進度相對緩慢，雖然都明白游說係一個漫長過程，但眼見中共打壓香港民主運動嘅速度如此之快，亦希望可以見到加拿大政府可以採取具體行動。可惜直至今日，加拿大政府對中共鎮壓香港抗爭僅僅發佈咗一篇聲明，暫時未有其他反制措施，對於面臨鎮壓嘅人幫助唔大，Cherie 坦言有時亦會令人感到沮喪。但相比起政府，加拿大當地社群對於香港抗爭嘅反應更為正面，唔單得到西藏、維吾爾、台灣及海外反共社群嘅支持，有好多嘅加拿大人都同樣支持香港嘅抗爭活動。過去幾年，出於中共對加拿大人嘅無理拘留，越來越多加拿大人唔信任中國，同時隨住媒體對於北京威權主義嘅討論日漸增加，加上對於民主同人權呢啲普世價值嘅支持，好多加拿大人開始同情香港人以及支持香港抗爭。 Cherie 記得過去喺所在城市舉行抗議活動嘅時候，唔少加拿大人揸車經過會鳴響喇叭表示支持；而宣傳上，當佢哋向加拿大公眾講述有關香港抗爭以及中共威權主義嘅時候，有好多人都會對香港發生嘅事感到震驚，並詢問如何可以提供幫助，可見加拿大當地社會普遍對香港抗爭都抱持支持態度。

而喺身份認同上，Cherie 認為呢個係一個複雜嘅問題，相信香港人嘅身份認同誤會隨時間流逝而變淡，但可能會因為喺海外適應新嘅環境而有變化。就以自己為例， Cherie 初到加拿大，總係會話俾人聽佢係香港人，而隨住喺加拿大嘅時間越嚟越耐，漸漸會將加拿大視為第二個家，成為一個居住喺加拿大嘅散居香港人。而 Cherie 表示，隨着移民潮加劇，呢一種僑民身份將會繼續發展，但無阻於香港人身份認同嘅傳承，以目前有好多海外香港人亦積極保護香港文化以及喺海外建立香港人社群，因此 Cherie 認為與其香港人嘅身份認同會削弱，倒不如話香港人嘅身份會適應新嘅環境，塑造一個自己獨特嘅身份認同，成為流散嘅香港人———擁有唔止一個家嘅人。但無論如何，自己香港自己救。無論身處喺邊度，光復香港之路最終都係靠香港人自己雙手，Cherie 亦希望香港人能夠緊記：我哋必須為我哋嘅未來而戰。

離散海外與身份認同

Cherie 16 歲嘅時候離開香港，於加拿大讀書，雖然離開香港已經十幾年，但 Cherie 對於「香港人」呢個身份仍然擁有強烈嘅歸屬感。眼見香港僅存自由日漸淪喪， Cherie 因為作為一個香港人，有責任去保護自己嘅家園，更何況有幸身處海外，享有香港同令人所失去嘅自由同埋權利，咁應該好好利用呢份權利去發聲，「當香港人連擁有一面寫着『光復香港』旗幟嘅自由都失去嘅時候，我又有咩理由保持沉默？」

加拿大嘅「香港人主場」：

香港台自從匪安惡法通過，香港僅存嘅言論自由蕩然無存，因此建立海外輿論陣地乃當務之急，呢點我哋過去多次都同大家講過。而今年年初，身處加拿大嘅鄭敬基成立香港台，目的同樣係希望能夠建立一個無審查、唔受匪安惡法束縛嘅資訊平台，過去《自由港》亦曾經向大家推介過，今日呢篇訪問正正係希望作為補充，令大家對佢哋有更多嘅了解。香港台自今年 2 月 22 號開始營運，至今經已五個月。鄭敬基表示，香港台成立嘅初衷係希望營運一個既能立足本地，同時亦能夠連繫到世界各地嘅一個網台，同時由於香港有唔少網台受港共白色恐怖所害，言論上會有所限制，因此亦希望香港台能夠好好運用身處外地嘅優勢，可以暢所欲言。而呢五個月以來，香港台喺營運上都有唔少進展，例如邀請到身處英國嘅香港人，推出節目《英與你宵夜》，除此之外喺澳洲亦有香港台嘅澳洲站，定期同大家分享當地消息。除咗網台營運方面，鄭敬基亦努力嘗試同唔同地方嘅香港人加強聯絡，目前除咗多倫多之外，與卡加利、溫哥華、英國以及澳洲嘅香港人都有接觸，而早前亦試過同王宗堯、鄺俊宇等唔同人士進行 CrossOver。鄭敬基希望，能夠透過香港台呢個平台，聯絡到喺世界各地唔同地方嘅香港人，慢慢咁樣構建成一個網絡，凝聚香港人嘅聲音。

抗爭唔少人認為，離開香港，對抗爭嘅熱度就會漸漸下降，但鄭敬基表示，佢同佢太太雖然離開香港，但係對香港嘅嗰份愛同關心不減反增。今日香港嘅抗爭並非一時三刻，而係一場漫長嘅戰爭，喺漫長嘅等待當中有人會感到無力、灰心，鄭敬基認為能夠理解，所以佢都希望大家能夠行多一步，增加同路人對抗爭嘅信心。可能有時未必能夠對抗爭起到直接幫助，但大家每日所做嘅事，會比其他同路人見到，令佢哋知道依然仲有人繼續堅持緊，俾到佢哋一份對抗爭嘅信心，呢個亦係香港台其中一個初衷之一。鄭敬基雖然認為過去加拿大香港人對於參與抗爭嘅主動性並唔算高，各種集會活動鮮有新血，唔少店舖亦較少明確表態，但隨着越來越多人移居加拿大以及局勢變化，情況正有所改善。參與遊行集會嘅人數日漸增多，唔少人亦會帶埋仔女一齊參與；而部份店舖亦選擇公開表態，藉此表達對香港抗爭嘅支持，因此佢相信，加拿大當地對香港議題正向一個好嘅方向前進。

國際同對於加拿大本地局勢一樣，對於國際未來嘅形勢鄭敬基都相當樂觀，佢認為有賴於各國香港人嘅努力，例如黃台仰、「攬炒巴」、羅冠聰等等嘅游說工作，令好多人對中共嘅壓迫有所關注。而唔少國家亦感受到中共嘅威脅，願意放棄部份經濟利益，而佢認為未來其中一個重要嘅方向，就係睇吓各國會唔會願意杯葛 2022 年嘅北京冬奧。而鄭敬基亦希望香港人唔好妄自菲薄，雖然今日身處如此困境，但唔好忘記過去香港人所付出嘅嘢，唔可以令所有犧牲白費。亦懇請大家能夠相信，有唔少身處海外嘅人依然會願意為抗爭而努力，雖然大家喺唔同崗位上，但係依然為香港抗爭出盡全力。最後佢希望大家要相信有光復香港嘅一日，抱持呢個信念，然之後每日都做好自己喺抗爭上嘅崗位，咁樣每一日都係改變歷史嘅其中一日。

香 e r a C 唔 = 人港第二代港？定一唔其實

隨着移民潮加劇，唔少人都擔心係海外出世、成長嘅下一代香港人會漸漸失去對「香港人」嘅身份認同，唔再關心香港嘅事，但係咪一定係咁呢？受訪者 Joyce 今年 19 歲，係一位美國出世嘅第二代香港人，同時佢亦係 Project Black Mask HK 嘅創辦人同董事。到底咩原因令到佢對香港擁有濃厚嘅歸屬感，以及願意喺海外為香港發聲呢？ Joyce 表示，香港對佢來講就好似第二個屋企咁，每年夏天佢都會返去香港，亦非常鍾意香港嘅環境同埋人，因此對呢個地方產生一種歸屬感。而參與 2019 年嘅反送中抗爭之後，眼見香港僅存嘅民主同自由日漸淪喪，Joyce 希望能夠喺海外繼續傳播相關嘅消息。同時作為美國公民嘅佢，認為自己有幸出生於一個民主同自由所當然嘅國家，只需安在家中就享有上述權利，連佢屋企人移民美國之前都無享有過如此奢侈嘅權利，因此佢更加希望能夠喺美國宣揚有關香港抗爭嘅消息並組織活動同集會，確保香港嘅聲音唔會消失。另一方面，Joyce 相信，為民主同自由而戰本質上就係為人權而戰，而捍衛人權係國際及普世價值上就係為正確嘅事而戰，因此無論係香港，抑或西藏等地，既然自己能夠喺美國分享自己嘅經歷，亦係呢個國家中學到自由係何物，就應該為自由同民主而戰。

有關於 Project Black Mask HK Joyce 當初成立 Project Black Mask HK，主要係希望喺武漢肺炎疫情期間提供一個能夠繼續支持香港嘅平台，並致力於提高當地對香港嘅認識，亦關注同中國有關嘅其他人權問題。而今日佢哋已經發展為一個以年輕人為主，致力推廣組織理念嘅跨黨派組織。同時 Joyce 亦係目前危險中國委員會（Present Danger China) 屬下嘅 Captive Nations Coalition 聯盟嘅成員，呢個係由來自唔同政黨嘅社運人士所組成嘅聯盟，專注於推動各種政策已應對中國嘅威脅。 Project Black Mask HK 成立以來，亦先後與多個美國政府成員會面，例如國土安全部負責人、各黨派美國議員以及其他高級政府官員等，過去曾經同前國務卿蓬佩奧推動法案，要求美國政府將中共定為「跨國犯罪組織」。同時聯絡其他國會議員，推動各種同對抗中共嘅法案。

除咗喺遊說方面，喺社區上， Project Black Mask HK 亦有呼籲美國公民簽署聯署，以及撰寫模板電郵俾關心香港局勢嘅美國公民，等佢哋可以寄 E-mail 予國會委員會或者參議員，表達美國人對香港議題嘅關注。而未來 Joyce 及其組織成員將會繼續宣揚有關香港嘅消息以及舉辦各種活動，嚟緊 8 月 15 號亦會舉辦集會。除此之外，Joyce 即將離開紐約繼續升學，佢亦表示將會同其他學生合作，喺美國大學校園內傳達中國壓迫人權嘅訊息。

移民潮與身份認同回到一開始有關於第二代香港人嘅身份認同問題，Joyce 認為喺部份情況下，哪怕係海外出世成長，第二代香港人依然能夠保持對香港嘅歸屬感。 Joyce 表示，如果上一代對香港呢個地方擁有強烈嘅依戀，而離開香港嘅原因係因為佢哋支持民主的話，要下一代依然保持對香港嘅歸屬感並非難事。就以身邊嘅例子為例，Joyce 認識唔少香港人移民去到美國或者澳洲，但依然會支持香港人繼續爭取民主，同時會強調自己作為「香港人」嘅身份，亦會將呢個身份認同傳承俾下一代。但對於單純避免同中共對抗，以及唔希望下一代被中共控制而選擇離開嘅人，Joyce 認為佢哋要維持身份認同則較為困難，因為呢啲人喺香港嘅時候其實佢哋

都無太大嘅歸屬感，單純出於香港局勢日漸嚴峻而選擇離開，因此喺身份認同嘅傳承方面會較為困難。對此，Joyce 表示解決方法唯有喺當地宣揚香港文化，同時繼續喺香港人社群當中傳播「要保留身份認同」呢個意識。但作為第二代香港人嘅 Joyce 深信，雖然香港並唔係一個好大嘅地方，但係喺呢個地方入面有好多值得自豪嘅文化，作為第二代嘅人應該要繼續引以為豪，並將佢繼續傳承落去。

「你會唔會後悔？」曽根嘉年一邊望住眼前嘅戰鬥機，一邊漫不經心咁問。「後悔啲咩嘢？」堀越二郎將拎住信紙嘅右手放低，同樣漫不經心咁回話。旭日之下，8 月嘅松本市滾起陣陣烈焰，而臨時湊合出嘅簡陋戰機工場就成為左喺烈焰之中被不斷烘烤嘅火爐。曽根嘉年同堀越二郎兩個人呆坐喺工場中間嘅地板，眼眸中定定凝視住同一架戰鬥機，彷彿世間其他所有一切都同佢地了無關係。「後悔設計佢出嚟——」曽根嘉年倒吸咗一啖氣，「——零戰。」零式艦上戰鬥機，簡稱零戰，係大日本帝國最出名嘅戰機，亦都係令到日本喺劣勢國力之下得以征服東亞，抗衡美國，爭霸太平洋嘅傳奇戰機。堀越二郎作為設計主任，喺曽根嘉年嘅輔助之下，於 1939 年設計出第一部零戰。零戰一投入戰場，就令到無數敵機成為可憐嘅獵物，被零戰單方面以極高嘅機動性從各種近乎不可能嘅飛行角度玩弄。零戰對敵軍嘅震懾力之高，甚至一時間開展出令人聞風喪膽嘅「零戰無敵神話」。「點解會後悔？岡崎五郎入道會唔會後悔將名刀正宗鍛造出嚟？千子村正又會唔會對自己鍛刀感到後悔？」堀越二郎淡淡咁答。

「村正或者會為佢親手鍛造出嚟嘅刀墮落成妖刀而後悔。」曽根嘉年眼神依然冇離開零戰，「我哋曾經以為，我哋一齊鍛造出嚟嘅呢把刀，不單止會成為天下第一嘅名刀，更加會為日本切開通往未來嘅道路，一躍成為世界嘅新強權，自此可以擺脫黑船來航而嚟一直畀其他國家欺壓嘅屈辱。」曽根嘉年眉頭深鎖，嘴角拉扯出一絲苦笑。「估唔到，我哋嘅國家拎住呢把無堅不摧嘅刀不斷砍殺，最後不單咩都贏唔到，反而只係滿身血污咁殺入一條無止境嘅絕路。」「所以呢？」「或者 ...... 或者，零戰就係我哋呢個時代嘅妖刀。一把我哋親手鍛造出嚟，帶領日本一步步走入絕境嘅妖刀。」「妖刀？」堀越二郎嘅語氣非常冷淡——「刀就係刀。武士唔會因為手上有刀而戰鬥，而係因為要戰鬥先要拎起把刀。」—— 刻意壓抑嘅語氣更加顯出佢內藏嘅激憤。「當日本需要刀嘅時候，我就為我嘅國家奉獻上我所鍛造嘅刀。呢個係我身為刀匠嘅職責，呢個亦都係我身為日本人嘅本份。為刀獻身，為國盡力，又有咩後悔可言？」

「但如果一個武士冇刀嘅話，或者佢根本就唔會去戰鬥，就唔會染上滿身血污。」「你講得啱。一個冇刀嘅武士又點會去戰鬥呢？」堀越二郎停咗一停，「一個冇刀嘅武士，當敵人上門嘅時候，佢會任人魚肉，佢只能由得人打佢、捉佢、羞辱佢，佢最後係生係死，都任憑敵人尊意 —— 但只要佢冇同人戰鬥，冇搞到成身血污就得啦，就算畀人斬頭，都只要有個盛血皿乾乾淨淨咁裝返曬啲血就得，係咪咁話？」曽根嘉年答唔到堀越二郎。「曽根，我好清楚，呢場戰爭，我哋已經輸咗。零戰嘅設計再精妙，都冇辦法扭轉日本同美國宏觀上國力嘅差距。零戰每擊落一架美軍戰機，美國就會再生產多三架出嚟。當我同你兩個日以繼夜咁嘗試以精減配置嚟彌補零戰馬力不足問題嘅時候，美軍已經直接為新戰機換上多一倍馬力嘅新引擎。日本同美國嘅國力差距，並唔係朝夕之間就可以彌補到，更加唔係單單一架零戰就可以逆轉。」堀越二郎聲線愈嚟愈震，手上拳頭喺無意識之間漸漸揸緊，令到右手中嘅信紙痛苦咁扭起皺紋。「即使係咁，每一名駕駛零戰嘅飛行員，無論敵我有幾懸殊，都係呢一片天空戰鬥到最後一刻。我哋無權否定佢哋付

出嘅生命，更加無權依家先嚟後悔。」「你咁講，即使阿健之後真係要坐住零戰參加特攻隊，你都唔後悔？」曽根嘉年轉身指向堀越二郎手中嘅信紙，「就算佢坐住我哋設計嘅零戰，為我哋嘅戰爭送死，向一首佢根本無可能到達到嘅敵艦直飛，最後畀敵人嘅防空炮火一炮轟碎——你都真係唔後悔？」堀越二郎答唔到曽根嘉年。佢返開手上皺𠵼𠵼嘅信紙，一切都開始模糊。＿＿＿＿＿＿＿＿＿＿＿＿＿＿

呢架零戰真係粗糙—— 牧村健用手摸一摸眼前零戰機身，不禁失笑。喺喜界島基地之上，日光正破雲而出，投射喺每一處偏差而出嘅方角同凹凸之上，使得每個瑕疵都顯得份外突兀。呢一架零戰嘅造工參差絕對唔係偶然：隨住戰爭愈拖愈長，戰況愈加不利，日本嘅精鋼、鋁材、橡膠、汽油等各項軍工必需品都開始逐漸不足，無奈中只能用次級品頂上。另一方面，日本一直都係靠喺歐美入口最精密嘅工業器材，冇

辦法自己生產；戰爭開打至今四年，開戰前買下嘅器材早就損耗殆盡，無法入口之下亦都只能以國產仿製器材勉強代替。而影響最大嘅係，隨住日軍前線兵力持續損耗，軍部自 1943 年起開始大發徵召令，到到兩年後嘅今日，喺工場裡面就只係剩返臨時動員嘅老弱婦孺，即使係工廠裡面技術最高超嘅工人都已經被徵召上前線參軍，生產嘅水準自然江河日下。「喺我幫堀越先生製造原型機嘅年代，呢架次貨又點可能出到廠呢。」牧村健一邊喃喃自語，一邊爬上零戰嘅機翼，「堀越先生果時仲成日講，我製造嘅每一架零戰都係最高嘅藝術品。哈，兵器就係兵器，又點會係咩藝術品呢。」「牧村，真係佩服你仲笑得出。」喺跑道上緩緩行過嚟嘅係佐藤正一，牧村健嘅僚機隊友。「隊長已經下達左命令，完成最後飛行檢查，半小時後出發。」牧村健喺機翼上擰轉身，兩個人靜靜咁對望住，仿似要記住上戰場前最後嘅一眼。「你會唔會唔甘心？」佐藤正一打破咗沉寂。

「唔甘心啲咩？都未玩夠女人就咁早結婚？」牧村健笑笑口咁反問。「唔甘心放棄成為日本第一飛機技師嘅理想。唔甘心睇唔到個仔出世。唔甘心點解要係自己。唔甘心……唔甘心就咁就死。」「呢個世界冇人會甘心『就咁就死』。」牧村健若有所思咁講，「人總係希望自己喺死前可以做多一啲。不幸嘅人會想幸福，幸福嘅人會想立功，立咗功嘅人會想成名，成左名嘅人又會想傳世。而如果最後人終有一死，任何人都會想死得有意義有價值，最好可以以一死成就不朽偉業，咁就可以甘心。」「死して不朽の見込みあらば，いつでも死ぬべし—— 如能化身不朽，隨時均可赴死—— 明治維新期間攘夷志士吉田松蔭嘅名句。」「嗯。或者喺三途川前面等住我哋嘅，就係不朽。」「不朽？我哋依家只係畀人命令去送死咋！唔單止我同你，神風特攻隊所有人都只係畀人推去送死。由我哋呢啲臨時徵召嘅雜牌軍人，揸住呢啲粗製濫造嘅殘缺戰機，對住敵軍最新銳嘅戰機，最高科技嘅防空火炮，我哋又可以做到啲咩？敵我懸殊到咁，唔通你真係覺得，我哋真係可以成功擊沉敵軍航母？」「答我，佐藤。斯巴達三百勇士有冇打贏溫泉關之役？」「冇。」「咁點解你會記得斯巴達三百勇士？」「咁係因為……」「咁

你知唔知斯巴達三百名勇士中，第一個死嘅叫咩名？」「唔知。」「我都唔知。」牧村健望向遠方嘅雲層，「但我同你都記得，斯巴達曾經有三百勇士。」「佐藤，我同你終歸都只會係歷史嘅微塵。隨住四日前長崎嘅新型炸彈大爆炸，日本已經喺今次嘅戰爭戰敗。無論我哋今日任務成唔成功，就算我哋每人都擊沉一架航母，呢場戰爭嘅結局都唔會改變。」牧村健語氣愈加堅定，「但既然命運注定今日就係我哋死期，我哋惟一能夠做嘅就係為我哋嘅死亡賦予意義。我哋要證明我哋嘅國家，係有人願意為佢完全獻身。即使打敗一場戰爭，只要日本人一日未滅種，日本就依然會存續落去；而只要日後有人能夠喺我哋嘅犧牲當中，搵到為日本未來奉獻嘅勇氣，我哋嘅死就有價值。」萬籟俱寂。日光之中，牧村健同佐藤正一再次對望。「牧村……你真係相信你自己講嘅嘢？你真係甘心？你口中講到大義凜然，但你睇下你對腳，」佐藤正一忍唔住哽咽咗一下，「你……仲震過我喎。」「因為我同你都係人呀。」牧村健用力抬起震抖嘅雙腳，翻身坐入駕駛艙，「我唔想死。冇人想死。但相信自己嘅死有意義，總好過到死果一刻都覺得自己嘅犧牲了無價值，唔係咩？」牧村健對住駕駛儀板上同家人嘅合照，擠出咗一副任何人都無法理解嘅微笑。＿＿＿＿＿＿＿＿＿＿＿＿＿＿＿＿＿＿

「焦土」——如果要為焦土呢個詞語配上一幅照片，大概就會係東京依家嘅樣貌。由上年 11 月開始，隨住日軍開始喪失本土制空權，美軍 B-29 轟炸機群就不時造訪呢座東方名城，為東京居民送上一團團火球作為禮物。到依家 8 月，超過 100 次嘅轟炸已經將東京嘅一半化為廢墟，殺死市民至少十萬人，傷者不計其數。日復一日嘅燒夷彈將東京嘅街道燒成貨真價實嘅焦土，混雜焦屍焦彈焦土焦木嘅焦味中人欲吐。牧村涼子望住眼前人間煉獄，一夜轟炸之後，雖然自己生命僥倖得存，但屋企冇咗，鄰舍冇左，過往最熟悉嘅街道冇左，心愛嘅一切都已經燒成飛灰，即使由防空洞返嚟之前已經做曬心理準

備，最終亦都難免落淚。「媽媽，你點解喊嘅？」牧村勇太剛剛五歲，對好多嘢都唔明白。佢唔明點解佢成年都見唔到爸爸、佢唔明點解不時個天空就會好嘈、佢唔明點解成日半夜就要跑去地下個大洞度、佢唔明點解城裡面成日著火、佢唔明點解某日之後就再見唔返成日喺街口請佢食糖個姨姨、佢唔明點解屋企突然就冇咗，佢唔明白點解媽媽會突然喊。佢最唔明嘅，係其實媽媽都唔明。「勇太，我哋屋企畀敵人燒咗啦。」涼子忍住淚水，嘗試冷靜一啲，免得嚇親勇太，「不過唔緊要……爸爸交代落，有咩事我哋可以去群馬縣果邊投靠堀越叔

叔老家，總會有辦法生存落去。」「媽媽，咁爸爸返嚟嘅時候未搵唔到我哋囉？」涼子一聽，眼中嘅淚水再次奪眶而出，惟有擰轉身避開勇太視線，穿過圍欄門，緩緩行入已經燒成廢墟嘅屋企之中。

到三日前，涼子終於收到第二封家書，信上面只係以秀麗嘅書法寫咗一句：「死して不朽の見込みあらばいつでも死ぬべし」喺信嘅背面，涼子搵到兩句細字註腳：

涼子喺兩個月前收到牧村健嘅家書，話佢已經完成咗飛行兵訓「過去咁多年能夠同你一齊賞櫻練，成績仲名列前茅，大概係因係我牧村健一生最大嘅福氣。」為佢本身就非常熟悉飛機嘅關係。牧村健仲話，佢即將會被配「請為我照顧好勇太。」屬到喜界島基地，成為零戰機師，準備本土決戰。之後整整兩個月，牧村健都音訊全無。

涼子好清楚，牧村健已經被編入神風特攻隊當中。儘管軍部點樣宣傳神風特攻隊嘅偉大都好，涼子都冇辦法接受丈夫要成為特攻一員。無論廣島炸死咗幾多人、長崎炸死咗幾多人、東京炸死咗幾多人、有幾多日本軍人已經喺呢場戰爭中死去都好，佢哋全部都唔係牧村健。只有當赴死嘅人係自己丈夫嘅一刻，涼子先真正感受到呢場戰爭嘅殘酷。涼子並唔在乎丈夫不唔不朽，亦都唔在乎日本嘅命運——所有嘢都太遠。歷史、國家、民族、大義，呢啲嘢都過於抽象，遠唔及半夜兒子嘅哭啼同丈夫嘅鼻鼾真實。佢真正在乎嘅，係丈夫呢一刻係咪安全，下一年又可唔可以返嚟屋企同勇太慶祝生日。一個母親、一個妻子嘅心願，僅此而已。呢一年以嚟，涼子對上天嘅質問愈嚟愈多。點解佢成年都見唔到丈夫、點解東京會受到空襲、點解成日半夜要去防空洞、點解半座城會成為火海、點解半生人辛辛苦苦經營嘅屋企一晚就會燒左、點解佢可以苟活、點解同一個工場，堀越二郎同曽根嘉年就可以活落去、點解偏偏要係佢丈夫去死。點解？或者，喺命運之前，涼子又好、牧村健又好、堀越二郎又好、曽根嘉年都好，大家都只係走係時

代預先為各自劃出嘅道路之上。「勇太，你記唔記得呢棵樹本來係咩樹？」涼子抹一抹淚水，轉身指向一棵已經燒斷嘅樹。「櫻花樹！係爸爸好鍾意嘅櫻花樹！」勇太圍住棵斷樹又跑又跳，宛如年半前春天花開之際同爸爸一齊玩嘅時候。「嗯。有好多次媽媽話想帶埋健太同爸爸一齊移民去巴西，爸爸都話巴西種唔返呢棵咁靚嘅櫻花樹，點都唔肯走呀。」「媽媽，咁依家呢棵櫻花樹燒斷咗，爸爸咪會好傷心囉？咁點算喎，爸爸一定好唔捨得㗎……」勇太似乎突然明白屋企燒咗嘅意義，停低咗腳步，語氣失落咗起嚟。「勇太，咁你記唔記得棵櫻花樹開花嘅時候係咩樣嘅？」「我記得——」勇太一諗起當日櫻花盛放之姿，語氣又雀躍起嚟，「成棵樹都開滿花，有白色，有粉紅色，爸爸話兩隻色嘅花瓣合起上嚟就正正係櫻色！」勇太愈講愈興奮，「只要當風一吹，樹上面就會有好多好多花瓣好似落雪咁飄落嚟，爸爸話咁樣叫櫻吹雪！」

「嗯，爸爸成日話，櫻花一年只開一度，喺剎那之間綻開，剎那之間凋落；絢爛或許只有一刻，但佢盛開嘅姿態已經深深烙印喺每一個見證嘅人嘅腦海之中。咁樣，不論季節如何、花開與否、甚至嗰棵櫻樹本身不復存在都好，每逢有人諗起櫻花，都只會諗起佢最絢爛嘅果一剎；每逢有人種下一棵櫻樹，都會以到達甚至超越呢種絢爛為目標。」涼子攞出懷中收藏嘅家書，「哈，不過其實媽媽都唔係太清楚爸爸講乜……或者，呢啲就係爸爸口中所講嘅不朽啦。」「不朽？」勇太滿面疑問。「不朽！」涼子笑住抱起勇太，「我哋之後種一棵新嘅櫻花樹出嚟，好冇？要仲靚過呢棵嘅！」「好！種棵新嘅，又大又靚，畀爸爸睇！」伏喺涼子膊頭上嘅勇太，感受到媽媽身上嘅呼吸起伏要略大於平時。＿＿＿＿＿＿＿＿＿＿＿＿＿＿

1945 年 8 月 15 日，中午 12 時，世界將永遠記得呢一個時間。「依家即將有重大廣播。請全國聽眾起立。」「天皇陛下即將親自對全體國民宣讀大詔。現在開始播送玉音。」終於到咗呢一刻——曽根嘉年自忖。日本嘅戰敗已成定局，宣佈投降早就係時間問題。喺歷史嘅長河之中，勝負常有；與其抱仇埋恨，如何維持國體，如何喺戰後自處，如何喺敗戰當中吸收教訓，如何革新自強再圖復興等等，先至係一國最需要思考嘅課題。

「——朕深鑑世界大勢與帝國現狀，欲以非常措置收拾時局，茲告爾忠良臣民：朕已降旨帝國政府，向美、英、支、蘇四國通知受諾其共同宣言。」「...... 今後帝國蒙受之苦難，定非尋常；爾臣民之衷情，朕善知之。然時運所趨，朕當堪所難堪、忍所難忍，只欲以此爲萬世開太平……」

不過，對於曽根嘉年嚟講，比起日本嘅國運，佢更加關心身邊人嘅未來。堀越佢可以點樣行落去？阿嫂又可以點樣面對阿健嘅死？勇太佢仲細，生長喺戰後荒廢嘅日本，究竟可以點樣自處？曽根嘉年瞄咗企喺隔離嘅堀越二郎一眼：空洞。堀越二郎空洞嘅目光，深藏喺瞳孔之中猶如深不見底。雜亂嘅鬚根、虛浮嘅雙腳、無力嘅手臂、歪斜嘅站姿，仲有依然揸喺右手嘅信紙。堀越二郎由琴日開始就已經係咁，空洞無神，一言不發——由佢哋兩個講到阿健開始。國歌《君之代》奏畢，收音機終於傳出天皇陛下嘅玉音。

「誠宜舉國一家，子孫相傳，確信神州不滅，念任重而道遠，傾總力於將來之建設，篤盡道義，鞏守志操，誓發揚國體精粹，朕期待定必不落後於世界之進展——爾臣民，願克體朕意！」《君之代》再次奏起，標示住日本歷史上最重要嘅詔書嘅終結，亦都標示住第二次世界大戰嘅終結。「『發揚國體精神』...... 一個戰敗之國，究竟仲有咩國體精粹可言 ......」曽根嘉年忍唔住抱怨。「曽根，我唔知咩係『國體精粹』，」堀越二郎突然開聲。「但我知道，我哋唔可以辜負阿健嘅精神。」

旭日將盡，堀越二郎打開手上皺𠵼𠵼嘅信紙，再次翻讀紙上唔多嘅內文。「拜啓別後一年，尊軀無恙？仲夏之際，喜界島之上，凡見零戰所在之處，皆如見君，故此來信。世間順逆無常，旭日起落有時。自廣島、長崎以來，大勢所趨，已有定向；當知神風難起，回天無力。然為天皇獻命，雖非本願，亦有極榮。今日飛花散後，還望保存櫻芽。飛花不散，無以立魂；櫻芽不存，無以立身。歷史長河千古，成敗不爭朝夕，但亦自點滴而起。君匠心獨運，工藝絕人，誠非一二霜期可凋。願君多多保重，步步足跡，為未來重振日本而努力。多年來承蒙照顧，感激不盡。此中恩情，牧村健來生再報。」堀越二郎翻轉信紙，雙眼失神，呆坐良久。唔知幾時開始，日輪已經沒於海平線中，換上冷艷嘅月輪初升天際。樹影婆娑，夜蟬齊鳴。月光輕撫信紙背面，照亮嘅係牧村一貫秀麗嘅書法大字：

「生きて大業の見込みあらばいつでも生くべし」 ——如能成就大業，忍辱也必偷生。

讀者投稿

香港民族真正需要嘅係

理想主義

圖片來自：改圖師救港（IG:Photoshopper_HK)

對於香港民族要點樣傳承落去，一直以來坊間都有唔少討論。一般大家會認為，只要能夠將香港嘅語言、文化同歷史記憶傳承落去，「香港民族」呢個身份就亦會隨之傳承，筆者將呢個講法稱為「文化論」。但係咪真係咁簡單呢？當然呢個講法無錯。港大《學苑》嘅《香港民族論》（下稱民族論），就提及香港共同體嘅形成源於 70 年代嘅粵語電視劇及流行歌曲興起，呢啲普及文化成為當時大眾嘅共同經歷及談論話題，加上呢段期間「香港人精神」（獅子山下、拼搏等等）嘅形成、以及香港同中國嘅地理區隔，令「香港人」成為一個有別於中國人嘅身份認同。

而經常被引用其著作《想像的共同體》嘅民族理論大家 Benedict Anderson，亦認為民族嘅構成，往往來自好多好平庸嘅事。例如擁有同樣嘅語言，睇同一個語言嘅小說、報紙；又或者相同嘅教育體制，就例如今日嘅越南、柬埔寨、寮國三地，早在同屬法國殖民地（即法屬印度支那）時期教育體制早已有所差別，三地人民由細到大都接受唔同嘅教育，自然會認為自己有別於其他兩地嘅人，久而久之就會各自形成共同體。去到呢度，筆者再次問多次開篇嘅問題：「係咪只要擁有共同文化與生活經歷，就可以維持一個民族嘅民族意識？」

澳門都擁有其獨特文化，咁點解澳門人又唔係一個民族？過去有唔少親共派中人反駁「香港民族」呢個概念嘅時候，亦會提及長洲等地方都有其獨特文化，又係係咪可以自稱「長洲民族」呢？喺呢度我哋需要引入一套邏輯概念：充份條件（sufficient condition）及必要條件（necessary condition）

筆者認為，共同文化係構成一個民族嘅必要條件，但並非充分條件，簡單來講即係「一個民族必然擁有共同文化，但擁有共同文化嘅群體，並唔一定會構成一個民族。」「文化論」嘅本質正正如此，過去喺香港生活嘅共同記憶，同樣嘅語言及文化，呢啲正正係香港民族嘅基石。但並唔代表單憑共同文化就能夠維持一個民族嘅向心力，尤其是今日香港人離散世界各地，隨着大家慢慢融入當地，必然會出現異質性，例如喺台灣嘅香港人同英國嘅香港人，無論係娛樂抑或生活節奏上必然有所不同，離散時間越耐，文化上嘅分歧就會日漸增加，假以時日，「香港民族」最終會唔會名存實亡呢？

咁到底咩先係構成香港民族嘅「充份條件」？除咗「文化論」之外，我哋亦經常強調「苦難」對於維繫民族性嘅作用，例如目前流亡海外、過去曾擔任《民族論》編輯嘅梁繼平就講過：「真正連結香港人嘅，係痛苦。」

人，乘機收割佢哋嘅財富。而面對外來嘅惡意，猶太人自然會加強共同體之間嘅凝聚力，藉此抵禦外在壓迫。

香港民族過去嘅凝聚力係建基於「苦難」，但去到海外，呢種香港民族嘅促成，同中共殖民情況會唔會得以延續呢？事實上統治息息相關，假如唔係自主權人在海外，必定會逐漸遠離打壓。移交後中共一再得寸進尺，對香面對外國社會，香港人擁有相對港嘅文化、政治、經濟不斷蠶食，唔錯嘅教育水平及國際視野，亦喺缺乏外在壓迫嘅情況下，相信願意融入當地社會，遇到歧視同香港人亦唔會衍生出民族主義，壓迫嘅可能性確實較少。充其量只會係一種特殊嘅鄉土認同。所以準確而言，比起文化，當然你可能話，海外都有好多「共同承受嘅苦難」先係催生出小粉紅中國人，佢哋都會壓迫香香港民族嘅主要因素，呢個正正港人。的而且確，但係香港人遭係香港民族嘅充分條件之一。受到佢哋壓迫嘅前提，係建基於我哋強調作為「香港人」嘅身份，事實上，唔少離散族群皆因「共強調香港人同佢哋不同。而現實同受壓迫嘅苦難」而令族群身份生活上，海外香港人有太多方法更加鞏固。越係喺外國受到歧視可以低調過日子，避免同中國人及差別待遇，共同體就越緊密。嘅正面衝突，因此雖然係海外有就以猶太人為例，由於一直堅小粉紅，但唔會出現「共同承受守猶太教禮儀，同本地社會格格嘅壓迫」。不入，加上善於經商，往往會累積到唔少財富，因此近代前歐洲唔少地方都有反猶風氣，而統治者往往會利用反猶民意迫害猶太

有唔少海外香港人會嘗試通過繼續了解香港嘅消息、多啲同身處香港嘅朋友聯絡，透過呢個方法延續同香港嘅關係。但係畢竟身處海外，黑警再亦無法威脅到自己嘅安危，加上香港局勢嚴峻，而人總係會下意識逃避過多嘅負面消息，就例如有唔少人移民到海外，會放低手機唔睇咁多香港新聞一樣。長遠來講，喺海外嘅人會漸漸無辦法同身處本土嘅香港人「感同身受」，民族意識自然因此淡薄。如果苦難無法持久，只有文化又不足以維持民族意識，到底香港民族需要啲咩？筆者認為係：理想主義。係因為理想主義，令到我哋雖然有唔同嘅差異同埋分歧，雖然離散世界各地，但依然擁有一個相同嘅願景：總有一日我哋會喺煲底相見，喺呢一片名為「香港」嘅土地上，高唱住一首真正屬於香港人嘅國歌，揮舞住一支真正

屬於我哋嘅旗幟。自「香港」誕生以來，第一次真真正正擁有決定自己命運嘅權利。筆者相信，每一個真正嘅香港人，心入面唔多唔少都有呢一幕。過去 Gearup 曾經講過「以香港作為信仰」，其本質都係一樣，相信某一個願景，相信嗰日必定會來臨，相信其他擁有同樣願景嘅人，並願意為此奮鬥。而實際上，民族主義嘅興起係伴隨着宗教力量衰落，人需要尋找新嘅信念同價值作為皈依。而對於香港民族而言，呢一份信念同價值，就係對香港未來嘅理想主義。

而理想主義當然並唔係停留於空想，而係需要擁有同一夢想嘅每一個香港人付出同行動，理想令到我哋願意為之而付出，而我哋嘅付出會令到我哋一步步接近理想。中大新亞書院創辦人之一、新儒家牟宗三，喺佢嘅歷史哲學大作《政道與治道》入面係咁講：「當舊政權腐化墮落，無法再實現正當價值；革命，就係帶住正義同理想，以武力衝破舊政權嘅盤根錯節，重新建立一個可以實現價值嘅世界。」而香港民族，最終亦會帶着我哋共同嘅理想，奪回香港主權，建立一個能夠實現我哋價值嘅祖國。當香港民族發展出民族理想；當呢個理想有一日變得洶湧澎湃，厚積薄發；佢就會發展成足以支撐香港人立國嘅立國精神。我哋必須相信，當整個香港民族都奉理想主義而行動，我哋終有一日，會迎來我哋嘅最終目標：

香港人立國！