AJA BARAKALDOKO HIZKUNTZA ESKOLA OFIZIALAREN ANTOLAKUNTZA ETA JARDUERA ARAUDIA
AURKIBIDEA ALDEZ AURRETIKO TITULUA. XEDAPEN OROKORRAK ______________________________ 1 1. artikulua. Barakaldoko HEOren izena, irakaskuntzak eta izaera ____________________ 1 I. TITULUA. BARAKALDOKO HEOren ANTOLAMENDUAREN DEFINIZIOA ________________ 3 I. KAPITULUA. XEDAPEN OROKORRAK __________________________________________ 3 2. artikulua. Gobernu-organoak _______________________________________________ 3 3. artikulua. Hezkuntza-komunitatearen parte-hartzea _____________________________ 4 4. artikulua. Koordinazio didaktikorako organoak _________________________________ 4 5. artikulua. Gobernuko, parte-hartzeko eta koordinazio didaktikorako organoen jardueraprintzipioak _______________________________________________________________ 4 II. KAPITULUA. KIDE ANITZEKO GOBERNU ORGANOAK ___________________________ 4 I. ATALA. BARAKALDOKO HEOko OOG _________________________________________ 4 6. artikulua. Barakaldoko HEOko OOGren izaera eta osaera ________________________ 4 7. artikulua. OOG hautatzea eta berritzea _______________________________________ 5 8. artikulua. Presidentea eta idazkaria ordeztea __________________________________ 5 9. artikulua. OOGren funtzionamendu-erregimena ________________________________ 5 10. artikulua. OOGren Batzordeak _____________________________________________ 6 II. ATALA. IRAKASLEEN KLAUSTROA __________________________________________ 6 11. artikulua. Irakasleen klaustroaren izaera eta osaera ____________________________ 6 12. artikulua. Klaustroaren funtzionamendu-erregimena ____________________________ 6 13. artikulua. Klaustroaren eskumenak _________________________________________ 6 III. ATALA. ZUZENDARITZA TALDEA ___________________________________________ 7 14. artikulua. Zuzendaritza-taldea _____________________________________________ 7 III. KAPITULUA. PERTSONA BAKARREKO GOBERNU ORGANOAK ___________________ 7 15. artikulua. Zuzendaria ____________________________________________________ 7 16. artikulua. Ikasketa-burua _________________________________________________ 8 17. artikulua. Idazkaria ______________________________________________________ 8 18. artikulua. Pertsona bakarreko gobernu-organoak izendatzeko eta kargu-uzteko proposamenak ____________________________________________________________ 9 19. artikulua. Zuzendaritza-taldeko kideak ordeztea _______________________________ 9 IV. KAPITULUA. IRAKASLEEN KOORDINAZIO ORGANOAK__________________________ 9 20. artikulua. Barakaldoko HEOko koordinazio-organoak ___________________________ 9 I. ATALA. IRAKASLEAK _____________________________________________________ 10 21. artikulua. Irakasleen eskubideak eta betebeharrak ____________________________ 10 22. artikulua. Irakasleen eginkizunak __________________________________________ 10 23. artikulua. Ordutegiak eta taldeak aukeratzea_________________________________ 11 24. artikulua. Irakasleek eskolara hutsegitea, lizentziak eta baimenak ________________ 11 25. artikulua. Irakasleen jardunaldia __________________________________________ 12 26. artikulua. Karguengatik edo dedikazioarengatik liberazioa ______________________ 12 II. ATALA. TUTORETZAK ____________________________________________________ 12 27. artikulua. Tutoretza eta tutoreak izendatzea _________________________________ 12 28. artikulua. Tutoreen eginkizunak ___________________________________________ 12 III. ATALA. BATZORDE AKADEMIKOA _________________________________________ 13
29. artikulua. Batzorde akademikoaren osaera __________________________________ 13 30. artikulua. Batzorde akademikoaren eskumenak ______________________________ 13 IV. ATALA. DEPARTAMENTU DIDAKTIKOAK ____________________________________ 13 31. artikulua. Departamentu didaktikoen izaera eta osaera _________________________ 13 32. artikulua. Departamentu didaktikoen eta departamentu-buruen eginkizun eta eskumenak _______________________________________________________________________ 14 33. artikulua. Departamentu didaktikoen buruen izendapena _______________________ 15 V. ATALA. KURTSO EDO MAILAKO IRAKASLE TALDEAK__________________________ 15 34 artikulua. Mailako koordinatzaileak _________________________________________ 15 35. artikulua. Mailako koordinatzaileen eskumenak_______________________________ 16 II. TITULUA. BIZIKIDETZA ARAUAK _______________________________________________ 16 I. KAPITULUA. PRINTZIPIO OROKORRAK _______________________________________ 16 36. artikulua. Bizikidetzaren oinarria - Bizikidetza Plana ___________________________ 16 37. artikulua. Eskubideen berehalako babesa ___________________________________ 17 38 artikulua. Betebeharrak beteko diren bermea _________________________________ 18 II. KAPITULUA. IKASLEEN ESKUBIDEAK ________________________________________ 18 39. artikulua. Irakasleen inplikazioa ikasleen eskubideen babesean __________________ 18 40. artikulua. Eskolara joatea arautzea ________________________________________ 18 41. artikulua. Taldea aldatzea _______________________________________________ 19 42. artikulua. Ohore-, intimitate- eta norberaren irudiaren eskubidearen babesa ________ 19 43. artikulua. Idatzizko adierazpen-askatasunerako eskubidea______________________ 19 III. KAPITULUA. BETEBEHARRAK BETEKO DIREN BERMEA _______________________ 20 44. artikulua. Printzipio orokorra _____________________________________________ 20 45. artikulua. Jokabide desegokiak ___________________________________________ 20 46. artikulua. Bizikidetzaren aurkako jokabideak _________________________________ 21 47. artikulua. Bizikidetzaren aurkako jokabide larriak _____________________________ 22 III. TITULUA. ERRENDIMENDU AKADEMIKOAREN EBALUAZIO OBJEKTIBOA ___________ 24 48. artikulua. Printzipio orokorrak_____________________________________________ 24 49. artikulua. Publizitatea ___________________________________________________ 24 50. artikulua. Ikasleentzako informazioa _______________________________________ 24 51. artikulua. Zuzendutako lanak, probak eta ariketak berrikustea ___________________ 24 52. artikulua. Erreklamazioak justifikatzen dituzten agiriak gordetzea _________________ 24 53. artikulua. Erreklamazio-prozedura ikastetxean _______________________________ 25 54. artikulua. Erreklamazio-prozedura ikastetxez kanpoko instantzien aurrean _________ 25 IV. TITULUA. ADMINISTRAZIOKO ETA ZERBITZUETAKO LANGILEAK __________________ 25 55. artikulua. Administrazio eta Zerbitzuetako langileen eskubideak eta betebeharrak ___ 25 56. artikulua. Administrazioko eta Zerbitzuetako Langileen eginkizunak _______________ 26 57. artikulua. Lanera hutsegiteak eta baimenak _________________________________ 26 V. TITULUA. XEDAPEN OROKORRAK _____________________________________________ 26 58. artikulua. AJAren erreforma ______________________________________________ 26
ALDEZ AURRETIKO TITULUA. XEDAPEN OROKORRAK 1. artikulua. Barakaldoko HEOren izena, irakaskuntzak eta izaera Barakaldoko Hizkuntza Eskola Ofiziala (aurrerantzean, HEO) ikastetxe publikoa da; erregimen bereziko irakaskuntzen barruan, helduei hizkuntzak irakasten dizkie, Maiatzaren 3ko 2/2006 Lege Organikoaren 59.etik 62.era arteko artikuluen araupean. Abenduaren 29ko 1629/2006 Errege Dekretuak ezartzen ditu erregimen bereziko hizkuntzen irakaskuntzaren curriculumaren oinarrizko alderdiak. Honako maila hauek irakasten dira: Oinarrizko maila (A1, A2), Bitarteko Maila (B1.1, B1.2), Maila Aurreratua (B2) eta Gaitasun Maila (C1). Otsailaren 24ko 46/2009 Dekretuak arautzen du maila horien ezarpena eta curriculuma. Otsailaren 24ko 46/2009 Dekretuko 2. artikuluan aurreikusitakoaren arabera, hizkuntza eskola ofizialek – hizkuntzetan konpetentziak hobetzeko – honako kurtso espezializatu hauek antolatu, eman eta egiaztatu ahal izango dituzte: maila oinarrizko, bitarteko eta aurreratua, eta bai Hizkuntzen Europako erreferentzia-esparru bateratuko C1 eta C2 mailak, betiere Hezkuntza, Unibertsitate eta Ikerketa Sailaren aldez aurretiko baimena izanez gero (Otsailaren 24ko 46/2009 Dekretua, zeinaren bidez, araubide bereziko hizkuntza-ikasketen mailetako- oinarrizkoa, tartekoa, aurreratua eta gaitasun mailacurriculuma ezartzen da eta ikasketa horiek Euskal Autonomi Erkidegoan jartzen dira). Trebetasun bat edo batzuk garatzeko izango dira kurtso horiek, eta bai profil profesional jakin baten komunikazio-trebetasunak garatzeko ere; hizkuntza eskola ofizialek finkatuko dute ebaluazio-prozesu egokia, kurtsoaren ezaugarri eta helburuen arabera. Hala, kurtsoak ematen dituzten sailek haien programazio didaktikoak prestatuko dituzte, barne direlarik bai ebaluazio-irizpideak eta bai trebetasunen kalifikazioa ere. Ebaluazio-prozedura eta -lanabesen bitartez ziurtatu egin beharko da ezen, tokatzen diren trebetasunak eta kurtsoa egiaztatzeko, beharreko maila lortzen dela. Zentroko zuzendariak emanen du delako kurtsoaren ziurtagiria, eta bertan honako hauek jasoko dira: zentroaren izena, ikaslearen izena eta NIAN edo AIZ, kurtsoaren izena, noiztik nora egin den, zenbat ordu iraun duen, eta lortutako kalifikazioak. 1. Ikasteko modalitateak 
Ofiziala klaseak jasotzeko edozein modalitatetan: Eskolan bertan,eta eskolan zein etxetik ikasteko moduan (ikasleek eskolatik kanpo lan egiten du eta astean behin klasera etortzen da) Ikaslea dagokion deialdiko maila egiaztatzeko probetara aurkez daiteke.  Librea: ikasleak eskolara joan gabe, mailak egiaztatzeko probetara baino ez dira aurkezten. Ez dago mugarik deialdietan. 2. Hizkuntzen irakaskuntzan sartzeko eskakizunak a) Hizkuntza Eskola Ofizialetako ikaskuntzak eskuratu ahal izateko, ezinbesteko eskakizuna da ikasten hasi den urtean hamasei urte beteta edukitzea. Halaber, ikasten hasi diren urtean hamalau eta hamabost urte bete dituzten pertsonak ere sartzea izango dute, baldin eta Derrigorrezko Bigarren Hezkuntzan lehen hizkuntza dutena ez beste hizkuntza bat ikasi nahi badute. b) Ikasleek uste badute nahikoa menderatzen dituztela hizkuntza baten gaitasunak, edozein mailatan sartzeko aukera izango dute, autokokapen-sistemaren bidez. Autokokapen horrek ez du esan nahi, inolaz ere, aurreko mailak gainditu direnik eta,
1
ondorioz, ez dakar inolako eskubiderik, ikaslea kokatu den mailatik beherako ikastaroen egiaztagiriak lortzeari dagokionez. c) Nazionalitate espainiarra duten pertsonek ezin izango dute ikasi Gaztelania Atzerriko Hizkuntza gisa. Beste nazionalitatedun pertsonek eskolan irakasten den edozein hizkuntza ikasi ahal izango dute, baldin eta eskatu duten hizkuntza hori amahizkuntza ez bada. d) Ikaslea ezin izango da matrikulatu aldi berean ikasle ofizial eta ikasle libre gisa, ikasturte eta hizkuntza berean. 3. Ikasleek mailaz igotzea eta irautea a) Apartekoa izanik, eta dagokion sailak baimenduta,ikasleak aukera izan lezake matrikulatuta dagoen mailatik gorako kurtso batera pasatzeko; beti ere Eskolan matrikula ofiziala egin duen ikaslearen heziketa ibilbideari jarraituta. Azpimarratzekoa da egoera horretan EAEko HHEEOOetako ikasleak matrikulatzeko eta onartzeko aginduak ezarri duenaren arabera, ikasleak ofiziala izateko matrikula-lehentasuna galduko lukeela. Euskararen kasuan, araudiari erreparatuz (297/2010 Dekretua, azaroaren 9koa, euskararen jakite-maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzi Marko Bateratuko mailekin parekatzeko dena), ikasturtean zehar, ikasle ofizial batek ikasten duen mailaren baliokidea den beste euskara-mailaren bat gainditzen badu, ez du azken azterketan aurkeztu beharko: baliokidetasuna kontuan hartu eta BALIOZKOTUTZAT joko da. Pertsona horrek egiaztagiri egokiaren bidez baieztatu beharko du egoera hori. Kasu horretan, maila gainditzeak ez dakar matrikulatzeko lehentasuna galtzerik. b) Ikaslea maila batean matrikulatu eta, ikasturtea hasi ondoren, dagokiona baino maila altuagoan edo baxuagoan dagoela konturatzen bada, abenduaren 31a baino lehenago eska dezake matrikula aldatzea, aurreko edo hurrengo mailara. Eskolak eskaera hori onartu eta matrikula aldatzeko, eskatutako mailan leku libreak egon behar dira, ezinbestez. Hala bada, ikasleak ez du inolako ordainketarik egin behar. c) Aurrez aurreko modalitateko ikasleak ezin izango dira matrikulako kurtso berean birritan baino gehiagotan. Salbuespen gisa, irakasle egokiak proposaturik eta ikasleak hala eskaturik, zuzendariak baimendu egin dezake hirugarrenez matrikulatzea, oinarrizko mailarako muga lau urtekoa delarik; seikoa, bitarteko mailetarako eta maila aurreratuetarako; eta hirukoa, gaitasun mailarako. 4. Matrikulari uko egitea 46/2009 Dekretuaren 5. artikuluak matrikula bertan behera uzteari buruz zehazten duenez, honako kasu hauetan onartuko da: a) Edozein ikaslek egin ahal dio uko matrikulari, abenduaren 31a baino lehen eskaera eginez. Justifikatu gabe egiten badu eta hurrengo ikasturtean berriz matrikulatu nahi badu, berriro ere onarpen-prozesuan parte hartu beharko du. Matrikulari uko egiteko justifikatutako arrazoia badu, hori egiaztatzeko agiria eman beharko du. b) Data horretatik aurrera, eta ikasturte akademikoko apirileko azken lanegunera arte, uko egiteak soilik onartuko dira, baldin eta gaixotasun larririk, istripu garrantzitsurik eta ustekabeko arrazoi larririk badago tartean, eta zuzendaritza-taldearen iritzian, Ordezkaritza Organo Gorenaren oniritziarekin, arrazoi horiek uko egitea justifikatzen badute. Arrazoi horien artean daude etxe-aldaketa, lantoki-aldaketa, ikasleak beste ikasketa ofizialak burutzen dituen lekuaren aldaketa, etab.
2
c) Maiatzaren lehen lanegunetik aurrera, soilik onartuko da uko egitea egoki justifikatutako gaixotasun edo istripu larririk gertatzen bada, eta ikasleak zinez ezinezkoa badu ebaluazioko azken probetara aurkeztea, eta, beti ere, eskatzaileak halako probetako bakar bat ere egin ez badu. d) Edonola ere, ikasleak uko egiteko eskaerarekin batera aurkeztu beharko ditu deialdiari uko egiteko azaldu duen arrazoia inolako zalantza barik justifikatuko duten agiriak. Ikasleak emandako instantzia eta agiri guztiak eskolan artxibatuko dira, ondorio guztietarako. e) Matrikulari uko egiteko artikulu honetan jasotzen diren aukerek ez dute eskubiderik emango, inolaz ere, izen ematearen saria itzultzeko, osorik nahiz zati bat izan. 5. Matrikula ofiziala lekualdatzea a) HEOren batean erregimen ofizialean matrikulatuta dauden pertsonek eskubidea dute espedientea beste Eskola batera lekualdatzea eskatzeko, baldin eta etxez, lantokiz edo beste ikasketak egiten dituzten lekuz aldatu badira, edota, beste arrazoizko motiborik badago, espedientea jasotzen duen eskolako zuzendaritzabatzordearen ustez. Halako kasuetan, ikasle ofiziala joango den Hizkuntza Eskola Ofizialean ofizialtasun-eskubidea gordeko du. b) Aurreko ikasturtean beste HEO batean ikasi duen ikasleak hurrengo ikasturterako espedientea lekualdatu nahi badu, matrikulazio-aldia hasi baino lehen egin beharko du eskaera, arau orokor bezala. c) Onarpen- eta matrikulatze-prozesu orokorra burutu ondoren, lekualdatze hori egin ahal izango du, baldin eta dagokion hizkuntzan eta ikastaroan leku librerik badago. Horrela ez bada, matrikulari uko egin ahalko dio, edota txanda ofizialeko azterketara aurkeztu ahalko da, bere kontura prestatuta. d) Ikasturtearen hirugarren hiruhilekoan ez da onartuko, inolaz ere, matrikula lekualdatzerik. c) Ikasle baten espedientea lekualdatzen denean, ikasleari buruzko dokumentazioa ofizioz bidaliko da Eskola batetik bestera. f) Espedientea lekualdatzeak ez du ekarriko, inolaz ere, ordaindutako sari publikoa itzultzeko eskubiderik. 6. Irakasleak eta irakasle ez diren langileak HEOn bertan matrikulatzea a) Arautegiaren arabera, Eskolako irakasleek ezin izango dute lan egiten duten HEOn matrikularik egin, ez ofizial ezta libre ere. Horren ondorioz, lan egiten ez duen zentro batean egin beharko luke matrikula. Dena dela, lan egiten duten zentroko klasetara joatea daukate. b) Irakasle ez diren langileei dagokienez, ez dago inolako araudirik zerbitzuak ematen dituzten zentroan matrikulatzea oztopatzen duenik.
I. TITULUA. BARAKALDOKO HEOren ANTOLAMENDUAREN DEFINIZIOA I. KAPITULUA. XEDAPEN OROKORRAK 2. artikulua. Gobernu-organoak Barakaldoko HEOk honako gobernu-organo hauek izango ditu, kide anitzekoak nahiz pertsona bakarrekoak: 3
a) Kide anitzekoak: Ordezkaritza Organo Gorena (aurrerantzean, OOG) irakasleen klaustroa eta zuzendaritza-taldea b) Pertsona bakarrekoak: zuzendaria, ikasketa-burua eta idazkaria 3. artikulua. Hezkuntza-komunitatearen parte-hartzea Ikasleek, irakasleek, administrazio eta zerbitzuetako langileek (aurreratzean, AZL) eta Udalak OOGren bidez hartuko dute parte Barakaldoko HEOn. 4. artikulua. Koordinazio didaktikorako organoak Barakaldoko HEOko koordinazio didaktikorako organoak klaustroaren ardurapean egongo dira. Honako hauek dira, hain zuzen: koordinazio pedagogikorako batzordea, eta ikastaro edo/eta mailako irakasle-taldeak. 5. artikulua. Gobernuko, parte-hartzeko eta koordinazio didaktikorako organoen jarduera-printzipioak 1. Ikastetxeko gobernuko, parte-hartzeko eta koordinazio didaktikorako organoak arduratuko dira eskolan egiten diren jarduerak Euskal Eskola Publikoaren Legeak (aurrerantzean, EEPL) jasotzen dituen printzipio eta balioen arabera gara daitezen, lege berak eta indarrean dauden gainerako arauek ezarritako hezkuntza-helburuak benetan gauza daitezen, eta irakaskuntzaren kalitatea bermatuta egon dadin. 2. Gainera, gobernuko, parte-hartzeko eta koordinazio didaktikorako organoek bermatuko dute, bakoitzak bere eskumen-esparruan, ikasleen, irakasleen eta administrazio eta zerbitzuetako langileen eskubideak benetan gauza daitezen; orobat, bakoitzak bere betebeharrak bete ditzan zainduko dute. 3. Era berean, organo horiek arduratuko dira irakaskuntza-komunitateko kide guztiek ikastetxeko bizitzan, kudeaketan eta ebaluazioan benetako parte-hartzea izan dezaten.
II. KAPITULUA. KIDE ANITZEKO GOBERNU ORGANOAK I. ATALA. BARAKALDOKO HEOko OOG 6. artikulua. Barakaldoko HEOko OOGren izaera eta osaera 1. Hezkuntza-komunitateko kideek eskolako gobernuan parte hartzeko organoa da Barakaldoko HEOko OOG. Barakaldoko HEOko OOG izango da beraren izena. 2. OOGren eskumenak. EEPLren 31. artikuluak zehazten ditu Barakaldoko HEOren OOGren eskumenak (I. eranskina). Honako hauek nabarmentzen dira horien artean: 1. Ikastetxeko hezkuntza-proiektua, antolakuntza- eta jarduera-araudia eta kudeaketaproiektua onartzea; horiek beteko direla zaintzea; eta haren ebaluazioa egitea, 28.3. artikuluak zehazten duenaren arabera. 2. Ikastetxeko urteko plana onartzea, 35.2.a) artikuluan ezarritakoari kalterik eragin gabe. 3. Prestakuntza eta eskolaz kanpoko jardueren programa nahiz jarduera osagarrien eta urteko kudeaketa-programa onartzea, eta horien guztien jarraipena eta ebaluazioa egitea. 4
4. Kultura eta hezkuntza asmoetarako, beste ikastetxe batzuekin lankidetzaharremanak ezartzea (I. eranskina). 3. Honako kide hauek osatuko dute Barakaldoko HEOren OOG, Azaroaren 12ko 258/1996 Dekretuaren 8.a. artikuluaren arabera (II. eranskina). a) Zuzendaria, presidentzia izango duena b) Ikasketa burua c) 10 irakasle d) Ikasleen 15 ordezkari e) Administrazio eta Zerbitzuetako langileen ordezkari bat f) Udalaren ordezkari bat g) Eskolako idazkaria, OOGren idazkari gisa jardungo duena, hitz egiteko eskubidearekin baina botorik gabe 7. artikulua. OOG hautatzea eta berritzea OOGko kideen erdiak bi urtean behin berrituko dira, txandaka, berritzeak arautzen dituen Dekretuak zehaztutakoa errespetatuz, eta Hezkuntza, Unibertsitate eta Ikerketa Sailak argitaratutako deialdien arabera. Ikasturtearen hasieran, OOGko kideen artean hutsik egotekotan, bete egingo dira. Nolanahi ere, leku librerik egonez gero, ikasturtean zehar betetzeko aukera egongo da, eskaeraren ordenari jarraituta. 8. artikulua. Presidentea eta idazkaria ordeztea 1. Zuzendaria ez badago, ikasketa-buruak zuzenduko du OOG, edota, bestela, ikastetxeko OOGn dauden irakasleen artean, antzinatasun handiena duenak. 2. Idazkaria ordezkatzeko, ikastetxeko OOGko kideen artean, irakaslerik gazteenak hartuko du haren lekua, eta boto-eskubidea mantenduko du. 9. artikulua. OOGren funtzionamendu-erregimena 1. Ohiko bileretan, zuzendariak deialdia bidaliko die OOGko kideei. Bertan egongo dira jasota, besteak beste, bileraren gai-zerrenda, bai eta eztabaidatu eta, hala balitz, erabakiko diren gaien inguruko dokumentazioa ere. Gutxienez, bilera baino hirurogeita hamabi ordu lehenago jasoko dute hori guztia. 2. Gainera, aparteko bilerak ere egin ahalko dira, gutxienez berrogeita zortzi ordu lehenago abisua emanda, aztertuko diren gaien izaera edo larritasuna dela-eta, beharrezkoa ikusten denean. 3. OOG urtean hiru bider bilduko da gutxienez, bai eta zuzendariak deia egiten duen bakoitzean eta gutxienez kideen heren batek eskatzen duenean ere. Nolanahi ere, nahitaezkoa izango da ikasturtearen hasieran eta amaieran bilera bana egitea. OOGko kide guztiek derrigorrez joan beharko dute bileretara. 4. OOGk gehiengo soilez hartuko ditu erabakiak, zuzendariaren izendapena ezeztatzeko izan ezik; kasu horretan, bi hereneko gehiengoa behar izango da. 5. Araudi honetan eta hezkuntza-alorreko legerian aurreikusita ez dauden kasuetarako, Administrazio Prozedurari buruzko Legearen II. Tituluko 2. atalean (Azaroaren 26ko 30/92 Legea, Urtarrilaren 13ko 4/99 Legeak aldatu duena) ezarritakoari egokituko zaio OOGren funtzionamendua.
5
10. artikulua. OOGren Batzordeak 1. OOGk Batzorde Iraunkorra eratuko du EEPLren 36.3 artikuluak xedatutako eginkizunak eta OOGren osoko bilkurak beraren esku utzitako gainerakoak betetzeko. Apirilaren 15eko 82/1986 Dekretuaren 19. eta 20. artikuluek (Apirilaren 17ko EHAA) jasotzen dituzte haren osaera eta eskumenak. Honako hauek osatuko dute batzorde iraunkorra: zuzendariak, ikasketa-buruak, irakasle batek, ikasle batek eskolakontseiluko kideak guztiak ere, ikastetxea dagoen udalerriko udal ordezkari batek eskola-kontseiluko kidea, eta ikastetxeko idazkariak, batzordeko idazkari gisa jardungo duenak, hitz egiteko eskubidearekin baina botorik gabe. Eurei zuzenean eragiten dieten gaiak eztabaidatzen direnean, administrazio eta zerbitzuetako langileen ordezkariak ere joango dira Batzorde Iraunkorreko bileretara, hitz egiteko eskubidearekin baina botorik gabe. Erabaki loteslea hartu behar denean OOGri erantsiko zaizkio. Erabakiak gehiengoz onartuko dira, boto haztatuaren sistema erabiliz (III. eranskina). 2. Halaber, Batzorde Ekonomikoa eratuko da, honako hauek osatua: zuzendariak, irakasle batek, ikasle batek eskola-kontseiluko kideak guztiak ere, eta idazkariak, hitz egiteko eskubidearekin baina botorik gabe (IV. eranskina). II. ATALA. IRAKASLEEN KLAUSTROA 11. artikulua. Irakasleen klaustroaren izaera eta osaera 1. Barakaldoko HEOko gobernu-organoa izateaz gain, klaustroa da irakasleek parte hartzeko berezko organoa eta ikastetxeko koordinazio didaktikorako organo gorena. Haren ardura da ikastetxeko hezkuntza-alorreko gai guztien inguruan planifikatu, koordinatu, erabaki eta informatzea. 2. Zuzendariak zuzenduko du klaustroa, eta ikastetxean ari diren irakasle guztiek osatuko dute. Barakaldoko HEOko idazkaria izango da bertako idazkaria ere. 3. Zuzendaria ez badago, ikasketa-buruak zuzenduko du klaustroa, edota, bietako inor ez badago, antzinatasun handiena duen irakasleak. Antzinatasun txikiena duen irakaslea arituko da idazkariaren ordez. 12. artikulua. Klaustroaren funtzionamendu-erregimena 1. Klaustroa urtean hiru bider bilduko da gutxienez, bai eta zuzendariak deia egiten duen bakoitzean eta gutxienez kideen heren batek eskatzen duenean ere. Ikasturtearen hasieran eta amaieran nahitaez bildu beharko du. 2. Klaustroko kide guztiek bileretara joateko betebeharra dute. 3. Ohiko bilera izan baino hirurogeita hamabi ordu lehenago egin beharko da deia, gutxienez. Salbuespen bezala, aztertu beharreko gaien izaera edo larritasuna dela eta, aparteko bilerak deitu ahalko dira, deialdia berrogeita zortzi ordu lehenago eginda, gutxienez. 4. Araudi honetan eta hezkuntza-alorreko legerian aurreikusita ez dauden kasuetarako, Administrazio Prozedurari buruzko Legearen II. Tituluko 2. atalean (Azaroaren 26ko 30/92 Legea, Urtarrilaren 13ko 4/99 Legeak aldatu duena) xedatutakoari egokituko zaio Klaustroaren funtzionamendua (V. eranskina). 13. artikulua. Klaustroaren eskumenak Irakasleen klaustroari dagokio EEPLren 35. artikuluak eta indarrean dauden gainerako xedapenek zehaztutako eginkizunak betetzea (VI. eranskina). 6
III. ATALA. ZUZENDARITZA TALDEA 14. artikulua. Zuzendaritza-taldea 1. Pertsona bakarreko gobernu-organoek osatzen dute Barakaldoko HEOko zuzendaritza-taldea, eta era koordinatuan arituko dira, bakoitzaren eginkizunak betetzeko. 2. Zuzendaritza-taldeak EEPLren 36. artikuluak agindutako eginkizunak beteko ditu, bai eta OOGk edo klaustroak beraren kargu utzitakoak ere, bakoitzaren eskumenesparruan (VII. eranskina). 3. Zuzendaritza-taldeak egoki deritzon hezkuntza-komunitateko edozein kide deitu ahalko du bileretara, kontsultarako. Era berean, egoki deritzon eginkizunak eskuordetu ahalko ditu ikastetxeko irakasleengan, eta bereziki departamentuburuengan edo proiektu zehatzen ardura duten irakasleengan. 4. Pertsona bakarreko honako organo hauek osatzen dute Barakaldoko HEOko zuzendaritza-taldea: Zuzendariak, ikasketa-buruak eta idazkariak.
III. KAPITULUA. PERTSONA BAKARREKO GOBERNU ORGANOAK 15. artikulua. Zuzendaria 1. Barakaldoko HEOko zuzendariak ordezkatzen du Ikastetxea, ondorio guztietarako. Bera da Hezkuntza Administrazioko ordezkari naturala eta berak zuzentzen ditu Kide Anitzeko Gobernu Organoak. 2. EEPLren 34. artikuluak zehazten ditu haren atribuzioak eta eskumenak (VIII. eranskina). 3. Zuzendariaren eskumenak dira: a) Ikastetxearen ordezkaria izatea, bertan hezkuntza-administrazioaren izenean aritzea eta berari helaraztea hezkuntza-komunitatearen planteamenduak, asmoak eta premiak. b) Ikastetxeko jarduera guztiak zuzendu eta koordinatzea, irakasleen klaustroari eta ikastetxeko ordezkaritza organo gorenari esleitutako eskumenei kalterik eragin gabe. c) Zuzendaritza pedagogikoaz arduratzea, hezkuntza-berrikuntza sustatzea eta proiektuen eta jarduera-programen helburuak lortzeko planak bultzatzea. d) Indarrean dauden legeak eta gainerako xedapenak beteko direla bermatzea. e) Ikastetxeko langile guztien burutza gauzatzea. f) Jarduera akademikoak eta ordezkaritza organo gorenaren eta ikastetxeko irakasleen klaustroaren bilerak deitu eta zuzentzea, eta organo horiek, bakoitzaren eskumenaren esparruan, hartutako erabakiak gauzatzea eta beteko direla bermatzea. g) EEPLren 63. artikuluak aipatzen dituen obra, zerbitzu eta hornikuntzen kontratazioak egitea, eta ikastetxeko urteko kudeaketa-planaren arabera, gastuak
7
baimentzea, ordainketak agintzea, eta ikastetxeko egiaztagiri eta dokumentu ofizialak ikusi eta onestea, beti ere arauz ezarritako prozeduraren arabera. h) Hezkuntza-alorreko ardura duen sailari ikastetxeko zuzendaritza-taldeko gainerako kideen izendapena eta kargu-uztea proposatzea, aldez aurretik irakasleen klaustroari eta ikastetxeko ordezkaritza organo gorenari horren berri eman ondoren. i) Ikastetxearen eta inguruko erakundeen (batez ere hezkuntza-alorreko ardura duten erakunde publikoen) arteko harremanak sustatu eta bultzatzea. 16. artikulua. Ikasketa-burua 1. Zuzendaritza-taldeko kide gisa dagozkion eskumenez gain, EEPLren 41. artikuluak zehaztutako eskumenak ere beteko ditu ikasketa-buruak. 2. Zuzendariak eskuordetuta eta haren agintearen pean, ikasketa-buruak irakasleen burutzaren ardura izango du araubide akademikoari lotutako guztiaren inguruan, eta departamentu-buruen eta tutoreen jarduerak koordinatuko ditu. 3. Ikasketa-buruaren eskumenak dira: a) Araubide akademikoari lotutako irakasle eta ikasleen jarduerak koordinatu eta beteko direla zaintzea, ezarritako plangintzaren arabera. b) Pertsona bakarreko gainerako organoekin lankidetzan, eskola-egutegia eta ordutegi akademikoak egitea, eta zorrotz beteko direla zaintzea. c) Ikasleen ebaluazio-prozesuak koordinatzea, eta Departamentuek Administrazioak zehaztutako irizpideak beteko direla zaintzea.
eta
d) Irakasle eta ikasleak eskolara bertaratuko direla kontrolatzeko mekanismo egokiak zehaztea eta, hala balitz, beharrezko neurriak ezartzea. e) Irakasleak ez daudelako edo bajan daudelako sortzen diren hutsuneak betetzeko, ezarritako mekanismoak abian jartzea. f) Zuzendariak eskuordetuta, batzorde akademikoaren bilerak zuzentzea. g) Diziplinari eta bizikidetzari lotutako gaietan esku hartzea, araudi honetan zehaztutakoaren arabera. h) Irakasleen lanera hutsegiteen hileroko partea egitea. i) Zuzendariaren ordez aritzea, gaixorik edo kanpoan dagoenean (IX. Eranskina). 17. artikulua. Idazkaria 1. Zuzendaritza-taldeko kide gisa dagozkion eskumenez gain, EEPLren 42. artikuluak zehaztutako eskumenak ere beteko ditu idazkariak. Zuzendariak eskuordetuta eta haren agintearen pean, ikastetxeko administrazio-langileen burutzaz arduratzea. 2. Idazkaria arduratuko da ikastetxearen kudeaketaz. 3. Idazkariaren eskumenak dira: a) OOGren eta klaustroaren bileren akta jasotzea. Bilera horietan, idazkariak hitz egiteko eskubidea izango du, baina ez botorik. b) Aktak, espedienteak, artxibategiak eta ikastetxeko dokumentazioa zaintzea, eta organoen eskura izatea.
8
c) Agintariek eta interesdunek edo euren ordezkariek eskatzen dituzten ziurtagiriak egitea, zuzendariaren oniritziarekin. d) Ikastetxeko kontabilitateaz arduratzea. e) Ikastetxearen premia ekonomikoen zerrenda egitea, aurrekontu propioan sartu behar diren gastuen inguruan. f) Ikastetxeko aurrekontua eta bertako likidazio-kontuari lotutako dokumentua prestatzea, zuzendaritza-taldeak edo, hala bada, batzorde iraunkorrak OOGri aurkeztu eta berorrek onar dezan. g) Kontratazioak egiteko aurretiko jarduerak inbertsioetarako proposamenak egitea.
eta
materiala
erosteko
nahiz
h) Zuzendariak eskuordetuta eta haren agintearen pean, ikastetxeko administrazio eta zerbitzuetako langileen burutzaz arduratzea. i) Ikastetxearen funtzionamenduari dagozkion hezkuntza eta administrazio-arauak biltzea eta langileei, irakasleei, ikasleei eta zuzenean interesatutako organoei horien berri ematea. j) Ikastetxeko jarduerari lotutako iragarpen eta jakinarazpenak prestatu eta hedabideetara bidaltzea. k) Ikastetxeko instalazioen mantentze-lanak gainbegiratzea. l) Zuzendaria eta ikasketa-burua kanpoan daudenean, haien izenean aritzea (X. eranskina). 18. artikulua. Pertsona bakarreko gobernu-organoak izendatzeko eta kargu-uzteko proposamenak Pertsona bakarreko gobernu-organoak izendatzeko eta kargu-uzteko proposamenak EEPLk eta arauzko xedapenek aurreikusitakoaren arabera egingo dira, zuzendaria aukeratzeko prozedurari buruzko Otsailaren 3ko 63/2009 Dekretuaren arabera (XI. eranskina). 19. artikulua. Zuzendaritza-taldeko kideak ordeztea 1. Zuzendaria kanpoan edo gaixorik badago, ikasketa-buruak hartuko ditu haren eginkizunak, behin-behinean. 2. Ikasketa-burua kanpoan edo gaixorik badago, zuzendariak irakasle bat izendatu ahalko du behin-behinean haren eginkizunak bete ditzan, eta horren berri emango dio OOGri. 3. Orobat, idazkaria kanpoan edo gaixorik badago, zuzendariak irakasle bat izendatu ahalko du behin-behinean haren eginkizunak bete ditzan, eta horren berri emango dio OOGri. 4. Zuzendaria kanpoan edo gaixorik dagoelako, ikasketa-buruak ordezkoa hartzen duenean, beraren eskumen guztiak izango ditu, artikulu honen 2. eta 3. ataletan jasotakoak barne.
IV. KAPITULUA. IRAKASLEEN KOORDINAZIO ORGANOAK 20. artikulua. Barakaldoko HEOko koordinazio-organoak Barakaldoko EHOn honako organo hauek egongo dira irakaskuntza-koordinaziorako: 9
a) Irakasleak. b) Tutoreak. c) Batzorde akademikoa. d) Hizkuntza Departamentuak, urtero eratuko direnak, ikasturtearen antolakuntzari buruz Hezkuntza Sailburuordearen Ebazpenak ezarritakoaren arabera. e) Kurtso edo mailako irakasle-taldeak. I. ATALA. IRAKASLEAK 21. artikulua. Irakasleen eskubideak eta betebeharrak Enplegatu Publikoaren Oinarrizko Estatutuari (EPOE) buruzko Apirilaren 12ko 7/2007 Legeak (apirilaren 13ko 89. BOEn argitaratua) zehaztutakoaren arabera arautuko dira irakasleen eskubide eta betebeharrak (XIII. eranskina). 22. artikulua. Irakasleen eginkizunak Irakasleen eginkizunak dira: a) Hezkuntza Sailak oro har zehaztutako arauak edo ikastetxeko gobernu-organoek zehaztutakoak betetzea. b) Departamentu-buruari eta mailako koordinatzaileei laguntzea ikasturte akademiko bakoitzeko programazioa egiten, eta programazio horren garapena ebaluatzea. c) Hala bada, programazioaren barruan jasoko dira departamentuko irakasleek sartu beharreko berrikuntza metodologikoak, laguntzarako bibliografia eta helburuak, jarraitu beharreko metodologia, arloaren banaketa eta ebaluazio-sistemak. d) Irakaskuntza-mailako era guztietako jarduerak edo ekimenak proposatzea, dagokion departamentuko funtzionamendu onari laguntzeko. e) Ikastaro ez egiaztagarrietako ikasle ofizialen ebaluazio-probak prestatu eta egitea. f) Administrazioak maila egiaztagarrietako ikasle libre nahiz ofizialentzat prestatutako probak kudeatu eta ebaluatzea. g) Irakasle guztiek Hezkuntza Sailak proposatutako ebaluazio-irizpideak erabil ditzaten neurri egokiak ezartzea eta exijentzia-mailak bateratzea, diskriminazioak eta desberdintasunak galarazteko. h) Proben emaitzak aztertzea, hutsak aurkitu eta zuzentzeko, eta egon daitezkeen asmatze metodologikoak indartzeko. i) Azterketak zuzentzeko eratu beharreko epaimahaiak erabakitzea. j) Orobat, Departamentuko irakasleen eskumenak dira ikasketa alorreko ikerketa, berrikuntza metodologikoa, eta programazioan nahiz ebaluazioan lankidetzan aritzea, irakaskuntzaren kalitatea hobetzen laguntzeko. k) Prestakuntza-ikastaro interesgarriak ematea proposatzea. Irakasleen ordutegiaren barruan, astero ordubete gorde da prestakuntza horretarako. l) Klaustroaren, departamentuaren, esleituta dauden irakasle-taldeen eta hautatuak izan diren kide anitzeko organoen bileretara joatea. m) Ikastetxearen antolakuntzan eta jardun egokian laguntzea, Ikasketa Buruaren eta Antolakuntza eta Jarduera Araudian (aurreratzean, AJA) zehaztutako gainerako arduradunen koordinazioaren pean. 10
n) Ikasleen tutoretzaz arduratzea, haien ikasketa bideratzeko. 23. artikulua. Ordutegiak eta taldeak aukeratzea Irakasleen ordutegiak bai mintegi buruak egingo ditu, bai mintegiko kide guztien artean egingo dira, ikasleentzako talde eskaintza eskakizuna egokitu behar dela kontuan hartuz. Ahal den neurrian, irakasleen ordutegiak egiteko hurrengo irizpideak errespetatuko dira: 1. Ordutegi blokeak sortuko dira eta irakasle bakoitzak bi maila baino gehiago ez emateko ahalegina egingo da. 2. Ordutegi bloke orekatuak sortzen ahaleginduko da, batez ere maila altuen kasuan; egoera horretan maila baxuekin konbinatuko dira. 3. C1 mailako taldeen irakaskuntza-maila egokia zaintzeko, maila horietan eskola emateko HEOren kidegoko Irakasleak edo HEOetako Katedratikoak lehenetsiko dira. 4. Zuzendaritza-taldearen eta departamentu-buruen ordutegien banaketa-premiak kontuan hartu beharko dira. Mintegi buruek zehaztuko dute zein egunetan aukeratuko diren ordutegi blokeak, ez taldez talde, maiatzean edo ekainean, eta honako ordena jarraituz: a) Barakaldoko HEOn behin betiko destinoa duten irakasleak, ikastetxean duten antzinatasunaren arabera. Irizpide hori erabili ezin bada, kidegoan duten antzinatasunaren ordenan zerrendatuko dira. b) HEOren kidegoan zerbitzu-eginkizunean behin betiko destinoa duten irakasleak, ikastetxean duten antzinatasunaren arabera. c) HEOren kidegoan destinoaren zain dauden irakasleak, ikastetxean duten antzinatasunaren arabera. d) Bigarren Hezkuntzako irakasleen kidegoko irakasleak, zerbitzu-eginkizunetan. e) Ikastetxean finkatutako irakasleak. f) Ordezkapenetarako izangaiak. b, c, d, e eta f aukeretan, a aukerako irizpide berberari jarraituko zaio. Ordutegi blokeak banatzean, irakasleen artean adostasunik ez badago, edo Eskola hobeto ibiltzeko edo arrazoi pedagogikoak medio egoki deritzolako, ikasketa-buruak irakasleei zer maila edo talde emango dituzten agindu ahalko die, EEPL aitortutako eskumena erabilita. 24. artikulua. Irakasleek eskolara hutsegitea, lizentziak eta baimenak Eskola honetako irakasleen lan-araubidea Euskal Autonomia Erkidegoko unibertsitatez kanpoko irakasle funtzionarioen lan-baldintzak arautzen dituen akordioaren pean dago (Uztailaren 6ko 185/2010 Dekretua, 2010eko uztailaren 16ko EHAAn argitaratua) (XIV. eranskina). Barne-araubideari dagokionez, honako hau erabaki da:
11
a) Aurreikusitako absentzia bada, irakasleak baimena eskatuko dio zuzendariari, eta honek, hutsegitearen izaeraren arabera, aitortu, ukatu edo tramitatu egingo du. Eskaeran, eskolara ez joateko arrazoiak eta absentziaren iraupena idatzi beharko dira, bai eta ikasleei arreta egiteko proposamena ere. b) Ustekabeko absentzia gertatzen bada, irakasleak ahalik eta lasterren jakinarazi beharko dio zuzendaritza-taldeari eta departamentu-buruari, zergatik gertatu den eta gutxi gorabehera zenbat iraungo duen. Irakasleak, ahal duen neurrian, edota departamentu-buruak bestela, ikasleei arreta egiteko proposamena egingo du. c) Ustekabeko absentziatik itzuli ondoren, iraupena edozein izanik ere, irakasleak idatziz jakinaraziko dio ikasketa-buruari zein datatan ez den egon eta zergatik gertatu den. Horrekin batera, egiaztagiri egokiak ere eman beharko ditu. d) Absentzia bakoitzak idatzizko egiaztagiri egokia eskatzen du irakaslearen aldetik. Hiru egunetik gorako iraupena duen gaixoaldirik gertatzekotan, medikuaren baja eta alta ere ekarri beharko dira, berriro lanera itzulitakoan. e) Indarrean dauden xedapenen arabera, zuzendaritza-taldeak irakasleen presentziari buruzko partea igorriko dio Lurralde Ordezkaritzari, hil bakoitzaren 1etik aurrera eta zehaztutako epearen barruan. f) Ikasturtearen hasieran, ikasle adingabeen guraso eta tutoreei inprimaki bat igorriko zaie, eskatuz adingabe hori eskolatik kanpora joateko baimena eman dezatela, gainerako ikasleek egiten duten bezala, ustekabean irakaslea bertaratzen ez bada, eta behar diren lanak agindu ondoren. 25. artikulua. Irakasleen jardunaldia EAEko HEOetako Ikasturtearen Antolakuntzari buruzko Ebazpenak irakasleen urteko eta asteko jardunaldia arautzen ditu. 26. artikulua. Karguengatik edo dedikazioarengatik liberazioa Zuzendaritza karguei dagozkien liberazio orduak zentroan matrikulatutako ikasle ofizialen kopuruaren arabera ezarriko dira, beti ere EAEko HEOetako ikasturte hasierako ebazpeneko taulan jasotakoari kasu eginez. Ordu kopuru honen banaketa eta lau urteko zuzendaritza egonkorrari dagozkion 9 orduena zuzendaritza taldeak erabakitakoaren arabera egingo da. II. ATALA. TUTORETZAK 27. artikulua. Tutoretza eta tutoreak izendatzea 1. Ikasleen tutoretza eta orientazioa irakasle-eginkizunaren parte da. 2. Barakaldoko HEOn irakasle bakoitza da bere ikasle guztien tutorea. 28. artikulua. Tutoreen eginkizunak Honako hauek dira tutorearen eginkizunak: 1) Ikasturtean hastean, helburuen, eskola-programen eta ebaluazio-irizpideen berri ematea ikasleei. Urtean zehar, hezkuntza-prozesuaren eta ebaluazioaren berri ematea.
12
2) Ikasle bakoitzaren jarraipena egitea. Horretarako, azken probak, hutsegiteak (aldian aldiro horren berri emango die) eta gainerako datu nabarmenak jasotzen dituzten agiriak beteko ditu. 3) Ikasleen ikaskuntza bideratzea. 4) Ikasleek gehien izan ditzaketen arazoei arreta egin eta, ahal den neurrian, horiei aurrea hartzea. Horretarako, behar diren egokitzapenak egingo ditu programazioan. 5) Ikasleen jarraipen pertsonalizatua egitea. III. ATALA. BATZORDE AKADEMIKOA 29. artikulua. Batzorde akademikoaren osaera 1. Klaustroak eskuordetuta, eskolako departamentu guztien irakaskuntza- eta ebaluaziojarduera koordinatzea da batzorde akademikoaren eginkizun nagusia. 2. Ikasketa-buruak eta departamentu-buruek osatzen dute batzorde akademikoa. Ikasketa-buruak deitu eta zuzenduko ditu batzorde akademikoaren bilerak. Batzordeak hala eskatuta, eginkizun zehatzetarako eta unean-unean, departamentu bateko edo batzuetako beste irakasle batzuk ere egon ahalko dira batzorde akademikoaren bileretan. 3. Ikasketa-buruak edo kideetako edozeinek hala eskatzen duen bakoitzean bilduko da batzorde akademikoa. 30. artikulua. Batzorde akademikoaren eskumenak Honako hauek dira batzorde akademikoaren eginkizunak: 1. Departamentu guztiak hartuko dituen jarduera akademikoa koordinatzea 2. Departamentu guztietan eragina izango duen edozein informazio jakinarazi eta bideratzea. 3. Departamentuen eta eskolaren egitura eta funtzionamendua bideratutako proposamenak egin eta aurkeztea zuzendaritza-taldeari.
hobetzera
4. Klaustroak, bere eskumenen esparruan, eskuordetzen dizkion gainerako eskumenak. 5. Ikasketa-buruak batzordera eramango duen edozein gairi buruzko akordioak hartzea. Akordio horiek lotesleak izango dira guztientzat, ikasketa-burua barne. IV. ATALA. DEPARTAMENTU DIDAKTIKOAK 31. artikulua. Departamentu didaktikoen izaera eta osaera 1. Eskolan ematen diren hizkuntza adina departamentu didaktiko dago. Departamentu didaktikoak arduratuko dira hizkuntza bakoitzari lotutako ikasketak antolatu eta garatzeaz. Departamentu-buruaren zuzendaritzapean, hizkuntza bera ematen duten irakasleen arteko koordinazioa bermatzea dute helburu. Eginkizun eta lan hori kide guztien ardura da. 2. Departamentuek ikasketen programazioa jarriko dute ikasleen eskura. Programazio horrek argi eta garbi jaso beharko ditu honako puntu hauek, hizkuntzaren, ikasturtearen eta mailaren arabera: Helburuak, Edukiak, Azterketa-eredua eta ikasleei gomendatutako
13
bibliografia. Hori guztia ikasle ofizial nahiz libreen esku utziko dute, ikasturte bakoitzaren hasieran. 3. Irakasle guztiek, batez beste, astero ordu erdi eman beharko dute departamentuko ohiko bileretan, departamentu-buruak egoki deritzonean dei ditzakeen edota departamentuko kideen heren batek deituriko aparteko bilerez aparte. 4. Departamentu-buruak zuzenduko du ikasketa-departamentua eta departamentu-buru laguntzaile bat eta ikastaroko edo mailako koordinatzaile bat izan ahalko ditu, lan-kargak hala eskatzen duenean. 5. Departamentu-buruak, ikasketa-buruak edo zuzendaritzak erabakitzen duten bakoitzean, edo kideen heren batek hala eskatzen duenean bilduko da departamentua. Bileretan hartutako akordioen akta jasoko du departamentuak. 6. Departamentuari dagokion hizkuntza ematen duten irakasle guztiek osatzen dute Departamentu hori. 7. Irakasle batek hizkuntza bat baino gehiago ematen badu, ordu gehien ematen dituen hizkuntzako departamentuko kidea izango da. Halere, ematen dituen beste hizkuntzetako departamentuetako bileretan egon, eta beraietako lanetan eta erabakietan parte hartu ahalko du. 32. artikulua. Departamentu didaktikoen eta departamentu-buruen eginkizun eta eskumenak Departamentu didaktikoek eta beraietako arduradunek beren gain hartuko dute, urtero, ikasturtearen antolakuntzari buruz Hezkuntza Sailburuordearen Erabakiak agindutakoa, bai eta indarrean dagoen gainerako araudia ere.(XV. eranskina), Honako hauek dira departamentu-buruaren eginkizunak: 1. Zuzendaritzaren eta departamentuko irakasleen arteko koordinazio-lan sendoa egitea. 2. Departamentua sustatu eta koordinatzea, irakasleek parte-hartze aktiboa izan eta beraren funtzionamenduan lagun dezaten. 3. Departamentuko kideen artean giro on eta egokia sustatu eta bultzatzea, eta arreta berezia eskaintzea iritsi berri diren irakasleei. 4. Zer premia dagoen ikusi eta material berria erostea planifikatzea: departamenturako beharrezkoak diren liburuak, argitalpenak oro har, eta material didaktikoa. 5. Liburuak eta material didaktikoa egoki zaindu eta zerrendatuko dela bermatzea. 6. Departamentuko irakasleek irakaskuntzarako beharko dituzten liburuak eta material didaktikoak banatzea. 7. Ikastaroei, bilerei, atzerriko egonaldiei eta euren prestakuntzarako eta hobekuntzarako interesgarritzat jotzen diren alderdi guztiei buruzko informazioa helaraztea departamentuko ikasle eta irakasleei. 8. Departamentu didaktiko osoaren jarduna zuzendu eta koordinatzea. 9. Ikasketa-buruarekin batera aritzea departamentuko ordutegiaren proiektua egiten eta irakasle bakoitzak ikasturtean emango duen maila edo mailak esleitzen, eskolaren premien arabera. 10. Departamentuko irakasleen bilerak antolatu, prestatu eta zuzentzea, eta bertako irakasleen artean lanak banatzea. 14
11. Egiten diren bileren aktak bermatzea. 12. Departamentuko irakasleekin batera, ikasturte akademiko bakoitzean emango diren irakaskuntzen programazio orokorra egitea, indarrean dauden programa ofizialen arabera, eta programazioa egoki beteko dela zaintzea, edukietan, metodologian eta ebaluazioan. 13. Departamentu bakoitzean, ikasle ofizial nahiz libreekin erabiliko diren ebaluaziorako prozedura eta materialen ezarpena planifikatu eta zuzentzea. 14. Departamentuko jarduera osagarriak eta eskolaz kanpoko jarduerak planifikatu eta koordinatzea, indarrean dauden arauen arabera. 15. Ikasketa-buruarekin komunikazioa izatea, departamentuko jarduerak ikastetxeko gainerako jarduerekin koordinatzeko, aurreikusitako lan-plangintzaren garapenaren berri emateko, eta departamentuak antzeman dezakeen edozein arazo jakinarazteko. 16. Ikastaroko edo/eta mailako koordinatzaileen izendapena proposatzea zuzendariari. 17. Azterketak eta horien artxibapena koordinatu eta ikuskatzea. 18. Azterketen emaitzen argitalpena antolatzea. 19. Zuzendaritzak beraren esku uzten duen beste departamentuaren jarduerari lotuta.
edozein
betekizun,
bere
33. artikulua. Departamentu didaktikoen buruen izendapena Departamentuko kideek aukeratuko dute haietako nor izango den departamentu-burua, eta zuzendariak izendatuko du. Izendatu ostean ezin izango dio uko egin karguari eta, ondorioz, ikasturtea hasten denean departamentuko burutza guztiak izendatuta egongo dira. Aukeraketa egiteko, honako irizpide hauek errespetatzen ahaleginduko dira: 1. Ezin izango da departamentu-buru gisa izendatu zuzendaritza-kargua duen inor. 2. Departamentuan HEOko Katedratikoen kidegoko irakaslerik badago, horietako batek hartu beharko du kargua, aurreko puntuan zehaztutako kasuan izan ezik. 3. HEOko Katedratiko kidegoko irakaslerik ez badago, ikastetxean behin betiko destinoa duen eta gutxienez urte beteko antzinatasuna duen HEOko irakasleen kidegoko irakasleren bat proposatu ahalko da, bozketa bidez edo adostasunez. 4. Departamentu-buruak eginkizuna bertan behera utziko du, agintaldia amaitzen duenean edota zuzendariak onartutako arrazoizko uko egiteagatik. 5. Departamentuak ez badu hautagairik proposatzen, zuzendariak aukeratuko du. V. ATALA. KURTSO EDO MAILAKO IRAKASLE TALDEAK 34 artikulua. Mailako koordinatzaileak 1. Departamentu-buruak izendatuko ditu mailako koordinatzaileak, baina departamentuan ahalik eta adostasun handiena lortzen ahaleginduko da. Ikasturtearen hasieran egingo da izendapena, eta ikasturtearen iraupena izango du. Departamentuburuarekin batera arituko da, eta berorrek eskuordetutako eginkizunak hartuko ditu. 2. Maila batean aritzen diren irakasle guztiek osatzen dute mailako taldea. Kide guztien ardura da atazak era orekatuan eta zuzen banatzea, kide bakoitzak dituen gainerako lanak kontuan hartuta. 15
3. Irakasleak koordinatzeko era bat dira mailako taldeak. Mailako talde horiek mailako programazioaren eta eskola-jardueren koordinazioaren inguruko erabakiak hartzeko gaitasuna dute, curriculum proiektuaren esparruan. 4. Departamentu bakoitzeko irakasleek Departamentuko buruari edo koordinatzaileari lagunduko diote, berak hala eskatzen badu. 5. Mailako koordinatzaileak bilerak deituko ditu aldian aldiro, eta beraren taldean dauden irakasleek parte hartu beharko dute. 35. artikulua. Mailako koordinatzaileen eskumenak Mailako koordinatzailearen eginkizunak dira: 1. Ikasturtean zehar erabilitako materiala bildu eta antolatzea, formatu digitalean eta paper-euskarrian. 2. Mailako koordinatzaileak antolatu eta ikuskatuko du azterketen eta ebaluazioproben prestakuntza, bai eta ebaluazioa bera ere. 3. Mailako taldearen bileren gai-zerrenda prestatzea, bilera horiek zuzentzea, ondorioak eta erabakiak jasotzea eta beteko direla zaintzea. 4. Mailako taldeak egiten dituen agiri eta materialak, eta denek erabiltzeko baliabide didaktikoak jaso eta eskura izatea.
II. TITULUA. BIZIKIDETZA ARAUAK I. KAPITULUA. PRINTZIPIO OROKORRAK 36. artikulua. Bizikidetzaren oinarria - Bizikidetza Plana Barakaldoko HEOren ustez, bizikidetzaren oinarria da hezkuntza-komunitate osoak ikasleen eskubideak errespetatu eta babestea, bai eta eskubide horiek arduraz erabiltzea eta ikasleen betebeharrak zuzen betetzea ere, Titulu honetan ezarritakoari lotuta. Bizikidetza Planaren agiriak Barakaldoko HEOn bizikidetzari lotutako antolakuntza eta funtzionamendua zehazteko balio du, eta ikastetxean ezarri beharreko bizikidetza arauaren ildo nagusiak zehazten ditu. Honako hauek osatzen dute Bizikidetza Batzordea: Zuzendariak Ikasketa-buruak Bi irakaslek Bi ikaslek Administrazio eta Zerbitzuetako Langileen (aurreratzean, AZL) ordezkari batek Bizikidetza Batzordea urtean bi aldiz bilduko da, gorabeherarik egonez gero horiek aztertzeko eta, beharrezkoa izanez gero, aurreikusitako neurrien ezarpena berriz aztertzeko, edo eskuratu nahi diren jokabide positiboak bultzatzeko neurri hezitzaileak proposatzeko. Bizikidetza Batzordeak honako eginkizun hauek ditu: 1. Hezkuntza-komunitateko sektore guztien ekimenak bideratzea, bizikidetza eta elkarrekiko errespetua sustatu, bakearen kultura bultzatu, eta gatazkak era baketsuan ebazteko. 16
2. Agertutako arazoetan bitartekaritza-lana egitea. 3. Ezarritako neurri zuzentzaileak eta diziplina-neurriak agindu bezala bete direla jakin eta baloratzea. 4. Eskola Kontseiluari ikastetxeko bizikidetza hobetzeko neurriak proposatzea. 5. Eskola Kontseiluari egindako jarduketen, eta ezarritako zuzenketen eta diziplinaneurrien berri ematea. 6. Eskola Kontseiluak ikastetxeko bizikidetzari lotuta agin diezazkiokeen beste edozein eginkizun. Ikasgela barruko nahiz elkarbizitza arau orokorrak honako hauek dira:
Puntualtasuna sartzeko eta irteteko orduetan.
Hezkuntza-komunitateko kide guztiekiko errespetua.
Irakasleek gai metodologiko edo/eta didaktikoetan hartzen dituzten erabakiekiko errespetua.
Ikasteko jarrera positiboa izateko konpromisoa, eta prozesu hori ahalik eta probetxugarriena izateko laguntzea eta ikasgelara behar den ikasmaterial guztia ekartzea.
Ikasgelako gainerako kideekiko errespetua, besteek hitz egiten dutenean entzutea eta ezartzen diren txandak errespetatzea.
Ikastetxeko gainerako kideekiko errespetua, eta ikasgeletatik hurbil dauden gune erkideetan traba ez egiten saiatzea.
Eskolak ematen diren artean, janaririk edo edaririk ez kontsumitzea (ura izan ezik).
Ahal den heinean, eskolaz kanpoko jardueretan eta jarduera osagarrietan parte hartzea, ikastetxeko jarduera orokorraren parte dira-eta.
Ikasgelako altzariak eta gainerako materiala errespetatzea.
Liburutegiko funtsak zehaztutako epean itzultzea.
Gatazkarik egotekotan, horiek konpontzen laguntzea.
Ikasgelan telefono mugikorra itzalita edo “isilik” izatea. Debekatuta dago gailu elektronikoak eta ikaslearen edo ikaskideen arreta galaraziko duen beste edozein objektu erabiltzea. Ikaslearen egoera berezietan, aurretiaz irakasleari jakinarazita eta telefonoa "isilik" mantenduta, telefono deiari erantzuteko gelatik irten daiteke, ikaskideei trabarik egin gabe.
Bizikidetza arau orokorrak eta hauek eta ikasgelarako arau hauek ezarri dira, ikasturte hasiera bakoitzean zabaldu eta zehazteko aukerarekin. 37. artikulua. Eskubideen berehalako babesa Abenduaren 2ko 201/2008 Dekretuaren 6.etik 20.era bitarteko artikuluek jasotzen dituzte ikasleen eskubideak (XVI. eranskina). Irakasleren batek ikasleen aldetik eskubide horiek erabiltzea galarazi edo berorien aurka doan jokabiderik antzemanez gero, berehala esku hartu behar du, jokabide hori izan duen pertsonari ahoz ohartaraziz edota ikasketaburuaren aurrean agertzeko aginduz.
17
38 artikulua. Betebeharrak beteko diren bermea Euskal Autonomia Erkidegoko unibertsitatez kanpoko ikastetxeetako ikasleen eskubide eta betebeharrei buruzko 201/2008 Dekretuaren 21.etik 27.era bitarteko artikuluek jasotzen dituzte ikasleen betebeharrak (2008-12-16ko EHAAn argitaratua) (XVI. eranskina). Betebehar horietan edonolako hutsegiterik egonez gero, hori ikusi duen irakasleak berehala zuzendu beharko du, eta ikasleak ikasketa-buruaren aurrean agertu beharko du, baldin eta hutsegite horrek hezkuntza-komunitateko beste kide batzuen eskubideak oztopatzen baditu edo zuzenean haien aurka egiten badu.
II. KAPITULUA. IKASLEEN ESKUBIDEAK 39. artikulua. Irakasleen inplikazioa ikasleen eskubideen babesean Euskal Autonomia Erkidegoko unibertsitatez kanpoko ikastetxeetako ikasleen eskubide eta betebeharrei buruzko Abenduaren 2ko 201/2008 Dekretuak (XVI. eranskina) ikasleei onartutako eskubideak babesten lagunduko dute Barakaldoko HEOko irakasle guztiek, aipaturiko dekretuak eta gobernu-organoen jarraibideek agindutakoaren arabera. 40. artikulua. Eskolara joatea arautzea Euskal Autonomia Erkidegoko unibertsitatez kanpoko ikastetxeetako ikasleen eskubide eta betebeharrei buruzko Abenduaren 2ko 201/2008 Dekretuak 23. artikuluan agintzen duenez, ikasle guztiek dute eskolara joateko derrigorra. 1. Ikasle ofizialek puntualtasunez joan beharko dute klasera eta justifikatu gabeko hutsegiterik egin gabe. Dena dela, aukera daukate arrazoitu gabeko eskolen %25era ez etortzeko, hau da, ikasturteko 15 egun; horretaz gain, arrazoitutako %25ean ere huts egin dezakete, beste 15 egunetan. Zentroak aldian-aldian argitaratuko du justifikatu gabeko hutsegiteen erdiak (8) egin dituzten ikasleen zerrenda, bai web-orrian, bai eskolako iragarki-taula. Ikasleak hutsegite guztiak (15) egiten dituenean posta bidez jasoko du dagokion gutuna, ofizialtasuna galdu duela jakinarazteko. Erabaki honen aurka ikasleak helegite bat jarri ahal izango du, jakinarazpen jaso duen egunetik 5 egun balioduneko epean. Zuzendaritza- taldeak ebatziko du erreklamazio hori. Hutsegite guztiak egin aurretik eta ofizialtasuna ez galtze aldera, ikasleak matrikulari uko egiteko eskubidea dauka. Horrela ikasleak ez luke deialdirik galduko. 2. Hutsegiteen %25 honetan ez dira kontuan izango gaixotasun, istripu, bat-bateko lan zein familia arazo edo egindako ikastaroengatik geratutako hutsegiteak. Ikasle ofizialak zehaztasun hauen berri izan beharra du; bere hutsegiteen egiaztagiriak ere irakasleari eman behar dizkio. Hutsegitea aurrez jakinikoa bada, gertatu aurretik emango dio horren berri irakasleari. Ezustekoa bada (gaixotasuna, istripua eta abar), horren agiria helaraziko dio irakasleari. Beraz, hutsegitea aurrez jakindakoa izan zein ez, ikasleak horren berri emango dio irakasleari pertsonalki edo beste bideren batez, hutsegiteen erdia (8) argitaratu aurretik edo hutsegite guztiak (15) postaz etxera bidali aurretik. Honelako egoeretan justifikatuta legoke eskolara ez etortzea: a) Behar bezala arrazoitutako lan edo osasun arazoengatik. Ekarriko den agirian argi agertu behar da zergatik ez den etorri eta zein den horri dagokion data b) Gradu-ondoan espezializatzeko praktikak.( bekak edo enpresa edo erakunderen baten kontratua, unibertsitateko lan-praktikak) 18
c) Ezkontzagatiko lan-baimena d) Amatasun baimena e) Erasmus programa f) Prestakuntza-ikasketa bekak 3. Ikasle ofiziala gehienezko hutsegiteetara iritsi bada, eskolara joaten jarraitzeko eskubidea galduko du (ez, ordea, matrikulatutako taldearekin batera azterketa egiteko eskubidea), bai eta hizkuntza horretan hurrengo matrikula ofizialean lehentasuna izateko eskubidea. A1 eta B1.1 mailetan ebaluazio jarraia izateko eskubidea ere galduko da. 4. Adin-nagusiko pertsonen kasuan, eskolara hutsegiteen justifikazioa ikasleak berak egin beharko du, edozein lan-harremanetan eskatzen diren antzeko agiriak aurkeztuta. Ikaslea eskolara itzultzen denean emango dio irakasleari egiaztagiri egokia. Absentzia luzeagoa bada, berriz, absentzia hasi eta bi aste igaro aurretik. 5. Adingabekoei dagokienez, hutsegiteak aitak, amak edo legezko tutoreak justifikatu behar ditu. Arrazoitu gabeko 4 hutsegite baino gehiago eginez gero, tutoreak jakinaraziko dio aita, ama edo legezko tutoreari. Ikusten bada guraso edo tutoreak behin eta berriro eta arrazoi gabe adin txikikoaren hutsegiteen justifikazioa egiten duela, ikasketa-buruak egiaztagiri egokiak aurkeztea eskatu ahalko die. Era berean, Eskolak postaz jakinaraziko die hutsegiteen berri bai erdira, bai guztira heltzen direnean. Seme-alaben eskolara hutsegiteei buruzko informazioa jaso nahi duten guraso eta tutoreak irakaslearekin harremanean jarriko dira, eta berak emango die informazio hori. Era berean, ebaluazio proben emaitzen berri izango dute familiek. 41. artikulua. Taldea aldatzea EAEko HHEEOOetako ikasleak onartu eta matrikulatzeko aginduaren arabera, HHEEOOek erraztuko dute matrikulatutako pertsonek euren ordutegia aldatzea, beti ere matrikulazio aldian plaza hutsik gertatuko balitz. Beraz, hau horrela izanik, ondokoa erabaki da: matrikulazio aldia amaitu bitartean talde-aldaketa eskatu duten ikasleen hutsegiteak ez zenbatzea. Behin matrikulazio-aldia amaituta, ordutegi-aldaketa dagokion dokumentazioa ekarrita arrazoituko da. Ikasketa-buruak, ahal den neurrian, kontuan hartuko ditu talde-aldaketa eskaerak eta ikasleak eskaera justifikatzen dituen agiriak ekarriko ditu. 42. artikulua. Ohore-, intimitate- eta norberaren irudiaren eskubidearen babesa Barakaldoko HEOko gobernu-organoek, tutoreek eta irakasle guztiek babestu beharko dute ikasleen nahiz hezkuntza-komunitateko gainerako kideen ohore-, intimitate- eta norberaren irudiaren eskubidea. Irakasleek grabazio-baliabideak eta teknologia berriak erabili ahalko dituzte, helburu akademikoetarako eta ikasleen onerako. Ikasle edo irakasleen gainerako erabileretarako, zuzendaritzaren oniritzia beharko da. 43. artikulua. Idatzizko adierazpen-askatasunerako eskubidea Abenduaren 2ko 201/2008 Dekretuaren 14. artikuluak ikasleei aitortzen dien adierazpenaskatasunerako eskubidea erabiltzeko: a) Zuzendariak edota, berak eskuordetuta, ikasketa-buruak, erabakiko du zein modutan, lekutan eta eremutan erabili ahalko den eskubide hori. Nolanahi ere, erakundeek eta hezkuntza-komunitateko kide bakoitzak merezi duten errespetua kontuan hartu beharko da. Eremu horretatik kendu ahal izango da ikastetxeko 19
zuzendaritzaren ustez egokia ez den informazioa. Debeku hori jasan duen pertsonak edo kolektiboak kexua azaldu ahalko du OOGren aurrean. b) Nolanahi ere, horretarako prestatutako leku eta eremuetan agertuko den informazio guztiak jaso behar du zer pertsona, erakunde, elkarte edo talde dagoen horren atzean. Informazio hori kendu egingo da, zuzendaritza-taldeak iraungita dagoela uste duenean. c) Ikasgelen barruan eskola-jarduerari buruzko informazioa baino ez da egongo.
III. KAPITULUA. BETEBEHARRAK BETEKO DIREN BERMEA 44. artikulua. Printzipio orokorra 1. Abenduaren 2ko 201/2008 Dekretuak (XVI. eranskina) ikasleei agindutako betebeharrak ez betetzea, gutxienez jokabide desegokitzat joko da, eta bizikidetzaren aurkako jokabidea edo bizikidetzaren aurkako jokabide larria izan ahalko da, hezkuntza-komunitateko gainerako kideen eskubideen erabilera oztopatzen badu, edo zuzenean berorien aurka jotzen badu. 2. Betebehar horiek betetzen ez direla ikusten duten irakasle guztiek nahitaez esku hartu behar dute bizikidetzaren aurkako jokabide hori zuzentzeko, aipaturiko Dekretuak eta araudi honek ezarritakoaren arabera. 45. artikulua. Jokabide desegokiak Jokabide desegokiak dira aurretik aipaturiko dekretuaren 30. artikuluari lotutakoak. 1. Jokabide desegokiak dira: a) Arrazoirik gabe garaiz ez iristea. b) Arrazoirik gabe eskolara ez joatea. c) Ikastetxeko dependentziak, materiala edo hezkuntza-komunitateko gainerako kideen objektuak hondatzea, utzikeriaz izan bada. d) Irakasle edo agintari akademikoen aginduei kasurik ez egitea, horrekin batera ez badago erdeinuzko jokabiderik, jokabide iraingarririk edo apropos egindako indiziplinarik. Halaber, jokabide desegokia da ikastetxeko gainerako langileen jarraibideei kasurik ez egitea, euren eginkizunak betetzen ari direnean. e) Hezkuntza-komunitateko kideen aurka jokabide, keinu edo hitz iraingarriak izatea. f) Ikastetxera ekipamendu, material, jantzi edo gailu debekatuak eramatea, ikastetxeko gobernu-organoek euren eskumen-esparruan agindutakoaren arabera. g) Baimenik gabe, edo onartutako helburuak betetzeko ez bestetarako erabiltzea ikastetxeko ekipamendu elektronikoa, mekanikoa, telefonikoa, informatikoa edo beste edonolakoa. h) Kalifikaziorako balio izango duten azterketetan, probetan edo ariketetan kopiatzea edo beste ikasle batzuei kopiatzen laguntzea, edo proba horietan baimendu gabeko material edo gailuak erabiltzea. i) Ikastetxean baimendu gabeko pertsonei sartzen laguntzea, edota haiekin batera sartzea, Bizikidetza Arauen edo ikastetxeko gobernu-organoen aginduen aurka.
20
j) Hezkuntza-komunitateko gainerako kideen eskubideak erabiltzea oztopatu, galarazi edo nahasten ez duten gainerako hutsegite guztiak, ikastetxeko bizikidetzaren aurkako jokabidetzat edo jokabide larritzat zehaztuta ez badaude. 2. Ikastetxeko irakasle guztiek dute ikasleen jokabide desegokiak berehala zuzentzeko eskumena, ikasgelan edo ikastetxeko beste instalazioren batean, edota ikastetxetik kanpo euren zaintza zuzenaren pean dauden bitartean. Honako neurri hauetako bat edo batzuk erabil ditzakete horretarako: a) Jokabide desegokiari eta haren ondorioei buruzko hausnarketa. b) Kaltetuak izan diren pertsonen aurrean jokabidearen desegokitasuna aitortzea. c) Zuzendariaren edo ikasketa-buruaren aurrean, edo ikastetxeaz une horretan arduratzen den zuzendaritza-taldeko beste edozein kideren aurrean aurkezteko agindua. d) Proba bat egitetik baztertzea iruzurrezko egintzarik eginez gero. e) Probak egiten diren esparrutik kanporatzea beste parte- hartzaileekiko ikaslearen jokaera desegokia edo gogaikarria bada. 3. Erabakia hartu eta neurri zuzentzaileak berehala jarriko ahalko dira indarrean. Ez da neurri zuzentzailerik ezarriko hogei egun baino gehiago iragan ondoren. Kasu guztietan, jokabide desegokiei eta horien neurri zuzentzaileei buruzko agiri idatzi edo digitalizatu guztiak suntsitu egingo dira ikasturtea amaitzen denean. 46. artikulua. Bizikidetzaren aurkako jokabideak Bizikidetzaren aurkako jokabideak dira Eskubide eta Betebeharrei buruzko Dekretuaren 31. artikuluari lotutakoak (XVI. eranskina). 1. Bizikidetzaren aurkako jokabideak dira: a) Ikastetxeetako pertsona bakarreko gobernu-organoen edo irakasleen aginduei uko egitea, desobedientziarekin batera diziplina-eza, adierazpen iraingarriak, erdeinuzkoak, aurre egitekoak edo mehatxuzkoak gertatzen direnean. Gauza bera ikastetxeko gainerako langileen aginduei dagokienez, euren eginkizunak betetzean izaten direnean. b) Ikaskideen edo hezkuntza-komunitateko gainerako kideen aurkako mehatxuzko edo irainezko adierazpenak, ikastetxeko bizikidetzaren aurkako jokabide larritzat zehaztuta ez dauden kasuetan. Orobat, bizikidetzaren aurkako jokabideak dira hezkuntza-komunitateko gainerako kideen aurkako keinu eta jarrerak, argi eta garbi erasotzeko mehatxutzat jo daitezkeenean. c) Azterketa-ereduak edo erantzunen kopiak lapurtzea, hedatzea, saltzea edo erostea. d) Noten buletinak edo gurasoentzako edo legezko ordezkarientzako agiri edo jakinarazpenak aldatzea eta, adin txikiko ikasleen kasuan, agiri horiek guztiak hartzaileei ez ematea edo agirientzako erantzunak aldatzea. e) Bidegabeko erabileraren bidez, ikastetxeko areto, altzari, agiri, edo materialei, edo hezkuntza-komunitateko gainerako kideen ondasunei kalteak eragitea, jokabide hori bizikidetzaren aurkako jokabide larritzat jotzen ez denean.
21
f) Ikastetxeko Ordezkaritza Organo Gorenak edo Eskola Kontseiluak egoki onartutako erabakiak apropos ez betetzea. g) Inoren ohore-, intimitate- eta irudiaren eskubidea ez errespetatzea, haren baimenik edo, hala bada, guraso edo legezko ordezkarien baimenik gabe grabazio-baliabideak erabilita. h) Ikastetxeko langileei gezurrak esatea, informazio okerra ematea edo norberaren nortasuna ezkutatzea, jokabide horrek hezkuntza-komunitateko beste kide batzuei kalte eragiten badie. i) Jaiotza, adina, arraza, sexua, egoera zibila, orientazio sexuala, gaitasun fisiko edo psikiko, osasun-egoera, kultura, erlijioa, sinesmena, ideologia edo beste edozein baldintza edo egoera pertsonal, ekonomiko edo sozial dela-eta, diskriminazioa dakarren edozein ekintza edo jokabide, bizikidetzaren aurkako jokabide larritzat hartzea ez dagoenean. j) Ikasleen betebeharra ez betetzea dakarren beste edozein jokabide, hezkuntzakomunitateko gainerako kideen eskubideak gauzatzea edo betebeharrak betetzea oztopatzen badu, eta hurrengo artikuluan, ikastetxeko bizikidetzaren aurkako jokabide larritzat zehazten ez bada. 2. Irakasleren baten aurrean bizikidetzaren aurkako jokabideren bat edo jokabide larriren bat gertatuz gero, irakasle horrek unean bertan ikaslea ohartarazteko eskumena dauka, bai eta zuzendariaren, ikasketa-buruaren edo une horretan ikastetxeko ardura duen zuzendaritza taldeko kidearen aurrean aurkeztea agintzeko eskumena ere, betiere kontuan hartuta unean bertan pertsonei edo gauzei kalterik ez gertatzeko berehalako neurriak ere hartu ahal izango dituela. Bizikidetzaren aurkako jokabideak zuzentzeko, aurreko artikuluan zehaztutakoez gain, honako neurri hauetakoren bat, edo gehiago, ezar ditzake zuzendariak: a) Bizikidetzaren aurkako jokabide zehatzari buruz, haren ondorioei buruz, eta zuzentzeko orientazioei buruz hausnartzea b) Idatzizko ohartarazpena c) Adin txikiko ikasleen kasuan, gurasoen edo legezko ordezkarien aurrean ohartaraztea d) Adin txikiko ikasleen kasuan, eskolara joateko eskubidea bertan behera uztea, guraso edo legezko ordezkariekin elkarrizketa izan arte. Neurri horrek ez du 3 egun baino luzaroago iraungo 3. Neurri zuzentzaileen aurkako erreklamazioa edo errekurtsoa ezartzeko epea amaitzen den unetik aurrera, indarrean jarriko dira. Ezingo da neurri zuzentzailerik ezarri, halakoak ezartzeko behin betiko erabakia hartu zenetik hirurogei egun baino gehiago iragan ondoren. 47. artikulua. Bizikidetzaren aurkako jokabide larriak Bizikidetzaren aurkako jokabide larriak dira Eskubide eta Betebeharrei buruzko Dekretuaren 32. artikuluari lotutakoak (XVI. eranskina). 1. Bizikidetzaren aurkako jokabide larriak dira: a) Indiziplina edo ez obeditzeko ekintza argi eta garbiak, horien artean ezarritako neurri zuzentzaileak betetzeari uko egitea, ikastetxeko gobernu-organoen edo irakasleen aurrean, euren eskumenak betetzean bada, bai eta hezkuntza22
komunitateko kideen aurka iraingarritzat edo erdeinuzkotzat jotzen diren adierazpen larriak egitea ere, ahoz, idatziz, baliabide informatikoak nahiz ikus-entzunezko baliabideak erabiliz. b) Jaiotza, adina, arraza, sexua, egoera zibila, orientazio sexuala, gaitasun fisiko edo psikiko, osasun-egoera, kultura, erlijioa, sinesmena, ideologia edo beste edozein baldintza edo egoera pertsonal, ekonomiko edo sozial dela-eta, diskriminazioa dakarten irainak egitea. c) Jazarpen sexista egitea. Horrelakotzat joko da, Gizon eta Emakumeen arteko berdintasunerako Otsailaren 18ko 4/2005 Legearen arabera, ahozko, ez-ahozko edo gorputzeko edozein jarrera, sexua dela-eta pertsona baten aurka zuzenduta, pertsona horren duintasunari erasotzeko asmoz edo beldurrarazteko, gutxiesteko, laidotzeko edo erasotzeko ingurunea sortzeko asmoz. d) Hezkuntza-komunitateko edozein kideren aurkako eraso fisiko edo psikologikoa. e) Eskola-eremuan tabakoa, alkohola edo drogak kontsumitzea. Alkoholaren kontsumoari dagokionez, eskolak onartutako kultura-ekitaldietan baimentzeko aukera egongo da. f) Ikastetxeko, langileen, ikasleen edo hirugarren pertsonen ondare eta instalazioak apropos kaltetzea, banaka nahiz taldean izan. g) Hezkuntza-bizitzako ekitaldietan nortasuna faltsutzea. h) Eskolako agiri edo erregistroak kaltetu edo aldatzea, idatziz nahi euskarri informatikoan, eta baimenik gabe agiri akademikoak ezkutatu edo erretiratzea. i) Borondatez, legezko delitua edo hutsegitea egitea. j) Aurreko artikuluan zehaztutako edozein jokabide behin eta berriro egitea. 2. Irakasleren baten aurrean bizikidetzaren aurkako jokabide larriren bat gertatuz gero, irakasle horrek unean bertan ikasleari kargu hartzeko eskumena dauka, bai eta zuzendariaren, ikasketa-buruaren edo une horretan ikastetxeko ardura duen zuzendaritza taldeko kidearen aurrean aurkeztea agintzeko eskumena ere, betiere kontuan hartuta unean bertan pertsonei edo gauzei kalterik ez gertatzeko berehalako neurriak ere hartu ahal izango dituela. Zuzendariak zuzenduko ditu ikastetxeko bizikidetzaren aurkako jokabide larriak, eta Ikastetxeko Bizikidetza Batzordeari horren berri emango dio. Bizikidetzaren aurkako jokabide larriak zuzentzeko, aurreko artikuluan zehaztutakoez gain, honako neurri hauetakoren bat, edo gehiago, ezar ditzake zuzendariak: a) Bizikidetzaren aurkako jokabide zehatzari buruz, haren ondorioei buruz, eta zuzentzeko orientazioei buruz hausnartzea. b) Idatzizko ohartarazpena. c) Adin txikiko ikasleen kasuan, gurasoen edo legezko ordezkarien aurrean ohartaraztea. d) Adin txikiko ikasleen kasuan, eskolara joateko eskubidea bertan behera uztea, guraso edo legezko ordezkariekin elkarrizketa izan arte. Neurri horrek ez du 3 egun baino luzaroago iraungo.
23
3. Neurri zuzentzaileen aurkako erreklamazioa edo errekurtsoa ezartzeko epea amaitzen den unetik aurrera jarriko dira indarrean. Ezingo da neurri zuzentzailerik ezarri, halakoak ezartzeko behin betiko ebazpena hartu zenetik ehun eta hamabi egun baino gehiago iragan ondoren.
III. TITULUA. ERRENDIMENDU AKADEMIKOAREN EBALUAZIO OBJEKTIBOA 48. artikulua. Printzipio orokorrak EEPLegearen 16. artikuluak aurreikusitakoa bete eta ikasleen errendimendu objektiboa neurtzeko Eskubidea bermatzeko asmoz, titulu honetan ezarritako berme-sistema erabiliko da. Hala, publizitate-, informazio- eta gardentasun-printzipioetan oinarrituta eta azken kalifikazioak erreklamatzeko aukeraz bermatuta egongo da (XV I. eranskina). 49. artikulua. Publizitatea Ikasketa-buruak bermatu egingo du ikasleek eta, adin txikikoak badira, euren legezko ordezkariek, hizkuntzetako eta mailetako programazioak eskuragarri izango dituztela, lortu beharreko helburuak, edukiak eta oinarrizko gaitasunak adierazita. Era berean, bermatu egingo du departamentu didaktikoek plazaratu egingo dutela zein diren probak gainditu eta egiaztagiriak lortzeko gutxieneko edukiak eta zein ebaluazioirizpide erabiliko den. 50. artikulua. Ikasleentzako informazioa Ikasketa-buruak bermatu egin behar du komunikazio-bide arin eta egonkorrak egongo direla irakasle eta ikasleen artean, irakaskuntza- eta ikaskuntza-jarduerari lotutako informazio osoa eskuratzeko moduan. 51. artikulua. Zuzendutako lanak, probak eta ariketak berrikustea Ikasleen eskubide eta betebeharrei buruzko Dekretuaren 9. artikuluak agintzen du errendimendu akademikoa objektiboki baloratzeko eskubidea dagoela. Ikasleek eskubidea dute euren ahalegina, ardura eta errendimendua aitortuak izan eta objektibotasunez baloratzeko; horregatik, zuzenketak egin ondoren eta hala eskatuz gero, bermatuta dute azken kalifikazioan eragina izango duten lan, ariketa eta proba guztiak eskuratzeko eskubidea. Orobat, proba horiek berrikusteko eskubidea ere bermatuko da, eta barne-prozedura bat egongo da azken kalifikazioen aurkako erreklamazioa egin ahal izateko. Hain zuzen, hala bada, Lurraldeko Hezkuntza Ordezkaritzan errekurritu aurretik prozedura horri jarraitu beharko zaio. 52. artikulua. Erreklamazioak justifikatzen dituzten agiriak gordetzea 1. Ikasturtean zehar, edozein momentutan probak, lanak eta ariketak eskura egon ahal izateko, irakasleek ikastetxean gorde beharko dituzte horiek guztiak ikasturte osoan zehar eta, gutxienez, ikasturteko azken ebaluazioaren ondoren, erreklamazioak egiteko epea amaitu eta hiru hilabetez. 2. Epe hori iragan ostean suntsitu ahal izango dira, beti ere erreklamaziorik izan ez bada eta hori ebazteko beharrezkoak ez badira. Ondorio horretarako, kontuan hartu beharrekotzat jotzen dira erreklamazioak hartzen dituen ariketak, erreklamazioa jarri 24
duen ikasleak lortu duen emaitza berbera eskuratu duten ikasleen ariketak, bai eta erreklamaziogileak eskatzen duen kalifikazioa lortu duten ikasleenak ere. 3. Nolanahi ere, erreklamazio bat ebazteko kontuan hartu beharreko ariketa edo agiri guztiak gorde egin beharko dira, horien gaineko administrazio-ebazpena eta ekintza judiziala egoteko aukera dagoen bitartean. 53. artikulua. Erreklamazio-prozedura ikastetxean 1. Ikaslea ez badago ados ebaluazioan lortu duen azken kalifikazioarekin, lehenik eta behin irakasgaia ematen duen irakaslearengana joko du eta horrek proba hori ekarriko du, azken notarekin batera, erreklamaziogileak berrikusi ahal izateko. Ikaslearen alegazioak entzun ondoren, kalifikazioari eutsi edo aldatzeko erabakia hartuko du. 2. Eskubide hori gauzatu ahal izateko, ikastetxeko Idazkaritzan berrikusteko eskaera egin behar da, emaitzak argitaratu eta 48 ordu baliodunetan. Aurretik azterketen egutegian adierazitako egun, ordu eta ikasgelan egingo da berrikusketa hori. 3. Ikaslea oraindik ere ez badago ados kalifikazioarekin, HEOko zuzendaritzaren aurrean aurkeztu ahalko du erreklamazioa, bi egun baliodunetan, proba berrikusi eta hurrengo egunetik zenbatuta. 4. Erreklamazioa aurkeztu eta lau egun baliodunetan, HEOko zuzendaritzak ebatzi eta kalifikazioari eutsi edo zuzendu egingo du. Horretarako, dagokion departamentuari agiria eskatuko dio, eta ikasleari idatziz jakinaraziko dio zer erabaki hartu den. 54. artikulua. Erreklamazio-prozedura ikastetxez kanpoko instantzien aurrean Kalifikazioarekin ezadostasuna mantentzen bada, ikasleak edo haren legezko ordezkariak 18 urtetik beherakoen kasuan, alegazio-idazki bat aurkeztu ahal izango du Hezkuntzako Lurralde Ikuskaritzan, 48 orduko epean. Errekurtsorik badago, Hezkuntza Ikuskaritzak honako agiri hauek eskatuko dizkio Eskolari: a) Ikaslearen erreklamazioa. b) Departamentuaren txostena eta zuzendaritzaren ebazpena. c) Ebaluazioaz arduratzen diren irakasleen txostena. d) Errekurritutako proba edo probak edo egokitzat jotzen diren beste agiri osagarri batzuk. Hezkuntza Ikuskaritzak aurkeztutako agiriak aztertuko ditu, eta programazioaren edukiei eta aurretiaz departamentuak finkatutako ebaluazio-irizpideei lotzen zaizkion ikusiko du. Nolanahi ere, Ikuskaritzaren txostena eta proposamena Hezkuntzako Lurralde Ordezkaritzara bidaliko dira, berak behar den ebazpena har dezan, 7 egun balioduneko epean, Hezkuntza Ikuskaritzan erreklamazioa jarri denetik.
IV. TITULUA. ADMINISTRAZIOKO ETA ZERBITZUETAKO LANGILEAK 55. artikulua. Administrazio eta Zerbitzuetako langileen eskubideak eta betebeharrak 1. AZLak Euskal Funtzio Publikoaren 16/1989 Legearen (16/1997 Legeak aldatua), Euskal Autonomia Erkidegoko Administrazioarekin hartutako akordioen eta haren xedapenen menpe egongo dira. Besteak beste, nabarmendu egin behar da Kidego eta Eskalak Ordenatzeko Otsailaren 25eko 1/2004 Legea, 2004ko martxoaren 5eko EHAAn argitaratu zena (XVII. eranskina). 25
2. Eskolako AZLak zuzenean Idazkariaren menpe egongo dira, zuzendariak eskuordetuta. 3. Idazkariak proposatu eta interesdunak entzun ondoren, zuzendaritza-taldeak erabakiko ditu ordutegia, lan-banaketa eta oporraldien erregimena, indarrean dagoen araudiaren esparruan eta eskolaren premien arabera 4. Matrikulazio eta azterketen egutegia egitean, zuzendaritza-taldeak koordinazio-bide egokia ezarriko du ikasketa-buruaren eta idazkariaren artean 5. Eskola Kontseiluko AZLen ordezkaria aukeratzeko, indarrean dagoen araudia hartuko da kontuan. 56. artikulua. Administrazioko eta Zerbitzuetako Langileen eginkizunak Hezkuntza, Unibertsitate eta Ikerketa Sailak argitaratutako monografiak jasotzen ditu Administrazioko Langile Laguntzaileen eginkizun eta eginbeharrak (XVIII. eranskina). Era berean, Mendeko Langileek beste monografia bat dute, lanpostu horren eginkizunak eta betebeharrak jasotzen dituena (XIX. eranskina). 57. artikulua. Lanera hutsegiteak eta baimenak AZLen lan-erregimena Euskal Funtzio Publikoaren Legearen (6/1989 Legea, 16/1009 Legeak aldatu zuena), eta Euskadiko Administrazio Orokorreko Langile Funtzionarioak Erregulatzeko Akordioaren (Martxoaren 9ko 83/2010 Dekretua, 2010eko martxoaren 24ko 56. EHAAn argitaratua) menpe dago (XX. eranskina). Orobat, Hezkuntza Sailaren xedapenen eta berarekin egindako lan-hitzarmenen, eta apirilaren 13ko 89. BOEn argitaratutako Langile Publikoaren Oinarrizko Estatutuari buruzko Legearen menpe ere badago (XXI. eranskina).
V. TITULUA. XEDAPEN OROKORRAK 58. artikulua. AJAren erreforma Beharrezkoa den bakoitzean, araudi hau berritu edo zabaldu egin ahalko da, kideen gehiengoak halaxe irizten dion bakoitzean. Goragoko mailako arautegiak, hala nola HEOetako Ikasle Ofizialak Onartzeko Aginduak, Proba Libreen Ebazpen Arautzaileak, Ikasturtea Antolatzeko Ebazpenak, Ebaluazio Aginduak edo Hezkuntza, Hizkuntza Politika eta Kultura Sailaren beste edozein dokumentu arautzaileak, aginduta aldatu behar denean, aldaketak ez ditu zertan OOGk onartu. Zuzendariak alda dezake une-uneko AJAn aldatuko den araua eta AJA berriaren kopia zein aldaketa eragin duen legezko arautegiaren fotokopia bana bidaliko die OOGko kideei. Onartzen den momentutik aurrera, araudi honek mugarik gabe iraungo du indarrean, harik eta, maila goreneko agindu baten ondorioz edo ikastetxeko Eskola Kontseiluko bilera bateko erabakiaren ondorioz, aldatzen ez den arte. AJA hau Barakaldoko HEOko OOGk onartu zuen, 2011ko ekainaren 30ean. Ondoren aipatzen diren artikuluak 2013ko abenduaren 13an aldatu ziren: 1. artikulua: 1. puntu: Ikasteko modalitateak 3. puntu: Mailaz igotzea eta arautzea 6. puntu: Irakasleen eta irakasle ez diren langileen matrikulazioa 39. artikulua: 1. eta 2. puntu: Eskolara hutsegiteak arautzea 26
40. artikulua:  Taldea aldatzea Ondoren aipatzen diren artikuluak 2015eko ekainaren 30an aldatu ziren: 1. artikulua: Barakaldoko HEOren izena, irakaskuntzak eta izaera 23. artikulua: Ordutegiak eta taldeak aukeratzea 25. artikulua: Irakasleen jardunaldia 36. artikulua: Bizikidetzaren oinarria - Bizikidetza Plana 40. artikulua: Eskolara joatea arautzea 45. artikulua: Jokabide desegokiak 46. artikulua: Bizikidetzaren aurkako jokabideak 47. artikulua: Bizikidetzaren aurkako jokabide larriak 23. artikulua 2016ko apirilaren 22an aldatu egin zen
27