ORIGAMI IRAKALEA Alba Rodriguez (ikaslea), Usua Galarraga (tutorea), Ainhoa Berciano (EHU):
"GUSTATU ZAIT BESTE PERTSONEI GAUZAK ERAKUSTEA"
Origami Irakalean, ikasturte honetan zehar EHUko Irakasleen Eskolako matematika eta zientzia esperimentalen saileko arduradun batzuk Artatza ikastetxeko 6. mailako gelan izan ditugu, lau saiotan zehar oinarrizko geometria ezagutzak modu atsegin batetan partekatzen. Origamia paperak tolesteko arte eta teknika japoniarra da. Sonobe modulua eta modulu hirukiarra egiten ikasi dute, eta modulu horiek elkartuz figura geometriko ezberdinak osatu daitezke. Azkenik, zenbait ikasle/irakasle/gurasok ekainaren 13ko Zientzia Kalera Irakaleko saioan parte hartu dute, Leioako Boulevardeko Stoan beste hiritar batzuekin batera euren ezagutzak partekatuz. Ikasitakoa modu gustagarrian partekatzeko aukera izatearen plazerra dastatu ahal izan dute azken saio honetan, eta horretaz jardun dugu elkarrizketa honetan. ZELAN JOAN DA GAURKO EGUNA, ZER EGIN DUZUE? -‐Jendeari erakutsi hirukia eta laukia nola egiten diren. -‐Baita kuboa, tetraedroa... -‐Piezak tolesten egon gara; eskolan egin genituen halako bi mural, non azaltzen diren zelan egin pausu guztiak, bai kuboa egiteko, bai tetraedroa egiteko, eta jendea berez pozik egon da. -‐Bai, poz-‐pozik!