2el guión curtiu L’acentuación y

A. L’acentu.

L’acentu gráficu o tilde ye’l signu que val pa indicar, en dellos casos, cuála ye la sílaba tónica d’una palabra. Según l’acentuación, les palabres divídense en:

Agudes: la sílaba tónica ye la última. Ponse tilde cuando la palabra acaba en “-n”, “-s” o en vocal. ex. atrás, cantar, caxón, virtú…

Llanes: la sílaba tónica ye la penúltima. Ponse tilde cuando la palabra nun acaba nin en “-n”, nin “-s” nin en vocal. ex. árbol, llápiz, uva… ex. cámbaru, marítimu, páxaru…

Esdrúxules: la sílaba tónica ye l’antepenúltima. Siempre lleven tilde.

B. Monosílabos.

Los monosílabos nun lleven tilde. Poro, repara nes palabres que n'asturianu tienen una sílaba, anque en castellanu tengan más, y nun s'acentúen. ex. llau (lado), deu (dedo), mieu (miedo), soi, fui, dio, prau (prado).

C. Diptongos y triptongos.

Un diptongu ye un conxuntu de dos vocales nuna mesma sílaba. Pero non tolos conxuntos de dos vocales formen un diptongu, sinón qu’esti produzse namái cuando una de les dos vocales (o les dos) ye zarrada (I, U). ex. culiebra, nueche, xuiciu…

Un triptongu produzse cuando un conxuntu de tres vocales atópase nuna mesma sílaba. ex. ariciáu, mieu…

Los diptongos y triptongos acentúense (cuando cumplan les normes xenerales d'acentuación) llantando l'acentu na vocal más abierta (les vocales abiertes son /a/< /e/</o/ y les zarraes /i/</u/). ex. facéi, abogáu, castañéu.

Nota: Si nun hai una vocal zarrada nun se considera qu'hai diptongu y polo tanto nun s'acentúa. Asina abogaes (non abogáes), separtao (non separtáo), etc.

Un hiatu ye un conxuntu de dos vocales que s’atopen en sílabes estremaes. Produzse nuna secuencia de dos vocales medies o abiertes (A, E, O) o nuna secuencia de dos vocales, una abierta y la otra zarrada y tónica. ex. maíz, paez…

Nos hiatos nos qu’haya una vocal zarrada (I, U), l’acentu gráficu allugaráse na vocal zarrada: día, maíz, Raúl…

D.Acentuación de formes con pronome pospuestu.

Una de les característiques más conocíes de la llingua asturiana ye la posposición al verbu del pronome en munches ocasiones (el pronome va tres del verbu). Asina, acentúense les palabres de la siguiente manera: a) Si una forma verbal lleva l'acentu por sí mesma, consérvalu al amesta-y ún o dos pronomes átonos. ex. mercó, mercólu; baxáis, baxáislu; algamó, algamóvoslo. b) Cuando se-y amesta ún o dos pronomes átonos a una forma verbal que nun tien acentu por sí sola, prondráse-y si'l conxuntu resulta una pallabra esdrúxula. ex. presta, préstame; dixo, díxo-yos; falen, fálente. Nota: El pronome -y (le en castellanu) cunta siempre como una sílaba.

E.Acentuación d’interrogativos y esclamativos.

Los interrogativos y esclamativos lleven toos acentu, estremándose asina na escritura de los relativos:

- Interrogativos y esclamativos: qué, quién, cómo, cuántu, cuánta, cuánto, cuántos, cuántes, cuándo, ónde, ú/aú, cuál/cuálu, cuála, cuálo, cuálos, cuáles.

- Pero relativos: que, quien, como, cuantu, cuanta, cuanto, cuantos, cuantes, cuando, onde, u/au.

F. Acentuación de los demostrativos y el alverbiu “solo”.

Los demostrativos y l’alverbiu solo acentúense cuando pudiera dase la posibilidá de confusión dientro la oración.

G. Acentuación de la preposición énte.

La preposición ante “delantre de” tien una variante énte, que s’estrema pel acentu de la preposición ente “metanes de”.

ex. axuntáronse ante la ilesia. = axuntáronse énte la ilesia la to casa ta ente la ilesia y el xulgáu.