Молитвы святым врачам

1

Молитвы

святым врачам

Издательство Светточ Москва, 2016

2

УДК 271.22-282.3 ББК 86.372.24-503.1 М 75

Рекомендовано к публикации Издательским советом Русской Православой Церкви ИС Р16-603-0098

Молитвы святым врачам. — М. : Издательство Светточ, 2016. – 96 с.

ISBN 978-5-9907706-5-2

© Составление, оформление: Издательство Светточ, 2016

3

Акафист святому великомученику и целителю Пантелеимону Память 27 июля/9 августа Целитель Пантелеимон родился на северо-запа­ де Малой Азии, в городе Никомидии. Отец его был язычником, а мать – христианкой. Она хоте­ ла воспитать сына в вере, но умерла, когда тот был еще юн. Отец отдал его в языческую школу, а затем обучал медицинскому искусству у знаменитого в Никомидии врача Евфросина. Пантелеимон принял святое крещение, когда по его молитве Господь воскресил укушенного змеей ребенка. Став христианином, он обратил к вере и отца, а с его смертью посвятил свою жизнь страждущим, бо­льным, убогим и нищим. Безмездно лечил всех обращавшихся к нему, посещал в темницах узников и при этом исцелял страждущих не столько

4

Акафист великомученику Пантелеимону

медицинскими средствами, сколько призыванием Господа Иисуса Христа. Завистники донесли на святого императору Максимиану. Избранный страстотерпец Христов отказался принести жертву идолам, исповедал себя христианином и на глазах императора исцелил расслабленного. Тогда он был предан мукам и обезглавлен. Честные мощи ве­ли­ комученика Пантелеимона частичками разош­лись по всему христианскому миру. Особенно мно­го их на Святой Горе Афон. Честная и многоцелеб­ ная глава его хранится в Русском Афонском Свято-Пантелеимоновом монастыре. К святому цели­ телю Пантелеимону обращаются за исцелением са­мых разных телесных и душевных недугов.

Кондак 1 Избранный страстотерпче Христов и врачу благодатный, туне подаяй недугующим исцеления, песньми восхваляем тя, заступника нашего. Ты же, яко имеяй дерзновение ко Господу, от всяких бед и болезней свобождай нас, любовию тебе зовущих: Радуйся, великомучениче и целителю Пантелеимоне. Икос 1  Ангела земнаго и небеснаго человека вемы

Акафист великомученику Пантелеимону

5

тя, славный Пантелеимоне: ангельскою бо непорочностию и мученичеством украшен, пре селился еси от земли на Небо, идеже со Ангелы и всеми святыми предстоя Престолу Господа славы, молися о нас, земных, почитающих тя звании сими: Радуйся, светлосте благочестия; радуйся, прес­лавный светильниче Церкве. Радуйся, мучеников пречестных украшение; радуйся, верных в непоколебимом терпении ут­верждение. Радуйся, юности преизрядная похвало; радуй­ ся, поборниче Христов, в мужестве неодоленный. Радуйся, произрастший в мире, премирен яви­выйся; радуйся, ангеле во плоти, превосходяй смертных. Радуйся, небожителю всеблаженный; радуйся, Божественнаго разума вместилище. Радуйся, имже вера возвысися; радуйся, имже прелесть низложися. Радуйся, великомучениче и целителю Пантелеимоне. Кондак 2 Видя тя Владыка сосуд избран, возлюби души твоей доброту. Ты бо земную всякую сладость и

6

Акафист великомученику Пантелеимону

славу презрев, венцем мученическим возжелел еси украситися, уязвлен Божественною любо­ вию, и вдохновенно поя: Аллилуиа. Икос 2 Разум богодухновен имея, о доблий воителю Пантелеимоне, изумил еси царя Максимиана мужеством души твоея и словесы, имиже дерзновенно проповедал еси Христа. Темже похваляюще дерзновение твое, глаголем ти сице: Радуйся, угрозы Максимиана презревый; радуйся, советом нечестивых не покоривыйся. Радуйся, насаждение истиннаго богопочитания; радуйся, искоренение демонского служения. Радуйся, неистовства мучителей изобличителю; радуйся, идольския прелести низложителю. Радуйся, разгнавый нечестивых соборища; радуйся, пременивый тленная на небесная.  Радуйся, собеседниче невещественных Ангелов; радуйся, сликовствователю многострадальных святых. Радуйся, имже сатана посрамися; радуйся, имже Христос прославися. Радуйся, великомучениче и целителю Пантелеимоне.

Акафист великомученику Пантелеимону

7

Кондак 3 Силою Вышняго, дарованною тебе, и крепким терпением твоим обезсилил еси мучителеву дерзость, мужественный победоносче: огня, зверей, колеса не убоявся и мечем усечен во главу, венец победы приял еси от Христа Бога, взывая Ему: Аллилуиа. Икос 3 Имущи обитель твоя вседрагую главу твою, бо­гомудрый страстотерпче, яко превеликое сок­ ровище, радости исполняется о сем и, любовию воспевающи данную тебе от Бога благодать исцелений, благодарно зовет ти: Радуйся, Никомидии светильниче всесвет­лый; радуйся, чтущей тя обители страже неусып­ный. Радуйся, имже охладе безбожие; радуйся, имже возрасте богопознание. Радуйся, светлая страстотерпцев славо; радуйся, радостное православных слышание. Радуйся, исцелений благодатный источниче; радуйся, дарований великих вместилище. Радуйся, благовонное миро, облагоухающее души; радуйся, яко помогаеши призывающим тя.

8

Акафист великомученику Пантелеимону

Радуйся, слепым зрение даровавый; радуйся, хромым благошествие устроивый. Радуйся, великомучениче и целителю Пантелеимоне. Кондак 4 Бурею помышлений многобожия одержим, нечестивый царь смутися, уведев от завиствовавших тебе врачев, яко всякия неисцельныя недуги целиши ты именем Христа. Мы же, с веселием славяще дивнаго в тебе Бога, вопием Ему: Аллилуиа. Икос 4 Слышавше никомидийстии людие о великом сострадании твоем к страждущим и о безмездном врачевании от всяких болезней, устремишася вси к тебе, с верою во врачующую благодать, в тебе сущую, и, приемлюще скорая ис­целения от всяких болезней, прославляху Бога и тебе величаху, всемилостиваго целителя своего, зовуще ти: Радуйся, помазанный миром благодати; радуйся, храме Бога освященный. Радуйся, великая благочестивых славо; радуйся, твердая озлобляемых стено.

Акафист великомученику Пантелеимону

9

Радуйся, мудрых превосходяй разумом; радуйся, верных осияваяй мысли. Радуйся, Божественных даров приятелище и многообразных нам милостей Господних источниче; радуйся, скорый помощниче страждущим. Радуйся, обуреваемых пристанище; радуйся, заблуждших наставниче. Радуйся, болящих туне врачуяй; радуйся, обильно исцеления источаяй. Радуйся, великомучениче и целителю Пантелеимоне. Кондак 5 Чудо преславное сотвори тобою Господь, егда чрез служителя Своего Ермолая призва тя в чудный Свой свет. Ехидною бо велиею угрызенн ­о умершее отроча по молитве твоей ко Христу абие оживе и воста здраво. Познав убо Жизнодавца всех Истиннаго Бога, с твердою верою воззвал еси Ему: Аллилуиа. Икос 5 Узре свет слепый, емуже с призыванием имене Христова прикоснулся еси ты, славне. Ермолаем бо пресвитером просвещен, отринув

10

Акафист великомученику Пантелеимону

оте­ческое многобожие, восприял еси матернее бла­гочестие, имже и отца просветил еси. Сего ради тебе, славному угоднику Божию и чудному врачу, взываем: Радуйся, к Богу велие рачение имеяй; радуйся, присногорящий огню божественныя любве. Радуйся, деятельный послушателю священных поучений Ермолая; радуйся, последовавый советам матере твоей Еввулы. Радуйся, яко вся раздал еси, да Христа приобрящеши; радуйся, любовь к миру любовию Божиею победивый. Радуйся, яко вместо сладких мира за Христа лютая страдания приял еси; радуйся, яко общник сотворился еси Страстем Христовым. Радуйся, восторжествовавый над всеми страс­ тьми; радуйся, украсивыйся благодатным безстрастием. Радуйся, исполняяй радости притекающия к тебе; радуйся, туне исцеляяй всех благодатию Христовою. Радуйся, великомучениче и целителю Пантелеимоне. Кондак 6 Проповедник истины явися просвещенный

Акафист великомученику Пантелеимону

11

тобою телесне и душевне слепец: подобно бо евангельскому слепцу, дерзновенно пред все ми исповеда Света Истиннаго, Христа, просвещающа всякаго человека, нечестиваго же царя и боги языческия укорив, чрез мечное усечение взыде к немерцающему свету на Небеси пети Богу: Аллилуиа. Икос 6 С светлым лицем представ судилищу цареву, дерзновенно взывал еси, преблаженне, во услышание всех: всецелебная сила моя и слава Хрис­  тос есть, Истинный Бог, Владыка всех, мертвыя воскрешаяй и всяк недуг отгоняяй. За та­ковое исповедание ублажающе тя, глаголем: Радуйся, уста громогласная Божества Христова; радуйся, языче медоточный, вещаяй Его домостроительство. Радуйся, витие превысшаго богословия; радуйся, сеятелю мудрый благочестия. Радуйся, сладкозвучная веры свирель; радуйся, славный проповедниче Православия. Радуйся, прежде смерти явивый дивная; радуйся, по смерти совершаяй чудная. Радуйся, зрителю славы Христовой; радуйся, послушателю молящихся тебе.

12

Акафист великомученику Пантелеимону

Радуйся, подателю милости той требующим; ра­дуйся, ходатаю благ почитающим память твою. Радуйся, великомучениче и целителю Пантелеимоне. Кондак 7 Миро излияся на душу твою, богомудрый целебниче, от Утешителя Духа; темже по смерти честныя мощи твоя, благоуханием своим страстей злосмрадие отгоняя, исцеление подают вопиющим верою Богу: Аллилуиа. Икос 7 Егда узреша идольстии чтители многолетна разслабленна, молитвою твоею, святе, воздвигнута и ходяща, мнози увероваша во Христа; жре­цы же бесовстии, завистию снедаеми, подвигоша царя на ярость. Тебе убо нещадно за Христа стружему и опаляему бывшу, со умилением зовем: Радуйся, наслаждения земная презревый; радуйся, благ вещественных превысший. Радуйся, яко вся красная мира сего ни во что же вменил еси; радуйся, яко славу скоротекущую с себе отрясл еси. Радуйся, неуловимь пребывый ловлении Вели-

Акафист великомученику Пантелеимону

13

ара; радуйся, победивый мучителей коварства. Радуйся, не пощадивый за Христа жизни своей; радуйся, враг явивыйся враждебныя плоти. Радуйся, многобожия широту утеснивый; радуйся, божественною силою идолы поправый. Радуйся, острейшая стрело, язвящая враги; радуйся, предстателю, заступаяй верующия. Радуйся, великомучениче и целителю Пантелеимоне. Кондак 8 Страннолепно являшеся тебе Господь, обод­ ряя и соблюдая в мучениих за имя Его: во образе бо пресвитера Ермолая, клокочущее олово, в неже ввержен был еси, охлади, и в мори отрешив велий камень от выи твоей, изведе неврежденна на землю. Ты же, паки представ пред царя, торжественне пел еси Христу Богу: Аллилуиа. Икос 8 Весь умне на Небеси водворялся, и низу на земли сущих не оставляеши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая: Радуйся, премудросте божественныя испол-

14

Акафист великомученику Пантелеимону

ненный; радуйся, промышления Божия о нас таинниче. Радуйся, богомудренных умов услаждение; радуйся, боголюбивых душ увеселение. Радуйся, пресветлый Христов бисере; радуйся, освященный душею и телом. Радуйся, во дворех перворожденных на Небеси вселивыйся; радуйся, в присноблаженных обитаяй чертозех. Радуйся, света Троическаго зрителю; радуйся, в молитвах к Богу теплый о нас предстателю. Радуйся, просвещение душам подаваяй; радуйся, скорбящим утешение низпосылаяй. Радуйся, великомучениче и целителю Пантелеимоне. Кондак 9 Всякое естество удивися, Пантелеимоне, сиянию в тебе благодати и богатству добродетелей: ангелоподобней чистоте твоей, великому мужеству в лютых страданиях, крепкой любве ко Христу и многому состраданию к людем, в нихже твориши преславная, во еже пети: Аллилуиа. Икос 9 Вития многовещанныя не возмогут по достоя­

Акафист великомученику Пантелеимону

15

нию восхвалити борения твоя, славный добропобедниче, како непобедимою силою Божиею юный леты победи древняго исконнаго врага и посрами идольскую прелесть. Мы же, удивления исполненнии, зовем ти:  Радуйся, радостное зрелище Ангелов; радуйся, благоговейное удивление человеков. Радуйся, кровь за Христа излиявый и в смерти млеко источивый; радуйся, тело за Него мученической смерти предавый. Радуйся, исповедничества правило; радуйся, доблий воине Царя царей. Радуйся, тьмы державца победивый; радуйся, победою твоею небесных и земных обвеселивый. Радуйся, Горняго мира обитателю блаженный; радуйся, дольняго мира мудрый странниче. Радуйся, древо, украшенное плодами благодатных дарований; радуйся, носяй добропобедныя ветви. Радуйся, великомучениче и целителю Пантелеимоне. Кондак 10 Сострадания исполнен, яко истинный под­ ра­­жатель Подателя милости Господа, честный ст­­ра­­дальче, Пантелеимоном (си есть, все­ми­

16

Акафист великомученику Пантелеимону

лос­­ти­­­вым) от Него преименован еси, на вся при­­­­те­каю­щия к тебе милость изливая, юже и нам не­оскудно источай, о тебе вопиющим Богу: Алли­луиа. Икос 10 Стену тя тверду обрет мучитель, никиими же муками победиму, покусися сокрушити крепость твою зубы зверей и остриями мучилищнаго колеса, обаче и в сем ничтоже успе: сила бо Христо­ ва лютость зверей укроти, а страшное коло, на немже обращаемо бе тело твое, абие сокрушися. Тебе убо непобедимому страстотерпцу зовем: Радуйся, честное Христово избрание; радуйся, непорочное Богови благоухание. Радуйся, твердый адаманте Церкве; радуйся, непоколебимый столпе, досязаяй до Небесе. Радуйся, звери видимыя укрощаяй; радуйся, драконов невидимых сокрушаяй. Радуйся, обагренный твоею за Христа кровию, срастворенною млеком; радуйся, неувядаемыя приемый венцы.  Радуйся, радость причинивый Ангелом и человеком; радуйся, прославленный Богом на Небеси и на земли. Радуйся, небожителю, ликовствуяй с мучени-

Акафист великомученику Пантелеимону

17

ки; радуйся, насыщаяйся лицезрением Христа пресладким. Радуйся, великомучениче и целителю Пантелеимоне. Кондак 11 Песнь исходную приносим твоему за Христа заколению священному, в немже вместе с кровию млеко истече от тебе, великомучениче, и маслиничина, под неюже усечен был еси, исполнися целительных плодов. Темже Христу, дивно прославляющему славящия Его, тепле вопием: Аллилуиа. Икос 11 Светозарная луча был еси, богомудре, во тьме многобожия седящим, путеводящая к Солнцу Правды Христу Богу, Емуже молися, во свете за­поведей Его присно пребывати и нам, сицевая радостная тебе приносящим: Радуйся, пресветлая звездо, на мысленней твер­ди блистающая; радуйся, лучу, христоименитым людем светящая. Радуйся, таинственно облиставаемый от Сол­ нца Христа; радуйся, умне землю обтекаяй. Радуйся, селение красное Пресвятаго Духа; ра-

18

Акафист великомученику Пантелеимону

дуйся, сосуде пречестный, изливаяй исцеления. Радуйся, чистоты сокровище; радуйся, милости тезоимените. Радуйся, Царствия Небеснаго наследниче; ра­дуйся, вечныя славы сопричастниче. Радуйся, предстателю бедствующим в мори жи­тейстем; радуйся, безсребрениче, помогаяй при­зывающим тя с верою. Радуйся, великомучениче и целителю Пантелеимоне. Кондак 12 Благодати обилие приял еси, треблаженне, по обилию любве твоея ко Христу Богу, Иже и яви тя многоцелебным источником, безмездно врачующим душевныя и телесныя болезни притекающих к тебе с верою и Богу вопиющих: Аллилуиа. Икос 12 Поюще многострадальныя подвиги твоя за Христа, славный страстотерпче, хвалим долготерпение твое, ублажаем мученическую кончи­ ну, почитаем и священную память твою, заступ­ ниче наш и целителю, и в похвалу сицевая тебе зовем:

Акафист великомученику Пантелеимону

19

Радуйся, благочестия трубо благозвучная; радуйся, мечу, посекаяй нечестие. Радуйся, строганный на древе за Распростершаго руце Свои на древе Крестнем; радуйся, яко опаляемь за Него, прелести пещь погасил еси. Радуйся, язвами твоими враги уязвивый; радуйся, кровию твоею токи идольския крове изсушивый. Радуйся, в кипящее олово вверженный за Христа; радуйся, погруженный за имя Его в водах морских. Радуйся, промышлением Божиим неврежден в сих пребывый; радуйся, яко чрез огнь и воду му­чений вшел еси в покой Небесный. Радуйся, изливаяй неизсякаемыя струи милости верным; радуйся, благосострадательный врачу, исцеления благодать подаваяй. Радуйся, великомучениче и целителю Пантелеимоне. Кондак 13 О, многострадальный и предивный страстотерпче Христов и целителю наш Пантелеимоне! Милостиво прием сие малое от нас приношение, от многообразных недугов исцели ны и предстательством твоим сохрани от враг види-

20

Акафист великомученику Пантелеимону

мых и невидимых и вечнаго мучения избавитися нам Господа умоли, да во Царствии Его выну воспеваем: Аллилуиа. Этот кондак читается трижды, затем икос 1 и кондак 1 Молитва первая О, великий Христов угодниче и преславный це­лебниче, великомучениче Пантелеимоне! Ду­шею на Небеси Престолу Божию предстояй и триипостасныя Его славы наслаждаяйся, те­ лом же и ликом святым на земли в божествен­ ных храмех почиваяй и данною ти свыше благодатию различная чудеса источаяй, призри мил ­ остивным твоим оком на предстоящия люди, честней твоей иконе умильно молящия­ ся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте Небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, хода­ тая милостива ко Владыце и молитвенника за

Акафист великомученику Пантелеимону

21

ны, грешныя, призываем, яко ты приял еси благодать от Него недуги отгоняти и страсти ис­целяти. Тебе убо просим: не презри нас, недостойных, молящихся тебе и твоей помощи требующих. Буди нам в печалех утешитель, в недузех лютых страждущим врач, напаствуемым скорый покровитель, очесем недугующим прозрения датель, ссущим и младенцем в болезнех готовейший предстатель и исцелитель: исходатайствуй всем вся, яже ко спасению по­ лезная, яко да твоими ко Господу Богу молит­ вами получивше благодать и милость, просла­ вим всех благих Источника и Дароподателя Бога, Единаго в Троице Святей славимаго Отца и Сына и Святаго Духа, ныне и присно и во ве­­ ки веков. Аминь. Молитва вторая О, святый великомучениче и целителю Пантелеимоне, Бога Милостиваго подражателю! Призри благосердием и услыши нас, грешных, пред святою твоею иконою усердне молящих­  ся, испроси нам у Господа Бога, Емуже со Ангелы предстоиши на Небеси, оставление грехов и прегрешений наших: исцели болезни душевныя и телесныя рабов Божиих, ныне поминае-

22

Акафист великомученику Пантелеимону

мых, зде предстоящих и всех христиан православных к твоему заступлению притекающих: се бо, грех наших ради, люте одержимы есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и Подателя всех благ, дивнаго во святых Бога нашего, Отца и Сына и Святаго Духа. Аминь. Молитва третья О, преславный мучениче и доблий воине Не­беснаго Царя, Пантелеимоне всеблаженне, милостиваго Бога преизрядный подражателю, иже Христа на земли дерзновенно исповедав и многообразныя за Него муки претерпев, неувя­даемый приял еси венец на Небеси, идеже веч­наго наслаждаешися блаженства и со дерзнове­нием Престолу Трисолнечнаго Бо­ жества пред­­стоиши! К твоему христоподра­ жательному сост­раданию по Бозе прибегаем

Акафист великомученику Пантелеимону

23

вси мы, грешнии, и всеусердно молим тя, тепла­го заступника и предстателя нашего: не престай призирати на нас, сущих в нуждех и скорбных обстояниих, и твоею молитвенною помощию и цельбо­по­дательною силою избавляй нас присно от лютых зол, всегубительства и всякия иныя беды и болезни. Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии, запечатленную мученичеством и многопобедною твоею кончиною, в нейже по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех. Сего ради ведуще тя милостиваго ко всем помощника и исцелителя, с верою взываем к тебе: услыши нас и богоприятным ходатайством твоим подавай нам вся благопотребная в житии сем и нужная к вечному спасению. Мученическим же дерзновением твоим умоли милостиваго Бога, да помилует нас, грешных и недостойных, по велицей милости Своей, да избавит от труса, потопа, огня, меча и всякаго праведнаго гнева и прещения, благовременне подвизая нас к очистительному и умилости-

24

Акафист великомученику Пантелеимону

вительному во гресех наших покаянию, ради множества щедрот Своих, да подаст всем нам безбедное, тихое и богоугодное житие, и всех нас от врагов, видимых и невидимых, да сохранит благодатию Своею и непобедимым  ополчением Ангел Своих, имиже ограждаеми и наставляеми да поживем в веце сем в покаянии, чистоте и в творении богоугодных дел; да сподобимся твоим теплым предстательством христианскую кончину улучити безболезненну, мирну, непостыдну, избавитися от козней воздушных князей тьмы и от вечныя муки и быти наследниками безконечнаго, всеблаженнаго Царствия. Ей, угодниче Божий! Не престай молитися за ны, грешныя, да твоим ходатайством временных и вечных бед избавлени, величаем тебе, заступника нашего и молитвенника, и вечно прославляем общаго Владыку и Господа нашего Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

25

Канон святым безсребреникам и чудотворцам Косме и Дамиану Асийским Память 1/14 ноября Святые бессребреники Косма и Дамиан были братьями родом из Малой Азии. Ни время их рож­ дения, ни время смерти неизвестны. Несомненно только то, что жили они не позднее IV века. Их отец-язычник умер, когда они были еще совсем малыми детьми. Воспитанием братьев в христианском благочестии занималась их мать – Феодотия. Пример матери и чтение святых книг сохранили их в непорочной жизни по закону Господню. С детства, движимые любовью к страждущему человечеству, под руководством некоего богобоязненного мужа изучали они врачебную науку, узнавали

26

Канон святым Косме и Дамиану Асийским

целительные свойства трав и растений. Господь благословил благое их намерение и даровал им особенную благодать – дар исцелений и чудотворений. Даром получили они благодать от Бога, даром и раздавали они ее, строго соблюдая заповедь Господа нашего Иисуса Христа: «Даром получили, даром давайте» (Мф. 10, 8). Об одном только просили они исцеленных ими, чтобы те твердо веровали во Христа и свято жили. Если же врачуемые еще не были просвещены светом Евангелия, то старались обратить их к христианской вере. Врачуя телесные недуги, святые в то же время врачевали и недуги душевные. Слава о святых Косме и Дамиане прошла по всей округе, и люди назвали их бессребрениками.

Песнь 1, глас 1-й Ирмос: Поим, вси людие, от горькия работы фа­раони Израиля Изменшему и во глубине мор­ стей ногами немокрыми Наставльшему песнь победную, яко прославися. Святии безсребреницы Космо и Дамиане, молите Бога о нас. От благодати Начальныя Троицы двоица чудная и честная свещаема, всем исцеления приходящим верно подает, присно источающи. Святии безсребреницы Космо и Дамиане, моли-

Канон святым Косме и Дамиану Асийским

27

те Бога о нас. Тайноучими живоносным словесем, яко светила в мире возсиявше, страстную мглу удобь разгоняете теплотою веры, всеблаженнии. Слава: Закону покаряющеся Спасову, всеславнии, сладострастие убо плотское отринуша; добродетельными же душами светлейше просвещающеся, в мире преизяществоваша досточуднии. И ныне*: Во всего человека в Твою утробу вселивыйся, Богомати, неизреченне облечеся, из Отца возсиявый Сын безлетне Пребожественный; Тому воспоим, яко прославися. Песнь 3 Ирмос: Утверди мене, Христе, на недвижимом камени заповедей Твоих и просвети мя светом лица Твоего, несть бо свят паче Тебе, Человеколюбче. Святии безсребреницы Космо и Дамиане, молите Бога о нас. Врачеваний источники, даров же Божественных струи, невещественнаго света светлейшая Когда написано «Слава», «И ныне», надо читать полностью: «Слава Отцу и Сыну и Святому Духу», «И ныне и присно и во ве­ ки веков. Аминь».

28

Канон святым Косме и Дамиану Асийским

приятелища вси достойне воспоим. Святии безсребреницы Космо и Дамиане, молите Бога о нас.  телесныя и душевныя врачующе страс­ Яко ти, и болезни приходящих к вам, всечестнии, усердно ныне яко благодетелие исцеляете. Слава: Плодными добродетельми украшаеми, всяку тлеемую сладость житейскую яве отразисте, к Божией доброте непрестанно взирающе. И ныне: В виде нашем прежде невидимый явися, о Богородительнице, стекшуся с плотию Божеству во утробе Твоей пресвятей, Богоневесто. Седален, глас 8-й От источника бездны, Иисуса, чудес струи бла­голепно почерпше, святии, тайными тучами, страстей мрачныя облаки отгоняете и неду­ гующим человеком исцеления подаете. Тем, по­лучивше здравое веселие вами, преславнии, удив­ляеми, зовем: богоноснии безсребреницы, молите Христа Бога согрешений оставление даровати празднующим любовию святую па­ мять вашу. Слава, и ныне: Богородичен:  всенепорочная Невеста Творца, яко неЯко искусомужная Мати Избавителя, приятелище

Канон святым Косме и Дамиану Асийским

29

яко сущи Утешителя, Препетая, беззаконию мя суща скверное обителище и бесом игралище в разуме бывша, потщися от тех злодейства мя избавити и светлое жилище добродетелей соверши, Светоносная, Нетленная, отжени облак страстей и вышняго причастия сподоби, и света невечерняго молитвами Твоими. Песнь 4 Ирмос: Разумех, Всесильне, Твое смотрение и со страхом прославих Тя, Спасе. Святии безсребреницы Космо и Дамиане, молите Бога о нас. Речению Божественному яве возследующе, не злата блистания, ниже сребра, Божественнии, стяжаете. Святии безсребреницы Космо и Дамиане, молите Бога о нас. Сияюще Божественными чудесы, безсребреницы вся благодетельствуют, благодать подающе. Слава: Врачеве мудрии показастеся страстей болезнем, исцелительныя руки простирающе. И ныне: Да заланитствятся ныне лица, Богородицу Тя не исповедающих, Пречистая Владычице.

30

Канон святым Косме и Дамиану Асийским

Песнь 5 Ирмос: От нощи утренююще, поем Тя, Хрис­ те, Отцу Собезначальна и Спаса душ наших, мир мирови подаждь, Человеколюбче. Святии безсребреницы Космо и Дамиане, молите Бога о нас.  Яко потоки боготочныя, источаете верным бла­годеяния воды, душевныя же купно и телесныя исцеляюще недуги, славнии безсребреницы. Святии безсребреницы Космо и Дамиане, молите Бога о нас. Источник благодати, честнии безсребреницы, разверзающе, всем здравие раздаете, верою и любовию к вам ныне притекающим. Слава: Светлии и всемудрии звезды, иже землю яве онебесивше подобием светлости Ангельския, непрестанно озаряют нас. И ныне: Превысша явилася еси всех, Творца, Отцу Собезначальнаго, заченши, Мати Дево, и рождши миру Спаса и Господа. Песнь 6 Ирмос: Пророка спасл еси от кита, Человеколюбче, и мене из глубины прегрешений возведи, молюся. Святии безсребреницы Космо и Дамиане, моли-

Канон святым Косме и Дамиану Асийским

31

те Бога о нас. Спасительныя целители, благодетели богомудрыя, Косму же и Дамиана Божественныя, усердно да почтим. Святии безсребреницы Космо и Дамиане, молите Бога о нас. Целомудрие соблюдше и разумом украшени, Косма и Дамиан Божественнии со Христом радуются. Слава: Единомудренно поживше, единодушно постничествовавше, купно врачевания подаяти нам вверени бысте. И ныне: Свет неприступный родила еси пло­ тию, Пречистая, весь мир просвещающа зарями Божества. Кондак, глас 2-й Благодать приимше исцелений, простираете здравие сущим в нуждах, врачеве, чудотворцы прес­лавнии, но вашим посещением ратников дерзости низложите, мир исцеляюще чудесы. Икос Всякаго разума и мудрости преходит слово мудрых врачев, и всем знание подают: Высо­чай­ шаго бо благодать приемше, невидимо здрав­ ие

32

Канон святым Косме и Дамиану Асийским

даруют всем. Отнюдуже и мне повести бла­годать даровася пети, яко богоносныя угодники Христовы и служители, исцелений множество подающия, болезней бо вся избавляют, мир исцеляюще чудесы. Песнь 7 Ирмос: Тебе умную, Богородице, пещь разсмотряем вернии, якоже бо отроки спасе три Превозносимый, мир обнови во чреве Твоем все­цел хвальный отцев Бог и препрославлен. Святии безсребреницы Космо и Дамиане, молите Бога о нас. Всецелы Богу богомудренне явистеся, вси Бога вместительны, мир бо весь Бога ради остависте, стопам последующе Спасовым, всеславнии, боголепне отцев Бога почитающе. Святии безсребреницы Космо и Дамиане, молите Бога о нас. Преестественно, врачеве всеизряднейшии, не­­ мощных язвы рукодействы таинственными вся исцеляете, лечбы спасительныя от сокров­ ищ почерпающе Божественных и воспевающе Бо­ га преславнаго. Слава: Венцем Твоего Царствия, Владыко, и багряницею светлою украсил еси боголепне

Канон святым Косме и Дамиану Асийским

33

превозлюбльшия доброту непостижную, Христе, Твоея красоты и верным благодетели общия сия показал еси. И ныне: Востоку свыше, Пречистая, явльшуся на земли, показалася еси всеблаголепная дверь и всесветлая, мир озаряющи лучами чистоты и верным лучи чудес присно посылающи. Песнь 8 Ирмос: В пещи отроцы Израилевы, якоже в гор­ниле, добротою благочестия чистее злата бле­щахуся, глаголюще: благословите, вся дела Гос­подня, Господа, пойте и превозносите во вся веки. Святии безсребреницы Космо и Дамиане, молите Бога о нас. Умерше мира сего красным и сребролюбия недуг отсекше, наименовани бысте, мудрии, всеми безсребреницы, вопиющими: вся дела, Господа пойте и превозносите во вся веки. Святии безсребреницы Космо и Дамиане, молите Бога о нас. Вечныя причастницы жизни бысте проявление, жизни бо тлеемыя вся остависте красная, согласне зовуще: благословите, вся дела, Господа, пойте и превозносите во вся веки.

34

Канон святым Косме и Дамиану Асийским

Слава: Избави вся, Владыко Христе, лютых болезней молитвами безсребреников и сподоби присно согласне звати Тебе: благословите, вся дела, Господа, пойте и превозносите во вся веки. И ныне: Радующеся вси вернии и благодатию укрепльшеся, иже Рождеством Твоим избавлени бывше, Чистая Мати Дево, непрестанно вопием: благословите, вся дела, Господа, пойте и превозносите во вся веки. Песнь 9 Ирмос: Тебе, светлую свещу и Матерь Божию, пречудную славу и высшую всех тварей, песньми величаем. Святии безсребреницы Космо и Дамиане, молите Бога о нас. Песньми мудрую двоицу света умнаго, облистающую зарю и просвещение всем подающу, непрестанно ублажаем. Святии безсребреницы Космо и Дамиане, молите Бога о нас. Крепость душевнаго здравия творяще верным, и телесныя врачуете вверенных вам страсти, яко спасителие, темже и воспеваеми есте присно. Святии безсребреницы Космо и Дамиане, молите Бога о нас.

Канон святым Косме и Дамиану Асийским

35

Богосветлая светила, умне небо честныя Церк­ ве светодаяния литием ныне свет подающе, непрестанне озаряют. Слава: От Честныя Троицы богозванная двоица похваляема, источает просящим врачеваний всем подаяния, любовию тех блажащим. И ныне: Тебе, света облак и святый кивот, и всесветлую дверь мысленнаго Солнца, яко Богородицу песньми величаем. Молитва О, чудотворцы славнии, врачеве безмезднии, Космо и Дамиане! Вы, от юности Христа Бога возлюбивше и Того повеления всем сердцем соблюдающе, не врачевания токмо искусст­ во, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неис­ четным множеством чудес ваших весь мир наполняете и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и

36

Канон святым Косме и Дамиану Асийским

нас, припадающих к вам пред честною иконою вашею, скоро услышите: юныя дети, вашея помощи во учении книжном просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере выну да преуспеют. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым чудодейственным посещением даруйте. Многажды в болезни впадающия и от лютых недугов в уныние, малодушие и роптание пришедшия, данною вам от Бога благодатию в терпении утвердите и наставите, да уразумеют волю о них Божию святую и благую и сами себе и живот свой воле Христа Бога предают. В недузех сущих, о исправлении же жития нерадящих, во гресех не раскаивающихся, сердцем ожесточенных к покаянию призовите, да, немощни суще телом, здрави пребудут душею и причастницы соделаются Божия спасительныя благодати. И всех, к вам усердно прибегающих, не­вредимы сохраните от долгонедужия, от болезней лютых и неисцельных, от разслабления тела, от изступления ума, от смертоносныя яз-

Канон святым Косме и Дамиану Асийским

37

вы, от внезапныя смерти и мощным ходатайством вашим к Богу соблюдите в правой вере твердых, во благочестии преуспевающих, в добрых делех усердных, в молитве к Богу прилеж­ ных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа, во веки веков. Аминь.

38

Акафист преподобному Агапиту, врачу Печерскому Память 1/14 июня Преподобный Агапит родился в Киеве около 1035 года. Постриженик и ученик преподобного Антония Печерского. Агапит сначала подвизал­ ся в пещере вблизи преподобного Антония, где изучал высокую жизнь чудного подвижника, потом переселился в монастырскую келью и служил братии. Если кто из монастырской братии за­болевал, преподобный Агапит приходил к нему и самоотверженно ухаживал за больным, кормил вареной травой, которую готовил сам, и больной выздоравливал по молитве преподобного. К монастырскому врачу, обладавшему даром исцеления, обращались за помощью и многие миряне. В те же

Акафист преподобному Агапиту

39

времена в Киеве жил искусный врач-армянин, одной из способностей которого было умение, взглянув на больного, определить срок его кончины. Когда один из таких обреченных обратился к святому Агапиту, благодатный целитель с молитвой дал ему отведать пищи с монастырской трапезы, и больной выздоровел. Разжигаемый завистью, врач хотел отравить Агапита, но Господь сохранил преподобного, и яд не подействовал. Свои­ми чудесами святой Агапит обратил в православие врача-армянина, и тот принял иноческий образ. Преподобный исцелил Черниговского князя Владимира Мономаха, будущего великого князя Киевского (1114 - 1125). Благодарный князь сам пришел в монастырь и хотел видеть своего целителя, но смиренный подвижник скрылся и не принял даров. Святой Агапит прославился далеко за пределами Печерского монастыря своей дивной силой. Говорили, что он «лечец от Бога».

Кондак 1 Избранный учениче великаго учителя, преподобнаго и богоноснаго отца нашего Антония, и дивный подражателю жития его святаго, святе отче Агапите, песнию восхваляем тя с любовию, заступника нашего; ты же, яко имеяй дерзнове­ ние ко Господу, молися выну о спасении нас,

40

Акафист преподобному Агапиту

грешных, от всяких бед избавляя зовущих ти: Радуйся, Агапите, душевных и телесных недугов скорый целителю. Икос 1  Ангелом любезную чистоту от юности твоея возлюбив, блаженне Агапите, к добродетелей подвижнику, преподобному Антонию притекл еси, и от него во иночество облеченный, подражатель ревностный подвигов его был еси; темже славим тя воззвании сими: Радуйся, богоноснаго Антония добродетелей и даров наследниче. Радуйся, на высоту совершенства духовнаго восшедый. Радуйся, молитвами усердными дар врачевания и чудотворения от Господа получивый. Радуйся, из глубины души воздыхании чистоту душевную стяжавый. Радуйся, Агапите, душевных и телесных недугов скорый целителю. Кондак 2 Видев Всевидец Господь благое души твоея изволение, блаженне Агапите, поработати Ему безленостно, внуши преподобному Антонию

Акафист преподобному Агапиту

41

благословити тя на жестокое и острое в пещернем затворе житие. Ты же благословение святое с верою приемь, в пещере покой вечный обрел еси, Единому Богу работая в пениих, бдениих и пощениих, немолчно воспевая Ему: Аллилуия. Икос 2 Разумев преподобный Антоний произволение Божие возсияти в сем иноце вельми благоугодным начинанием и душеспасительным намерением, изобильно насытил еси его духовною сладостию и в добродетелех укрепил еси, сего ради вопием ему таковая: Радуйся, преподобнаго Антония нравы себе усвоивый. Радуйся, того житию усердно поревновавый. Радуйся, сыновнюю любовь к нему стяжавый. Радуйся, и от него зело возлюбленный. Радуйся, самовидче его подвигов. Радуйся, во врачевании недугов ему споспешествующий. Радуйся, Агапите, душевных и телесных недугов скорый целителю. Кондак 3 Силою Божиею укрепляемый, святе Агапите,

42

Акафист преподобному Агапиту

великия иноческия труды подъял еси, сего ради благословися дело руку твоею во славу имени Господня, на спасение и врачевание всех, с верою и надеждою к тебе притекающих и неленостно возносящих песнь Пресвятей Троице: Аллилуия. Икос 3 Имея помысл чист и непорочну совесть и па­ мятуя Рекшаго: «болен бех и посетисте Мене... понеже сотвористе единому от сих братий Моих меньших, Мне сотвористе», недугующих иноков под свой покров отечески приемля, якоже ро­дитель чада своя, утешал еси, отраду своим попечением подавая и отеческою ласкою тяжесть болезни облегчая, молитвою со одра болезни воздвизал еси. Сего ради приими от нас благохваления таковая: Радуйся, в добродетелех благоискусный подвижниче. Радуйся, во Христе всю братию монашескую возлюбивый. Радуйся, недужных иноков смиренный и неусыпный служителю. Радуйся, за подвиги временнаго жития покой вечный обретый.

Акафист преподобному Агапиту

43

Радуйся, Агапите, душевных и телесных недугов скорый целителю. Кондак 4 Бурю многомятежнаго житейскаго моря безбедно прошел еси, блаженне, и в пристань безстрастия достигл еси, окормляемь заповедями Христа Бога, яже быша светильник ногама твоима и свет стезям твоим. Темже ныне в горних обителех водворяешися, сладце поя Триединому Богу: Аллилуия. Икос 4 Слышавше мнози о богоугоднем житии твоем, блаженне Агапите, прихождаху к тебе: ови по­слушати поучений твоих, ови исцеления от раз­личных недугов прияти, ихже ты с отечес­ кою любовию приемля, руководствовал еси ко спа­сению, отгоняя всяк недуг и всяку немощь. Сего ради и мы прибегаем к тебе, великому помощнику и целителю, славяще тя сице: Радуйся, безмолвия любителю, обитель под­ виги своими украсивый. Радуйся, спасения многих душ человеческих виновниче. Радуйся, болезнующих грехами врачу благо-

44

Акафист преподобному Агапиту

искусный. Радуйся, воине Христов, полки невидимых врагов победивый. Радуйся, ближния твоя искренне возлюбивый. Радуйся, спасению их душевному и исцелению телесному усердно послуживый. Радуйся, Агапите, душевных и телесных недугов скорый целителю. Кондак 5 Боготечное светило быв, угодниче Божий, всех к Солнцу правды, Христу, путеводил еси об­разом жития твоего святаго, иже все бысть посвящено на служение Богу и ближним твоим. Ни­щия и убогия милостивно питал еси, темже блаженство милостивых унаследовал еси, и со святыми поеши вечно хвалебную песнь: Аллилуия. Икос 5 Видим тя, блаженне отче Агапите, достигшаго в меру мужа совершенна о Христе и преисполненна дарований Божественных, в Евангелии Христовом обетованных верным последователем Бога Слова. Темже, чудящеся твоим подвигом, поем ти хвалебно:

Акафист преподобному Агапиту

45

Радуйся, во глубине сердца Бисер Драгий, Господа Иисуса Христа, обретый. Радуйся, имя Его Божественное во устех и в сердце своем выну имевый. Радуйся, на земли алкавый и жаждавый, ныне же нетленныя пищи на небеси насыщаяйся. Радуйся, нищету хранивый, нищих от глада избавляяй. Радуйся, иго Христово благое и легкое искренне возлюбивый. Радуйся, Агапите, душевных и телесных недугов скорый целителю. Кондак 6 Проповедник быв житием твоим евангельских добродетелей, отче блаженне, плоть твою постом и молитвою духу поработил еси, и во слав­ у Божию пожил еси; лучами своих подвигов злобнаго врага, арменина нечестиваго, зав­ ис­тию и гневом палимаго, и своими злостны­ми ухищрениями веселящагося, не токмо пос­рамил еси, но и к свету Христовой истины при­вел еси, поучая за все благодарити и славос­ловити Господа, поя Ему: Аллилуия.

46

Акафист преподобному Агапиту

Икос 6 Возсияв в пещере святыя обители сея, яко богоносное светило, блаженне Агапите, светом доб­­рых дел и врачеваний умилил еси души и сердца человеков, и нечестиваго врача и завист­ ника и его безстудное безверие посрамил еси. Тем убо тебе, святому и блаженному угоднику, умильно зовем: Радуйся, врачевание нечестиваго арменина посрамивый. Радуйся, обреченнаго на смерть тем же арменином недугующаго со одра болезни воздвигнувый. Радуйся, осужденнаго на смерть и напоенна­го смертным ядом, чудесно исцеливый и от смерт­ и избавивый. Радуйся, испивый смертный яд от врага, и по слову Господню: «аще и что смертно испиют, не вредит им», живот невредимый сохранивый. Радуйся, злобу и коварство врагов своих посрамивый. Радуйся, Агапите, душевных и телесных недугов скорый целителю. Кондак 7 Хотение единое имел еси, блаженне отче, еже Богу угождати и спасению душевному и здравию

Акафист преподобному Агапиту

47

телесному ближних твоих благочестно служити. Темже келлия твоя пещерная бысть врачебница благоотишная всякому человеку нищему и богатому, князю и убогому. Ты же, единое в сердце имея: «всем вся быти», врачевал еси, не взирая на лице, призывая всех купно сердцем и усты немолчно возглашати Богу: Аллилуия. Икос 7 Новаго тя чудотворца великаго позна славный князь Владимир Мономах, на одре болезни возлежа, пребывая при кончине своей, слезно мо­лил еси тя притещи и исцелити его. Ты же, мо­нашеский обет соблюдая – «николиже стен оби­тели оставляти», – послал еси зелие от трапезы своея, и князь, вкусив его, здрав возста. Таковей силе твоего чудотворения и нелицеприя­ тия дивящеся, вопием ти хвалебно: Радуйся, крине пещернаго прозябения. Радуйся, мира Христова благоухания. Радуйся, не сокрывый талант врачевания, тебе Домовладыкою врученный. Радуйся, ради сильных мира сего обета иноческаго не нарушивый. Радуйся, славы ради вышняго звания славу человеческую ни во чтоже вменивый.

48

Акафист преподобному Агапиту

Радуйся, яко великаго князя Владимира Мономаха с одра смертнаго недуга былием, тобою благословенным, и молитвою подъял еси. Радуйся, Агапите, душевных и телесных недугов скорый целителю. Кондак 8 Странника и пришельца в мире сем помышлял еси себе быти, Агапите блаженне, темже о богатстве земнем всякое попечение отложил еси. Всякое стяжание суетное возбраняя, приходящих к тебе разделяти достояние свое с нищей братиею, и в ея лице Самому Христу служити, поучал еси, немолчно воспевая хвалебную песнь: Аллилуия. Икос 8 Весь в Бозе быв, отче блаженне, о Бозе и угождении Ему присно поучал еси, умоляя ничтоже предпочитати паче любве Христовы и памятуя реченное Христом: «не собирайте себе сокровища на земли, идеже моль и ржа истреб­ляют, а собирайте себе сокровища на небеси», не пожелал еси ради благ временных лишитися благ вечных, отвергал еси вся дары, тебе князем приносимыя, поучая раздавати их нищей братии и убозим.

Акафист преподобному Агапиту

49

Темже и мы, таковое твое нищелюбие восхваляя, зовем ти сице: Радуйся, блаженство нищих духом унаследовавый. Радуйся, нищету паче богатства возлюбивый. Радуйся, мзду за врачевание свое отвергий и раздати ю нищим и убозим повелевый. Радуйся, последния укрухи хлеба своего с неимущими разделяти поучавый. Радуйся, любовь к Богу любовию к ближним своим свидетельствовавый. Радуйся, похвалами молитвенными до днесь в обители Печерской зело почитаемый. Радуйся, Агапите, душевных и телесных недугов скорый целителю. Кондак 9 Всем, приходившим в обитель молитв и врачевания ради, блаженне отче, дивно бысть видети тебе, нищетно в келлии твоея пребывающаго, обаче ты всех равною любовию приемля, комуждо слово утешения или исцеление подавал еси, научая пети Виновнику всех благих Богу: Аллилуия.

50

Акафист преподобному Агапиту

Икос 9 Вития многовещанныя не возмогут достойно воспети подвиги и чудотворения твоя, блаженне Агапите, мы же таковому житию твоему дивящеся, дерзаем венчати тебе, аще и недостойнии, похвалами таковыми: Радуйся, на скрижалех сердца твоего Закон Христов написавый. Радуйся, от глубины сердечныя добрая и душеспасительная наставления человеком износивый. Радуйся, пещерный гражданине, грады и веси наполнивый славою твоих чудотворений. Радуйся, Богом возлюбленный и ближними твоими благословляемый. Радуйся, образ совершенства о Христе в себе явивый. Радуйся, иго Христово, благое и легкое, искренне возлюбивый. Радуйся, Агапите, душевных и телесных недугов скорый целителю. Кондак 10 Спасения надежду стяжал еси при исходе тво­ем  , блаженне отче Агапите, и яко пшеница зрелая во время пожатая, кончиною благою пре­

Молитвы разные

93

годарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе. Кондак, глас 3-й Твоих благодеяний и даров туне, яко раби непотребнии, сподобльшеся, Владыко, к Тебе усердно притекающе, благодарение по силе приносим, и Тебе яко Благодетеля и Творца славяще, вопием: слава Тебе, Боже Всещедрый. Слава, и ныне: Богородичен Богородице, христианом Помощнице, Твое предстательство стяжавше, раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.

94

СОДЕРЖАНИЕ Акафист святому великомученику и целителю Пантелеимону......................................3 Канон святым безсребреникам и чудотворцам Косме и Дамиану Асийским..................................25 Акафист преподобному Агапиту, врачу Печерскому..................................................38 Канон за болящего..................................................59 Молитвы разные....................................................70 Молитва ко Господу о болящих..............................70 Молитва ко Пресвятой Троице...............................71 Иная молитва ко Господу.......................................72 Молитва пред иконой Божией Матери «Целительница»..................................................73 Молитва пред иконой Божией Матери «Всецарица»........................................................74 Молитва пред иконой Божией Матери «Всех скорбящих Радость»..................................75 Молитва пред иконой Божией Матери «Скоропослушница»...........................................76 Молитва пред иконой Божией Матери «Взыскание погибших».......................................77 Молитва пред иконой Божией Матери «Неупиваемая Чаша»..........................................78

Содержание

95

Молитва Архангелу Рафаилу.................................79 Молитва святым врачам........................................80 Молитва от зубной боли священномученику Антипе Пергамскому...........................................81 Молитва святым чудотворцам и безсребреникам, мученикам Киру и Иоанну.........................................................82 Молитва святителю Спиридону Тримифунтскому.............................82 Молитва преподобному Афанасию Афонскому........................................84 Молитва преподобному Александру Свирскому.......................................85 Молитва праведному Симеону Верхотурскому.....................................85 Молитва святителю Тихону Задонскому..............86 Молитва преподобному Серафиму Саровскому........................................88 Молитва блаженной Матроне Московской.........................................89 Молитва о том, чтобы с любовью ухаживать за болящим........................................90 Молитва святым женам-мироносицам о даровании христианского милосердия............91 Молитва благодарственная по исцелении от болезни святого Иоанна Кронштадтского......................92 Благодарение за всякое благодеяние Божие.............................................92

96

Молитвы святым врачам Составление, редактура - Александр Валитов Оформление, верстка – Виктория Харлап

Православное издательство ООО «Светточ» Москва, ул. Промышленная, д. 11, стр. 3. На нашем складе вы всегда сможете купить православную литературу, CD, DVD, церковную утварь, сувениры в розницу по оптовым ценам.

Svettoch.ru isvettoch@mail.ru +7 (499) 618-99-42 Подписано в печать Формат 70х100/32. Печать офсетная. Усл.печ.л. Тираж 6000 экз. Заказ № Отпечатано в типографии