Помянник
Издательство Светточ Москва, 2016
УДК 271.22-282.3 ББК 86.372.24-503.1 М 75 Помянник. — М. : Издательство Светточ, 2016. — 64 с.
IBSN 978-5-9907706-9-0
Рекомендовано к публикации Издательским Советом Русской Православной Церкви ИС Р16-611-3139
Составление, редактура – Александр Валитов
© Составление, оформление: Издательство Светточ, 2016
О здравии и спасении
Краткая молитва о живых
Спаси́, Го́споди, и поми́луй отца́ моего́ духо́внаго (имя), роди́телей мои́х (имена), сро́дников (имена), нача́льников, наста́вников, благоде́телей (имена их) и всех правосла́вных христиа́н. О живых Го́споди Иису́се Христе́, Бо́же наш, ми́лости и щедро́ты Твоя́ от ве́ка су́щия, и́хже ра́ди и вочелове́чился еси́, и распя́тие и смерть, спасе́ния ра́ди пра́во в Тя ве́рующих, претерпе́ти изво́лил еси́; и воскре́с из ме́ртвых, возне́слся еси́ на Небеса́ и седи́ши одесну́ю Бо́га Отца́, и призира́еши на смире́нныя мольбы́ всем се́рдцем призыва́ющих Тя. Приклони́ у́хо Твое́, и услы́ши смире́нное моле́ние мене́, непотре́бнаго раба́ Твоего́, в воню́ благоуха́ния духо́внаго, Тебе́
Помяни́,
4
за вся лю́ди Твоя́ принося́щаго. И в пе́рвых помяни́ Це́рковь Твою́ Святу́ю, Собо́рную и Апо́стольскую, ю́же снабде́л еси́ честно́ю Твое́ю Кро́вию, и утверди́, и укрепи́, и разшири́, умно́жи, умири́, и непребори́му а́довыми враты́ во ве́ки сохрани́; раздира́ния Церкве́й утиши́, шата́ния язы́ческая угаси́, и ересе́й воста́ния ско́ро разори́ и искорени́, и в ничто́же си́лою Свята́го Твоего́ Ду́ха обрати`. (Поклон).
Спаси́, Го́споди, и поми́луй богохрани́-
мую страну́ на́шу, вла́сти и во́инство ея́, огради́ ми́ром их, и глаго́ли ми́рная и блага́я в сердца́х их о Це́ркви Твое́й Святе́й, и о всех лю́дех Твои́х, да и мы в тишине́ их ти́хое и безмо́лвное житие́ поживе́м во правове́рии, и во вся́ком благоче́стии и чистоте́. (Поклон).
5
Спаси́, Го́споди, и поми́луй Вели́каго
Господи́на и Отца́ на́шего Святе́йшего Патриа́рха Кири́лла, и святе́йшия вселе́нския патриа́рхи, преосвяще́нныя митрополи́ты, архиепи́скопы и епи́скопы правосла́вныя, иере́и же и диа́коны, и весь при́чет церко́вный, я́же поста́вил еси́ пасти́ слове́сное Твое́ ста́до, и моли́твами их поми́луй и спаси́ мя гре́шнаго. (Поклон).
Спаси́, Го́споди, и поми́луй отца́ мое-
го́ духо́внаго (имя его), и святы́ми его́ моли́твами прости́ моя́ согреше́ния. (Поклон).
Спаси́, Го́споди, и поми́луй роди́тели
моя́ (имена их), бра́тию и сестры́, и сро́дники моя́ по пло́ти, и вся бли́жния ро́да моего́, и дру́ги, и да́руй им ми́рная Твоя́ и преми́рная блага́я. (Поклон).
6
Спаси́, Го́споди, и поми́луй по мно́же-
ству щедро́т Твои́х вся священнои́ноки, и́ноки же и и́нокини, и вся в де́встве же и благогове́нии и по́стничестве живу́щия в монастыре́х, в пусты́нях, в пеще́рах, гора́х, столпе́х, затво́рех, разсе́линах ка́менных, острове́х же морски́х, и на вся́ком ме́сте влады́чествия Твоего́ правове́рно живу́щия, и благоче́стно служа́щия Ти, и моля́щияся Тебе́: облегчи́ им тяготу́, и уте́ши их скорбь, и к по́двигу от Тебе́ си́лу и кре́пость им пода́ждь, и моли́твами их да́руй ми оставле́ние грехо́в. (Поклон).
Спаси́, Го́споди, и поми́луй ста́рцы и
ю́ныя, ни́щия и сироты́ и вдови́цы, и су́щия в боле́зни и в печа́лех, беда́х же и ско́рбех, обстоя́ниих и плене́ниих, темни́цах же и заточе́ниих, изря́днее же в гоне́ниих, Тебе́ ра́ди и ве́ры правосла́вныя, от язы́к безбо́жных, от
7
отсту́пник и от еретико́в, су́щия рабы́ Твоя́, и помяни́ я́, посети́, укрепи́, уте́ши, и вско́ре си́лою Твое́ю осла́бу, свобо́ду и изба́ву им пода́ждь. (Поклон).
Спаси́, Го́споди, и поми́луй благотво-
ря́щия нам, ми́лующия и пита́ющия нас, да́вшия нам ми́лостыни, и запове́давшия нам недосто́йным моли́тися о них, и упокоева́ющия нас, и сотвори́ ми́лость Твою́ с ни́ми, да́руя им вся, я́же ко спасе́нию проше́ния, и ве́чных благ восприя́тие. (Поклон).
Спаси́,
Го́споди, и поми́луй по́сланныя в слу́жбу, путеше́ствующия, отцы́ и бра́тию на́шу, и вся правосла́вныя христиа́ны. (Поклон).
Спаси́, Го́споди, и поми́луй и́хже аз безу́мием мои́м соблазни́х, и от пути́ спаси́тельнаго отврати́х, к дело́м злым
8
и неподо́бным приведо́х; Боже́ственным Твои́м Про́мыслом к пути́ спасе́ния па́ки возврати́. (Поклон).
Спаси́,
Го́споди, и поми́луй ненави́дящия и оби́дящия мя, и творя́щия ми напа́сти, и не оста́ви их поги́бнути мене́ ра́ди, гре́шнаго. (Поклон).
Отступи́вшия от правосла́вныя ве́ры и
поги́бельными ересьми́ ослепле́нныя, све́том Твоего́ позна́ния просвети́ и Святе́й Твое́й Апо́стольстей Собо́рней Це́ркви причти`. Правове́рие же утверди́, и воздви́гни рог христиа́нский, и низпосли́ на нас ми́лости Твоя́ бога́тыя. (Поклон).
о з др а в ии рабов божиих имя
памятная дата примечание
10
О упокоении
Краткая молитва о усопших
Упоко́й, Го́споди, ду́ши усо́пших раб
Твои́х: роди́телей мои́х, сро́дников, благоде́телей (имена их) и всех правосла́вных христиа́н, и прости́ им вся согреше́ния во́льная и нево́льная, и да́руй им Ца́рствие Небе́сное. О усопших
Помяни́, Го́споди, от жития́ сего́ от-
ше́дшия святе́йшия патриа́рхи, преосвяще́нныя митрополи́ты, архиепи́скопы и епи́скопы правосла́вныя, во иере́йстем же и в при́чте церко́внем, и мона́шестем чи́не Тебе́ послужи́вшия, и в ве́чных Твои́х селе́ниих со святы́ми упоко́й. (Поклон).
Помяни́, Го́споди, ду́ши усо́пших раб
Твои́х, роди́телей мои́х (имена их), и всех сро́дников по пло́ти; и прости́ их вся согреше́ния во́льная и нево́льная,
22
да́руя им Ца́рствие и прича́стие ве́чных Твои́х благи́х и Твоея́ безконе́чныя и блаже́нныя жи́зни наслажде́ние. (Поклон).
Помяни́, Го́споди, и вся в наде́жди вос-
кресе́ния и жи́зни ве́чныя усо́пшия, отцы́ и бра́тию на́шу, и сестры́, и зде лежа́щия и повсю́ду, правосла́вныя христиа́ны, и со святы́ми Твои́ми, иде́же присеща́ет свет лица́ Твоего́, всели́, и нас поми́луй, я́ко Благ и Человеколю́бец. Ами́нь. (Поклон).
Пода́ждь, Го́споди, оставле́ние грехо́в всем пре́жде отше́дшим в ве́ре и наде́жди воскресе́ния, отце́м, бра́тиям и се́страм на́шим и сотвори́ им ве́чную па́мять. (Трижды).
о упокоении рабов божиих имя
памятная дата примечание
24
о упокоении рабов божиих имя
памятная дата примечание
25
Приложение Молитва ко Господу о ближних Го́споди, Спаси́телю наш! При́зри ми́лостивно на нас, недосто́йных рабо́в Твои́х (имена), и не помяни́ беззако́ний на́ших, но по безме́рному благосе́рдию Твоему́ прости́ нам вся прегреше́ния на́ша. Сам очи́сти и спаси́ нас; Сам умы́ на́ша просвети́. Ей, Го́споди, Спаси́телю наш! Яви́ нам (имена) вели́кую и бога́тую ми́лость Твою́.
Всеблаги́й
Молитва ко Пресвятой Богородице о ближних Цари́це Богоро́дице, Христа́ Бо́га на́шего Ма́ти! Услы́ши нас и изба́ви нас, рабо́в Бо́жиих (имена), от вся́кия ско́рби и печа́ли, огради́ от вся́кия напа́сти и злых клеве́т и от непра́веднаго и лю́таго наве́та вра́жия. Мо́жеши бо, о
О
33
Благода́тная Ма́ти Бо́жия, не то́чию от вся́каго зла сохрани́ти лю́ди Твоя́, но и вся́ким благодея́нием снабди́ти их и спасти́. Ра́зве Тебе́ ины́я Хода́таицы о нас, гре́шных, не и́мамы к Сы́ну Твоему́, Его́же умоли́, Влады́чице, да спасе́ннии Тобо́ю сла́вим Сы́на Твоего́ и Бо́га на́шего, ку́пно со Отце́м и Святы́м Ду́хом, ны́не и в безконе́чные ве́ки. Ами́нь. Молитвы о ближних святого Иоанна Кронштадтского О гордом и строптивом о́споди, научи́ раба́ Твоего́ (имя), в диа́вольскую го́рдость впа́вшаго, кро́тости и смире́нию, и отжени́ от се́рдца его́ мрак и бре́мя сатани́нской горды́ни!
Г
О злобном бла́га сотвори́ раба́ Твоего́ сего́ (имя) благода́тию Твое́ю.
Го́споди,
34
О сребролюбивом и жадном
Сокро́вище на́ше нетле́нное и бога́т-
ство неистощи́мое! Да́руй рабу́ Твоему́ сему́ (имя), сотворе́нному по о́бразу и подо́бию Твоему́, позна́ти лесть бога́тства, и я́ко вся земна́я – суета́, сень и со́ние, я́ко трава́ дни вся́каго челове́ка, или́ я́ко паучи́на, и я́ко Ты еси́ еди́н бога́тство, поко́й и ра́дость на́ша. О завистливом
Го́споди, просвети́ ум и се́рдце раба́
Твоего́ сего́ (имя) к позна́нию вели́ких, безчи́сленных неизследи́мых даро́в Твои́х, и́хже прия́т от неисче́тных щедро́т Твои́х. В ослепле́нии бо стра́сти своея́ забы́ Тебя́ и дары́ Твои́ бога́тые, и ни́ща себя́ бы́ти вмени́, бога́т сый бла́гами Твои́ми, и сего́ ра́ди зрит преле́стне на блага́я рабо́в Твои́х, и́миже, о, пренеизглаго́ланная Благосты́ня, ущедря́еши всех, коего́ждо проти́ву си́лы его́ и по наме́рению во́ли Твоея́.
35
Отыми́, Всеблаги́й Влады́ко, покрыва́ло диа́вола от о́чию се́рдца раба́ Твоего́ и да́руй ему́ серде́чное сокруше́ние и сле́зы покая́ния и благодаре́ния, да не возра́дуется враг о нем, за́живо уло́вленном от него́ в свою́ во́лю, и да не отто́ргнет его́ от руки́ Твоея́. О пьянице при́зри ми́лостиво на раба́ Твоего́ (имя), прельще́нного лестью чре́ва и пло́тского весе́лья. Да́руй ему́ позна́ть сла́дость воздержа́ния в посте́ и проистека́ющих от него́ плодо́в Ду́ха.
Го́споди,
О чревоугоднике сладча́йшее Бра́шно на́ше, никогда́же ги́блющее, но пребыва́ющее в живо́т ве́чный. Очи́сти раба́ Твоего́ (имя) от скве́рны чревообъяде́ния, всего́ плоть сотвори́вшегося и
Го́споди,
36
чу́ждаго Ду́ху Твоему́, и да́руй ему́ позна́ть сла́дость Твоего́ животворя́щаго духо́внаго бра́шна, е́же есть Плоть и Кровь Твоя́ и свято́е, живо́е и де́йственное сло́во Твое́. Молитва ко Господу о детях о́споди, Ты еди́н вся ве́си, все мо́жеши и всем хо́щеши спасти́ся и в ра́зум и́стины приити́. Вразуми́ дете́й мои́х (имена) позна́нием и́стины Твоея́ и во́ли Твоея́ святы́я, и укрепи́ их ходи́ти по за́поведем Твои́м и мене́, гре́шнаго, поми́луй.
Г
Молитва к Ангелу Хранителю о детях вяты́й А́нгеле Храни́телю моего́ ча́да (имя), покры́й его́ покро́вом твои́м от стрел де́мона, от глаз обольсти́теля и сохраня́й се́рдце его́ во а́нгельстей чистоте́. Ами́нь.
С
37
Чин литии о усопших многих, совершаемой мирянином дома и на кладбище оли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь. Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй. (Трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
М
38
О́тче наш, И́же еси́ на небесе́х! Да свя-
ти́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Тропари, глас 4–й ду́хи пра́ведных сконча́вшихся ду́ши раб Твои́х, Спа́се, упоко́й, сохраня́я их во блаже́нней жи́зни, я́же у Тебе́, Человеколю́бче. В поко́ищи Твое́м, Го́споди, иде́же вси святи́и Твои́ упокоева́ются, упоко́й ду́ши раб Твои́х, я́ко еди́н еси́ Человеколю́бец. Сла́ва Отцу́ и Сы́ну и Свято́му Ду́ху. Ты еси́ Бог, соше́дый во ад и у́зы окова́нных разреши́вый, Сам и ду́ши раб Твои́х упоко́й.
Со
39
И ны́не и при́сно и во ве́ки веко́в. Ами́нь. Еди́на Чи́стая и Непоро́чная Де́во, Бо́га без се́мене ро́ждшая, моли́ спасти́ся душа́м их. Го́споди, поми́луй. (40 раз). Помяни́, Го́споди Бо́же наш, в ве́ре и наде́жди живота́ ве́чнаго усо`пшия рабы` Твоя` (имена), и я́ко Благ и Человеколю́бец, отпуща́яй грехи́ и потребля́яй непра́вды, осла́би, оста́ви и прости́ вся во́льная их согреше́ния и нево́льная, возставля́я я во свято́е Второ́е Прише́ствие Твое́ в прича́стие ве́чных Твои́х благ. И́хже ра́ди в Тя еди́наго ве́роваша, и`стиннаго Бо́га и Человеколю́бца, я́ко Ты еси́ воскресе́ние и живо́т, и поко́й рабо́м Твои́м (имена), Христе́ Бо́же наш, и Тебе́ сла́ву возсыла́ем, со Безнача́льным Твои́м Отце́м и с Пресвяты́м Ду́хом, ны́не и при́сно и во ве́ки веко́в. Ами́нь.
40
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро`дицу Тя велича́ем. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Го́споди, поми́луй. (Трижды). Го́споди Иису́се Христе́, Сы́не Бо́жий, моли́твами Пречи́стыя Твоея` Ма́тере, преподо́бных и богоно́сных оте́ц на́ших и всех святы́х поми́луй и упоко́й ду́ши раб Твои́х (имена) и всех правосла́вных христиа́н в безконе́чныя ве́ки, я́ко Благ и Человеколю́бец. Ами́нь. Затем троекратно возглашаем: Рабо́м Бо́жиим преста́вльшимся, отце́м и бра́тиям на́шим, и всем правосла́вным христиа́ном, о ни́хже и помина́ние твори́м, ве́чная па́мять. И читаем трижды тропарь с поклонами:
41
Поко́й, Го́споди, ду́ши усо́пших раб Твои́х (имена) (поклон), и ели́ко в житии́ сем я́ко челове́цы согреши́ша, Ты же, я́ко Человеколю́бец Бог, прости́ их и поми́луй (поклон), ве́чныя му́ки изба́ви (поклон), Небе́сному Ца́рствию прича́стники учини́ (поклон) и душа`м на́шим поле́зная сотвори́ (поклон). Чин литии о едином усопшем, совершаемой мирянином дома и на кладбище оли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь. Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Пресвята́я Тро́ице, поми́луй нас;
М
42
Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй. (Трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Тропари, глас 4–й Со ду́хи пра́ведных сконча́вшихся ду́шу раба́ Твоего́, Спа́се, упоко́й, сохраня́я ю во блаже́нней жи́зни, я́же у Тебе́, Человеколю́бче.
43
В поко́ищи Твое́м, Го́споди, иде́же вси святи́и Твои́ упокоева́ются, упоко́й и ду́шу раба́ Твоего́, я́ко еди́н еси́ Человеколю́бец. Сла́ва Отцу́ и Сы́ну и Свято́му Ду́ху. Ты еси́ Бог, соше́дый во ад и у́зы окова́нных разреши́вый, Сам и ду́шу раба́ Твоего́ (рабы́ Твоея́, ду́ши раб Твои́х) упоко́й. И ны́не и при́сно и во ве́ки веко́в. Ами́нь. Еди́на Чи́стая и Непоро́чная Де́во, Бо́га без се́мене ро́ждшая, моли́ спасти́ся души́ его́. Го́споди, поми́луй. (40 раз).
Помяни́, Го́споди Бо́же наш, в ве́ре и
наде́жди живота́ ве́чнаго усо́пшаго раба́ Твоего́ (имя), и я́ко Благ и Человеколю́бец, отпуща́яй грехи́ и потребля́яй непра́вды, осла́би, оста́ви и
44
прости́ вся во́льная его́ согреше́ния и нево́льная, возставля́я его́ во свято́е Второ́е Прише́ствие Твое́ в прича́стие ве́чных Твои́х благ. И́хже ра́ди в Тя еди́наго ве́рова, и́стиннаго Бо́га и Человеколю́бца, я́ко Ты еси́ воскресе́ние и живо́т, и поко́й рабу́ Твоему́ (имя), Христе́ Бо́же наш, и Тебе́ сла́ву возсыла́ем, со Безнача́льным Твои́м Отце́м и с Пресвяты́м Ду́хом, ны́не и при́сно и во ве́ки веко́в. Ами́нь. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро`дицу Тя велича́ем. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Го́споди, поми́луй. (Трижды). Го́споди Иису́се Христе́, Сы́не Бо́жий, моли́твами Пречи́стыя Твоея`
45
Ма́тере, преподо́бных и богоно́сных оте́ц на́ших и всех святы́х поми́луй и упоко́й ду́шу раба́ Твоего́ (имя) в безконе́чныя ве́ки, я́ко Благ и Человеколю́бец. Ами́нь. Рабу́ Бо́жию (имя) усо́пшему ве́чная па́мять. (Трижды). И читаем трижды тропарь с поклонами: Поко́й, Го́споди, ду́шу усо́пшего раба́ Твоего́ (имя) (поклон), и ели́ко в житии́ сем я́ко челове́к согреши́, Ты же, я́ко Человеколю́бец Бог, прости́ его́ и поми́луй (поклон), ве́чныя му́ки изба́ви (поклон), Небе́сному Ца́рствию прича́стника учини́ (поклон) и душа`м на́шим поле́зная сотвори́ (поклон).
46
Канон о едином усопшем Глас 8–й Песнь 1 Ирмос: Во́ду проше́д, я́ко су́шу, и еги́петскаго зла избежа́в, изра́ильтянин вопия́ше: Изба́вителю и Бо́гу на́шему пои́м. Поко́й, Го́споди, ду́шу усо́пшаго раба́ Твоего́ (усо́пшия рабы́ Твоея́). Отве́рз уста́ моя́, Спа́се, сло́во ми пода́ждь моли́тися, Милосе́рде, о преста́вленнем рабе́ Твое́м (имя), да поко́иши ду́шу его`, Влады́ко. Поко́й, Го́споди, ду́шу усо́пшаго раба́ Твоего́(усо́пшия рабы́ Твоея́). Мертв быв пло́тию, Спа́се, и во гро́бе положе́н с ме́ртвыми, ду́шу раба́ Твоего́ поко́й в ме́сте зла́чне, я́ко Милосе́рд. Сла́ва Отцу́ и Сы́ну и Свято́му Ду́ху. Моле́бный глас мой услы́ши, Бо́же
47
Сконча́в тече́ние и к Тебе́ прибего́х, Го́споди, преста́вленный вопие́т ны́не: прегреше́ния оста́ви, Христе́ Бо́же, и не осуди́ мене́, егда́ хо́щеши суди́ти всем, ве́рно бо Тебе́ взыва́х: вся дела́ Госпо́дня, Го́спода по́йте и превозноси́те Его́ во ве́ки. Поко́й, Го́споди, ду́шу усо́пшаго раба́ Твоего́ (усо́пшия рабы́ Твоея́). Поне́сшаго, Влады́ко, и́го Твое́ на ра́ме свое́м, и бре́мя Твое́ ле́гкое, а́ще и не всегда́, оба́че в ме́сте преподо́бных Твои́х всели́ ду́шу его́, воспе́вшаго Тебе́, Христе́ Спа́се: о́троцы благослови́те, свяще́нницы воспо́йте, лю́дие превозноси́те Его` во ве́ки. Сла́ва Отцу́ и Сы́ну и Свято́му Ду́ху. Безнача́льная Тро́ице Свята́я, Бо́же О`тче и Сы́не и Ду́ше Святы́й, в ли́це святы́х причти́ ду́шу преста́вленнаго раба́ Твоего́ и огня́ ве́чнаго изба́ви, да Тя хва́лит, воспева́я во ве́ки: о́троцы
58
благослови́те, свяще́нницы воспо́йте, лю́дие превозноси́те Его́ во ве́ки. И ны́не и при́сно и во ве́ки веко́в. Ами́нь. Тя, Де́во, проро́честии ли́цы прореко́ша, прозря́ще бо Тя прозорли́выма очи́ма: ов у́бо жезл нарече́ Тя, ин же дверь восто́чную, ов же го́ру челове́ки несеко́мую. Мы же испове́дуем Тя вои́стинну Богоро́дицу, Бо́га вся́ческих ро́ждшую, Его́же моли́ упоко́ити преста́вленнаго во ве́ки вся. Песнь 9 Ирмос: Ужасе́ся о сем не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее небе́с. Тем Тя, Богоро́дицу, Ангелов и челове́к чинонача́лия велича́ют. Поко́й, Го́споди, ду́шу усо́пшаго раба́ Твоего́ (усо́пшия рабы́ Твоея́).
59
Иису́се Бо́же мой, Спа́се, Ада́мле Ты взял еси́ преступле́ние и сме́рти вкуси́л еси́, да челове́ки от нея́ свободи́ши, Милосе́рде. Те́мже мо́лим Тя, Ми́лостиве: преста́вленнаго поко́й, я́ко Благ, во дво́рех святы́х Твои́х, я́ко еди́н Всеблаги́й и Милосе́рдый. Поко́й, Го́споди, ду́шу усо́пшаго раба́ Твоего́ (усо́пшия рабы́ Твоея́). Несть никто́же, Милосе́рде, и́же не согреши́ в челове́цех, то́кмо Ты еди́н, Иису́се Христе́, взе́мляй грехи́ всего́ ми́ра. Те́мже, очи́стив раба́ Твоего́ от прегреше́ний, вчини́ во святы́х Твои́х дво́рех: Ты бо живо́т еси́ и поко́й, и свет, и весе́лие всех, Тебе́ благоугоди́вших. Сла́ва Отцу́ и Сы́ну и Свято́му Ду́ху. Удиви́ся все естество́ челове́ческое, ка́ко Безнача́льнаго Отца́ Сын сый Единоро́дный, плоть от Де́вы де́й-
60
ством Свята́го Ду́ха прия́л еси́, и пострада́л еси́ я́ко челове́к, да уме́ршия оживи́ши. Тем и преста́вленнаго ны́не от нас, приле́жно мо́лим Тя, во стране́ живы́х, я́ко Благ, всели́. И ны́не и при́сно и во ве́ки веко́в. Ами́нь. Неве́сту Тя нарица́ем, Пречи́стая, Отца́ неви́димаго, и Ма́терь Сы́на, из Тебе́ Ду́хом Святы́м воплоще́ннаго, и моле́бницу Тя о усо́пшем рабе́ Твое́м предлага́ем: Тебе́ бо помо́щницу и́мамы, земни́и, и любо́вию пою́ще Тя велича́ем. Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем. (Поклон).
61
Дни особого поминовения усопших Суббота мясопустная. Суббота 2-й седмицы Великого поста. Суббота 3-й седмицы Великого поста. Суббота 4-й седмицы Великого поста. Радоница — вторник 2-й седмицы по Пасхе. Поминовение усопших воинов — 26 апреля (9 мая). Суббота Троицкая — перед днем Святой Троицы. Суббота Димитриевская — перед 26 октября (8 ноября).
СОДЕРЖАНИЕ ПОМЯННИК О здравии и спасении. . . . . . . . . . . . . . . . . . . . . . . . 3 О упокоении. . . . . . . . . . . . . . . . . . . . . . . . . . . . . . . . 21 ПРИЛОЖЕНИЕ Молитва ко Господу о ближних . . . . . . . . . . . . . 33 Молитва ко Пресвятой Богородице о ближних. . . . . . . . . . . . . . . . . . . . . . . . . . . . . . . . . . 33 Молитвы о ближних святого Иоанна Кронштадтского. . . . . . . . . . . . 34 О гордом и строптивом . . . . . . . . . . . . . . . . 34 О злобном. . . . . . . . . . . . . . . . . . . . . . . . . . . . . . 34 О сребролюбивом и жадном. . . . . . . . . . . . . 35 О завистливом. . . . . . . . . . . . . . . . . . . . . . . . . 35 О пьянице . . . . . . . . . . . . . . . . . . . . . . . . . . . . . 36 О чревоугоднике. . . . . . . . . . . . . . . . . . . . . . . . 36 Молитва ко Господу о детях. . . . . . . . . . . . . . . . . 37 Молитва к Ангелу Хранителю о детях. . . . . . . 37 Чин литии о усопших многих, совершаемой мирянином дома и на кладбище. . . . . . . . . . . . . . . . . . . . . . . . . 38 Чин литии о едином усопшем, совершаемой мирянином дома и на кладбище. . . . . . . . . . . . . . . . . . . . . . . . . 42 Канон о едином усопшем. . . . . . . . . . . . . . . . . . . . 47 Дни особого поминовения усопших . . . . . . . . . 62
Помянник Православное издательство ООО «Светточ» Москва, ул. Промышленная, д. 11, стр. 3. На нашем складе вы всегда сможете купить православную литературу, CD, DVD, церковную утварь, сувениры в розницу по оптовым ценам. Svettoch.ru isvettoch@mail.ru +7 (499) 618-99-42 Подписано в печать Формат 60х90/32. Печать офсетная. Усл.печ.л. Тираж 10000 экз. Заказ №
Отпечатано в типографии