orkoien43EUSKERA:B.Orkoien nº15 18/11/13 14:34 Página 1
Orkoien
UDAL INFORMAZIOARI BURUZKO ALDIZKARIA. BIHILEKOA
43. Z KIA . 2013 A ZAROA
Argitaratzailea Ayuntamiento de Orkoien / Orkoiengo Udala Iturgain Plaza z/ g. 31160 Orkoien - Nafarroa Tel. 948 32 11 11 D. L.: NA2322/2004
Bidali zure iradokizunak edo ekarpenak: Posta elektronikoz
administracion@orkoien.com eta adierazi: “Udal Aldizkarirako”; edo udaletxeko beheko solairuan jarria dagoen postontzian.
AURKIBIDEA
Berdintasuna
Zinema-tailerra
Arkakuso-merkatua, bigarren eskuko merkatua Orkoienen Postuak Saramago Pasealekuan jarriko dira: produktu erabiliak, artisautza-gaiak, bildumazaletasun-gaiak, antigoaleko gauzak eta haurren arteko trukea. Orkoiengo Udalak merkatu bat ezarri nahi du igandeetan Saramago Pasealekuan, “Arkakuso” izena eman diote eta bigarren eskuko produktuak, artisautza-gai partikularrak, bildumazaletasun-gaiak, antigoaleko gauzak, material eta osagarri erabiliak, eta bigarren eskuko arropa espezializatua saldu eta erosi ahal izanen dira. Haurrek eta familiek, gainera, besteak beste kromoak eta estanpatxoak elkartrukatuko dituzte.
O Orkoien mugitzen da
rkoiengo Udalak Arkakuso-merkatua abiaraziko du igandeetan, erabiltzen ez ditugun produktuak edo bota nahi ez ditugunak merkatura eraman eta saltzeko eta, horrela, bidenabar, diru-sarrera txiki bat
lortzeko. Salgai jarriko diren gauzak merke erosi ahal izanen dira; horrek eraginda, auzokideak elkartu eta biltzeko esparru bat sortuko da, eta ziurrenera, beste herri batzuetako jendea ere etorriko da. Aurrera doa igandeko merkatua abiarazteko izapidea, Nafarroako Aldizkari Ofizialean argitaratu baita eta, orain, alegazioak aurkezteko garaian gaude. Gero, Udalbatzak osoko bilkuran aztertu eta berariazko araudi bat onetsiko du behin betiko, merkatuaren funtzionamendua zehazteko. Behin on-ikusia emanik, Udalak epea irekiko du postuak paratzeko eskabideak aurkezte aldera. Orkoienen erroldaturiko auzokideek izanen dute lehentasuna.
Batzorde mistoa Arkakuso-merkatuan ez da zilegi izanen armarik eta gauza sinbologiadunik saltzea. Ezta elikagairik, edaririk, arropa eta oinetakorik (salbu eta
arropa espezializatua, hala nola ehiza, arrantza, kirolarropa…), animaliarik eta betaurrekorik ere; ez eta, oro har, artikulu berririk. Batzorde misto bat eratuko da, Udalak berak eta postuen esleipena hartzen duten pertsonen ordezkaritza batek osatua, igandeko merkatuak funtzionamendu ona izan dezan, ekimenaren sustatzaile eta Orkoiengo Udaleko zinegotzi Jesús Mª Unzuék azaldu duen bezala. Izapideko pauso guztiak NAOn, udalaren webean eta udaletxeko iragarki-oholean emanen dira jakitera. Orkoiengo Udaleko Hezkuntza, Kultura eta Kirol Alorrak orkoiendar guztiak animatu nahi ditu igandeko merkatuan parte hartzera, merkatu berezi horrek bisitari asko erakarriko baititu eta, zalantzarik gabe, lagungarria izanen da Orkoiengo auzokideen arteko harremanak sendotzeko.
orkoien43EUSKERA:B.Orkoien nยบ15 18/11/13 14:34 Pรกgina 2
OSOKO BILKURAN
Aurrekontuetako aldaketak, proiektuak eta hainbat obra egitea, onetsirik Orkoiengo Udalak, urriko osoko bilkuran, hainbat obra onetsi zituen; guztiak ere hemendik gutxira hasiko dira. Etxauriko errepideaz gain, lanak herriko ikastetxeetan eta kirol-instalazioetan eginen dira.
Egungo Euskal Herria plaza eta pilotaleku berria
San Migel ikastetxea: huste-eskailerak eta kirol-pistak
Aurrekontuko kontusail bat aldatu da egungo Euskal Herria plazaren ingurua moldatu, egokitu eta bertan pilotaleku berri bat eraikitzeko. Azaroan bertan argitaratuko da proiektuari buruzko ideia-lehiaketan parte hartzeko baldintzen orria, eta hasierako prezioa 72.000 euro izanen da. Irabazleak milioi bat euro inguruko kostua duten obren proiektua idatzi beharko du. Helburua da inguru hori guztia berrurbanizatzea, egungo futbito-pista ezabatu eta, haren ordez, plaza bat egitea. Plazan, gainera, haurrendako parke bat eginen da, bai eta hiru paretako pilotaleku bat ere, alde batetik irekia eta plazaren gainerakoari lotua egonen dena; horrela, erabilera anitzeko esparru zabal bat eginen da, jendeak erabil dezan.
Orkoiengo San Migel ikastetxea jendez husteko eskailerak zaharberrituko dira. Eraikinak jada 33 urte ditu, eta beharrezkoa da aipatu eskailerak konpontzea beren eginkizuna ongi bete dezaten; hau da, ikasleen erabateko segurtasuna bermatzea. Horregatik, goitik behera konponduko dira eta metalezko egitura bat paratuko zaie. Nafarroako Gobernuari diru-laguntza eskatu zitzaion, baina ez du dirurik eman; beraz, obra guztia udalak ordainduko du. 28.257,64 eurotan esleitu zaio (BEZa barne) Construcciones Merino
Arregui enpresari, eta lanak hiru bat astean eginen ditu. Udalak, halaber, ikastetxe horretako kirol-pistak konpondu eta urbanizatzeko lanak onetsi ditu, bai eta pista horietako bat estaltzeko lanak ere. Kontratazio-mahaiak SertecnaRoberto Urtasun enpresa kontratatzea proposatuko du, proiektua presta dezan eta obraren zuzendaritzaz arduratzeko. Bi hilabete inguruko epea ezarri da proiektua idazteko. Gero, obra lehiaketara aterako da 300.000 eta 400.000 euro artean, gutxigorabehera.
Auzalar ikastetxeko patio estalia
Mendikur Kirolguneko padel pistak
Etxauriko egungo errepidearen urbanizazioa
Auzalar Ikastetxeko (D eredua) haurrak orain patiora atera daitezke jostaldian, eguraldi txarra eginagatik ere, estali egin baita Haur Hezkuntzako neskatomutikoendako patioa. Udalak gastu guztia hartu du bere gain, Nafarroako Gobernuko Hezkuntza Departamentuak ez baitu diru-laguntzarik batere eman. Kostua 70.000 euro izan da.
Aurrekontuan egindako aldaketari esker, behar adina diru baliatu da Mendikur Kirolguneko bi padel pistak estaltzeko. Hau da, instalazioak hobetuko dira, horren eraginez bazkide gehiago lortuko dira, eta hori mesedegarria izanen da kirol horrentzat. Obrak 65.000 euro inguruan eginen dira, eta guztira, zergak eta proiektua idaztea barne, 94.000 euro izanen dira.
Orkoiengo Udalak Etxauriko egungo errepidea eta San Migel ikastetxearen ingurua urbanizatzeko lanak esleitu dizkio Obras y Servicios TEX enpresari, 855.552,90 eurotan esleitu ere; hau da, enpresak % 29,99 murriztu du hasierako prezioa. Aurrekontu hobea lortzeaz gain, obra egiteko epea ere murriztu da, eta bost hilabete inguru izanen dira.
Orkoienen kirol-anitzerako pista bat eginen da Kirol-anitzerako pista bat Gizarte Etxearen inguruan egitea; horra hor zer proiektuk bildu zuen botorik gehien herritarrengandik Udalak proposatutako 2 ORKOIEN
sei egitasmoen artean. Zehazki, 35.000 euro erabiliko dira pista egiteko. Proiektu horrek 190 boto eskuratu zituen, eta atzetik beste hauek gelditu zi-
ren: zakurrendako eremu berria (19 boto), skate parkea (17 boto), autokarabanendako eremua (12 boto), eta Txulapain plazaren hobekuntza (9 boto).
orkoien43EUSKERA:B.Orkoien nº15 18/11/13 14:34 Página 3
ZURE ZERBITZUAN
Hainbat ekitaldi antolatu dira Emakumeen aurkako Indarkeriaren aurkako Nazioarteko Egunaren karira Azaroaren 25ean, eguerdian, kale-bilkura eginen da Udaletxeko plazan Tratu txar fisikoen eta psikologikoen aurka jendea kontzientziatzea du helburu nagusi Emakumeen aurkako Indarkeriaren aurkako Nazioarteko Egunak, hau da, azaroaren 25ak. Orkoienen, Bateragarritasunaren aldeko Toki Ituneko kideek hainbat ekitaldi antolatu dituzte xede hori lortzen saiatzeko.
I
zan ere, Udalak bat egin du Nafarroako Udal eta Kontzejuen Federazioak bultzaturiko “Genero Indarkeriaren aurkako Udalak” ekimenarekin eta, era berean, indarkeria mota horren kontrako adie-
"Berdintasuna irudietan" IV. Argazki Lehiaketako argazki irabazlea Egilea: Hugo Zúñiga, Orkoiengoa Leloa: Badago sendaketarik!!
razpen instituzional bat eta Bando bat argitaratuko ditu, urtero dozenaka hildako eragiten baititu Estatuan. Horrez gain, udaletxeko balkoian genero indarkeriaren aurkako pankarta bat egonen da paratuta azaroaren 18tik 25era bitarte.
Neurriak hartu dira udal igerilekuen ordutegiak aldatu izanaren karira Udalak instalazioaren diru-kontuak egiaztatuko ditu Kontratuan ezarritako xedapenei jarraiki, Orkoiengo Udalak zehazpen-espediente bat ireki dio Urdi-ri, hau da, Mendikur kirolguneko igerilekuak kudeatzen dituen enpresari, instalazioen funtzionamendu-ordutegia Udalarekin adostu gabe aldatu izanagatik.
U
rdi-k dio igerilekuak gaur egun defizitarioak direla eta, bere garaian, Udalari diru-laguntza eskatu ziola aurrekontuaren gastuak berdintzeko. Udalak, ordea, ezezkoa eman zuen, ez baitzuen galerari buruzko datu argirik. Enpresak, orduan, energia au-
rrezteko neurriak sendotu eta instalazioen irekiera ordutegia mugatzea erabaki zuen, aurrezpena lortzeko, diru-galerak arintzeko asmoz. Ordutegia Udalarekin hitzartu gabe aldatu zuen, hau da, ez du bete kontratuan ezarrita dagoena. Urdi-k 2013ko bukaera arte eutsi nahi dio ordutegi aldaketari, aurrezpenik izanen ote den ikusi arte. Udalak, oraingoz, ez du eskura behar adina datu instalazioak diru-galerak eragiten ote dituen ziurtatzeko. Noiz izanen du informazio zehatz hori? Urdirekin sinatutako kontratuaren arabera, enpresak 2014ko martxoan aurkeztu behar ditu aurreko urteko diru-kontu ikuskatuak. Une horretan ikusiko da diru-galerarik sortzen den ala ez eta zenbat diru galtzen den, horren arabera neurririk egokienak hartzeko.
Bestalde, Ostadar, San Migel eta Auzalar ikastetxeetan Tratu Onen Astea eginen dute egun horietan, eta ekitaldiak ikasleentzat nahiz gurasoentzat izanen dira. Gizarte Etxean, gainera, ikusgai jarriko dira “Berdintasuna Irudietan” izenburuko IV. Argazki Lehiaketan aurkeztutako lanak eta, hilaren 22an, lehiaketako sari banaketa eginen da. Gizarte Etxean, halaber, Nagore izenburuko filma emanen da azaroaren 19an, eta ondotik, eztabaida-saio bat eginen da. Azaroaren 22an, bestalde, Alhama taldeak “Cosas de Mujeres” antzezlana antzeztuko du. Ekitaldiei bukaera emateko, hilaren 25ean, eguerdiko 12etan, kale-bilkura bat eginen da Udaletxe parean.
Umorezko ikuskizun sevillarra Malaje Sólo-ren eskutik Jende askok uste du Greziako mito zaharrak egiazko gertakarien azalpen magikoak izan zirela. Oso gutxik dakite, ordea, hasieran mitoak umorezko kontakizunak izan zirela, eta greziarrak haiekin barrez lehertzen zirela, antzinako mundu hartan txisteen ordez mitoak kontatzen baitziren. Malaje Sólo taldeak tradizio hori berreskuratu du "Humor Platónico" lanarekin. Horrela, heldu den abenduaren 27an, irri egiteko aukera izanen dugu Gizarte Etxean antzezlari horien eskutik. Taldeko kideak Lola López, Antonio Blanco eta José Antonio Aguilar dira, eta webean esaten digutenez, "ez gara inolako ermandadetako senide, ez dakigu sevillanak dantzatzen, ez dugu txisterik kontatzen, sekulan ez gara Rocíora erromes joan… eta umorea egitetik bizi gara." Umore ikuskizun ederra, zalantzarik gabe. 3 ORKOIEN
orkoien43EUSKERA:B.Orkoien nº15 18/11/13 14:34 Página 4
ZURE ZERBITZUAN
Zinema-tailerra 7 urtetik gorako haurrentzat Astelehen eta ostegunetan egiten da ludotekan Orkoiengo 7 urtetik gorako haurrak zinemaren mundu zabala ari dira lantzen, ludotekak antolatutako tailerrari esker. Ekimenak, izan ere, ikasi, jolastu, primeran pasatu eta esploratzeko aukera ederra eman die, zinema oinarri harturik. Aktore, zinemagile, animazio-teknikari, kameralari… bihurturik dihardute, zinemagintzako materialak eta tresnak erabiliz, guztiak ere oso baliagarriak baitira zinemak komunikabide gisa duen garrantziaz ohar daitezen eta ikusizko sentsibilitatea gara dezaten.
T
ailerra astelehen eta ostegunetan egiten da, 18:00etatik 19:00etara, ludoteka ondoko gela batean, gaztelaniaz nahiz euskaraz. Saioetan askota-
riko gauzak egiten dira, guztiak ere jolasgarriak oso: esaterako, klaketak eta kamera-bideoak; slip book-ak edo folioskopioak, hau da, libreta irudidunak dira eta, azkar mugitzean, animazio bat sortzen dute; antzerki-jokoak; marrazki bizidunen bikoizketak; bideo-ipuinak; zinema mutuko eta zinema dokumentaleko muntaketak; eta stop motion, hau da, plastilinazko animazio bat da, argazki-muntaketak oinarri
Musika-banda Oltza Zendea eta Orkoiengo Eskolan
Oltza Zendeako eta Orkoiengo Musika Eskolak sortutako musika-bandan 22 ikasle ari dira oraingoz, eta asteazkenetan egiten dituzte entseguak, 19:00etatik 20:00etara, eskolako gela batean. Hizkuntza musikaleko irakasle Jesús Mª Beltzak zuzendurik, bandak baditu flau-
4 ORKOIEN
tak, saxoak, txistuak, bateria, perkusioa, teklatua, baxua eta biolina. Hiru abesti berri ari dira prestatzen, aurretik beste bi ere landu dituzte, eta Eguberrietan kontzertua emanen dute. Espero da bandan gero eta ikasle gehiagok jotzea, denak baitaude gonbidaturik bandan sartzeko.
harturik. “Joan den ikasturteko azken hiruhilekoan, berariazko jarduerak eskaini ziren 7 urtetik gorako neskato-mutikoentzat. Harrera oso pozgarria izan zen eta, horregatik, aurten zinema-tailerrari heldu diogu lehenik. Helburua da haurrek zinemari lotutako jardueretan parte hartzea, haien adierazpenean askatasuna eta independentzia lortze aldera”, azaldu dute Orkoiengo ludotekako arduradunek.
Toki Itunak bakarrizketa ikastaro bat proposatu du Orkoiengo Bateragarritasunaren aldeko Toki Itunak bakarrizketa ikastaro bat egitea proposatu du, bateragarritasunaren eta berdintasunaren alderdirik funtsezkoenak jorratzeko. Ikastaroa azaro eta abenduko ostiraletan eginen da eta hamar laguneko talde batentzat pentsatua dago. Bola Mugimenduko César Sánchezek emanen du. Taldeak berak erabakiko du ordutegia: 18:00etatik 20:00etara edo 19:00etatik 21:00etara. Ikastaroa bukatzean, jendaurreko emanaldi bat eginen da datorren urtarrilaren 3an. Ikastaroaren prezioa 5 euro da. Argibideak eta izen-ematea Gizarte Etxean.
orkoien43EUSKERA:B.Orkoien nº15 18/11/13 14:34 Página 5
AUZOKIDEAREN AHOTSA
Orkoien mugitzen da Orkoiengo auzokideek jarduera sorta zabala dute aukeran, herriko elkarte ugariek egiten duten lanari esker. Hona hemen denboraldi honetarako berritasun batzuk.
Baietz Guraso Elkartea Eskolaz kanpoko jarduerak antolatzen ditu Auzalar Ikastetxean, hala nola matrikulazio jaia, ikasturte bukaerako jaia, elkartasunezko askaria, dantza taldea… Aurten lehen aldiz futbito talde bat sortu dute eta xake talde bat ere bai.
herri krosa; ateraldiak eta txangoak (paintball eta jarduerak kostaldean); San Migel jaietako ekitaldi-antolaketa; eta Txubisker eguneko jarduerak (jokoak, lasto-fardel txapelketa eta kontzertua).
San Migel Guraso Elkartea Eskolaz kanpoko jarduerak antolatzen ditu: kirol jokoak, mekanografia, ingelesezko jokoak, patinajea, antzerkia, ingelesa gurasoentzat, haurrentzat arratsaldean, eta zumba; haur zinema jende guztiarentzat hilabete bakoitzeko bigarren igandean.
A.C.D. Kirol Sport 2004an sortua da eta kultur nahiz kirol atalak eratuak ditu. Orain, kirol atalak segitzen du jardunean. Futbol, pilota eta igeriketa kirol eskolak kudeatzen ditu Orkoiengo Udalarekin egindako hitzarmenen bidez. 2013-2014 denboraldi honetan honako talde hauek ditu: futbol 11ko lau talde; futbol 8ko bost talde; pista-futboleko maila bereziko talde bat; futbol txikiko lau talde; igeriketa talde bat eta pilota talde bat. Kirolaurreko jarduerak ere bai. Oinarrizko kirolean, 189 neska-mutil ari dira, eta 39, kirol seniorrean. Erregional mailako emakumetalde bat sortu du, emakumezkoen kirola sustatzeko.
Baietz Dantza Taldea Euskal dantzetan dihardu Auzalar ikastetxeko haurrentzat. Dantza saioak Orkoienen bertan eta eskola-eremuko herrietan egiten ditu. Ostiraletan egiten dute entsegua María Mira Jolasgunean. Ikasturte honetan adin honetako eta hartako beste bi talde ari dira.
Klaketa Kultur Elkartea Sortu berria da haurrendako jarduerak euskaraz eta ingelesez bultzatzeko.
Auzalar Kultur Elkartea Txubisker Gazte Elkartea Gazteendako kirol eta kultur jarduerak antolatzen ditu. Hauxe prestatu dute: sukaldaritza eta gozogintza ikastaroa; areto-futboleko txapelketak; frontenisa;
Euskal kultura sustatzeko elkartea da. Honakoak antolatzen ditu: Orkoien Kantuz eta euskal dantzen ikastaroa. Aurten, gainera, haurrendako bi film emanen dituzte euskaraz azaroan eta abenduan.
Erretiratu eta Pentsiodunen Elkartea Solasaldiak, mintzaldiak, arte eta muska emanaldiak, txangoak, asteburuko bidaiak, ikastaroak, bingoak eta abar antolatzen ditu erretiratu eta pentsiodunentzat. San Jose eguna eta San Frantzisko Xabierkoa ospatzen dituzte, bazkidearen eguna eta aitona-amonen eguna. Ekainean, Udalak bazkari bat prestatzen die. Zuzendaritza Batzordea aldian behin biltzen da, bilerak gainerako elkarteekin eta batzar orokorrak.
Orkoiengo San Migel Goiaingerua Abesbatza Elkartea 43 kide ditu. Nafarroako Abesbatza Elkartean sarturik dago, eta 2008az geroztik, Silvia Iribarren da zuzendaria. Hona hemen hurrengo emanaldiak: abenduaren 3an, kontzertua San Migel elizan, 13:00etan; eta abenduaren 22an, eguberri kantuen emanaldia Gizarte Etxean, 13:00etan. Berrikitan sortu den Haurren Abesbatzak ere parte hartuko du.
Orkoaintzina Txistu taldea Txistulari talde hau urte osoan elkartzen da entseguak egiteko eta herria egun jakin batzuetan girotzeko: inauterietan, San Migel Aingeruaren etorreran, Olentzeroren etorreran eta herri jaietan.
Ezohiko elikagai-banaketa Eguberriak baino lehen
Orkoiengo Udalak, bere Gizarte Zerbitzuen bidez, ezohiko elikagai-banaketa eginen du Eguberrien aurretik, behar handienean daudenek Eguberriak familia giroan pasa ditzaten eta egun horietako elikagai bereizgarriak mahai gainean izan ditzaten. Elika-
gaiak, zehazki, Udalak berariaz horretarako moldatu dituen lokaletan banatuko dira, eta banaketa berezi hau eginen da la Caixak Orkoienen duen bulegoari esker (1.800 euro eman baititu janaria erosteko), Orkoiengo Udalaren berariazko 1. 000 euroko kontusail bati esker eta Carlos Arróniz alkatearen dohaintzari esker, 150 euro emanen baititu. Diru-laguntza eman nahi duen
edozein pertsonak, taldek edo enpresak jo dezala Orkoiengo Udaleko Gizarte Zerbitzuen sailera. Gainera, aurreko aldietan bezala, San Migel ikastetxeko Guraso Elkarteak elikagai-bilketa bat antolatuko du abenduan, hainbat tokitan; zehazki, San Migel ikastetxean bertan, Ostadar ikastetxean (0-3 urte) eta herriko San Migel parrokian. 5 ORKOIEN
orkoien43EUSKERA:B.Orkoien nº15 18/11/13 14:34 Página 6
AGENDA ETA EKITALDEA
INFORMAZIOIA
UDALETXEA 948 32 11 11
JARDUEREN EGITARAUA Azaroak 22, ostirala ANTZERKIA “Cosas de mujeres” ALHAMA antzerki taldea. Arinkeriarik gabe, baina umorez eta irribarrez, hiru polizia-emakume polizia-etxe berezi batean ari dira lanean; emakumea ukitzen duten hainbat kasuz arduratzen dira hurbiltasunez eta maitasunez. Ordua: 20:00, Gizarte Etxeko Auditorioan Prezioa: 2€ Sarrerak emanaldia baino astebete lehenago jarriko dira salgai Gizarte Etxeko harrera-lekuan. Azaroak 27, asteazkena OLENTZERO Olentzero: harrera eta ibilbidea prestatzeko lehen bilera. Ordua: 18:00, Gizarte Etxean
Abenduak 22, igandea EGUBERRI KANTUEN EMANALDIA Orkoiengo San Migel abesbatza eta Haur Abesbatza Ordua: 13:00, Gizarte Etxeko Auditorioan Sarrera librea, aretoa bete arte. Abenduak 27, ostirala ANTZERKIA “Humor Plátonico” Hasieran, mitoak umorezko kontakizunak ziren, eta greziarrak haiekin barrez lehertzen ziren; beraz, txisteen ordez mitoak kontatzen ziren … Malaje Sólo-k tradizio hori berreskuratu du antzezlan honen bidez. Ordua: 20:00, Gizarte Etxeko Auditorioan Prezioa: 3€ Sarrerak emanaldia baino astebete lehenago jarriko dira salgai Gizarte Etxeko harreralekuan.
Abenduak 1, igandea. EUSKARAZKO ZINEMA “Ice age / Izotz aroa” 18:00. Antolatzailea: Auzalar Elkartea. Laguntzailea: Klaketa Elkartea eta Orkoiengo Udala.
Zuzendaritza Batzordearen ohiko bilera. Azaroak 29. San Frantzisko Xabierkoaren eguna, Elkarteko zaindariaren eguna. Abenduak 3 12:00etan, San Jose Langile elizan, meza, eta ondotik, egoitzan, otamena eta musika-emanaldia. Txangoa Estellerrira. Abenduak 7. Bidaia Irache jatetxera eta bisita Abartzuzako Patxaran Azanza lantegira. Bingo berezia bazkideentzat. Abenduak 27. Egoitzan. Zuzendaritza Batzordearen ohiko bilera. Urtarrilak 10. Eskulanei segida ematea. Urtarrilak 13. Ehoziri lanei segida ematea. Otsailak 16. Bazkideen Ohiko Batzar Orokorra. Urtarrilak 24. Zuzendaritza Batzordeko bost kide hautatzea.
GAZTE PROGRAMA 948 321021 - 697 57 80 45 OINARRIZKO GIZARTE ZERBITZUA 948 32 10 31 SAN MIGEL IKASTETXEA 948 32 10 19 AUZALAR IKASTETXEA 948 32 67 32 OSTADAR HAUR ESKOLA 948 32 66 55 ORKOIEN MUSIKA ESKOLA 948 34 36 64
KIROLDEGIA 948 32 11 23 PILOTALEKUA 948 32 11 23 OSASUN ETXEA 948 32 10 11
Abenduak 19, osteguna MUSIKA Eguberriko Kontzertua Orkoien-Oltza Zendeako Musika Eskola Ordua: 18:30, Gizarte Etxeko Auditorioan.
Etxeko lehen laguntzei buruzko solasaldia. Azaroak 22. Gurutze Gorriko langileek emana.
KULTURA ETA KIROLETAKO ZERBITZUA 948 32 11 10
ORORBIA MUSIKA ESKOLA 948 32 25 49
Abenduak 3, asteartea NAFARROAKO EGUNA Orkoiengo San Migel Abesbatza Ordua: 13:00h Orkoiengo San Migel Eliza.
Erretiratu eta Pentsiodunen Elkartea
EUSKARA ZERBITZUA 948 32 10 31
FARMAZIAK 948 32 50 82- 948 32 11 88 948 32 14 28 TAXIAK 689 70 11 02- 629 85 01 07
Gazte Programa • Ikastaroak Zumba (astelehen eta asteazkenetan, 19:00etatik 20:00etara) Sukaldaritza eta drogak (hemendik gutxira). • Sukalde txokoa Sukalde txoko bat koadrilen eskura, lagunartean janaria prestatzeko, ikasteko eta gozatzeko. • 2013ko Eguberriak Lagundu Olentzero eta Errege Kabalkada antolatzen. • Eskola-laguntza Astelehen eta ostegunetan, 17:00etatik 19:00etara. • Txangoa Irteera Eguberrietako oporretan. Gaztelekuren irekiera ordutegia: astelehenetik ostiralera, 17:00etatik 21:00etara.
Auzalar Kantuz. Azaroak 23. 12:00etan. Udaletxe plazan. Entseguak Gizarte Etxean 19:00etatik 20:00etara.
ostegunero,
Euskal dantzak ikastaroaren hasiera. Hilean bi ostiraletan.
www.orkoien.com
AUTOBUSAK
Egunekoa: L10. Lanegunak. 30 minututik behin. Orkoiendik hamar gutxitan, eta hogeiean abiatzen da, lehenbizikoa izan ezik, 6:30ean abiatzen baita. Iruñetik hogeita bostean, eta bostean abiatzen da. Larunbat, igande eta jaiegunetan: Orkoiendik, 7:00etan eta, Iruñetik, 7:45ean, 45 minutuz behin. Gauekoa: N9. Ostiraletan: Iruñeko Sarasate Pasealekutik 23:00, 1:00 eta 3:00etan, eta Orkoiendik 23:30, 1:30 eta 3:30ean. Larunbat eta jai-bezperetan: Iruñeko Sarasate Pasealekutik 23:00, 1:00, 3:00 eta 5:00etan, eta Orkoiendik 22:30, 23:30, 1:30, 3:30 eta 5:30ean.