Orkoien
U D A L
I N F O R M A Z I O A R I
B U R U Z K O
A L D I Z K A R I A .
B I H I L E K O A
69. Z kia . 2020 A pirila
Argitaratzailea
Ayuntamiento de Orkoien / Orkoiengo Udala Iturgain Plaza z/g 31160 Orkoien - Nafarroa Tel. 948 32 11 11 L.G..: NA2322/2004
Bidali zure iradokizunak edo ekarpenak: Posta elektronikoz
administracion@orkoien.com
eta adierazi: “Udal Aldizkarirako”; edo udaletxeko beheko solairuan jarria dagoen postontzian.
a u r k i b i d e a
COVID-19
Auzokideak
Kanpaldiak
“ Jarri nire egoeran, ez nire lekuan” Joan den apirilaren 12an, Orkoiengo Udalak “Jarri nire egoeran, ez nire lekuan” kanpaina aurkeztu zuen, “Okupas motorizados” elkarteak abiarazia eta hainbat udalek bultzatua, desgaitasuna duten pertsonendako erreserbatzen diren aparkalekuetan ibilgailua uzteko debekua errespetatzeak duen garrantziaz kontzientziatzeko.
P
aola Aisa zinegotziak, Carlos Arróniz alkateak eta Juan Larreta “Okupas motorizados” taldearen ordezkariak kanpaina aurkeztu zuten. Ekimena Zizur Nagusian eta Atarrabian ere egiten ari da. Orkoienen, 25 seinale paratuko dira mugikortasun urrituko pertsonendako gordeak dauden beste horrenbeste aparkalekutan, gainerako gidariak ohartu daitezen zeinen
garrantzitsua den aparkaleku horiek errespetatu eta libre uztea. Herri honetan, beste aunitzetan bezalaxe, ohikoa izaten da aparkatzeko leku horietan bestelako ibilgailuak aurkitzea, hau da, gidariak desgaitasunen bat duela adierazten duen txartelik gabeko ibilgailuek okupatua egotea. Udalak, halaber, dei egin die herritarrei argazki bat egitera, gisa horretako egoeraren bat ikusten badute. Onena da argazkia sare sozialetako #okupasmotorizados kontuetara igortzea eta Foruzaingoan salaketa egitea. 2018an eta 2019an, poliziak 25 isun jarri zituen Orkoienen, arrazoi hori dela medio, eta gehien begiratzen duten arauhausteetako bat da.
Okupa motorizatuak Juan Larreta “Okupas motorizados” mugimenduaren bul-tzatzailea da. Ekimena 2018an sortu zen, pertsona desgaituen aparkalekuak errespetatzen ez dituzten ibilgailuen aurkako salaketaargazkiak sare sozialetan ar-
gitaratzeko asmoz. Orduz geroztik, 270 lagun baino gehiago ari zaizkie lankidetzan, hau da, arau-hauste horien argazkiak bidaltzen dituzte eta, horri esker, jendea kontzientzia hartzen hasi da. Lehen urtean, #okupasmotorizados traolaren bidez, 2.500 argazki baino gehiago argitaratu dira. Iruñeko Udaltzaingoak eta Foruzaingoak, gainera, dei egin dute beraiengana jotzeko, inork era horretako arau-hausteren bat ikusten badu. Hori dela eta, salaketa kopuruak % 20 egin du gora, aurreko urtearen aldean. Juan Larretak esan digunez, “hasteko, aparkaleku horiek legez kontra erabiltzen zirela salatu genuen, hau da, jendeak autoa bertan uzten zuela aparkalekuak erabiltzeko eskubidea ematen dizun txartelik izan gabe. Baina, hilabeteen joan-etorrian, ohartu ginen hori bezain larria edo larriagoa dela txartelak behar ez bezala erabiltzea”. Urrian, Larreta Herritar Bikaintasun Sarirako hautagaia izan zen.
OSOKO BILKURAN
Orkoien koronabirusaren aurka Gaixo kopurua handia ez bada ere, gaitz berria Orkoienera ere iritsi da. Udalak hainbat neurri hartu ditu eritasunari aurre egiteko, dela garbiketan eta desinfekzioan, dela segurtasunean eta pertsonendako arretan.
H
orrela, Orkoiengo alkate Carlos Arrónizek esan digu, batetik, Gobernu zentralak eskatutako segurtasun neurriak ezarri egin direla, eta bestetik, Udalaren ekimenez, bestelako ekintzak jarri direla abian. Betiere, jende ahulenari arreta ematea izan da lehentasuna, Oinarrizko Gizarte Zerbitzuaren eskutik, bai eta bideak desinfektatu eta garbitzeko lanak egitea ere. Horretaz gain, Udalak, halaber, boluntariotza kanpaina bat abiarazi du, arrazoi hau edo hura dela medio etxetik ateratzerik ez duen jendea artatzeko. Eta beste ekimen bat, ikasleei eskolamateriala banatzeko, betiere horrelako materiala behar dutela adierazi duten ikasleei, hain zuzen.
Elikagai bankua Udala, era berean, elikagai banaketa kudeatzen ari da. Horrela, udal langile batzuk aritu izan dira Europar Batasunak eta Elikagai Bankuak emaniko elikagaiak antolatzen eta banatzen. Familia batzuk elikagaien bila joan dira, baina zenbaitetan, langileek berek banatu dituzte etxez etxe. Halaber, Gurutze Gorriarekin koordinaturik, haur babesgabeei janaria banatu zaie.
Bide garbiketa Sakon desinfektatzen ari dira jende gehien dabilen leku publikoak, bide
garbiketaren adjudikazioa bere gain hartua duen enpresaren bidez, baina obra eta mantentze-lanetako langileek ere desinfekzio-lanetan dihardute. Gainera, bestelako ekinaldia ere abian da leku jakin batzuk garbitzeko, Iruñerriko Mankomunitateak, FCCk eta Iruñeko Udalak lagundurik. Batetik, kale-ureztaketa egiten da, detergente termoaktiboak erabilita, eta bestetik, desinfekzioa, hipoklorito sodikoarekin (lixiba). Herri barnean, hainbat toki ari dira bereziki garbitzen, hala nola osasun etxea, Iturgain nahiz Mendikur plazetako eta Saramago pasealekuko arkupeak eta espaloiak, Rafael Alberti kalekoak, Udaletxe inguruak, Gizarte Etxerako sarbideak, Kupueta auzoa, botikak eta irekita dauden denden inguruak.
Zerga egutegi berria Covid-19k eragindako krisiaren harira, eta lan jarduera geldiarazirik dagoela ikusirik, alkatetzak zergak ordaintzeko egutegia aldatzea erabaki du. Horrela, zirkulazioaren gaineko zergaren or-
dainketa maiatzaren 15era arte atzeratu da, eta kontribuzioaren lehen seihilekoa, berriz, uztailaren 30era arte. Bestalde, udaleko langile batzuk etxetik aritu dira lanean, eta beste batzuk, bulegoan berean. Udal bulegoak irekita baitaude baina premiazko gaietarako baizik ez. Era berean, ERTE bat aplikatu da kirol instalazioak nahiz 0 eta 3 urte arteko eskola kudeatzen dituen udal sozietatean. Egoera ezohikoa dela eta, Orkoiengo Udalak eskerrak eman nahi izan dizkie bizilagunei, batetik, elkarlanean aritzeagatik, eta bestetik, pandemia kontrolatzeko arauak betetzeagatik. Udalak, bestalde, esker ona ere agertu nahi die bai udal langileei, bai boluntarioei, bai eta edozein lan egiteko edo materiala uzteko prest agertu den jende guztiari ere. Azkenik, eskertu eta aintzat hartu nahi izan du ohiko lan moldea aldatu eta premiazko beharretara moldatu diren enpresen lana, bai eta Ferrovial Servicios, FCC, Iruñerriko Mankomunitatea, Iruñeko Udala, etab. ere.
Kaleko liburutegiak urtea bete du Urtebetetik gora joan da kaleko liburutegia Andia hotelaren pareko autobus geralekuan paratu zenetik. Urtebetean, mugimendu etengabea izan du, hau da, bizilagun frankok argitalpenak utzi dituzte beste irakurle batzuen gozamenerako. Kaleko liburutegiaren jarraipena egiten duen zerbitzuak eskerrak eman nahi dizkie ekimenean parte hartzen ari diren guztiei, eta aldi berean, animatu, modu berean segitzera.
2 ORKOIEN
ZURE ZERBITZUAN
Udako kanpaldia, abian
IrriSarri Landen eginen da, ekainaren 22tik 26ra Orkoiengo Udalak, Kirol Zerbitzuaren bidez, udako kanpaldi bat antolatu du 7tik 13 urtera arteko haurrentzat, aurreko urteetan bezala. IrriSarri Landen eginen da, ekainaren 22tik 26ra.
K
anpaldia antolatzeak bi helburu ditu: batetik, haurren oporraldiaren lehen astean, familia eta lana bateragarri egitea, eta bestetik, Orkoiengo haurren artean, herritik kanpo, topagune jolasgarri bat sustatzea. Maiatzaren 14tik 20ra bitarte eman beharko da izena, Gizarte Etxean. Lekuak, 30 guztira, izen-ematearen hurrenkeraren arabera banatuko dira. Hainbat anaia-arrebaren izena emanez gero, deskontuak izanen dira. Aurkeztu beharreko agiriak udalaren webetik jaitsi daitezke edota Gizarte Etxean egonen dira eskura, maiatzaren 11tik aurrera.
IrriSarri land Igantzin kokatua, abentura-parkea leku ezin hobea da egiazko oporrak
gozatzeko, kultura, aisia, kirola eta ingurumen-heziketa uztartuta; den-dena, naturaren erdian. Jarduera sorta zabala egin daiteke, guztiak ere aukera-berdintasuna, errespetua eta indarkeriarik eza sustatzeko aproposak. Abenturajarduerak dira eskaintzaren ardatz, hala nola arborismoa, tirolinak, disko-golfa,
Martxoaren 8ko kanpaina arrakastatsua
Mugimendu feministak Martxoaren 8 honetarako greba deialdirik egina ez bazuen ere, Orkoienen hainbat jardue-
ra egin ziren, haietako batzuk herriko talde feministak berak antolatuak, eta besteak, berriz, Udaleko Berdintasun Zerbitzuak, emakumeen eta gizonen artean egiazko berdintasunik ez dagoela nabarmentzeko. Orkoiengo Udaleko Berdintasun Alorrak herriko talde feministaren lana goraipatu nahi izan du bereziki. Taldeak, izan ere, kale bilkura baterako deia egin zuen hilaren 8rako, goizean; omenaldia egin zion, halaber, Orkoiengo Sorgintza emakume elkarte adierazgarriari, eta zutabe bat antolatu zuen Iruñeko manifestaziora joateko. Era berean, afari jendetsua egin zuen martxoaren 7an, ehun emakume baino gehiago elkartu baitziren.
zaldiak edo bike, besteak beste. Gainera, jendea ingurumenaren gainean sentsibilizatzeko jarduera sorta zabala ere eskaintzen da; besteak beste, mendi ibilbideak, zentzumenen bidea edota besarkaden basoa. Otorduak eta ostatua parkean bertan daude.
Ikasleak berdintasunean hezteko ekimena “Pequeña y grande Frida”, “Norak suhiltzaile izan nahi du”, “Las princesas usan botas de monte”, horra hor Udaleko Berdintasun alorrak herriko ikastetxeetan banatutako liburu hezkideetako batzuk. Guztira, 79 liburu bidali dira Ostadar haur eskolara, eta San Migel nahiz Auzalar ikastetxe publikoetara. Ekimenaren bidez, haurren berdintasunezko hezkuntza sustatu nahi da, bai eta hezkidetza ere, arlo horretan ikastetxeekin koordinatu eta lankidetzan aritzeaz gainera. Izan ere, herriko ikastetxe guztiek aditzera emana zuten euskarri horiek beharrezkoak zirela berdintasunean oinarritutako hezkuntza sustatu eta laguntzeko. Liburuen bidez, hainbat gai landuko dituzte, hala nola estereotipo sexisten haustura, tratu onak, dibertsitatea errespetatzea, etab. 3 ORKOIEN
ZURE ZERBITZUAN
Bizi-esperientzia kontagai, Egoitz Coboren “Zu” film laburrean Orkoiengo bizilagun eta erakunde batzuk aritu zaizkio lankidetzan Egoitz Cobo Orkoiengo bizilagunak “Zu” izenburuko film laburra ondu du, eta Vimeo plataforman dago ikusgai. Egileak gradu bat dauka Soinuan eta, beste goi-gradu bat, Errealizazioan. Gaur egun, soinu-teknikaria da ETBko Ene Kantak saioan.
Z
u” film laburrak izendapen bat jaso zuen Cannes Short Film Zinemaldian. Egileak lana ekoiztu, editatu eta banatu du eta, haren bidez, ikusarazi nahi du guk geuk ere ez dakigula askotan nor garen. Horrela, Egoitz Cobok berak azaldu duen bezala, adineko pertsona baten istorioa kontatzen da. Ustez, den-dena daukan arren eta bizitzan den-dena egina duen arren, ohartzen da ez dakiela nor den. “Jende gehienari gertatzen ahal zaion bezala, idoloen atzean gabiltza, masen,
estereotipoen, gizarte aldaketen eta abarren atzean. Baina haur baten keinu hutsak pentsamendua aldarazten dio. Pertsonak den bezalakoa izan behar du, ezeren eta inoren eraginari men egin gabe”, azaldu digu. “Zu” film laburrean, Egoitz Cobok Orkoiengo Udalaren laguntza jaso zuen, bai eta UPV-EHUrena nahiz Toño Esparza eta Joxe Mari Agirretxe (Porrotx) aktoreena ere. Film laburra jende guztiarentzako dago
ikusgai Vimeo plataforman, esteka honetan: https:/vimeo.com/339170177. Hainbat lan ageri dira Orkoiengo bizilagun honek ikus-entzunezkoetan urratutako bidean, batzuk Labrit Multimediarekin eginak; besteak beste, Orkoieni buruzko dokumentala. Era berean, “Trilogía del Baztan”, “Line Walker” eta “Crónica de una tormenta” filmetako taldean aritu da, eta gainerakoan, hainbat film labur eta bideoklip egin ditu.
Josune Ilundainek Hutsune aurkeztu du Inspirazio iturri ditu Jorge Oteizaren obra eta euskara
J
osune Ilundain Iribarren orkoiendar gazteak “Hutsune” bere obra-liburua aurkeztu du. Jorge Oteiza artistaren eragin argiaz gain, bestelakoak ere baliatu ditu egileak, hala nola familiako gertaerak, pertsonalak, emozionalak eta barne bizipenak, bai eta euskal mitologia, euskara, japoniar kultura eta Ixabel Millet, Eduardo Galeano, Gabriel Aresti edo Joxean Artzeren arte eta kultur ibilbideak ere. “Hutsune” obraren izenburuaren oinarrian, jakina, “huts”
4 ORKOIEN
eta “une” kontzeptuak daude, bakoitza hutsetik hasteko. “Esku artean hartze hutsarekin aise ohartuko gara ez dela ohiko liburu bat, ezta ohiko artelan bat ere, baina
liburuen nahiz artearen ezaugarriak agerian daude. Horrelako proiektuei obra-liburu deritze”, azaldu digu Josune Ilundainek berak. Josunerena berarena da ideia, eta hark
ere eginak dira testuak nahiz marrazkiak. Lana euskaraz ondua da. Liburuak hainbat ardatz ditu: euskara, abstrakzioa, interpretazio askea, zuri-beltza, jolasa, eta hutsa edo hutsartea. Guztira, 150 ale plazaratu dira Greylock argitaletxearen eskutik, Susana Romanosek zuzendurik eta koordinaturik. Josune Ilundainen “Hutsune” lana Katakrak, Walden, Chundarata eta Objetería de Los Días Felices liburudendetan dago salgai, bai eta Interneten ere.
ZURE ZERBITZUAN
Igandeetan antzerkia Antzerkia Orkoiengo herritarrengana hurbiltze aldera eta Nafarroako antzerki talde amateurren artean harremanak sortzeko asmoz, herriko ¾ de hora taldeak “Igandeetan antzerkia” izenburuko antzezpen zikloa antolatu zuen, iaz, Udalarekin batera.
J
oan den urteko arrakasta ikusirik, 400 sarrera baino gehiago saldu baitziren, aurten ere ekimena eginen da. Zehazki, lau antzezlan ikusteko aukera izanen da, maiatz eta ekaineko beste hainbeste igandetan; maiatzaren 24an eta 31n, eta ekainaren 7an. Dena den, antzerki-
zikloa bukatzeko, ekainaren 12an eta 13an, Orkoiengo “¾ de hora” antzerki tailerraren txanda izanen da. Ohiko bideak erabiliko dira gainerako antzezlanak iragartzeko.
Euskarazko udalekuetarako diru-laguntza Aurten ere euskarazko udalekuetara joaten diren Lehen zein Bigarren hezkuntzako ikasleentzat diru-laguntza eskainiko du Orkoiengo Udalak. Gaztetxoek, udan ere, euskaraz bizitzen jarrai dezaten, euskarazko udalekuak antolatzen dituzte hainbat enpresek. Izan ere, aisialdiko jarduerak euskaraz izatea garrantzitsua da hizkuntza ikasteko prozesuan, jarduera ludikoak direlako eta emozioekin estuki loturik daudelako. Horrek hizkuntzarekin dituzten bizipenak eta esperientziak areagotzea Dakar, eta hizkera kolokiala
bezalako erregistroak lantzea. Udaleku horiei guztiei buruzko informazioa helaraziko zaie D ereduko ikasleei. Bertan udaleku guztien datuak ageri: data zehatzak, lekuak, adin-tartea, prezioak eta izena emateko datak eta argibideak. Izena emateko epea irekita dago jada. Eta udaleku horiek diruz lagunduko ditu Orkoiengo Udalak, 1.000€ arteko aurrekontuarekin. Eskabideak maiatzaren 4a eta urriaren 1a bitartean aurkeztu beharko dira udaletxean. Deialdiaren oinarriak Udalaren webgunean izanen dituzue eskuragarri.
Euskararen Eguna atzeratuta
geratuko; momentuz ez da data berririk jarri, baina 2020an ospatuko da Euskararen Eguna, eta aurreikusi bezala, Orkoienen. Litekeena da udaren ondoren izatea data berria, iraila aldera. Orkoien, Oltza Zendea eta Etxauriko Udaletako Euskara Zerbitzuak dei egiten dio herritar orori Euskararen Eguneko antolatze prozesuan protagonista izateko. Egoera normaltasunera bueltatzean, bilera irekiak egingo ditugu eguna prestatzeko, eta bizilagun guztien ideiak, ekarpenak eta inplikazioa oso ongi etorriak izanen dira.
Euskararen Egunean ere eragina izan du Covid19 gaitzak sortutako alarmaegoerak. Maiatzaren 9an ospatzekoa zen Orkoien, Oltza Zendea eta Etxauribarko euskaldunok elkartu eta hizkuntzari bultzada emateko eguna, baina maiatzeko ekitaldi publiko gehienak bertan behera geratzen edo atzeratzen ari direla ikusirik, Euskararen Eguna ere atzeratzea erabaki dugu hainbat herritar eta hiru Udalen artean. Arazoak arazo, ez da bertan behera
Jaiak iragartzeko kartel lehiaketa Dagoeneko eginda jaiak iragartzeko kartel lehiaketarako deialdia, aurtengo festak ekainaren 17tik 21era ospatuko baitira. Aurreko urteetan bezalaxe, hiru kategoria dira: haurrak, gazteak eta helduak. Haurren kategorian, aldi berean, baira hainbat azpikategoria, adinaren arabera. Haur irabazleek, zehazki, marrazteko eta margotzeko materiala jasoko dute saritako. Beste kategoriakoek, berriz, eskudirua. Egile bakoitzak gehienez bi lan aurkeztuko ditu, eta lanak aurkezteko epea maiatzaren 19an bukatuko da. Oinarriak udal webean dituzu eskura: www.orkoien. com.
Aire zabaleko pintura Orkoiengo aire zabaleko XIII. pintura lehiaketa datorren ekainaren 14an eginen da. Haur kategoriak 3 eta 14 urte artekoentzat izanen dira, eta irabazleek materiala jasoko dute saritako; gazteek eta helduek, berriz, eskudirua. Izen ematea ekainaren 1etik 12ra eginen da, Artedeco-n.
Euskara ikasteko beka deialdia Orkoiengo udal esparruan euskararen erabilera eta sustapena arautzen dituen Ordenantzaren zioen azalpenean aitortzen dira orkoiendarrek mendeetan barrena hitz egin duten hizkuntzaren herentzia historikoa onartzeko borondatea, euskara orkoiendar guztien kultur ondaretzat eta udalerriaren berezko hizkuntzatzat hartzea eta herritarrek herrian hizkuntzaren sustapena eta normalizazioaren alde duten borondatea. Horren harira, ordenantza horrek aurreikusten du euskara ikasi nahi duten udalerriko helduentzat urtero beka deialdia egitea. 2019-2020 ikasturteko ikastaroren batean aritu direnek beka eskaera egin dezakete 2020ko irailaren 25era bitarte. 2.000 euroko aurrekontua eskaini du Orkoiengo Udalak. Ikastaroak estentsiboak zein trinkoak (barnetegiak barne) izan daitezke. Deialdiaren oinarriak Udalaren webgunean dituzue eskuragarri. 5 ORKOIEN
INFORMAZIOA
AGENDA ETA JARDUERAK
Udaletxea 948 32 11 11
KULTURA Antzerkia igandeetan Talde amateurrendako antzerki zikloa da, antzerkia jendearengana hurbiltzeko eta hainbat talderen artean loturak sortzeko. Horra helburu nagusiak. Herriko ¾ de hora antzerki taldeak antolaturik, Orkoiengo Udalarekin elkarlanean Tailer parte-hartzaileak: “Etxauriko antzerki tailerra”, “Elkar ezagutzen ez zuten amek bat-batean sortutako antzerki taldea” eta “Orkoiengo 3/4 de hora”. Data aurreikusiak: Maiatzak 24 eta 31; ekainak 7, 12 eta 13 Ekainak 12 eta 13 “El Parque”. Orkoiengo 3/4 de hora taldea. Lekua: Gizarte Etxeko auditorioa. Ordua: 19:00. Prezioa: 2 € Musika Eskola Matrikulazioa Barne matrikulazioa: maiatzaren 11tik 15era, biak barne. Musika Eskolan orain matrikulaturik dauden ikasleentzat. Kanpo matrikulazioa: ekainaren 1etik 3ra, biak barne. Musika Eskolara lehen aldiz joanen diren ikasleentzat. Oharra: Bizi dugun ezohiko egoera luzatzen bada, matrikulazio datak aldatu eta garaiz emanen da horren berri. Oharra: Pairatzen ari garen ezohiko egoera dela eta, barne matrikulazioa online eginen da. Ikasle guztiei, zehazki, aurkezku beharreko dokumentazioa posta elektronikoz bidaliko zaie.
Jaietako Kartelak, lehiaketa Orkoiengo Udalak herriko jaiak iragartzeko XVII. lehiaketarako deialdia egin du 2020. urterako, haur, gazte eta helduen kategorietan. Lanak aurkezteko epea heldu den maiatzaren 19an bukatuko da. Oinarriak Orkoiengo Udalaren webean daude ikusgai: orkoien.com. Aire zabaleko XIII. Pintura Lehiaketa Ekainak 14, 9:00etatik 13:30era Saria eskudirutan heldu eta gazteen kategorietan, eta materiala, berriz, haur kate-
gorietarako (3tik 14 urtera bitarte). Izen-ematea: EKAINAREN 1etik 12ra ARTEDECO-Arte guneak José Saramago Pasealekua, 17 649 771 886 / info@artedeco.es
KIROLA
Gizarte Etxea (arratsaldez) 948 34 36 64 Euskara Zerbitzua 948 32 10 31 Kultura eta Kiroletako Zerbitzua 948 32 11 10 Gazte programa 948 321021 Berdintasuna 948 321021 Oinarrizko Gizarte Zerbitzua 948 32 10 31 - 608 35 31 28 San Migel Ikastetxea 948 32 10 19 Auzalar Ikastetxea 948 32 67 32
Izen-ematea udako abentura-anitza kanpaldietarako Abentura naturan 7 eta 13 urte arteko haurrak Ekainaren 22tik 26ra, IrriSarri Landen – Igantzi (Nafarroa) Izen-ematea: Maiatzaren 14tik 20ra Gizarte Etxean. Prezioa: 122€; 110€, 1. anaia-arrebak; 98€, 2. anaia-arrebak. (leku mugatuak: 30 leku) Lekuak izen-ematearen hurrenkeraren arabera banatuko dira. OHARRA: Gehienez 4 eskaera jasoko dira pertsona bakoitzeko. Aurkeztu beharreko agiriak: izena emateko fitxa sinatua, osasun txartelaren fotokopia, argazkia, eta datu-babesa onartzeko orria. GARRANTZITSUA Kontuan hartu beharreko arau orokorrak: -Aurkeztu beharreko agiriak webgunetik deskargatu daitezke edota Gizarte Etxean jaso, maiatzaren 11tik aurrera. -Bere osoan beteta eta sinatuta dauden izen-emateak soilik onartuko dira. -Orkoienen erroldaturiko bizilagunek izanen dute lehentasuna. -Txartel bidez ordainduko da kanpaldia, behin eskaera onartutakoan. Ordaintzen ez bada, ulertuko da lekuari uko egin zaiola. -Kanpaldian bajarik bada, erreserban daudenekin beteko da lekua, izen-ematearen hurrenkeraren arabera, betiere.
ADI Jarduera guztiak alerta-egoeraren bilakaerak baldintzaturik daude, bai eta COVID19 krisia dela-eta aurreikusi diren neurriek baldintzaturik ere.
www.orkoien.com
Ostadar Haur Eskola 948 32 66 55 Orkoien Musika Eskola 948 34 36 64 Kiroldegia 948 32 11 23 Pilotalekua 948 32 11 10 Osasun Etxea 948 32 10 11 Farmaziak 948 32 50 82 - 948 32 11 88 948 32 14 28 Taxiak 689 70 11 02- 629 85 01 07
AUTOBUSAK
Egunekoa: 10. Linea. lanegunak: 30 minutuero. Orkoiendik hamar gutxietan eta hogeietan abiatzen da, lehena izan ezik, 6:30ean ateratzen baita. Iruñetik, berriz, hogeita hamabostean eta bostean abiatzen da. Larunbat, igande eta jaiegunetan: 6:45etik aurrera, bi norabideetan, 35 minutuero. Gauekoa: Jai eguna. N9. Iruñetik 23:00, 1:00 eta 3:00etan, eta Orkoiendik 23:30, 1:30 eta 3:30ean. Larunbatetan: Iruñetik 23:00, 1:00, 3:00 eta 5:00etan, eta Orkoiendik 22:30, 23:30, 1:30, 3:30 eta 5:30ean.