ENERGI TEKNIKK

Energi Teknikk tilbyr komplette kraftverk med eigenproduserte turbinar og kontrollsystem. Selskapet har også eiga service- avdeling for oppgradering og vedlikehald av småkraftverk. Energi Teknikk har 24 timars vakttelefon-ordning, inkludert fjerndiagnose på kontrollsystem.

Selskapet er godkjent som leverandør til energi-bransjen gjennom kvalifikasjonssystemet Sellicha.

Det skjer mykje hos Energi Teknikk om dagen. No godt etablert i Fonnafjord Næringspark, konstaterer dagleg leiar Arild Klette Steinsvik at interessa er stor mellom mange for å delta og spela ei rolle i det grøne skiftet. Difor opplever vi god tilgang på kapital til å finansiera prosjekt, seier Steinsvik

Energi Teknikk er langt nede i verdikjeda, som den som produserer og leverer utstyr til dei som skal laga straumen og distribuera den ut på linjenettet, slik at du og eg får han i stikkontakten vår. Energi Teknikk har no drive i 23 år, etablert i 2008, og bedrifta har hatt jamn vekst og bygd kompetanse over tid. Resultatet av dette vart i 2019 toppa med at vi var eit av fem selskap i Kvinnherad på Gaselle-lista. I 2020 passerte vi 200 millionar i omsetning og har såleis etter kvart ei betydeleg verdiskaping i regionen vår. I tillegg til våre eigne 24 tilsette, brukar vi og fleire lokale underleverandører, både entreprenør, elektrofirma, transport og maskinering. Nokre element er vi ikkje konkurransedyktige på i Noreg, difor har vi ein stor fabrikk i Serbia som lagar turbinar og andre stålkomponentar for oss. I tillegg får vi utført ein del maskinering i Tsjekkia.

I Energi Teknikk har vi prosjektering, konstruksjon og prosjektleiing og passar på at alt blir rett koordinert. Sjølv om nokre komponentar kjem frå utlandet brukar vi så mange lokale leverandørar vi kan. Dei leverer det beste og er med å held oppe Energi Teknikk sitt gode omdømme hos dei som kjøper våre tenester. Noko vi er heilt avhengig av. Sidan vi i førre månad signerte vår turbin nr. 200 gler vi oss mykje over at dette har vi lukkast med.

Energi Teknikk er noko heilt anna i dag enn for 10 år sidan, for ikkje å snakka om for 20 år sidan. I dag blir det stilt store krav til oss som leverandør. Kvalitet i produkta, feilfri gjennomføring og relevant dokumentasjon er avgjerande faktorar for å lukkast. Då kan vi håpe på å vera langt framme i køen hos dei som kjøper våre tenester neste gang dei skal handla.

Vi synest det er stor stas når lokale aktørar som SKL brukar oss. Vi har to prosjekt for dei i desse dagar. Vi skal og gi tilbod til BKK på ei rehabilitering av ein kraftstasjon frå 50-talet. Fornying av gamle kraftverk er ein marknad som vert spennande for oss i åra som kjem.

Hos Energi Teknikk trur vi at ungdom i framtida vil finna spennande jobbar innan fleire ulike fag hos oss, inn i ei stadig grønare framtid, sluttar Steinsvik, som ser svært positivt på framtida.

Totalleverandør av utstyr og tenester til utbygging og drift av småkraftverk.