HAUGALAND KRAFT I SUNNHORDLAND

HAUGALAND KRAFT

I SUNNHORDLAND

I 2016 tok Haugaland Kraft Nett over det regionale nettet frå SKL nett. Overtakinga var ein del av ei stor omorganisering mellom partane. Haugaland Kraft vart frå dette tidspunktet eit reindyrka kunde- og infrastrukturselskap, medan SKL vart eit reindyrka produksjonsselskap.

Haugaland Kraft AS er i dag største eigar i SKL med ein eigardel på rett under 60 %.

Haugaland Kraft og Haugaland Kraft Nett er slik sterkt til stades i Sunnhordland med både kraftproduksjon og nettverksemd.

HAUGALAND KRAFT KONSERN

Konsernet Haugaland Kraft har hovudkontor i Haugesund med avdelingar på Fitjar, Sand, Sauda, Stord, Ølen/ Skånevik og Halsnøy. Konsernet Hauga- land Kraft har eit morselskap og tre heileigde dotterselskap, Haugaland Kraft Nett AS, Haugaland Kraft Fiber AS, Haugaland Kraft Energi AS. I tillegg er selskapet majoritetseigar i Sunnhordland Kraftlag AS og Afiber AS. Konsernet er eigd av kommunane Karmøy, Haugesund, Tysvær, Vindafjord, Sveio, Utsira, Suldal saman med selskapa Finnås Kraftlag SA, SØK AS, Fitjar Kraftlag SA.

Konsernet har om lag 460 tilsette.

90.000 NETTKUNDAR I 12 KOMMUNAR

- Haugaland Kraft Nett AS eig og driv eit omfattande regional- og distribusjonsnett.

- Haugaland Kraft Nett AS sitt forsyn- ingsområde omfattar tolv kommunar på Haugalandet, Sunnhordland og Ryfylke. Dette er eit omfattande og variert område på over 5000 kvadratkilometer med om lag 150.000 innbyggjerar. Totalt gir dette i underkant av 90.000 nettkundar som vi ynskjer å tilby så god leveringstryggleik som råd. Målet er å ha ei oppetid i nettet vårt på 99,99 % av tida, seier direktør i Haugaland Kraft Nett, Magne Gunnar Bratland.

- Forsyningsområdet vårt dekkjer tolv kommunar: Fitjar, Stord, Sveio, Haugesund, Karmøy, Vindafjord, Tysvær, Bokn, Utsira, Sauda, delar av Etne, delar av Kvinnherad og Suldal.

- Utanom dette driv Haugaland Kraft Nett det overordna straumnettet (regionalnettet) i kommunane: Austevoll, Tysnes, deler av Bjørnefjorden, deler av Ullensvang, Kvinnherad og Bømlo, seier Bratland.

MAGNE GUNNAR BRATLAND DIREKTØR, HAUGALAND KRAFT NETT

VIKTIGE PROSJEKT I OMRÅDET

USKEDALEN PROSJEKTET

Omfattande rehabilitering av Uskedalen transformatorstasjon vart fullført hausten 2018. Dette var eit vellukka prosjekt på alle måtar. Ei modernisering som styrkjer forsyningstryggleiken i denne delen av Kvinnherad kommune.

NY LINJE MELLOM MAURANGER OG JONDAL

HK nett overtok linja mellom Mauranger og Jondal frå Statnett i 2018. Det var då klart at vi måtte byggja ny linje for å auka overføringskapasiteten på linja slik at nye produksjonsanlegg i dåverande Jondal kommune kunne realiserast. Prosjektet inkluderer og ny hovudtransformator i Mauranger.

Sjølve linja vart fullført i fjor, medan det framleis står att noko arbeid knytt til kabling av Statkraft sitt anlegg i Jukla kraftverk og ved Eidesfossen i Jondal.

Linja går i eit krevjande terreng som har gitt oss store utfordringar. Men vi har likevel klart å byggja linja innanfor skissert tidsramme og utan alvorlege skadar på personell eller miljø.

Det fyrste spennet frå Mauranger er spektakulært med ein stiging på over 800 meter frå mast nummer ein til mast nummer to.

MILJØPROSJEKT ÅKRAFJORDEN

Inst i Åkrafjorden var det totalt fire fjordspenn, i tillegg var der ein del høgspentmaster i alle endepunkta. Dette vart demontert og fjerna sommaren 2020. Nettet vart erstatta av kabelanlegg i vegskulder på dagens E 134 ved Langfoss og langs den gamle vegen mellom Eljarvik og Fjæra. Dermed er store delar av landskapet attendeført til slik det var opphavleg, samstundes som vi har fått ei ny og framtidsretta straumforsyning.