SKL - 75 ÅRING MED TRU PÅ FRAMTIDA

FOTO: TOM HAGA

FOTO: JAN RABBEN

VATN – I FAST OG FLYTANDE FORM ER "DRIVSTOFFET" I KRAFTPRODUKSJONEN TIL SKL HISTORIA TIL SKL ER GODT DOKUMENTERT GJENNOM FLEIRE BØKER OM ANLEGGSDRIFT OG UTBYGGING. TEK DU TUREN TIL OPSTVEIT I MATRE KAN DU SJÅ VISNINGSSENTERET TIL SKL. DETTE MONUMENTET OVER VASSKRAFTUTBYGGINGA ER OPE FOR ALLE. DET KOSTAR INGENTING Å STOPPA DER, OG DET ER ALLTID OPE. TA TUREN!

BORING OG SPRENGING ER NAUDSYNT FOR Å FÅ VATNET FRAM TIL KRAFTSTASJONEN (LØKJELSVATN KRAFTVERK)

FOTO: TOM HAGA

FOTO: TOM HAGA FOTO: SKL

– 75 åring med tru på framtida

Året er 1946. Forsøket på å få til eit regionalt selskap som skal byggja ut vasskraftressursane i Blådalsvassdraget lukkast. Frå Bømlo i vest til Austevoll og Fusa i nord, frå Kvinnherad i aust og til Skånevik i sør: Kommunar og lokale samvirkelag dannar Sunnhordland Kraftlag. Endeleg skal Sunnhordland fullelektrifiserast – som ein av dei siste regionane i landet. Dette skapar optimisme og grunnlag for industrivekst, velstandsutvikling og sikrar ei god folketalsutvikling. Industriutviklinga på Stord og Bømlo, etableringa av Sør Norge Aluminium i Kvinnherad, utviklinga av små og mellomstore verksemder – alt dette hadde sitt utspring i tilgangen på elektrisitet. Sikker og rimeleg straumforsyning.

Rein energi – vårt sterkaste kort

Energien frå vasskrafta er rein og evigvarande. Krinslaupet til vatnet gjer at me kvar dag – heile året – får tilgang på elektrisitet. Drift og vedlikehald av kraftstasjonar er kjerneområdet til SKL. Det er eit stort ansvar som selskapet tek på største alvor. Men visste du at selskapet stadig utviklar meir vasskraft? Dei siste 20 åra har SKL dobla vasskraftproduksjonen i sine anlegg! Gjennom heile 75-års perioden har selskapet hatt kontinuerleg utbygging. Og framleis er ikkje idébanken tom. Nei, slett ikkje. I jubileumsåret har selskapet 4 småkraftprosjekt under bygging, og ikkje minst; den store opprustinga av vasskraftanlegga i Etnefjella. Løkjelsvatn kraftverk skal nytta vatnet i Etnevassdraget på ein betre måte. Prislappen på meir enn 500 millionar kroner er selskapet viss på er ei god investering.

Onarheim kraftverk i Kvinnherad har SKL fått løyve til å byggja, og selskapet ser i desse dagar på den beste – og mest miljøvennlege måten å byggja kraftverket på. Skatteomlegginga har gjort det mogleg å sjå på planane for eit nytt stort kraftverk i Blådalsvassdraget med nye augo. Kanskje er ikkje vasskrafteventyret i denne delen av Folgefonnhalvøya over på lengje endå.

Samla produserer SKL om lag 3.000 GWh straum i året. Det er straum nok til 150.000 husstandar eller om lag det Bergen by brukar. SKL er mellom dei 10 største vasskraftprodusentane i landet. Samstundes må me erkjenna at vasskraftressursane er avgrensa, og me vil til slutt nå eit punkt der me ikkje kan byggja ut meir, utan at det får for store konsekvensar for natur og miljø, seier administrerande direktør i SKL, John Martin Mjånes.

Nye energikjelder – nye energiberarar

Som vital 75 åring – er det heilt naturleg for SKL å sjå på alternative måtar å produsera fornybar og rein energi. Saman med største eigar, Haugaland Kraft og shippingsleskapet Knutsen Group har dei danna Deep Wind Offshore (DWO). Å nytta krafta frå vinden som bles til havs er ein stor ressurs. Ute av syne, og til lite sjenanse på andre måtar, trur selskapet at det er til havs me skal temja vindkreftene. Dette skal skje gjennom solid utgreiing – der ein finn dei mest miljøvennlege måtar å byggja på, innan økonomiske og berekraftige rammer.

Også innan lagring og transport av energi er SKL engasjert. Visste du at å produsera hydrogen frå vasskraft gjennom elektrolyse er ein måte å lagra energi på? I jubileumsåret er SKL i samarbeid med Kvinnheradfirmaet Liquiline i ferd med å levera løysingar både på produksjon av hydrogen, og korleis ein kan nytta denne gassen til framdrift av skip som går langs norskekysten.

Framtida er lys og elektrisk konkluderer leiaren for SKL.