BEREDSKAP

FOTO: THOMAS A. HJELMEN.

• Stord lufthamn er avlastningsflyplass for Bergen lufthavn, Flesland og vert ofte nytta til treningsflyging av fly og helikopter.

• Stord lufthamn vart nyleg nytta som helikopterbase for offshoretrafikk til Nordsjøen i 4 dager av Equinor. Lufthamn-selskapet fekk i ettertid rosande omtale for trafikkavviklinga. Det er og halde møte med Equinor og Bristow Helicopter vedr. erfaringane rundt bruk av lufthamna som helikopterbase. Om akutte situasjoner oppstår vil Equinor og Bristow igjen nytta Stord lufthamn som helikopterbase.

• Lufthamna vert nytta av redningshelikopter i samband med søk- og redningsaksjoner. Lufthamna vert også nytta av luftambulansen sitt helikopter samt statens ambulansefly. • Dei nye helikoptera til kystvakta og fregattane som er stasjonert på Haakonsvern nyttar og Stord lufthamn til trening av pilotar.

• I perioden 2016 og fram til d.d. har vi hatt 80 flybevegelsar som gjeld ambulanse eller søk- og redningsoppdrag. Dette stadfestar at lufthamna er svært viktig for beredskapen i distriktet. Nylig hadde vi besøk av luftambulansen sitt redningshelikopter. Helikopteret skulle henta ein pasient med hjarteproblem på Fitjar men makta ikkje landa der grunna sterk vind. Helikopteret flaug så til Stord lufthamn og pasienten kom til lufthamna i ambulanse. Turen gjekk så med helikopter til Haukeland sjukehus. • Dei nye redningshelikoptera av typen SAR QUEEN er for store til å kunna landa på Stord sjukehus, dei må difor landa på lufthamna. I samband med søk etter savna personar på fjellet eller på sjøen nytter desse helikoptera Stord lufthamn til fylling av drivstoff.

• Stord lufthamn har 2 brannbiler som er disponible for kommunen ved behov. Vi har også ein redningsbåt som ligg inne som ein ressurs for HRS. Båten har fleire gonger vore ute på oppdrag for HRS.

FOTO: THOMAS A. HJELMEN.

Sommartid 10-19 (16)