1 minute read

– Soloppgangen er verdt ein tur

– Soloppgangen på Stadlandet klokka fire om natta er vel verdt å få med seg, seier hotellsjef Fredrik Hovden Borgund ved Stad Hotell.

For lite kan måle seg med soloppgangen på Stadlandet.

– Spesielt når sola kjem opp klokka fire om natta på Haugsholmen. Det er ei fantastisk oppleving, seier Borgund, og får støtte frå Marita Ervik.

Ventar meir besøk

Dei jobbar begge ved Stad Hotell og reknar med meir besøk enn fjoråret som regna vekk.

– Mykje folk på Stad hadde vi sett pris på. Vi ligg i alle fall betre an med bookinga på denne tida enn vi gjorde i fjor, fortel dei.

• Mykje folk på Stad hadde vi sett pris på.

Og med signal om at nordmenn kjem til å ta Norgesferie i år, at det er dyrare å reise til utlandet for oss nordmenn, og at fleire frå Europa kjem til Norge, er dette som musikk i øyra for hotellfolka på Stadlandet.

– Og så må folk kome for å ete var eminente mat, smiler dei.

Arkivitetar

– Så kva er det ein kan oppleve på Stadlandet?

Dei ramsar opp aktivitetsveka med Sommaraktive Stad som noko ein bør få med seg. Mange vel også å kome heim til denne veka.

• Her er veldig mange fine turar ein kan gå. Dei er lette å finne fram for alle, for her er godt merka stiar.

– Her veldig mange fine turar ein kan gå. Dei er lette å finne fram for alle, for her er godt merka stiar, fortel Ervik.

Og så kan folk prøve seg på surfing i Ervik eller Hoddevika, eller med supbrett, freistar dei.

– Eller kanskje ein heller vil prøve kajakk eller yoga?, spør

SOLNEDGANG: Solnedgangen er vel verdt eit besøk.

Ervik, og meiner her er litt av kvart ein kan prøve seg på.

INGEBJØRG NILSEN ins@fjordabladet.no

PLASSEN: Nordfjordeid har landets eldste eksersisplass i landet. Dei brulagde stiane vart laga av tyskarane under 2. verdskrig.

• Laksefiske i Eidselva

Den eldste militærplassen i landet

Nordfjordeid har landets eldste eksersisplass i landet. I dag framstår det som eit flott parkområde.

Det er også her Malakoff Rockfestival arrangerer sin populære festival for rundt 30.000 besøkande.

Eksersisplassen var i bruk i rundt 300 år. Soldatane som øvde på Nordfjordeid kom frå Sunnmøre, Nordfjord og deler av Jølster. Rekruttskulen bestod av rundt 300 mann, medan det på bataljonsøvingar var 1200 -1500 soldatar i området.

Militærplassen har eksistert sidan 1628, og lagerhusa som står der endå er frå åra 1791–1993.

Dei brulagde stiane mellom alleane lagde tyskarane under 2. verdskrig.

INGEBJØRG NILSEN ins@fjordabladet.no

This article is from: