Størst på is

26 sortar med kuleis har du å velje ifrå isdisken til Sjøkanten Cafe på Nordfjordeid.

Dette gjer dei truleg størst på is i Sogn og Fjordane. Sydover må ein nok til Bergen for å finne like stort utval, og ein trur det ikkje er noko tilsvarande verken i Ålesund eller Molde.

– Is er alltid populært, og no har vi utvida sortemanget frå Hennig Olsen, fortel ei svært fornøgd kafedrivar Anita Førde.

• Is er alltid populært.

Dermed kan Sjøkanten Cafe freiste deg med 26 sortar kuleis, softis og milkshake i mange forskjellige smakar.

– Kundane har tatt imot det utvida tilbodet svært positivt, men det går framleis mest i standardsmakar som oreo og jordbær, seier ho.

– Men fleire let seg frist av nye smakar som Smil og Japp. Folk er villige til å prøve nye smakar. Det går jamt og trutt av det meste, og så går det alltid mykje sorbe, seier Førde.

– Mange cruiseturistar er innom på Nordfjordeid. Ser de noko av dei?

– Ja, her kjem mange cruiseturistar. De spør gjerne etter cappuccino, is, vaffel eller svele. Men av is er det gjerne softis dei vil ha. Det går det mykje av, smiler ho.

INGEBJØRG NILSEN ins@fjordabladet.no

KJÆRKOME: Selje sanitetsforening har oppretta ein gratisbutikk som er blitt populær. Her kan ein finne klede for alle aldrar. F.v.: Malene Bortne, Elsa Bortne og Sølvi Drageseth Lien

POPULÆRT MED KLEBYTE: Gratisbutikken i Selje prestegard er i regi av Selje sanitetsforening. Her kan ein ta med klede og få klede tilbake, eller berre få seg gratis klede. Malene Bortne (12) jobbar i butikken som er open kvar fredag og laurdag. Ho seier at ikkje minst fleire unge er innom.

PILEGRIMSSENTER: Selje prestegard er ein av 26 nøkkelstadar på Kystpilegrimsleia frå Avaldsnes/Egersund til Trondheim. I sommar blir her pilegrimsmottak og gratisbutikk med klede. Om alt går etter planen og bruksendring blir innvilga blir det også overnatting og servering. FOTO: INGER TRÆEN