Tilbyr overnatting på fjellplatå lengst

To trehytter er på plass på Vestkapp, og dei første gjestane har allereie overnatta i dei.

– Det er spesielt å kunne overnatte her ute, seier Kristina Myrseth, drivar av Vestkapp Restaurant/Storm ved Stad.

Lengst vest

Vestkapp er Norge sitt vestlegaste fjellplatå. Vinden kan rive hardt her ute, og mange vêrturistar kjem til Vestkapp nettopp for å oppleve vêret.

– Å få til eit overnattingstilbod her ute har vore ein draum. I 2020 søkte vi om å sette opp poddar, og då fekk vi avslag. No var vi veldig spente, men vi hadde ein litt annan søknad no, fortel ho.

I det siste har arbeidet vore i full gang me då sette opp to minitrehytter.

• Dette betyr mykje for drifta og utviklinga av Vestkapp.

– Dette vil bety mykje for drifta og utviklinga av Vestkapp, meiner Myrseth, og legg til: – Her kan ein ete god mat, gå på fjellet, oppleve heile nærområdet. Det har også kome opp ein sauna i Årvika. Det er totalpakken vi meiner er interessant for folk. Det er positivt til fleire ting som er her. Aktivitet skapar aktivitet.

Oppleving – Å sove på Vestkapp må vere ei oppleving, seier ho, som har lyst å vere av dei første til å overnatte i dei nye trehyttene.

– Vi må no teste ut produktet vi sel, smiler ho.

Dei to hyttene skal stå i sommarsesongen. – Som alltid kjem sikkerheit først, og vi har ikkje dei verste stormane på denne tida av året, fortel Myrseth.

Flyttbare hytter

Heile konseptet byggjer på at trehyttene er flyttbare, og at dei ikkje skal etterlate spor i naturen. Difor vert dei bolta og festa ned i stein.

– Det blir ikkje synleg når dei vert tatt bort, seier Myrseth.

• Det blir ikkje synleg når dei vert tatt bort.

Det er to trehytter som no er sett opp – med ei dobbelseng i kvar hytte.

– Eg er ikkje bekymra for sauene her oppe på platået, for at det ligg nokre turistar i to hytter, seier Myrseth.

– Masseturisme frå cruiseskip som har dårleg tid er noko heilt anna. Men dette har ingenting med hyttene å gjere, kommenterer ho.

AVBREKK: Her oppe på platået kan ein få eit avbrekk i kvardagen og nyte naturen som vi er så heldige å ha rundt oss, seier Kristina Leknesund Myrseth. FOTO: