目 錄 客語現代詩優選作品 一垤寫字枋个戀曲／王興寶-------------------------------------------- 1 香／王倩慧 ------------------------------------------------------------------ 5 平妹／李智揮 --------------------------------------------------------------- 9 燈塔頂燒暖个光／彭歲玲 ----------------------------------------------- 12 ／賴貴珍 --------------------------------------------------------------- 15 惹墨／劉惠月 --------------------------------------------------------------- 17 該日風寒幾重／曾滿堂 -------------------------------------------------- 20 原鄉人／高妮瑋 ------------------------------------------------------------ 22 客語小說組優選作品 流浪到屏東／林彭榮 ----------------------------------------------------- 25 相愛个味緒／彭歲玲 ----------------------------------------------------- 40 華語現代詩優選作品 我該如何成為你／何志明 ----------------------------------------------- 59 山火之後／洪春峰--------------------------------------------------------- 62 在苦難間耕耘的姿態-詩致鍾理和／王宗仁 ----------------------- 65 倒在血泊裡的筆耕者／杜弘毅 ---------------------------------------- 68 鍾理和百年冥誕前夕讀書有感／曾元耀 --------------------------- 71
如果還有一口氣在──誌鍾理和先生百歲冥誕／吳昌崙 ----- 75 世界終結前的最後一夜／林孟蒨 ------------------------------------- 78 四十六個春天的眼睛──致鍾理和／林姿伶 --------------------- 81 異鄉人／江淳修 ------------------------------------------------------------ 84 客運 8226／王俍凱-------------------------------------------------------- 87 笠／林靜雅 ------------------------------------------------------------------ 88 真愛相隨／劉冠顯--------------------------------------------------------- 91 一九四六年春──致即將歸鄉的鍾理和／洪璿皓 -------------- 93 寫字板之戀／王興寶 ----------------------------------------------------- 96 笠山裡──月光淋浴／李俊宏 ---------------------------------------- 100 華語小說組優選作品 堅持／杜弘毅 --------------------------------------------------------------- 103 想像中的推手／蘇柏堅 -------------------------------------------------- 119 原鄉老兵／鍾智皓--------------------------------------------------------- 135 跨時代之談／李佳薇 ----------------------------------------------------- 152 泰東旅館紀錄片／陳倚芬 ----------------------------------------------- 167
客 語 現 代 詩 優 選 作 品
[客語現代詩] 第一名
一垤寫字枋个戀曲 ◎王興寶 靚靚个木瓜樹下 係倆儕定情个位所，浸青个扇葉 畫出一支美濃油紙遮 你摎 揇共下 奏出心肝哱哱飆个戀曲 看無邊脣个天頂 田崁橫架直架个平洋 大般个山排，勻開 倆儕相識交心个書房，
這
長無六尺闊偎七寸个寫字枋 嗄一下聽著，彈筆 鋸出人生个弦仔聲 暈著你溫柔个目光 若个硬骨識為著同姓婚事，為愛奔逃 做拒絕陋俗同迷信个原鄉人 看歷史个火光照靚个名城 仰伏等蝠婆樣仔个北京人 痛腸个白薯藤腳跔跔，恬恬仔 脫離文化祖國个醃缸 1
唱出歸鄉曲 老古唐山既經化做一張地圖 橫倒下來，儘採 生做一頭夾竹桃 你噥噥哢哢，細義 莫遰著該有毒个汁 風中个鋼筆，企竳竳 在
个木紋刻出命運个方向
無閒个筆聲，合奏 田坵肚該堅耐个腰骨，台妹 同大地挷河个钁頭聲 該身濫泥飄出夜合花香 將最純良个心 囥入亮線个藍衫 心心念念个天弓，目聚聚 變做最客家个想望 在恬靜个田䃗 凝成光明个露珠 晒芎蕉干个天墀坪 係鄉土文學搞尞个位所 仰變阿修羅个砧枋 鋸忒七支抨籬骨个男仔人 2
人生淨伸小說个一半 日光透過木瓜葉伸爪，一起風 舞做巨人樣仔个風車 瘦挾挾个手還係摎 揢緪緪 正手摎筆擎做一枝長矛 坐等个藤椅四蹄蹬地 蟲仔个噭聲喊出唐吉軻德，黏時 上棚一齣收冬戲 雨涿等油紙遮 丟丟滴滴个敨氣聲 譜做一首老山歌 泥肉啉噪汗水焗个酒 還你一篇篇文章 心牽三萬六千方公里个笠山農場 嘔出綿延个蕃薯藤 對年輪看著你，洗淨血水 企竳竳歡喜个笑容
註： 1.
寫字枋-鍾理和先生創作文章寫字用个一垤枋仔，就像厥
書桌共樣。 2.
散文〈我的書齋〉 〈白薯的悲哀〉 ，短篇小說〈奔逃〉 、 〈原 3
鄉人〉 〈同姓之婚〉 ，中篇小說〈夾竹桃〉 〈雨〉 ，長篇小說〈笠 山農場〉，全部係鍾理和先生作品名。 3.
鍾理和先生過生該下，還有盡多小說寫到一半。
4
[客語現代詩] 第二名
香
（四縣腔） ◎王倩慧
好恬恬仔 行入上庄 假使你了解吾心 做得鼻著地泥个味緒 笑微微仔 經過路口 在打秧个時節 ngai就愛寫一首詩 送分你 頭望望仔 在壁角尋往事 暗晡夜 桂花摎夜合交陪 寫忒大家人个歡喜摎痛腸 識有恁多墨水 在愛情裡肚炙燥忒 悲傷總係流下目汁 同落雨共樣
5
落在農場 落在開晴个稿紙項 因為相愛 煞猛打拼分黃梨豐收 禾穀收成个時節 假黎婆嗄分 hienˋ公驚著面壢青 番婆頭摎手項个刺花 還有阿婆塜埔前个那拔生到淰淰 分小狗古恁相思 一隻牛拖犁耕田 行過大家人个歷史 一支筆恬恬仔 在星光半夜 跈等老唱盤唱流行歌 寫忒一生人个故事 日帶夜 對天公打開書本 同生份人講祖先行過个路 摎艱苦開田个記錄 好恬恬仔行來上庄 做得看著大家人个心事 一路里來聽著上庄調 6
雲像藍衫樣仔 hiaˊ開衫袖 飛過夥房壁角摎菸樓 相思在竹頭莊反火 香味對地泥肚飆出來 佢个味緒 安到「愛」 附註： 1.大家人：泛指眾人，即我們每一個人。 （引用：教育部臺灣客家 語常用詞辭典）。 2.開晴：放晴。（引用：鍾理和文學的客語詞彙庫） 。 3.假黎婆：原住民婦女。（引用：鍾理和文學的客語詞彙庫） 。 4.番婆頭：「番婆」是指原住民婦女，「番婆頭」為她們的一種髮 型。（引用：鍾理和文學的客語詞彙庫） 。 5.刺花：刺青。 6.那拔：那拔是番石榴的土稱。 （引用：鍾理和文學的客語詞彙庫， 見《全集 4‧笠山農場》，頁 287，附註 1。） 。 7.小狗古：指小公狗，一般的用字是「小狗牯」 ，客語中「牯」代 表雄性，「牯」、「古」同音，鍾理和為求文字的文雅，而使用 「古」字。（引用：鍾理和文學的客語詞彙庫，見《台灣四縣 客家話構詞研究》頁 35。）。 8.日帶夜：日以繼夜。（引用：鍾理和文學的客語詞彙庫）。 9.上庄調：山歌曲調，指美濃調。 （引用：鍾理和文學的客語詞彙 庫）。 7
9.竹頭莊：美濃地名，又名竹頭角。 （引用：鍾理和文學的客語詞 彙庫） 。 11.反火：重新燃燒。（引用：鍾理和文學的客語詞彙庫，見《鍾 理和笠山農場語言運用研究》頁 36。） 。
8
[客語現代詩] 第三名
平妹
(四縣腔)
◎李智揮 妳一路行著過來 這恁多年來 著等藍衫 割來香蕉 趕去田坵挲草 行走一條條狹狹 彎斡个路脣 彎曲个河壩水 一日到暗 辛苦个汗水 日日都係千斤萬擔 這時節日頭越烈 看前路妳還愛頭低低 勞動个背影 做毋得歇 忙到臨暗仔過後 毎日無閒 苦到日子過無下去 從來毋會喊苦
9
妳係故鄉土地上 順從介阿妹 日時頭一身藍衫 行入尖山 客家庄頭幾擺寒佬熱 青青瘦瘦个思念 勞碌命介婦人家最煞猛 身體毋好好仔歇睏 肚飢飢囓菜餔根 情願蕃薯煲糜 乜愛撐等 從來毋識埋怨 妳係故鄉土地上 忍耐介阿妹 幾多風合雨 秋日多愁 麼該就無留下 淨知餓肚屎過日仔 眼角嗽到一堆目汁 一聲急過一聲 在自家个心肝底肚
10
尖山肚个夜 風緊搖雨緊落 大風緊吹還毋肯停手 山路上，肩頭揹等大只个木頭 目珠乜毋會眨一下 大雨緊落心毋晴 一落雨，暗微濛路上 雙肩擔頭个重量 多擺跌倒 跌落一地泥 毋到來喊痛 妳一路行著過來 刻苦打拼 流過目汁流過血 帶分幸福摎平安 在屋下，燒暖个避風港 有生活个平凡真心 正係吾屋家
11
[客語現代詩] 佳作
燈塔頂燒暖个光
（四縣腔）
◎彭歲玲 赤腳䃗踏1行在人生海灘 浪花冲走腳底个沙 一寸一寸个淘空 無論在哪位 山林肚，抑係都市叢林 清心抑係茫心2 神投投仔3，抑係眼茫鼻花4 目5就看得著一大片平洋洋仔个大海 潮起潮退 洋洋洋洋6 手牽手行過一波一波个浪潮 船來！船往！ 毋管別人仰般看法，仰般多話 不變个心在海港等你 天邊海角 渺渺茫茫 天昏地暗 暗摸胥疏7 1 2 3 4 5 6
赤腳䃗踏 cag giog ma dab：打赤腳 茫心 mangˇximˊ：心神慌亂。 神投投仔 siinˇdauˇdauˇeˋ：神龍活現，一本正經。 眼茫鼻花 ngienˋmongˇ pi faˊ：精神疲憊，視力模糊。
目 ngiab
mug ：閉眼。
洋洋洋洋 iongˇiongˇiong iong：水盛大的樣子 12
係毋係 尋毋著自家應該愛航向何方呢？ 有情有義个人擎起文筆用文字堆疊一座燈塔 綿延个情感 點著 一
一 个光亮 指引人生个方向
理和先生坐板凳、望等山景寫作 浩洪斗雨个時節，看到分海風打翻个大海 百花盛開个時節，眼前係一片相思海 風吹日炙8个人生 總有悲歡離合 麼个盡重要？ 看得著燒暖个亮光 正係想望 正係方向 燈塔企在人生个海港 佢有史詩个氣質，交響樂个撼動 有人生脈動个紀錄 有心靈个寫照 豐富个人生故事 餳旅客來到這位 看得著亮光个人就知 佢麼个都無，淨有一粒心，一粒有情有義个心 就算係一條退休个船仔，一息都停動不得个船仔 停在無人个沙灘，無人過問 7 8
暗摸胥疏 am mo xi so ：黑漆漆的。形容天色或環境很黑。 風吹日炙 fung24 coi24 ngid2 zag2：比喻經過風吹日晒的磨鍊 13
任憑海浪無情拍打，海風無情唩喊 行過个腳跡也既經化為美麗波紋 成就了大自然个靚 記憶在風中，文字也既經堆疊在燈塔頂項 在遠方眺望 萬望9創作共樣个歌、永恆个情 摎大海有隻約定 相約走尋共樣个歌、思念个心 堆疊 淨為眼前个遼闊 美麗个燈塔 餳人个風光 燒暖个亮光 感人个情 撿揫10人生 風光 月光下寫字 記憶个風化作文學 該係人生海港 燈塔頂 一
9 10
一 燒暖个光
萬望 van mong：殷切希望。 撿揫 giam qiu ：整理、收拾。 14
[客語現代詩] 佳作
願
（北四縣腔） ◎賴貴珍
願做該玉山下个 一粒泥 跈等 laku laku，奔流 到若莊頭 到若水圳 滋養 enˊ行過个大路 願做該夾竹桃樹下个 一皮葉仔 跈等北河，惡豺無定 水流東啊 水流西 四散遷徙任漂流 過後 葉落歸根 願變做一隻黃蝶仔 飛在笠山農場 飛在門脣 飛到 若身項
15
還記得 月給三百個銀 恬恬放落袋，親像 恬恬無講話个你 為着 咬絲吊命 還記得 月係故鄉明 舂上舂下，為原鄉？ 無為麼个，單淨 新生定定 你，敢還記得無？
16
[客語現代詩] 佳作
惹 墨
(大埔腔)
◎劉惠月 紙筆墨硯準備好勢咧 今晡日愛仰脣蘸墨汁 佢心肝肚自有定疊 黃色 柑黃个黃 木瓜 盡使得幫襯恁泥个黃 結木瓜个樹下 寫稿用个枋 到今還等緊主人 同佢 溫柔來捉龍 黃貢貢个黃 黃蝶盡使得幫襯恁泥个黃 黃蝶翠谷 毋使頭臥臥 斯看得著歸山坑个蝶 你問〈原鄉人〉在哪位… 山應聲 位… 你過問〈菸樓〉在哪位… 山還係應聲 位…
17
青色 青荷荷个青 種緊咖啡樹个〈笠山農場〉 盡使得幫襯恁泥个青 毋管人間閒事个山鳥 還係對緊農場深處 啼唱百年來 毋肯煞棚个山歌 歌聲唱出歸園个荔枝香 唱出尖山个青春夢 浸青个青 〈貧賤夫妻〉 盡使得講出兩公姐个青澁 定定擎起墨盤 擂啊擂…擂又擂… 擂起 〈初戀〉个兩人世界 擂啊擂…擂又擂… 擂起〈奔逃〉个艱苦人生 擂啊擂…擂又擂… 逃出〈野茫茫〉个禮教 逃開〈薪水三百元〉个戲籠 奔向一齣無分人使弄个樵頭戲 佢開始〈復活〉反生咧 自家搭戲臺 18
做自家个戲 輸贏自家擔
擎起墨盤 過一擺磨墨 磨啊磨…磨又磨 磨壞撇个墨盤 堆過山 磨啊磨…磨又磨 用過个字紙䃗 燒毋利 磨啊磨…磨又磨 墨汁 千搵萬搵 千蘸萬蘸 定著使毋得惹著紅墨汁 毋過無人知這個禁忌 有一日 落〈雨〉个時節 蠻皮个〈雨〉 好惹是非个〈雨〉 無細義著著紅墨汁 無堵好著著發痰火个圓身 嗄結束佢流流漂漂个一生
雨水惹著紅色墨汁 打出一蕊一蕊个牡丹花 歸庄个人 毋驚分痰火鬼遰著 19
頭昂昂相賽去賞花 花布肚个牡丹花 千年萬年緊開
20
[客語現代詩] 佳作
該日風寒幾重 ◎曾滿堂 合書舉頭看天頂 尋一粒 安到鍾理和个細星仔 愐起頭擺美濃莊 笠山農場个愛情 共姓个無奈 釀成平妹个目汁 像雨水落下來 流做若心肚个大海 渡你航向文學个島 毋知該日奔逃个船頭 秋夜風寒有幾重
21