1 minute read
puisi-puisi i putu pradnyana anggara
Sang Abanyol
Sang abanyol... Rikala masolah ring kalangané Kairingin antuk tamburan gamelané Masemu kadulurin matingkah guyu ipun mangigel
Advertisement
Sang abanyol... Swadharma wantah ngawé suka Kanda-kandané karaosang Pangapti mangda sida nglilayang kayun anaké sami
Sang abanyol... Lampah mangigel madasar antuk lascarya lan bhakti Pét kasidanan ngawé kendel girang sang anonton Irika lila tan sipi ring hatiné tui
Rikala Matemu ring KKN
Kala panumaya prapti... Pada kacunduk sinamian
Sisya lanang-istriné sumuyug magébras Nunggil idep ngruru saéka citta salampah
Kala swadharmané kamargiang... Jelé melahé manadi jatma matemu macepuk Rasa suka-dukané karasayang Manyampuhang sad rasa sing hati tui
Nanging... diastu suka dukané tan kapasahang Pamargi puniki anggé conto anggé sesuluh Saksat Sang Gatotkaca kalebok ring kawahé Tetujon wantah mangda sida manados jatma maguna ring kauripan
I Putu Pradnyana Anggara, embas ring Kuta, 4 Juli 2000. Magenah ring Tibubeneng Badung. Mangkin kantun kuliah ring S1 Jurusan Pendidikan Agama di Kampus UHN I Gusti Bagus Sugriwa Dénpasar