1 minute read
Pamahbah pura surandai (IGG Djelantik Santha
Pamahbah
IGG Djelantik Santha pura surandai
Advertisement
Ring tepining wana ukir toyané mumbul, apit batu soring iding patédoh para bakta nangun bakti cekéh sata wana lan paksiné nguci kadi iri, ulam julité polih upeti taluh lan roti.
Pakecorcor toyané ening maka tirtha pamunah sarwa mala, pangentas sarwa
papa, saking payogan Bagawan Sangu Pati nguni pinaka tirta yatra nincapang budi suci.
Tepining wana, palemahan Suranadi sayan asri kadi catur wéda ngentas dasa malaning jatma
sami tangkil nunas amerta sanjiwani.
baktané ring pura mabakti, sang sujana ring empul masuci, dagangé ring warung nunas bati, montoré wira-wiri, petani ring sawah sami teleb ngaci mangda toyané tetep mili, para yuanané malali mapi-mapi mabakti, kéwala pinunasé jodoné pang leket kayang mati.
Di Suranadi yéning lascarya wiakti manadi, yéning drowaka sinah béda nyalawadi Pura Suranadi, sayan asri maciri toyané tetep suci baktané sayan bakti.
Suranadi, 10 Désémber 2001