Informasjonsbrosjyre eigedomsskatt 2015 - med formuesgrunnlag

Informasjon frå Samnanger kommune

Melding om EIGEDOMSSKATT på eigedom som har formuesgrunnlag frå Skatteetaten Frå 1. januar 2015 skriv Samnanger kommune ut eigedomsskatt på faste eigedomar i heile kommunen. For bustader har kommunestyret vedteke å bruka Skatteetaten sine bustadverdiar (formuesgrunnlag) som grunnlag for utrekning av eigedomsskatten. Denne brosjyren vert sendt til eigarar av bustader som har formuesgrunnlag frå Skatteetaten.

Bustader som ikkje har formuesgrunnlag frå Skatteetaten, vert takserte av kommunen i medhald av reglar i eigedomsskattelova.

Saman med brosjyren vert det sendt ut eit skjema som viser korleis eigedomsskatten for eigedomen din er rekna ut.

Dette skjemaet er også skattesetel for 2015. Faktura for eigedomsskatt for 1. kvartal 2015 følgjer også vedlagt (gjeld ikkje dersom du har eFaktura-avtale med kommunen eller dersom utrekna eigedomsskatt for 2015 er under 150 kroner).

UTREKNING AV EIGEDOMSSKATT For å rekna ut eigedomsskatten har kommunen teke utgangspunkt i Skatteetaten sin bustadverdi (formuesgrunnlaget).

Formuesgrunnlaget er ei vurdering av bustaden sin marknadsverdi, berekna ut frå bustaden sitt areal, byggeår, bustadtype, kvar huset ligg og opplysningar om omsette bustader i kommunen. Likningsverdien på ein bustad vert rekna ut på grunnlag av formuesgrunnlaget. Likningsverdien for ein primærbustad (bustad som ein eig og bur i sjølv) er 25 prosent av formuesgrunnlaget.

Likningsverdien for ein sekundærbustad (bustad som ein eig, men ikkje bur i sjølv) er 50 prosent av formuesgrunnlaget.

Styresmaktene har bestemt at ved utskriving av eigedomsskatt for 2015, skal bustadverdien reduserast ved å multiplisera formuesgrunnlaget med 0,8. I tillegg har Samnanger kommunestyre vedteke at det skal vera eit botnfrådrag på 100.000 kroner for bustaddelen av eigedomen. Botnfrådraget vert gitt for alle sjølvstendige bustaddelar. Botnfrådraget gjeld og fritidseigedom.

Samnanger kommunestyre har vedteke at skattesatsen for bustader og fritidseigedomar i 2015 skal vera 2,4 promille.

Eksempel på utrekning av eigedomsskatt 2015: Formuesgrunnlag frå Skatteetaten

2.100.000

Eigedomsskattetakst (formuesgrunnlag x 0,8)

1.680.000

Botnfrådrag fastsett av kommunestyret

- 100.000

Skattegrunnlag

1.580.000

Eigedomsskatt (2,4 promille av skattegrunnlaget) Mars 2015 -

3 792

Informasjon til eigarar av bustader med formuesgrunnlag frå Skatteetaten

EIGEDOMAR MED FLEIRE EIGARAR Denne brosjyren, skjemaet med utrekning av eigedomsskatten (skattesetel) og faktura vert sendt til ein eigarrepresentant. På eigedomar med fleire eigarar, er det viktig at eigarrepresentanten orienterer dei andre eigarane om eigedomsskatten.

Meld frå til kommunen dersom de ønskjer ein annan eigarrepresentant og fakturamottakar.

FRITAK FOR EIGEDOMSSKATT Kommunestyret har vedteke at det for 2015 vert gjeve følgjande fritak frå eigedomsskatt: Stiftingar eller institusjonar som har som formål å gagna kommunen, eit fylke eller staten Fritaket er heimla i lov om eigedomsskatt § 7 a. Fritaket gjeld ikkje kommersielle stiftingar/institusjonar. Fritaket vil gjelda for forsamlingshus, bedehus, turisthytter og liknande. Kommunen har utarbeidd liste over bygg som kjem inn under dette fritaket.

Lista er lagt ut på kommunen si heimeside. Fritak kan og vurderast på grunnlag av søknad.

Bygningar som har historisk verdi Fritaket er heimla i lov om eigedomsskatt § 7 b. Det er eit krav at bygget har bevart sin opphavelege arkitektoniske stil og at det ikkje vert brukt til forretningsverksemd. Fritak kan og vurderast på grunnlag av søknad.

Nye bustader Fritaket er heimla i eigedomsskattelova § 7 c. Nye bustader får fritak i 1 år. Det betyr at hus som er bygde i 2014 får fritak i 2015. Søknad om fritak skal sendast til same adresse som klagar på eigedomsskatt, sjå siste side i denne brosjyren.

FRITAK FOR NYE BUSTADER Byggeår Fritak for Første år med eigedomsskatt eigedomsskatt 2014 2015 2016 2015 *

2016 *

2017 *

*) Kan verta endra dersom kommunestyret endrar eller opphevar fritaksreglane ved budsjettbehandlinga for 2016.

FAKTURA FOR EIGEDOMSSKATT Eigedomsskatt vert fakturert kvartalsvis. Første faktura vert sendt ut saman med denne brosjyren og gjeld eigedomsskatt for 1. kvartal 2015. Frist for betaling er 20. april 2015.

Dersom du har eFaktura-avtale med kommunen, vil du ikkje få faktura saman med denne brosjyren. Fakturaen vil i staden verta sendt til nettbanken din. Frist for betaling er også her 20. april 2015.

Sjølv om du klagar på formuesgrunnlaget eller andre forhold knytt til eigedomsskatten, så skal fakturaen betalast. Dette går mellom anna fram av lov om eigedomsskatt § 25. Dersom du får medhald i klagen, vil tilgodehavande verta tilbakebetalt, medan eventuelt tilleggsbeløp vil verta innkravd på ein seinare faktura.

2

SLIK LES DU DET VEDLAGTE SKJEMAET 1 EIGARREPRESENTANT Den personen som kommunen har registrert som eigar/ eigarrepresentant.

2 OPPLYSNINGAR - AVTALE Opplysningar om eigedomen: gards– og bruksnummer, adresse, talet på bueiningar m.m. Alle eigedomar med formuesgrunnlag frå Skatteetaten vil vera oppført som eigedomstype ”Formuesgrunnlag Bolig”.

3

3 OPPLYSNINGAR - VERDIBEREKNING For eigedomar med formuesgrunnlag vil det ikkje stå noko i dette feltet.

4

4 KORREKSJONAR

5

Opplysningane om takst frå formuesgrunnlag er henta frå Skatteetaten (likninga for 2013).

6

Etter lov om eigedomsskatt § 8 C-1 (1) skal formuesgrunnlaget multipliserast med 0,8 for å koma fram til skattegrunnlaget for 2015. Talet i felta ”Pris”, ”Beløp” og ”Korreksjonsbidrag til takst” viser skattegrunnlaget, ikkje formuesgrunnlaget.

7 8 7 KOMMUNESTYRETS VEDTAK Kommunestyret har bestemt at det i 2015 skal vera eit botnfrådrag på 100 000 kroner for bustaddelen av eigedom (per sjølvstendig bustaddel). Botnfrådraget på 100 000 kroner vert trekt frå før eigedomsskatten vert rekna ut. Botnfrådraget gjeld og fritidseigedom.

Formuesgrunnlaget er også oppgitt. I eksempelet er formuesgrunnlaget (FG) 2 100 000 kroner.

5 SJABLONTAKST OG FAKTORAR ”Sum sjablontakst” er identisk med summen ”Korreksjonsbidrag til takst”. For eigedomar med formuesgrunnlag vil både sonefaktor, vurderingsfaktor indre og vurderingsfaktor ytre vera 1.

8 VEDTEKE EIGEDOMSSKATT Kommunestyret har bestemt at satsen for eigedomsskatt for bustader og fritidseigedomar i 2015 skal vera 2,4 promille.

Eigedomsskatten for 2015 skal betalast i fire terminar, og det er totalbeløpet for heile 2015 som er oppgjeve på skjemaet.

6 SKATTETAKSTNEMNDAS VEDTAK OM TAKST Summen i dette feltet er den same som summen ”Sum sjablontakst”, men avrunda nedover til nærmaste heile 1000 (dersom slik avrunding er aktuell).

Dersom totalbeløpet for 2015 er under 150 kroner, vil kommunen ikkje krevja inn/fakturera eigedomsskatten.

FORHOLDET MELLOM LIKNINGSVERDI OG FORMUESGRUNNLAG

OFFENTLEG ETTERSYN Liste med oversikt over takst og eigedomsskatt (eigedomsskatteliste) på eigedomar i kommunen er lagt ut til offentleg ettersyn i tre veker, på bakgrunn av reglar i lov om eigedomsskatt § 15.

I likninga er det likningsverdien som er oppgjeven, ikkje formuesgrunnlaget. Som nemnt på side 1 i denne brosjyren, er forholdet mellom likningsverdi og formuesgrunnlag som følgjer: Primærbustader:

2

1

Eigedomsskattelista er tilgjengeleg for alle, på kommunen si heimeside på internett og i ekspedisjonen på kommunehuset på Tysse.

Likningsverdi = 25% av formuesgrunnlaget

Sekundærbustader: Likningsverdi = 50% av formuesgrunnlaget

3

KLAGEREGLAR Klagar som gjeld Skatteetaten sin bustadverdi (formuesgrunnlag), skal sendast til Skatteetaten. Klagar som gjeld andre forhold enn formuesgrunnlaget, skal sendast til Samnanger kommune.

KLAGE TIL SKATTEETATEN PÅ BUSTADVERDI (FORMUESGRUNNLAG) Klagefrist i 2015: 6 veker frå skattesetelen vert motteken frå kommunen Eventuell klage på formuesgrunnlaget må rettast til Skatteetaten gjennom klage på likning etter likningslova sine reglar. Dersom du meiner opplysningene om bustaden din er feil, må du kontrollera opplysningane som Skatteetaten har om bustaden: primærareal (P-areal), byggeår og bustadtype. Desse opplysningane finn du under ”Grunnlag for likningsverdi” på side 2 i sjølvmeldinga for 2013.

Dersom du meiner opplysningane om bustaden din er feil, må du senda ein grunngjeven klage til Skatteetaten. Dette gjeld også dersom du meiner formuesgrunnlaget er for høgt i forhold til det du meiner er den sannsynlege marknadsverdien for bustaden. Etter likningslova § 9-2 nr. 4, siste punktum er klagefristen 6 veker frå skattesetelen vert motteken frå kommunen. Denne klagefristen gjeld berre det første året eigedomsskatten vert skriven ut basert på formuesgrunnlaget. Seinare år vil klagefristen vera 6 veker etter at skatteoppgjeret (likningsoppgjeret) er sendt til skattytar, jf. likningslova § 9-2 nr. 4, første punktum.

Meir informasjon om dokumentasjon av marknadsverdi og klagereglar vedrørande Skatteetaten sitt formuesgrunnlag, finn du på Skatteetaten sine internettsider www.skatteetaten.no/bolig. Du kan også ringja Skatteetaten på telefon 800 80 000 for å få informasjon.

KLAGE TIL KOMMUNEN Klagefrist i 2015: 11. mai Klagar som ikkje gjeld Skatteetaten sin bustadverdi (formuesgrunnlaget), skal sendast til Samnanger kommune. Forhold du kan klaga på, kan til dømes vera dersom det ikkje er gjeve botnfrådrag og du meiner dette er feil. Reglar om klage er fastsett i lov om eigedomsskatt § 19. Utdrag frå § 19: Skattytaren kan klage på den utskrivne eigedomsskatten. Klaga må gjevast inn skriftleg til eigedomsskattekontoret innan seks veker frå det seinaste tidspunktet av den dagen det vart kunngjort at eigedomsskattelista var utlagd eller dagen skattesetelen vart sendt i samsvar med § 14.

Klage må vera skriftleg. Klagefristen er 11. mai 2015. Me ber deg om å merka klagen tydeleg med gards– og bruksnummer, eventuelt også med feste– eller seksjonsnummer. I tillegg må du hugsa å oppgje telefonnummer som du kan treffast på. Også eventuelle vedlegg må vera merka med gards– og bruksnummer. Grunngjevinga for klagen må dokumenterast så godt som mogeleg.

Det er ikkje klagerett på kommunestyret sine vedtak om eigedomsskatt (innføring av eigedomsskatt, promillesats for eigedomsskatt, sats for botnfrådrag m.m.).

Alle klagar som ikkje gjeld formuesgrunnlag - og som er sette fram innan klagefristen - vert behandla av kommunen si sakkunnige nemnd for eigedomsskatt. Behandlinga av innkomne klager vil ikkje starta før klagefristen har gått ut. Dersom klagen ikkje vert teken til følgje, går den automatisk vidare til kommunen si klagenemnd for eigedomsskatt.

Klagar til kommunen skal sendast til : Samnanger kommune Eigedomsskattekontoret Tyssevegen 217 5650 Tysse

MEIR INFORMASJON Du finn meir informasjon om eigedomsskatt på Samnanger kommune sine nettsider: www.samnanger.kommune.no E-post: eigedomsskatt@samnanger.kommune.no Telefon: 56 58 74 00

4