Informasjon frå Samnanger kommune
SJEKK FAKTAOPPLYSNINGANE OM EIGEDOMEN DIN! Samnanger kommune skal i 2015 innføra eigedomsskatt på bustadeigedomar, fritidseigedomar og næringseigedomar. I samband med dette gjennomførte kommunen i juli og august 2014 synfaring av fritidseigedomar og bustadeigedomar utan formuesgrunnlag frå Skatteetaten. Kommunen sender no ut eit faktaskjema til eigarane av dei eigedomane som vart synfarte i sommar. I faktaskjemaet går det fram kva opplysningar kommunen har registrert om eigedomen. Desse opplysningane vil danna grunnlaget for utskrivinga av eigedomsskatt (eigedomsskattetaksten) i 2015. Det er derfor viktig at opplysingane er så korrekte som mogleg. Me ber no om at eigarane hjelper kommunen med å kvalitetssikra opplysningane ved å gå gjennom faktaskjemaet og melda frå til kommunen dersom du finn feil. Frist for å melda frå om feil er måndag 15. desember 2014. Det er viktig at flest mogleg feil vert retta opp no, for å spara både eigarar og kommunen for ekstraarbeid seinare. Dersom du ventar med å melda frå om feil til eigedomssskattetaksten på eigedomen vert sendt ut i februar/mars 2015, vil dette verta handtert som ein klage på eigedomsskattetaksten. På dei neste sidene i denne brosjyren kan du lesa meir om korleis du kontrollerer faktaopplysningane om eigedomen din, og korleis du skal gå fram for å få retta feil i opplysningane.
November 2014
EKSEMPEL PÅ FAKTASKJEMA: EIGARREPRESENTANT
1
OPPLYSNINGAR - AVTALE
2
Namn
Peder Ås
Adresse
Samnangervegen 1
AvtaleNr Eigarforhold Eigedom E.adr Bueiningar
777755 Eiet 88 / 888 / 0 / 0 Sævellvegen 2 1
OPPLYSNINGAR - TOMT (INKL. TILLEGGSPARSELLAR OG FELLESAREAL)
3
Gnr Bnr 88
Fnr
Snr
0
0
888
Type eigedom
Etab.dato
Part
Best. grunneiendom
01.01.1977
1/1
Areal 643,2
OPPLYSNINGAR BYGG
4 Enebolig - 111
5
Etasjetype
Part Bustadareal
Anna areal
92
0
Hovedetasje 1
93
0
Hovedetasje 2
75
0
Underetasje 1
6
1/1
184834576 - 0 Areal alt.
9
7
Tatt i bruk – 01.06.1989
8
Areal totalt
0
92
0
93
0
75
OPPLYSNINGAR - EIGAR
1
Namn
Andel
Rolle
PEDER ÅS
1/2
Hjemmelshaver
KARI NORMANN ÅS
1/2
Hjemmelshaver
SLIK KONTROLLERER DU FAKTASKJEMAET: 1
EIGARREPRESENTANT OG EIGAR
2
AVTALE
3
TOMT
Eigaropplysningar vert henta frå eigedomsregisteret Matrikkelen. Sjølv om fleire står som eigarar, vert faktaskjemaet berre sendt til ein eigarrepresentant. Vanlegvis er dette den som står oppført først i Matrikkelen. Sjekk at rett eigarrepresentant står oppført og at adressa er rett. Dersom du meiner at dei andre eigarane også bør få tilsendt faktaskjemaet, må du melda frå til kommunen om dette. Namn på eigar/eigarar, eigarandel og rolle er henta frå Tinglysinga hos Statens kartverk.
Avtalenummeret er automatisk generert, og vert brukt som ID av kommunen. Eigedomen er oppført med eit gards– og bruksnummer, og i nokre tilfelle med festenummer eller seksjonsnummer. Dette står som følgjer: Gnr/Bnr/Fnr/Snr. Kontroller at desse nummera stemmer. Kontroller også adressa til eigedomen, der det er tildelt vegadresse. Kontroller også at talet på bueiningar stemmer med det som er godkjent av kommunen.
Tomteareal er henta frå Matrikkelen. Kontroller at både hovudeigedomen og eventuelle tilleggsparsellar og fellesareal er med i oversikta. Eit visst avvik i tomtearealet må aksepterast.
4
BYGNINGAR
5
LOFT ELLER HOVUDETASJE?
Opplysningane om bygningane på eigedomen må kontrollerast nøye. Stemmer bygningstypen? Er det samsvar mellom oppgitt bygningstype og faktisk bruk? Stemmer årstalet for når bygningen vart teken i bruk? Er det samsvar mellom etasjetype og definisjonen i denne brosjyren?
Mange vil kalla ein etasje med skråtak for loft. Dette er ikkje nødvendigvis rett i samband med registrering i eigedomsregisteret, der ein skal bruka ein standard som kallast NS 3940. For å avgjera om det er loft eller hovudetasje, måler du høgda 1,9 meter frå golvet til skråtaket. Dette må du gjera på begge sider. Så måler du avstanden mellom berøringspunkta.
Dersom avstanden mellom berøringspunta er mindre enn 0,6 meter, er ikkje arealet måleverdig. Dersom avstanden er mellom 0,6 og 1,9 meter, er det eit loft. Dersom avstanden er meir enn 1,9 meter, er det ein hovedetasje.
Legg til 0,6 meter på kvar side av berøringspunkta. Breidda du då får gongar du med lengda på huset, for å få etasjearealet.
KJELLAR, UNDERETASJE ELLER HOVUDETASJE? Det er i hovudsak terrenget rundt huset som avgjer om etasjen vert definert som kjellar, underetasje eller hovudetasje: Dersom terrenget er fylt jamnt opp rundt heile grunnmuren slik at den i gjennomsnitt er under 0,75 meter høg, er det ein kjellar. Dersom grunnmuren i gjennomsnitt er mellom 0,75 og 1,5 meter over terrenget, er det ein underetasje. Dersom grunnmuren i gjennomsnitt er høgare enn 1,5 meter over terrenget, er det normalt ein hovudetasje (under føresetnad av at den frie breidda i høgd 1,9 meter minst må vera 1,9 meter).
Alle etasjar i eit bygg er nummererte i faktaskjemaet. Dersom bygget til dømes har ein underetasje og ein hovudetasje, vil desse stå som Underetasje 1 og Hovedetasje 1. Dersom bygget har fleire etasjar av same type, vil desse vera nummererte frå nummer 1 og oppover (til dømes Hovedetasje 1 og Hovedetasje 2).
6
ER AREALA KORREKTE?
7
BYGNINGSNUMMER
8
TATT I BRUK
9
ANNA AREAL OG AREAL ALT.
Er areala korrekte? For arealberekning av bygningar vert bruksareal brukt (BRA). Dette er alt areal, etasje for etasje, innanfor yttervegg. I faktaskjemaet er bruksarealet oppført som ”Bustadareal” eller ”Anna areal”.
Bygningsnummeret er eit unikt nummer som identifiserer kvar bygning på tomta. Nummeret er henta frå Matrikkelen. Du treng ikkje kontrollera bygningsnummeret.
Samnanger kommuner manglar i ein del tilfelle opplysningar om når bygningar vart tekne i bruk. Dersom kommunen ikkje har desse opplysningane, vil det ikkje stå noko i dette feltet. Kjenner du til kva årstal bygningen vart teken i bruk, ber me om at du melder dette årstalet inn til kommunen.
Omgrepet ”anna areal” vert brukt på frittståande garasjar, naust, uthus etc. Omgrepet ”Areal alt.” vert brukt på til dømes garasjar og carportar som er integrerte i bustaden. Med andre ord når arealet inngår som ein del av bustadarealet.
SLIK MELDER DU FRÅ OM FEIL Samnanger kommune gjennomførte i sommar synfaring på eigedomen din. Faktaskjemaet vert sendt ut for at du som eigar skal få høve til å kontrollera opplysningane kommunen har registrert på eigedomen. Det kan førekoma feil i opplysningane i faktaskjemaet. Dersom du har skriftleg dokumentasjon som kan hjelpa kommunen med å retta opp feil, ber me om at du sender oss kopi av denne dokumentasjonen. Bygningsteikningar som viser bygget slik det er oppført, er dokumentasjon som vert nytta ved endring av arealopplysningar. Dersom du påpeikar feil, vil det vera eit krav at du sender inn kopi av teikningane, i rett målestokk. Sørg også for at målestokken er synleg på teikningane. Dersom det ikkje finst teikningar, men det til dømes er teke takst på eigedomen, så vil arealberekningane til godkjend takstmann vera eit fullgodt alternativ. Dette føreset at takstmannen har rekna ut bruksareal (BRA). Bruksareal er den standarden som vert nytta av Samnanger kommune og Statens kartverk i det nasjonale eigedomsregisteret (Matrikkelen). Bruksareal er, enkelt forklart, alt areal innanfor ytterveggane på huset. For enklare bygg (garasjar, uthus, naust o.s.v.) er det tilstrekkeleg at du teiknar ei skisse og skriv på yttermålet på alle veggane. Dersom det er spesielle forhold med bygget (til dømes unormalt tjukke veggar), ber me om at du fører dette opp, slik at me kan rekna ut rett bruksareal på bygget. NÅR DU SENDER INN MELDING OM FEIL, MÅ DU HUGSA: Gards– og bruksnummeret på eigedomen, eventuelt festenummer og seksjonsnummer (sjå faktaskjemaet). Kva bygningsnummer den einskilde endringa gjeld. Kva som skal rettast og kva det skal rettast til. Namnet ditt med postadresse. Telefonnummer og eventuelt e-postadresse. Hugs å merka vedlegga med gards– og bruksnummer, eventuelt festenummer og seksjonsnummer. Alle meldingar om feil på eigedomsopplysningar må vera skriftlege. Dokumentasjon som beskrive ovanfor på denne sida, må vera vedlagt. Dette gjer at me kan handsama saka di på rett måte. Send meldinga di til: Samnanger kommune v/eigedomsskattekontoret Tyssevegen 217 5650 TYSSE E-post: eigedomsskatt@samnanger.kommune.no Telefon: 56 58 74 00
Frist for å melda frå om feil: Måndag 15. desember 2014
MEIR INFORMASJON: Du finn meir informasjon om eigedomsskatt på Samnanger kommune sine nettsider: www.samnanger.kommune.no.