Stúdentablaðið - október 2014 by Stúdentablaðið

Október 2014 Ómenntaður ritstjóri fræðir mastersnema

Bóksali með dömubindi veitir sáluhjálp

5 best klæddu kennarar og starfsmenn HÍ

Salka Sól:

„Októberfest skemmtilegasta giggið“

Ungar athafnakonur stefna há

Sérstakt tilboð til stúdenta

kr. 40.00r0tilboð!

afslátta

Gleraugun burt! Sjónlag augnlæknastöð býður nemendum HÍ upp á 40.000 kr. afslátt af hníflausum sjónlagsaðgerðum. Femto -LASIK

TransPRK

Sjónlag augnlæknastöð býður stúdentum

Sjónlag býður að sjálfsögðu

upp á 40.000 króna afslátt af Femto-LASIK

einnig upp

hníflausum sjónlagsaðgerðum (nýjasta tæknin).

á hefðbundna TransPRK

Fullt verð kr. 350.000

laseraðgerð.

Tilboðsverð kr. 310.000

Fullt verð kr. 290.000

10.416 kr. á mánuði í greiðsludreifingu

Tilboðsverð kr. 250.000

Sjónlag augnlæknastöð var stofnuð árið 2001 og er í fararbroddi hér á landi hvað varðar tæknibúnað og þjónustu við sjúklinga. Við erum með nýjustu tækin og bjóðum ein fyrirtækja á Íslandi upp á hníflausar Femto-LASIK laseraðgerðir. Hringdu í síma 577 1001 og pantaðu tíma í forskoðun og kannaðu þína möguleika. Nánari upplýsingar má finna á heimasíðu okkar www.sjonlag.is Glæsibær . Álfheimar 74 . 104 Reykjavík . Sími 577 1001 . www.sjonlag.is

Við bjóðum;  Nýju tækin  Nýjustu tækni  Mikla reynslu  Gott verð  Frábæra þjónustu

Stúdentablaðið október 2014

Ritstjórapistill Þager ég stistet í rijótastrasótl var ég aineðs með eitt mikrmað: Að búa til smeiketmlasgta Sdetnútalaðbið í sgöu HÍ. Ég agýsluti etfir fókli til að asðoðta mig við að ná þsesu mamriðki og vöbrigðiðn létu ekki á sér sadnta. Ágihunn var svo milikl að orfamðifobð af enfi í biðlað var agrjölt, þninag að þau vadmánal sem kmou upp voru öll lusvúxadmánal. Smenma vrað lójst að við þutfrym freili liðeir til að milða enfi og ælutm við því að heylpa af stonkukum spýnárri síðu og vumsnot við til að sdentútar og arðir veðri tiðír gitser á www.studentabladid.is sem fer í litfoð 30. otbóker. Ég hóf ekki srötf fyrr en 22. stepmeber og tóskt okukr að búa til þteta balð á mítmeta. Það er agjelrgöla venga danðugar þirera sem sdýnu þsesu águha með mér og er ég þiem garrílðega þátukklar. En ég ælta að spopta hér áður en ég fer á túnró eða eivhattð. Nitjóð vel! Daníel Geir Moritz

Vefurinn www.studentabladid.is opnar 30. nóvember! Sendu okkur póst á studentabladid2014@gmail.com ef þú ert með einhverjar ábendingar eða til að taka þátt í þeim fjölmörgu liðum sem blaðið stendur fyrir.

Þú finnur Stúdentablaðið á Facebook, Twitter og Instagram, studentabladid.

Stúdentablaðið

október 2014 3. tbl. 90. árgangur. Útgefandi: Stúdentaráð Háskóla Íslands Ritstjóri: Daníel Geir Moritz Ritstjórn: Adelina Antal Daníel Geir Moritz Karen Sigurbjörnsdóttir Karítas Hrundar Pálsdóttir Nína Hjördís Þorkelsdóttir Ragnheiður Vignisdóttir Skúli Halldórsson Blaðamenn: Arna Hrund Jónsdóttir Aron Ingi Guðmundsson Birna Guðmundsdóttir Daníel Geir Moritz Eva Dagbjört Óladóttir Helga María Guðmundsdóttir Karólína Ósk Þórsdóttir Karen Sigurbjörnsdóttir Kjartan Þór Ingason Kristjana Hera Sigurjónsdóttir Margrét Björg Ástvaldsdóttir Nína Hjördís Þorkelsdóttir Ragnheiður Vignisdóttir Silja Hrund Barkardóttir Stefanía Dóttir Páls Ljósmyndarar: Adelina Antal Aníta Björk Hólmfríður Dagný Friðjónsdóttir Maria Hennigsson Unnur Ósk Kristinsdóttir Prófarkalestur: Eva Dagbjört Óladóttir Karítas Hrundar Pálsdóttir Sveinbjörn Hávarsson Grafísk hönnun: Jón Ingiberg Jónsteinsson www.joningiberg.com Prentun: Prentmet Upplag: 2.000 eintök

Stúdentablaðið október 2014

NOKKUR RÁÐ TIL NÝNEMA Í HÁSKÓLA ÍSLANDS Þeir sem sögðu að menntaskólaárin væru bestu ár lífsins útskrifuðust sennilega aldrei úr menntaskóla. Hér eru nokkur ráð sem gott er að hafa í huga ef þú ert nýnemi.

„Bara verið að elda?“ Það er víst þannig að þú ert að hefja núðlusúpukafla lífs þíns. Fattar að maturinn sem kemur á borðið hjá mömmu kom ekki úr ísskápnum sjálfum heldur úr búðinni eftir að mamma keypti hann. Ef þú ert utan af landi hefurðu ekki tök á því að fara í mömmumat eins oft og þú hefðir viljað. Þá er snilldar ráð að kíkja í heimsókn til ættingja eða vina rúmlega átjanhundruð. Áður en þú veist af byrjar einhver á heimilinu að elda. Ef þú segir hátt og snjallt „bara verið að elda?“ eru yfirgnæfandi líkur á því að lagt verði á borð fyrir þig líka.

„Tekurðu mig ekki bara með?“ Alltaf að sníkja far í partí. Það er fátt leiðinlegra en að vakna með hausverk og bíllinn ennþá á djamminu. Með því að skröltast út í bíl eykurðu líka möguleikana umtalsvert á að gera þynnkudaginn bærilegan. En talandi um það. Af hverju er ekki heimsending á nammi einhvers staðar?

„Ert þú búin að vinna hérna lengi?“ Það er algjört atriði að vingast við elskurnar á kaffistofunum. Þær verða þér eins og mamma eða amma ef því er að skipta. Þegar þú átt ekki þinn besta dag geturðu farið á kaffistofuna og spjallað um daginn og veginn og fengið hlýlegt viðmót. Edda í Árnagarði hentar t.d. ákaflega vel í þetta hlutverk.

„Ég er með glósur frá því í fyrra.“ Sá sem segir þetta er strax búinn að afla sér gríðarlegra vinsælda. Það er líka ekki vitlaust að stúdera aðeins bókalistann því þú gætir dottið í lukkupottinn og hjálpað einhverjum sem þig langar að kynnast betur.

„Við erum með afslátt þar.“ Ég veit að þetta er dálítið nördalegt en ef þú spáir í stúdentaafslætti ertu heldur betur að spara þér pening. Þú ert að fara að strauja kortið þitt milljón sinnum næstu árin og hví ekki að spara að minnsta kosti í þúsundustu hverri færslu?

„Við getum hist heima hjá mér.“ Það er fátt betra en að eiga einhvern grjótstöðugan bekkjarfélaga sem hýsir reglulega teiti. Margt smátt gerir eitt stórt á líka vel við þegar dósirnar safnast saman. Það skiptir engu máli hvort um daunilla táfýluíbúð er að ræða eða prinsessubústað. Fólk vantar bara stað. Passaðu samt að DJ-skiptrack sé ekki að sjá um tónlistina. Það er fátt leiðinlegra. Það getur líka verið sniðugt að bjóða nágrannanum að mæta. Sér í lagi ef þú ert á Stúdentagörðunum. Og plís ekki vera týpan sem kvartar yfir partí þegar það er helgi.

Stúdentablaðið október 2014

„Ha? Gleymdist viðhengið?“ Þú ert kannski ekki alveg búinn að fatta að þú ert ekki lengur í menntaskóla og þarft því aðeins lengri tíma í verkefnavinnuna. Þá er að kaupa sér tíma. Elsta brellan er að senda tölvupóst eins og þú sért að skila en „gleyma“ að senda viðhengið með. Daginn eftir færðu svo póst frá kennara um að viðhengið hafi vantað. Þú sérð það en getur sagt að þú hafir ekki séð póstinn strax, svona loksins þegar þú skilar. Öllum getur orðið á en ef þú ferð að stunda þetta gætirðu lent í klandri eða fengið það orðspor á þig að þú sért hálfviti.

„Ég skilaði í gær.“ Þegar þú ert búinn að átta þig á öllu saman áttarðu þig jafnframt á því að ef þú hefur metnað er námið bæði skemmtilegra og auðveldara. Það er fátt meira pirrandi en að komast ekki eitthvert af því að maður þarf að læra. Þá er betra að hafa bara skilað degi fyrr og geta gert það sem manni dettur í hug.

„Ég spurði bara.“ Það er einmitt málið. Ekki láta eitthvað óþarfa drasl vefjast fyrir þér. Farðu frekar á þjónustuborðið eða upp á skrifstofu SHÍ og spurðu frekar en að fá kvíða yfir einhverju eða virka eins og álfur út úr hól. Fólk sem er ekki með hlutina á hreinu fer líka að misskilja og búa til einhverja vitleysu. Eins og til dæmis hvað verkefni eiga að vera löng, hvenær á að skila, hvar maður nettengir tölvuna o.s.frv.

„Auðvitað er ég að fara.“ Þetta er svarið sem þú ætlar að hafa þegar þú ert spurður hvort þú ætlir ekki í Vísó! Það eru allt of margir sem ná ekki að skrá sig og missa af allri þeirri snilld sem góð vísindaferð hefur upp á að bjóða. Daníel Geir Moritz

Stúdentablaðið október 2014

VÍDJÓLEIGAN TINDER Árið er 1997. Það er laugardagur og kvöldið nálgast. Ég er á leiðinni útá næstu vídjóleigu til að leigja mér spólu. Ég kem inn og byrja á því að fylla grænan skrjáfpoka af nammi og grípa stóra dietkók úr kælinum. Það verður rífandi stemmari hjá mér í kvöld. Ég hef ekki hugmynd um á hvaða mynd mig langar að horfa en veit þó að mér finnast gamanmyndir skemmtilegastar. Þessi gæti verið skemmtileg, hugsa ég og set spólu í körfuna sem ég tók við innganginn. Þessi líka!… Það er sæt stelpa framan á hulstrinu. Men in Black. Ekki spennandi. Titillinn er asnalegur. Titanic. Nei held ekki. Vá, Jim Carrey er framan á þessari. Hún er örugglega skemmtileg. Eftir góðan klukkutíma inni á vídjóleigunni er ég óvart komin með átján spólur í körfuna. En ég ætlaði bara að leigja eina! Hvernig í fjandanum fer ég að því að velja EINA? Og ég get ekki einu sinni séð trailer!

Það má kannski segja að stefnumótaappið Tinder líkist vídjóleigum fortíðarinnar að einhverju leyti. Þú færð upp myndir af fólki, sérð nöfn og aldur þess og hefur tvo valmöguleika. Að velja eða hafna. Þú dæmir út frá umbúðunum. Dæmir áður en þú veist hvernig manneskjan raunverulega er.

Fordómar? Notendur appsins á Íslandi skipta hundruðum, ef ekki þúsundum. Þessi mikli fjöldi gerir það að verkum að stemningin verður svolítið eins og að fara á vídjóleigu. Eða í nærfataverslun. Þú skoðar og skoðar og dæmir án þess að prófa. Baðselfie? Neihei. Ber-aðofan-ræktarmynd? Gleymdu hugmyndinni. Sköllóttur? Aldrei. En hvað veist þú? Kannski er sá sköllótti prins drauma þinna en á aldrei séns því þú ert löngu búin að dæma hann áður en þú veist svo mikið sem hvað hann heitir

Karen Sigurbjörnsdóttir

fullu nafni. Hinn eini sanni gæti þó líka verið þessi bráðmyndarlegi með hattinn sem þú settir „læk“ við! Hann gæti að minnsta kosti leynst þarna einhversstaðar. Svo hví ekki að prófa?

„It’s a match!“ Þegar tvær manneskjur hafa líkað hvor við aðra poppar þessi setning upp á skjáinn. Þvílíkt egóbúst! Sjálfstraustið eykst og fiðrildi fara á flug í maganum. Svona eins og þegar einhver blikkar þig á barnum eða býður þér í glas. Á Tinder er allskonar fólk á öllum aldri. Fólk í leit að vináttu, ást, skyndikynnum. Ástin spyr hvorki um aldur né útlit. Tinderaðu þig í gang og haltu á vit ævintýranna! Ps. Leitaðu samt ekki langt yfir skammt. Ástin gæti leynst handan við hornið, jafnvel bara ef þú lítur upp frá símanum!

Stúdentablaðið október 2014

SNIÐUG ÖPP FYRIR

HÁSKÓLASTÚDENTINN Karen Sigurbjörnsdóttir tók saman

Jefit

SelfControl

Quizlet

Jefit er bókstaflega ókeypis einkaþjálfari í vasann þinn! Þú getur skráð hæð, þyngd, fituprósentu, ummál og sett inn árangursmyndir og fylgst þannig með þínum árangri. Appið hefur að geyma fjölda sniðugra æfinga fyrir alla vöðvahópa og hreyfimyndir sem sýna hvernig á að framkvæma þær. Í appinu geturðu fundið æfingakerfi sem henta þér eða búið til þín eigin. Auk þess er hægt að skrá inn matardagbók og gera svo margt fleira sem hjálpar þér að ná settum markmiðum. Appið er fáanlegt í Google Play og í Appstore. Það er frítt en þó með takmörkunum því til er önnur útgáfa sem hefur enn fleiri möguleika sem notandinn þarf að borga fyrir.

Við könnumst eflaust flest við það að vera að læra í tölvunni og lenda „óvart“ á Facebook, mbl.is, fotbolti.net eða þvíumlíkt og eyða þar dýrmætum tíma að óþörfu. SelfControl er frábært app sem hjálpar þér að stjórna tímanum betur þegar þú lærir við tölvuna. Þú býrð til þinn eigin svarta lista af síðum sem þú vilt ekki lenda „óvart“ á við lærdóminn og stillir svo tíma, allt frá 15 mínútum upp í sólarhring sem appið meinar þér aðgang að síðunum. Sama hversu mikið þú reynir þá er engin leið fyrir þig að komast hjá appinu og inn á síðurnar. Mundu bara að fela símann á meðan því appið er því miður ekki til fyrir farsímana. SelfControl er einungis hægt að hala niður í Apple-tölvur.

Quizlet getur komið sér afar vel í prófundirbúningnum. Quizlet appið er í raun símaútgáfa af vefsíðunni, www.quizlet.com. Í appinu getur þú glósað úr námsefninu þínu með því að búa til glósumiða (e.flashcards). Þú getur deilt glósunum með bekknum þínum, öðrum samnemendum eða öllum notendum appsins. Þannig geta allir hjálpast að við að læra fyrir próf. Tilbúnu miðana er hægt að skoða og læra af þeim, meðal annars í gegnum ýmsa leiki og þrautir. Það er aldrei að vita nema að til séu glósur úr áfanganum sem þú ert að fara í próf úr næst! Appið er frítt og er aðgengilegt fyrir flesta snjallsímanotendur.

Kindle

Strætó Appið

Hvers vegna ekki að létta skólatöskuna um mörg kíló með því að hafa bækurnar í símanum? Í Kindle appinu finnurðu mörg þúsund bókatitla og getur lesið fjölbreytt efni, allt frá tímaritum og dagblöðum upp í þykka skóladoðranta. Í appinu getur þú fengið efni lánað, líkt og á bókasafni, séð sýnishorn úr bókum áður en þú kaupir þær, leitað uppi orð í því sem þú ert að lesa, stillt stærð textans, lit bakgrunnsins og svo margt fleira. Þú getur líka tekið niður glósur um leið og þú lest. Appið er ókeypis og sömuleiðis þúsundir bókatitla innan þess.

Strætó-appið er einfalt en bráðsniðugt forrit sem auðveldar þér lífið ef þú notar strætó. Með appinu getur þú séð biðstöðvar og staðsetningar strætisvagna á rauntímakorti og skipulagt strætóferðina þína út frá núverandi staðsetningu eða hvaða stað sem er. Einnig getur þú auðveldlega nálgast upplýsingar um breytingar á ferðum sem verða vegna veðurs eða framkvæmda og margt fleira. Stórsniðugt og frítt app sem allir strætófarþegar ættu að nýta sér!

Ekki láta sjónvarpið stjórna þér þegar þú getur stjórnað sjónvarpinu! Oz appið er hálfgerð tímavél. Með appinu geturðu horft á sjónvarðið í beinni útsendingu í snjalltækinu þínu, stöðvað útsendinguna að vild og spólað allt að klukkutíma aftur í tímann. Þú getur líka safnað því efni sem þú vilt sjá og horft á það þegar þér hentar. Ef þú ert með Stöð 2, eða einhver sem þú þekkir sem notar ekki appið, getur þú fengið Stöð 2 í appið fyrir 990 krónur á mánuði. Frábær lausn fyrir fátæka námsmenn ekki satt? Auk þess er hægt að fá prufuáskrift að Stöð 2 á OZ á app.stod2.is

Stúdentablaðið október 2014

Hvernig verður maður meistari? Eflaust hefur fólk rekist á myndir eða skilaboð þar sem minnst er á meistaramánuð. Hugtakið snýst um að setja sér ný markmið, taka áskorunum og reyna að bæta sig í lífinu á hvaða sviði sem er. Allur októbermánuður er helgaður verkefninu og er tilgangur þess að fá fólk til að koma markmiðunum upp í venjur og lifa eftir þeim í framhaldinu. Markmiðin geta verið mjög einföld eins og að brosa meira, svo þetta getur verið að kostnaðarlausu.

Verkefnið hófst árið 2008 sem keppni á milli vina sem vildu fara í haustátak. Í dag er þetta einstaklingsáskorun og eru yfir 5,000 manns skráðir til leiks á meistaramanudur.is og jafnvel fleiri taka óformlega þátt. „Októbermánuður var valinn fyrir tilviljun,“ segir Jökull Sólberg. einn af upphafsmönnum verkefnisins. Tekið er fram á síðunni meistaramanudur.is að þið séuð ekki næringarfræðingar eða líkamsræktarfrömuðir en hver voru fyrstu markmiðin og hvert er þitt besta markmið? ,,Þetta snérist mjög mikið um “strict” paleo þar sem maður tekur tillit til þróunar mannsins í mataræði og lífsháttum, þ.e. borðar eins og landbúnaðarbyltingin og iðnbyltingin hafi ekki átt sér stað (kjöt, fiskur, grænmeti, ávextir, hnetur og fræ). Ég stundaði CrossFit fimm sinnum í viku, kaffi og áfengi tekið alveg út og þar fram eftir götunum. Að taka 30 daga af þessu kennir manni mjög margt. Ég passaði mig á að bæta fæðuflokkum rólega aftur inn og þá lærir maður hvaða áhrif hvað hefur á mann. Að ná jafnvægi á blóðsykur er líka mikilvægt. Ég mæli alltaf með að fólk noti fyrsta meistaramánuðinn í að prófa eitthvað svona til að ná góðum tökum. Ég viðurkenni alveg að það var smá gaman þegar þetta snérist um okkar

meistaramánuð, þ.e. okkar hugmyndir um meistaralegan lífsstíl. En við vildum víkka þetta út og leyfa skilaboðunum að vera í höndum þeirra sem taka þátt, ekki okkar.”

oft þannig að hugmyndirnar sem við fáum fyrir þetta ár verða að veruleika næsta árið. Þannig var það með sjónvarpsþáttinn og núna eru það pepp póstarnir sem við sendum þátttakendum í emaili.”

Hversu mörg af þínum markmiðum hefur þú náð að standa við að meðaltali?

Er verkefnið að stækka, fara út fyrir landsteinanna?

,,Ég stóð mig vel þarna fyrst. Svo næst ofmetnaðist ég í lestri og ýmsu öðru. Núna er ég bara með mjög einfalt markmið um að ná 5 endurtekninum af 100kg í hnébeygju og að mála stofuna heima hjá mér. Mataræðið kemur sjálfkrafa núorðið. Engin þörf á átaki þar. Almennt séð er ég að nýta mánuðinn í að endurspegla og gera upp við mig hvort ég sé á réttri braut í lífinu. Ég og mamma fórum til dæmis á stefnumót og áttum mjög gott spjall. Í vinnunni er ég að reyna að vera örlátari á hrós. Það þarf engin rosaleg markmið í kringum svoleiðis hluti. Bara vera vakandi fyrir umbótum.”

Núna eru byrjaðir þættir um meistaramánuðinn sem sýndir er á stöð2 og á vísi.is, er fleira á döfinni? ,,Við erum alltaf með gott brainstorm á hverju ári og fáum ótal hugmyndir sem reynist svo of skammur tími til að framkvæma. Þá þróast þetta

,,Við viljum gera Meistaramánuð jafn stóran og maraþonið.”

,,Við viljum gera Meistaramánuð jafn stóran og maraþonið.” Annað sem þú vilt taka fram?

,,Það er ótrúlega gaman að opna þetta upp og sjá hvaða markmið fólk setur sér. Við þurfum að fara að taka þetta saman og gefa út eitthvað sem gæti virkað sem innblástur.” Meistaramánuður er enn í fullu fjöri og opið er fyrir skráningu, þó að október sé nær liðinn. Það er aldrei of seint að byrja að lifa eins og meistari. Skráning fer fram á meistaramanudur.is en einnig heldur verkefnið úti twitter síðu, facebook síðu og instagram reikningi og notast við myllutengið #meistarama.

Stúdentablaðið október 2014

Ingunn Tryggvadóttir

Heimir Þór Morthens

Sunna Jóhannsdóttir

BSc í Vélaverkfræði og nemi í Tölvunarfræði við HÍ

Nemi í Ferðamálafræði

Doktorsnemi í Lyfjafræði

Hvert var þitt helsta markmið í meistaramánuðinum?

Hver er ástæðan fyrir því að þú tókst ekki þátt í meistaramánuði?

,,Borða minna brauð og engan sykur, vakna fyrir 8 á virkum dögum og fyrir kl 10 um helgar og hreyfa mig að minnsta kosti fjórum sinnum í viku.”

Heldurðu að þú náir að standa við markmiðin til lengri tíma litið?

,,Gengur ágætlega en ekki fullkomlega en held að þetta séu raunhæf og góð markmið til lengri tíma litið.”

„Ég hef hægt og bítandi verið að breyta ýmsu í mínum lífstíl síðustu mánuði sem við kemur matarvenjum, hreyfingu og skipulagi og ákvað ég að taka það á næsta stig núna í október.“

,,Ekki minn stíll.”

Heldur þú að þú takir þátt að ári? ,,Efast um það.”

Heldurðu að þú náir að standa við markmiðin til lengri tíma litið? “So far so good, þannig að ég sé ekki afhverju það ætti að breytast.“

Helga María Guðmundsdóttir

BHM – AF HVERJU? AÐILD AÐ STÉTTARFÉLAGI INNAN BHM VEITIR ÞÉR: • Tengsl við vinnumarkað í þínu fagi • Aðild að sjóðum BHM • Fræðslu af ýmsu tagi • Stuðning í samskiptum við vinnuveitendur

Stúdentablaðið október 2014

„Skál fyrir kúgun kvenna“ Innsýn í teikningar Hugleiks Dagssonar

Ragnheiður Vignisdóttir

Teikningar Hugleiks Dagssonar eru vel kunnar íslensku samfélagi. Valda þær oft hryllingi um leið og þær kítla hláturtaugarnar. Efniviður listamannsins er samfélagið en nálgun hans er ekki á þá leið að upphefja og lofa íslenskt samfélag. Þvert á móti nálgast Hugleikur viðfangsefni sitt með sterkri ádeilu sem varpar ljósi á fáránleika og annmarka á samfélaginu í heild. Formið

Form einrömmunga Hugleiks er einfalt. Ramminn er ferhyrndur og teiknaður með einni línu. Í bókverkum Hugleiks er ramminn fjarlægður og sögusvið verksins afmarkað við eina blaðsíðu. Til þess að draga upp táknmynd andlits teiknar Hugleikur hring

og tvo svarta punkta sem tákna augu. Andlitið hvílir svo á hringlóttum búk þar sem öll form sem einkenna mannlegan líkama eru afnumin. Með þessari listtækni, að afnema alla raungervingu teiknimynda sinna, nær Hugleikur til allra óháð stöðu, útliti og annarra persónueinkenna sem fólk ber með sér. Þannig dregur Hugleikur einnig athyglina frá teikningunni að hugmyndinni

sem liggur að baki hennar. Sú fjarlægð frá raunveruleikanum sem býr í listformi Hugleiks hlífir áhorfandanum við sektarkennd og alvarleika þeirra málefna sem fjallað er um. Þar af leiðandi getur málnotkunin og boðskapurinn verið grófari,

McCloud, úr Understanding Comics, 1993.

illkvittnari og stuðað af mun meira afli en listamaðurinn gæti leyft sér að gera ef notast væri við annars konar listform.

Samfélagið – „Botnlaus uppspretta innblásturs“

Einrömmungar Hugleiks eru beinskeyttir og ögra áhorfandanum. Á myndinni hér að ofan sér áhorfandi fjórar teiknaðar persónur. Tvær eru sýndar

hoppandi eins og apar og mæla óskiljanleg orð úr talblöðrum sem minna á einhvers konar blöndu af barnamáli og frumbyggjamáli. Til hliðar við þær standa tvær persónur, önnur minni sem heldur í hönd þeirrar stærri. Stærri persónan mælir úr talblöðru „FOKKIN NÝBÚAR.“ Hægt er að draga þá ályktun að hér sé á ferð teikning uppfull af fáfræði og kynþáttahatri. Svo er hins vegar ekki. Einrömmungurinn varpar fram samfélagsádeilu, ádeilu á kynþáttahatur og fordóma. Með absúrd framsetningu í verki sínu bendir Hugleikur á þann fáránleika sem í fordómum felst. Fordómar og meinfýsin hegðun viðgengst í samfélaginu en einmitt þessi hegðun er viðfangsefni Hugleiks. Á Facebook síðu sinni skrifar hann í stuttum pistli sem ber heitið „Já, ég er fín fyrirmynd“ að samfélagskimar sem sýna ómannsæmandi hegðun og þeir sem misskilja ádeiluverk listamannsins sem andfeminísk og fordómafull verk séu Hugleiki „botnlaus uppspretta

Stúdentablaðið október 2014 innblásturs.” Þegar litið er til einrömmunga sem eru sjálfstæðir án útskýringa eða fleiri ramma sem segja til um fortíð og framgang myndasögunnar er það undir áhorfandanum komið að setja söguna í víðara samhengi, ákvarða fortíð hennar, framtíð, merkingu og að skapa heildarsöguna. Orsakasamhengið er gjarnan órætt en táknrænir þættir vísa hugsunum áhorfandans í farveg sem leiða til túlkunar hans og skilnings á verkinu.

Satíra

Hugleikur vinnur með texta sem er jafn úthugsaður og teikningin. Í texta ádeiluverka er háðsádeila eða satíra gjarnan notuð. Markmið satíru er að afhjúpa breyskleika og lesti mannkynsins með háði. Raunverulegur ásetningur satírunnar er ekki almenn skemmtun þó oft sýnist vera svo í upphafi. Sá hlátur sem satíran kann að valda sé hún sett fram undir formerkjum kímni, er vopn hennar sem beinist að viðfangsefninu sjálfu. Myndin hér til hliðar varpar ljósi á markmið og áhrif satírunnar. Við langborð sitja fimm persónur sem lyfta glasi. Ein persónan mælir úr talblöðru „SKÁL FYRIR KÚGUN KVENNA“ og hinar fjórar taka undir og skála. Sú athöfn að skála, er beintengd fögnuði. Áhorfandinn er leiddur inn í fögnuð þar sem fagnaðarerindið brýtur í bága við réttlætiskennd hans enda kúgun kvenna almennt neikvætt fyrirbæri líkt og önnur mannréttindabrot. Virkni satírunnar kemur fram í samspili teikningarinnar og textans. Eina hreyfingin sem sjá má í myndinni er að sviplausar persónurnar lyfta glasi. Textinn „SKÁL FYRIR KÚGUN KVENNA“ er settur fram með stuðningi myndarinnar og ekkert í henni bendir til að hér sé um kaldhæðni eða grín að ræða,

nema fáránleiki þess að skála fyrir slíku ódæði. Í satírunni er ekkert gefið upp með beinum hætti heldur er það hlutverk áhorfandans að fylla í eyðurnar, fylla upp í hið ósagða, allt háð því hvernig hver og einn upplifir viðkomandi viðfangsefni sem deilt er á. Vægðarleysi satírunnar birtist í málefninu sjálfu, sem er kúgun kvenna. Deilt er á málefnið en birtingarmynd ádeilunnar felst í þeirri kaldhæðni að kúgun kvenna sé fagnað.

Að hlæja eða ekki hlæja?

Áhrif myndasögunnar eru mun meiri en ætla má í fyrstu. Form myndasögunnar gerir henni kleift að varpa fram sterkri ádeilu sem kallar á sterk viðbrögð. Teiknimynd krefst myndlesturs, hún krefst skilnings og túlkunar. Segja má að það sem áhorfandinn fær og meðtekur við fyrstu sýn teiknimyndarinnar sé jafn mikið og teiknimyndin krefst af honum að gefa á móti. Myndasögur Hugleiks kalla

fram viðbrögð sem skapa umræðu. Sá lærdómur sem draga má af ádeiluverkum hans felst í þessum viðbrögðum. Andspænis teiknimynd eftir Hugleik er áhorfandinn krafinn svara við siðferðislegum spurningum. Áhorfandinn þarf að skilgreina viðfangsefnið sem varpað er fram og taka afstöðu með eða á móti. Hvers eðlis er til að mynda sá hlátur sem vaknar með áhorfandanum þegar hann sér fimm fígúrur skála fyrir kúgun kvenna? Þegar farið er yfir einrömmunga Hugleiks, sem skipta þúsundum, má sjá að rauði þráðurinn í verkum hans eru viðkvæm og stuðandi málefni. Þess á milli eru teikningar sem teljast ekki til ádeiluverka heldur saklausra brandara. Þessi blanda af alvarleika og fyndni í heildaryfirliti á verkum Hugleiks er áhrifarík. Þessi samsetning setur áhorfandann í þá stöðu að frammi fyrir vissum verkum efast hann um hvort viðeigandi sé að hlæja eða ekki.

Stúdentablaðið október 2014

Ert þú á villigötum og hefur ekki kynnt þér snilldina við Stúdentaleikhúsið? Í áraraðir hefur Stúdentaleikhúsið staðið fyrir metnaðarfullum sýningum sem eru leiknar af fólki sem síðar meir lætur á sér kræla í leiklistarlífinu. Venjan er að sýning er sett upp á hverju misseri og núna er það Stundarfriður eftir Guðmund Steinsson sem verður sett upp. „Aðsóknin í haust var rosa góð og hefðum við lent í vandræðum með að taka á móti fleirum,“ segir Vilhelm Þór Neto, formaður stjórnar Stúdentaleikhússins. „Æfingar hafa gengið vel og er leikstjórinn (Karl Ágúst Þorbergsson) alveg frábær. Það er mikið hugmyndaflug í gangi og

Daníel Geir Moritz

mjög mikið rýnt í verkið.“ Vilhelm fór með aðalhlutverkið í sýningunni Djamm er snilld sem var sýnd síðasta vetur og er hann með ákveðnar hugmyndir um hvert sé hlutverk Stúdentaleikhússins. „Að efla skapandi og frumlegt leikhús og hvetja fólk sem hefur áhuga á leiklist en hefur kannski aldrei þorað að leika að koma og prófa að leika.“ Hægt er að setja sig í samband við Stúdentaleikhúsið á Facebook. Stundarfriður verður frumsýndur 12. nóvember og að öllum líkindum í Tanknum í Perlunni.

ÞESSI VORU Í Stefán Hallur Stefánsson „Ég var framkvæmdastjóri, ljósahönnuður og leikari í Stúdentaleikhúsinu á árunum 1999-2001 og stýrði ásamt góðum hópi af fólki, með Hlyn Pál Pálsson í broddi fylkingar, uppbyggingarstarfsemi í kringum leikfélagið sem hafði legið niðri í dágóðan tíma. Reynslan í Stúdentaleikhúsinu veitti mér ákveðið brautargengi í leiklistinni, hvað varðar frumkvæði, sjálfsöryggi og hugrekki. Þetta er dýrmætt skref fyrir þá sem eru að koma úr menntaskólaleikfélögunum að hafa. Þarna heldur áfram ferli sem grunnur er lagður að í menntaskólunum og varð mjög mikilvægt millistig fyrir mig inní atvinnumennskuna. Helstu verkefni: Pressan, Djúpið, Rokland, Eldhraun, Lúkas og Lér konungur.

STÚDENTALEIKHÚSINU

Stúdentablaðið október 2014

Hannes Óli Ágústsson „Ég var mjög virkur í Stúdentaleikhúsinu á árunum 2001-2005 og lék í átta sýningum á þeim tíma sem ég held að sé ennþá met! Þarna fékk maður tækifæri til að vinna með ungum og gröðum leikstjórum sem voru að springa úr sköpunargleði og leika með jafnöldrum sínum sem hafa sterkar skoðanir á lífinu og listinni. Þetta var einstakt tækifæri fyrir mig sem ungan áhugamann um leiklist, sem komst ekki í gegnum fyrstu síu í inntökuprófum í leiklistardeild LHÍ árið 2001 en flaug svo inn 2005. Þessi mótunarár í Stúdentaleikhúsinu settu mikið mark á mig og þakka ég þessum tíma að ég sé óbrjálaður maður í dag. Helstu verkefni: Bjarnfreðarson, Hæ Gosi og áramótaskaup RÚV.

Þóra Karítas Árnadóttir „Fyrsta uppfærslan mín hjá Stúdentaleikhúsinu var Tartuffé eftir Moliére 1999. Stúdentaleikhúsið hafði legið í dvala um langt skeið en síðan Tartuffe var sett upp hefur það starfað samfleytt. Svo settum við, mikið til sami hópur, upp verkið Ungir menn á uppleið eftir Sigríði Láru Sigurjónsdóttir sem fjallaði um yfirborðslegt góðærisgengi. Við settum það upp 2001 í leikstjórn Bergs Þórs Ingólfssonar. Sýningin heppnaðist mjög vel og var valin áhugaleiksýning ársins og fyrir vikið steig hópurinn á stóra sviðið í Þjóðleikhúsinu. Svo vann sýningin til verðlauna á leiklistarhátíð í Vilnius í Litháen. Það var mjög ævintýraleg ferð og eftir hana varð einhvern veginn ekki aftur snúið fyrir marga hvað leiklistina varðar.“ Helstu verkefni: Hart í bak, Gulleyjan, Ástríður og Engispretturnar.

Sveinn Ólafur Gunnarsson „Ég var í Stúdentaleikhúsinu frá 2000-2004. Ég datt inní þetta fyrir algjöra slysni, ætlaði mér að vera í leikmynd eða propsi, en var svo sjanghæaður af Ólafi Agli í hlutverk. Ég smitaðist og það varð ekki aftur snúið. Þetta var algjörlega sprúðlandi hópur í leikhúsinu, undir hlýlegri og góðri stjórn formannsins, Hlyns Páls Pálssonar. Þetta varð til þess að mig langaði að verða leikari og ég sé ekki agnarögn eftir því. Upprunalega ætlaði ég mér að verða skáld og var í heimspeki og íslensku, svona til þess að brýna vopnin. Ég villtist hins vegar af braut út af skyndilegri leiklistarbakteriu.“ Helstu verkefni: Pressa, Málmhaus og Á annan veg.

Salóme R. Gunnarsdóttir „Ég var í Stúdentaleikhúsinu allt árið 2009. Um vorið settum við upp verkið Þöglir Farþegar, sem Snæbjörn Brynjarsson skrifaði og leikstýrði. Um haustið var það spunaverkið Gestasprettur, sem Tinna Lind Gunnarsdóttir leikstýrði. Ég var í lögfræði í HÍ á þessum tíma en um leið og ég byrjaði í Stúdentaleikhúsinu fór námið að láta í minni pokann. Eftir seinna verkið ákvað ég að námsárangur minn væri orðinn svo slakur að ég þyrfti að hætta að leika mér og ákvað því að vorið 2010 yrði leikhúslaust ofurnámsár hjá mér. Það var ekki langt liðið á önnina þegar ég gerði mér grein fyrir því að ég hafði ekki verið að hanga inni í lögfræðinni þrátt fyrir Stúdentaleikhúsið, heldur var það þvert á móti Stúdentaleikhúsinu að þakka að ég hafði haldið geðheilsunni í námi sem hentaði mér svona ótrúlega illa. Ég hafði fjarlægt ranga breytu því lögfræðin var vandamálið. Èg var svo heppin að á sama tíma og þessi hugljómun átti sér stað var leiklistar- og dansdeild LHÍ að taka á móti umsóknum í leikaranámið og ég stökk á tækifærið.“ Helstu verkefni: Óvitar, Spamalot, Eldraunin, Hraunið, Stelpurnar og París norðursins. Helstu verkefni leikaranna eru tekin saman af ritstjóra.

Stúdentablaðið október 2014

Langaði helst að vera í hljómsveit og vera rokkari

Seint verður sagt að Atli Fannar Bjarkason sé með tóman grautarhaus eða að vefmiðillinn Nútíminn sé trunta. Atli hefur farið á kostum á árinu með þessum nýja miðli og var fenginn til að fræða mastersnema í blaða- og fréttamennsku um framsetningu efnis enda hefur Nútíminn farið nýjar leiðir í þeim efnum. „Ég mætti í tíma til nemenda sem voru að stúdera framsetningu á efni í fjölmiðlum. Mér fannst frábært að fá að segja þeim frá pælingunum mínum í sambandi við það, framsetning á efni er eitt af þessum eilífðarverkefnum sem þróast stöðugt með tækninni og hvernig fólk umgengst miðilinn. Svo fannst mér gaman að fá koma inn í Háskóla Íslands því ég á ekki mörg erindi þangað. Bjóst svo sem aldrei við að fá tækifæri til að útskýra hugmyndir mínar þar og er afar þakklátur. Og eiginlega bara hrærður,“ sagði Alti Fannar en til gamans má geta að hann er ekki með stúdentspróf eða aðra menntun.

Sótti um sem námsráðgjafi í grunnskóla

Það var á heimaslóðum sem fjölmiðlaferill Atla byrjaði en hann átti sér þó annan draum á þeim tíma. „Ég var hættur í skóla, rosa týndur og vissi ekkert hvað ég vildi gera. Ég bjó á Selfossi og langaði helst bara að vera rokkari í hljómsveit. Ég sótti síðan um tvö störf sem voru auglýst á svæðinu, annars vegar sem blaðamaður hjá Glugganum og hins vegar sem námsráðgjafi í Vallaskóla. Skiljanlega fékk ég ekki starf sem námsráðgjafi en hún Þóra á Glugganum gaf mér séns og starfið þar kveikti einhvern áhuga sem varð að lokum til þess

Kjartan Þór Ingason

að ég flutti til Reykjavíkur til að starfa við fjölmiðla.“

„Ég hef alltaf öfundað frumkvöðla“

Atli Fannar hætti sem fréttastjóri á Fréttablaðinu til að taka þátt í kosningabaráttu Bjartrar framtíðar 2012. Það starf vatt svo upp á sig og varð hann aðstoðarmaður þingmannsins Guðmundar Steingríms. „Ég sá fljótlega að starfið hentaði mér ekki svo ég ákvað að segja skilið við pólitíkina og snúa mér aftur að blaðamennskunni. Það var meira en að segja það. Umhverfið var gjörbreytt og félagar mínir á

Stúdentablaðið október 2014 Fréttablaðinu voru flestir horfnir til annarra starfa. Ég byrjaði að spá hvort það væri raunhæft að gera eitthvað sjálfur. Ég hef alltaf öfundað frumkvöðla og langaði til að prófa að hefja rekstur og ákvað því að nýta það eina sem ég kann til þess en það er að skrifa fréttir. Nútíminn varð þá til.

Reiknaði með nokkrum mánuðum af núðlusúpum

Nútíminn hefur sannarlega stimplað sig inn í fjölmiðlaflóru landsins en knappur stíll virðist henta vefumhverfinu ákaflega vel. „Nútíminn gengur mjög vel — eiginlega fáránlega vel. Vefurinn er að fá mikið af heimsóknum, þannig að fólk virðist vera að taka mjög vel í þetta framtak. Þá eru auglýsendur líka sjóðandi heitir fyrir vefnum, sem er auðvitað mjög mikilvægt. Ég var búinn að reikna með því að þurfa að borða núðlusúpu í öll mál í nokkra mánuði en lesendur og auglýsendur tóku vel í vefinn strax í upphafi, þannig að ég get leyft mér að borða almennilegan mat í hvert mál.

að spila þangað til ég rankaði við mér. Tónleikarnir héldu svo áfram.“

„Strákarnir héldu að ég væri dauður.“ „Fréttanefið vöðvi sem þarf að þjálfa“

Atli Fannar hefur sínar skoðanir á því hvað sé mikilvægast í störfum fjölmiðla. „Það er auðvitað mikilvægast að segja rétt frá. Og láta hvorki

og tvíræðni í fyrirsögnum án þess að vera sakaður um „clickbait“. Þetta er rosalega þunn lína og ég er þakklátur fyrir ábendingar og uppbyggilega gagnrýni sem ég hef fengið frá fólki. Nútíminn er hreinskilinn fjölmiðill og segir frá án þess að „sensationalæsa“ fréttir og án þess að blekkja. Það finnst mér mikilvægt — að koma sér beint að efninu og ekkert kjaftæði.“ Blaðamenn Stúdentablaðsins eru flestir að stíga sín fyrstu skref í blaðamennsku og hefur Atli þessar ábendingar. „Er ekki bara fín byrjun að lesa þetta viðtal til að sjá að maður þarf hvorki menntun né reynslu til að byrja? Hvort

„Vafði snúrunni utan um hálsinn á mér“

Þrátt fyrir blaðamennskuna gat Atli sér gott orð sem söngvari rokkhljómsveitarinnar Hölt hóra á sínum tíma en eins og allir vita er margt sem gerist í rokkinu. „Grand Rokk, sem síðan varð Faktorý, var á tímabili aðalstaðurinn fyrir rokkið í Reykjavík og þar spiluðu hljómsveitir eins og Mínus, Brain Police og Dikta og auðvitað Hölt hóra. Í einu af þessum skiptum skellti ég mér út á gólf með hljóðnemann og tók nokkur dansspor á meðan ég söng. Ég veit ekki alveg af hverju en á meðan á laginu stendur byrja ég að vefja snúrunni utan um hálsinn á mér. Ég klifra svo upp á stigaganginn sem var þarna úti á miðju gólfi og dett aftur fyrir mig ofan í hann — örugglega tvo eða þrjá metra. Strákarnir héldu að ég væri dauður enda heyrðist ekkert í mér. Þeir eru hins vegar sannir skemmtikraftar og héldu áfram

Myndir: María Henningsson

hagsmuni né önnur tengsl stöðva sig. Með tilkomu netsins hafa blaðamenn líka þurft að hugsa dæmið svolítið upp á nýtt. Smellirnir stýra rosalega miklu en það er rosalega leiðinlegt þegar fyrirsagnir eru notaðar til að blekkja fólk til að smella. Stefna Nútímans er að gera það ekki þó það verði auðvitað að vera svigrúm til að nota húmor

tveggja hjálpar svo auðvitað til. Svo er fréttanefið vöðvi sem þarf að þjálfa. Þetta gerist ekki á viku,“ segir ritstjórinn geðþekki.

Ítarlegri útgáfu af viðtalinu má lesa á www.studentabladid.is sem opnar 30. október.

Stúdentablaðið október 2014

Bóksali með dömubindi veitir sáluhjálp milli þess að klára internetið

Aron Ingi Guðmundsson

Sólríkan eftirmiðdag í október gerði ég mér ferð í Stakkahlíð. Ég hafði mælt mér mót við Sturlu Halldórsson sem rekur Bóksölu kennaranema. Ástæða heimsóknar minnar var að forvitnast um þessa litlu verslun sem ég hafði heyrt um í gegnum tíðina. Bóksala kennaranema var stofnuð sama ár og Sturla fæddist, eða árið 1978. Sturla rekur verslunina en hún er á vegum Kennó, nemendafélags kennaranema. Hann hefur starfað þar í hartnær níu ár. Fyrst sem afgreiðslumaður en tók svo við rekstrinum. Auk þess að selja ritföng, bækur og leshefti þá er einnig prentþjónusta á staðnum. Hægt er að láta prenta út efni, skanna inn efni, leita í greinarsöfnum og einnig tekur starfsfólk bóksölunnar að sér innbindingu. Hægt er t.d. að

leita til þeirra varðandi frágang á lokaverkefnum og er þannig vinna afgreidd samdægurs. Verslunin er opin 8:30 til 16:00 alla virka daga.

„Á ég ekki bara að kaupa blýant?“

Það fyrsta sem ég tek eftir er hversu heimilisleg verslunin er. Andrúmsloftið er afslappað og það minnir mig á stemninguna í litlum verslunum úti á landi. Innan um stafla af bókum og blýöntum má sjá dömubindi sem eru seld í stykkjatali. „Nauðsynjavara sem sjálfsagt

er að bjóða upp á,“ eins og Sturla orðar það. Aðspurður sagði Sturla að einnig væri hægt að fá höfuðverkjatöflur hjá honum en að hann kynni nú ekki við að rukka fyrir þær. Ég er ekki frá því að nærvera Sturlu hafi eitthvað með þetta andrúmsloft að gera. Það er augljóst að þessi sálfræðimenntaði maður hefur gaman af mannlegum samskiptum og hann gefur af sér. Það kom glöggt í ljós að fleiri en ég finna þetta, þar sem fyrsti kúnni á meðan heimsókn minni stóð spyr Sturlu: „Á ég

Stúdentablaðið október 2014 ekki bara að kaupa blýant?“ engu líkara en að hann liggi í sófanum hjá honum í sálfræðitíma. Hann viðurkennir að starfið getur komið inn á menntun sína. „Jaaaá,“ svarar Sturla með bros á vör. „Það kemur fyrir að maður veiti sálfræðiþjónustu svona þegar stressið í nemendum er hvað mest.“

Tilvalið að gera upp mótorhjól.

Sturla segir samstarfið við kennara og fólkið í húsinu mjög gott. Sumir sem kenna þarna í dag er fólk sem kom að stofnun bóksölunnar, þá sem nemendur. Honum líkar vel að vinna þarna. „Hér eru góðir nemendur, það er gott fólk sem vinnur við að vera kennarar og gott fólk sem ætlar sér að verða kennarar, leikskólakennarar, uppeldisog menntunarfræðingar, þroskaþjálfar og þar frameftir. Fólk er þægilegt í umgengni og allt bara ánægjulegt.“ En hvernig stytta menn sér stundir þegar lítið er að gera? „Það eru ýmsir hlutir eins og innpantanir og þannig lagað varðandi reksturinn en svo fer ég oft bara hamförum á netinu, held hreinlega stundum að ég hafi bara klárað það! Svo er það líka spjall við starfsfólk og nemendur sem stytta manni stundir. Hér eru margir fastakúnnar.“

„...fer ég oft bara hamförum á netinu, held hreinlega stundum að ég hafi bara klárað það!“

Sturla gefur dæmisögu um þau góðu tengsl sem eru við starfsfólk hússins. „Það var hérna einn kennari sem var alltaf að reyna að sannfæra mig um að ég ætti að kaupa ónýtt mótorhjól og og gera

það upp í vinnuherberginu hérna. Eins og þeir sem hingað hafa komið vita þá er plássið heldur af skornum skammti en það virtist ekki skipta neinu máli. Ekki heldur sú staðreynd að ég veit nákvæmlega ekkert um mótorhjól og kann ekki einu sinni að keyra þau. Þetta myndi gera svo mikið fyrir móralinn í húsinu sagði hann, allir yrðu alltaf að spá í hvernig gengi með mótorhjólið og þetta yrði aðal málið. Svo harður var hann á þessu að ég mátti ekki hitta manninn á göngunum án þess að hann spyrði “„hvernig gengur með mótorhjólið?“ Tek það fram að það er aldrei neitt andskotans mótorhjól að fara að koma hingað inn af augljósum ástæðum!“

fólk til að prenta úr eða sækja sér einhverjar upplýsingar, klukkustundum saman og pikkaði upp löng lögfræðileg bréf þar sem hún virtist standa í einhverjum málaferlum. Hún pikkaði þessi bréf upp af útkrotuðum notuðum umslögum sem hún var greinilega að endurnýta. Þetta gat verið svona daglega á tímabili. Hún kunni samt lítið sem ekkert á tölvur og þurfti aðstoð við flest. Við höfðum það þó aldrei í okkur að biðja hana ekki um að einoka tölvuna og aðstoðuðum hana eftir fremsta megni. Enda vildi hún að lokum endilega þakka fyrir sig með því að prjóna vettlinga á okkur og börnin mín.“ Aðspurður um framtíðaráform og hvort hann sjái

Myndir: Unnur Ósk Kristinsdóttir

Vettlingar frá fastakúnna.

Eftir að hafa starfað þarna í níu ár í desember næstkomandi og séð margt spyr ég Sturlu hvort hann lumi ekki á sögum af eftirminnilegum kúnnum. Sagan sýnir vel hversu góða þjónustulund Sturla og vinnufélagar hafa yfir að búa. „Ég má til með að segja frá fullorðinni konu sem vandi komur sínar hingað á tímabili. Hún stóð þá við tölvuna, sem venjulega er hugsuð fyrir

fyrir sér að vera þarna í níu ár í viðbót er lítið um svör. „Jaaaa, ég veit ekki. Það gæti svo sem vel verið að maður hugsi sér til hreyfings, lítið ákveðið svo sem varðandi það, ég hef það líka bara alltof gott hérna!“ Ég þakka Sturlu fyrir gott spjall og geng útí haustsólina með bros á vör. Það er gott að vita af stað þar sem hægt er að kaupa blýanta, láta prenta verkefni og fá smá sáluhjálp í kaupbæti.

Stúdentablaðið október 2014

LÉTTÖL

SKANNAÐU KÓÐANN OG KÍKTU Á GRÆNA KLÚBBINN

Stúdentablaðið október 2014

Mynd: Silja Rán Guðmundsdóttir

Stórt og smátt Á hverju hausti kemur í ljós hver gæði kennslu í Háskóla Íslands verða árið eftir. Stjórnvöld sjá þá um að sníða Háskólanum stakk í fjárlagafrumvarpi. Fjárlög hljóma ef til vill eins og mjög óáhugavert og fjarlægt fyrirbæri en engu að síður hafa þau mikil áhrif á okkar daglega líf. Í ár er niðurskurðarkrafa á háskólann, sjöunda árið í röð munu gæði kennslunnar versna lítillega að öllum líkindum. Eitt ár getur sloppið, mögulega tvö, en á sjöunda ári er margt smátt farið að gera ansi stórt. Þess vegna verðum við nemendur að láta okkur fjárlagafrumvarpið varða. Við í Stúdentaráði töldum nauðsynlegt að minna á mikilvægi þess að setja menntun í forgang og ákváðum því að birta grein daglega á Vísi.is frá 8. – 17. október. Næst á dagskrá er að taka allar greinarnar saman,

prenta þær út og senda á þingmenn. Slagurinn er þó ekki búinn, það sem öllu máli skiptir er að sem flestir nemendur láti í sér heyra, að nú sé komið nóg og að við viljum að námið okkar batni ár frá ári, ekki versni. Máttur fjöldans er mikill og það skiptir öllu máli að fleiri en við sem erum í hinni svokölluðu stúdentapólitík látum í okkar heyra. Fjárlög hafa nefnilega áhrif á þessa litlu hluti sem fara í taugarnar á okkur í náminu. Þegar við skilum inn verkefni og fáum enga umsögn frá kennara eru líkur á því að ekki hafi verið til fé til að ráða aðstoðarkennara. Ef kennari fengi sérstaklega borgað fyrir að taka upp fyrirlestra og setja þá á Ugluna eða nota fjölbreyttari kennsluhætti væru fyrirlestrarnir sennilega ekki beint upp úr bókinni eða lesnir upp af glærum. Nemendafélagið gæti

haft betri aðstöðu, valáfangar gætu verið fleiri og svo má lengi telja. Fjárlagafrumvarp þessa árs hefur ekki verið samþykkt en við verðum öll að láta í okkur heyra, hvort sem það er á Facebook eða í samræðum við vini og vandamenn. Við verðum að láta vita að það sé ekki hægt að bjóða upp á nám sem versnar með hverju árinu. Áhrif niðurskurðar stigmagnast eftir því sem árin verða fleiri. En það eru líka önnur áhrif sem geta stigmagnast og þau eru áhrif stúdenta ef við látum öll í okkur heyra. Það er mikið undir, aukum fjárveitingar til Háskóla Íslands og aukum gæði námsins. Látum ekki bjóða okkur þetta lengur. Ísak Rúnarsson, formaður SHÍ.

Stúdentablaðið október 2014

Gagnkynhneigðir boðnir velkomnir í partý Jafnréttisdagar HÍ stóðu yfir dagana 6.-17. október og þar var margt á döfinni. Fræðsla í formi fyrirlestra eða bíómynda eru dæmi um það sem var á dagskrá Jafnréttisdaga. Arnar Gíslason er einn af þeim sem tók þátt í að koma Jafnréttisdögum af stað, en þeir voru nú haldnir í sjötta skipti. „Hugmyndin um Jafnréttisdaga kviknaði í samstarfi við hagsmunafélög nemenda: Félag hinsegin stúdenta, Feminístafélag HÍ, Skyn og Maníu, og einnig Jafnréttisnefnd SHÍ. Það var

Mynd: Adelina Antal

fyrst á Háskóladeginum 2008 sem við ákváðum að prófa að vera með kynningarbás fyrir jafnréttismál skólans og einnig sem kynning á félögunum. Þessi hópur, ásamt fleirum, hafa verið í samstarfi með Jafnréttisdaga uppfrá því.“ Jafnréttisnefnd HÍ samanstendur af sjö einstaklingum en það eru fulltrúi stúdenta, formaður nefndarinnar

Arna Hrund Jónsdóttir

og einn einstaklingur af hverju fræðisviði. Jafnréttisnefnd HÍ, Ráð um málefni fatlaðs fólks ásamt fleiri aðilum á vegum skólans og fulltrúum stúdenta taka þátt í að gera dagana að því sem þeir eru. Arnar segir að samstarf starfsfólks HÍ og nemenda sé mikilvægt. „Það hefur skapast mjög góð dýnamík í þessu samstarfi, það væri ekki eins að hafa bara annaðhvort. Viðburðurinn er mjög fjölbreyttur og það er líklega vegna þess að það eru margir sem koma að dagskránni. Það er enginn einn sem á þetta.“ Lokadagur Jafnréttisdaga HÍ var haldinn með pompi og prakt í Stúdentakjallaranum föstudaginn 17. október og var hann hápunktur jafnréttisdaga. Þar var boðið í „Straight friendly partý“ og allir gagnkynhneigðir boðnir velkomnir. „Til dæmis eru skemmtistaðir oft „gay-friendly“ sem þýðir að þeir séu í rauninni „straight“ en eru bara „gay-friendly.“ Þarna er búið að snúa hlutunum aðeins við og fókusa á normið. Þeir sem tilheyra norminu þurfa ekki að pæla í því af því að það verður enginn hissa ef þú ert straight og þú tekur ekki sérstaklega eftir þröskuldum eða tröppum ef þú ert ófatlaður. Því fleiri normatívum hópum sem maður tilheyrir því ólíklegra er að maður átti sig á því. Þetta er tilraun til þess að gera það sem er normatívt og hversdaglegt meira áberandi. Á þessu kvöldi leikum við okkur svolítið með þessar hugmyndir um að vera straight og hinsegin,“ segir Arnar.

STÚDENTAR Á FACEBOOK

Sendu okkur Facebook skjáskot á studentabladid2014@gmail.com

Stúdentablaðið október 2014

AKK FYRIR STUÐNINGINN Í 80 ÁR! Happdrætti Háskóla Íslands fagnar nú 80 ára afmæli en fyrsti útdráttur fór fram í Iðnó þann 10. mars 1934. Frá upphafi hefur happdrættið verið órjúfanlegur þáttur í uppbyggingu háskóla í fremstu röð. Með þátttöku sinni hafa viðskiptavinir fjármagnað 22 byggingar Háskóla Íslands, ýmis tækjakaup, viðhald og rannsóknarstarf. Blómstrandi samfélag vísinda og fræða nýtur góðs af á hverjum degi.

PIPAR\TBWA • SÍA • 140694

Við þökkum viðskiptavinum okkar ómetanlegan stuðning og samfylgd í 80 ár.

HAPPDRÆTTI HÁSKÓLA ÍSLANDS vænlegast til vinnings

Stúdentablaðið október 2014

5 PLÖTUR

Mikið æði reið yfir samfélagsmiðla fyrr í haust þar sem fólk skoraði hvert á annað að velja sínar uppáhalds plötur. Hér má sjá uppáhaldsplötur vel valdra einstaklinga sem Stúdentablaðið skoraði á.

Margeir Gunnar Sigurðsson

Innkaupastjóri hjá Bóksölunni

Karólína Ósk Þórsdóttir

Sunna Mjöll Sverrisdóttir Umhverfis- og byggingarverkfræðinemi og oddviti Röskvu

1. Megas - Loftmynd: Ein albesta plata Megasar, skemmtilega öðruvísi sýn sem hann dregur upp af Reykjavíkurborg.

1. Gling Gló – Björk Guðmundsdóttir og tríó Guðmundar Ingólfssonar: Færir mig til æskuminninga úr uppeldissveitinni í Skógum.

2. Chet Baker - Best of: Kannski svolítið púkalegt að vera með best of plötu en látum það flakka, stórkostleg plata sem hægt að er að spila endalaust.

2. I Am… Sasha Fierce – Beyoncé: Ég hugsa hlýlega til stelpnanna minna í Body Shop þar sem þessi diskur var spilaður á hverri vakt. Svo dansaði ég við hann í gegnum allan menntaskólann.

3. Kraftwerk - Man Machine: Kraftwerk hefur lengi verið í miklu uppáhaldi hjá mér og einhverjir albestu tónleikar sem ég hef séð voru þegar þeir spiluðu í Kaplakrika árið 2004. 4. Wu-Tang Clan - Enter the Wu-Tang: Á mínum unglingsárum hlustaði ég mikið á hip-hop og þessi plata eldist eins og gott rauðvín. 5. Seabear - The Ghost That Carried Us Away: Sindri vinur minn er forsprakki þessarar frábæru sveitar, þetta finnst mér alveg frábær plata sem er hægt að spila aftur og aftur.

3. Oft spurði ég mömmu – Sigurður Guðmundsson og Memfismafían: Yndisleg plata sem kennir manni að njóta. Bragðast best með rauðvínsglasi. 4. Reflektor – Arcade Fire: Þessi varð uppáhalds eftir tónleika á Primavera Sound í maí. Stórkostleg. 5. Bob Dylan – Christmas in Heart: Fullkomlega ófullkomin plata. Minnir mig á pabba, jól og allt þetta skemmtilega.

Stúdentablaðið október 2014

Myndir: Aníta Björk

Fríða Dís Guðmundsdóttir

Þorvaldur Þorvaldsson

Listfræðinemi við HÍ og söngkona Klassart

Ítölskunemi við HÍ og formaður Alþýðufylkingarinnar

1. Are You Experienced - Jimi Hendrix: Bræður mínir hlustuðu mikið á þessa plötu þegar ég var lítil og veröld mín small saman þegar ég enduruppgötvaði hana sem unglingur.

1. Paul Simon - Paul Simon: Fyrsta platan mín. Tímalausar melódíur. Fyrsta val 13 ára unglings um 1970.

2. Is This Desire? - PJ Harvey: Trylltur nútímadans í náttslopp, ein heima, 17 ára. 3. The Fragile - Nine Inch Nails: Þessi plata hefur mikið tilfinningalegt gildi fyrir mig.

2. En järnarbetares visor - Dan Berglund: Grípandi lög og þroskuð ljóð frá ungum manni um miðjan 8. áratuginn. Auðveld leið til að læra sænsku án fyrirhafnar.

4. Morning Phase – Beck: Ég hlustaði á hana daginn sem hún kom út í gluggakistu í París, oh la la!

3. Lieder des spanichen Bürgerkriges - Ernst Busch: Heilt sögulegt skeið frá fyrstu hendi. Goðsögulegir söngvar fluttir af sannfæringu og kunnáttu.

5. Post – Björk: Bæjarvinnan, ipod nano og lyktin af nýslegnu grasi.

4. The Vagabond - Bryn Terfel: Ljóðaflokkur Vaughan Williams, “Songs of Travel” er lífsfylling í sjálfu sér. 5. Winterreise. Ljóðaflokkur Schuberts í flutningi Kristins Sigmundssonar og Víking Heiðars Ólafssonar. Hápunktur rómantískra söngljóða í flutningi tveggja af fremstu tónlistarmönnum Íslands.

Stúdentablaðið október 2014

Aðrir pæla meira í því að ég sé kona Óhætt er að segja að Salka Sól Eyfeld hafi skotist upp á stjörnuhimininn á skömmum tíma. Fyrir hálfu ári fór lítið fyrir henni en í dag er hún dagskrárgerðarmaður í tveimur þáttum á Rás 2 og þenur raddböndin í hljómsveitunum Reykjavíkurdætur og Amabadama. Salka segir að hún hafi verið lengi að finna sig en er jafnframt ánægð með að hafa fundið réttu útgáfuna af sjálfri sér.

Daníel Geir Moritz

Stúdentablaðið október 2014 Þorði ekki að syngja en vann söngkeppni skólans

Fyrstu árin bjó Salka á Bárugötu en flutti síðan í Kópavog þar sem hún upplifði erfiða tíma. „Ég labbaði í Vesturbæjarskóla og hitti fullt af skemmtilegum karakterum sem maður gleymir ekki. Ég setti upp leikrit úti á götu og borgaði fólk 50 kall til að sjá leikritin. Ég á margar mjög góðar minningar frá þessum árum. Þegar ég var 7 ára flutti ég svo í Kópavog. Ég fann mig ekki vel í Kópavogi og varð fyrir einelti, án þess að fara nánar út í það núna. Þar var ég í skólahljómsveit Kópavogs og í öllum pásum þegar aðrir voru frammi var ég að prófa öll hljóðfærin og kenndi mér á þau sjálf. Ég var alltaf heima að spila á hin og þessi hljóðfæri inni í herbergi en fannst ég ekki nógu góð til að fara fram og spila fyrir framan fólk. Ég fór síðan í skóla í Reykjavík í 8. bekk og fór að rækta listrænar langanir mínar. Eftir grunnskóla fór ég í FB á listabraut. Þar fann ég mér líka. Í grunnskóla þekkti enginn tónlistina sem ég vildi sýna þeim og það sem þá þótti skrýtið fannst fólki bara næs og eðlilegt í FB. Ég byrjaði að taka þátt í söngleikjum og leikritum. Þórður Gunnar vinur minn hvatti mig síðan til að syngja meira og tók ég þátt í söngvakeppninni í FB. Það var eitthvað í mér að vilja taka þátt með frumsömdu lagi og endaði það með því að ég vann keppnina og það gaf mér rosalega mikið búst. Þegar ég hlusta á þetta í dag finnst mér ég ekkert endilega kunna að syngja en þetta var upphafið í að þróa minn stíl.

Brilleraði í London

„Eftir menntaskóla uppgötvaði ég að það sem ég hafði lent í í grunnskóla hafði miklu dýpri áhrif á mig en ég hafði nokkurn tímann gert mér grein fyrir. Ég leyfði mér ekki að vera ég sjálf. Mig langaði í leiklist en langaði samt ekki Mig langaði í tónlist en langaði samt ekki.

„Ég leyfði mér ekki að vera ég sjálf .“ Ég flutti til Bretlands og fór í nám í Actor Musicanship, sem er leikaranám fyrir hljóðfæraleikara. Námið ræktaði ekki bara leiklistarhæfileika og tónlistarhæfileika heldur bara mig sem listamann. Það var ótrúlega gefandi að leyfa sér að vera listamaður og þetta er svakalegt sjálfskoðunarnám. Ég naut mín í botn og þó ég segi sjálf frá þá brilleraði ég og er fyrsti Íslendingurinn sem er með BA í þessu.“ Salka er ekki með feril í þessum fræðum efst á listanum núna en reiknar með að nota þau í framtíðinni. „Ég á þetta alltaf og ætla að vinna með þetta seinna meir. Ég á marga vini í fræði og framkvæmd og í listaháskólanum og get ég ekki beðið eftir að þau útskrifist svo við getum búið til sprengju.“

Konur eru konum bestar

„Þegar ég kom aftur til Íslands var ég búin að kynnast mér ágætlega en þorði samt ekki að sýna mig. Ég var með örugga vinnu á kaffihúsi og var ekki tilbúin að vera listamaður og vinna í listinni minn. Ég gat ekki hugsað mér að vera ekki með fasta innkomu þó að það sé áhætta sem maður verður kannski að taka.“ Bolti Sölku fór síðan að rúlla þegar hún byrjaði að rappa. „Þetta byrjaði bara í gríni með vinkonum mínum. Við höfðum verið að gera texta og ákváðum að fara með þetta aðeins lengra og héldum rappkonukvöld á Bar 11 en þar komst ég að því að ég er bara ágætis rappari. Ég hef unnið mikið með Blævi og Tinnu vinkonum mínum og við semjum bara um allt mögulegt.“ Helsta afurð þessara rappkvölda er hljómsveitin Reykjavíkurdætur sem hafa

vakið mikla athygli með beittum textum. „Það er sjaldan sem ég fæ jafn mikinn innblástur og með þessum stelpum og við sönnum það saman að konur erum konum bestar. Það er hundleiðinleg mýta að konur séu konum verstar. Þetta eru ógeðslega pirrandi orð.“

Hossa hossa getur þýtt margt

Salka fór að syngja viðlög Reykjavíkurdætra og kynntist þar upptökustjóranum Magnúsi Jónssyni, eða Gnúsa Yones. Maggi hafði um nokkurt skeið dundað sér í reggítónlist og var í hljómsveitinni Amabadama ásamt Steinunni kærustu hans. „Maggi tók upp fyrsta lag Reykjavíkurdætra og kannaðist ég aðeins við Steinunni. Síðan gekk ég bara í bandið. Ég fann að með reggí var kominn söngur sem býður einnig upp á töffaraskapinn í rappinu og gat ég blandað mínum jazz-söngstíl í þetta líka. Amabadama var ekkert komin á flug og var eins og eitt púsl vantaði.“

„Skemmtilegast er að fólk túlki þetta á sinn hátt.“ Það vita kannski ekki allir hvað Amabadama er fjölmenn hljómsveit enda hefur farið mest fyrir Magga, Steinunni og Sölku. „Við erum 10 manns og komum alltaf öll saman þó að við séum þrjú svona frontmenn. Ég og Steinunn fluttum fyrst Hossa hossa á rappkonukvöldi og átti þetta að vera Reykjavíkurdætralag. Steinunn samdi línuna „hossa hossa“ sem var samin með ákveðinn hlut í huga. Í rauninni er þetta bara um bassa þetta lag. Kveikjum á bassanum og hristum okkur saman. En það fer svolítið eftir því hvort ég er að tala við 16 ára og eldri eða 16 ára og yngri hvað

Stúdentablaðið október 2014 er átt við með því. Skemmtilegast er að fólk túlki þetta á sinn hátt. Þegar ég pældi fyrst í þessu var ég ekkert að spá í að þetta væri eitthvað dónalegt. Dansinn kom frekar fljótt með hendurnar og svona og mér fannst það bara vera að hossa hossa. Það er hægt að nota þessa hreyfingu þegar verið er á hestbaki og það er líka hægt að nota hana í mörgum... gjörðum,“ segir Salka sem var skemmtilega orða vant í síðasta orði þessarar setningar.

Skemmtilegasta giggið á Októberfest

Algjört æði braust út þegar Amabadama sendi frá sér lagið Hossa hossa. Þann 6. nóvember gefur hljómsveitin út sína fyrstu plötu, Heyrðu mig nú! „Fyrstu stóru tónleikarnir voru á Secret Solstice. Þetta voru fyrstu tónleikarnir eftir að ég kom inn. Það var svo bjart, við vorum úti og fólk var svo til í þetta. Við spiluðum síðan á fullt af tónleikum eftir það en þegar við spiluðum á Októberfest hafði ég aldrei upplifað aðra eins stemningu. Við upplifðum það öll. Það er ótrúlegt hvað áhorfendur geta gefið mikinn kraft. Við vorum að spila lög sem fólk hafði ekki einu sinni heyrt en það voru allir með og að dilla sér. Við vorum búin að heyra að það væri gaman að spila á Októberfest en við komum brosandi hringinn út af gigginu.

Myndir: Adelina Antal

Reykjavíkurdætur verði hreyfing sem lifir

Það er engin ákveðin stefna hjá Reykjavíkurdætrum að sögn Sölku en hún vill sjá þennan félagsskap verða að sterku kvenfélagi og haldi sér sem hreyfing fyrir stelpur sem langar að rappa. „Við erum oft spurðar hvort við séum að djóka en við erum ekkert að djóka. Þetta er bara hreyfing eða regnhlífasamtök eða jafnvel kvenfélag. Það eru svo margir í öðru sem hittast síðan í Reykjavíkurdætrum. Ég, Tinna og Blær erum hópur innan Reykjavíkurdætra og vorum valdar bæjarlistamenn Kópavogs í sumar. Við vitum ekki hvort það komi plata. Eina sem ég vona er að þetta verði eitthvað batterí sem haldi áfram þannig að 12 ára stelpur í dag verði Reykjavíkurdætur eftir 10 ár og verði þetta búið að endurnýjast eins og hreyfing. Ef stefna Reykjavíkurdætra breytist er það bara allt í lagi því við unga fólkið eigum að ögra. Ef enginn myndi ögra værum við ennþá að fangelsa samkynhneigt fólk og konur gengu kannski ekki í skóla.

Radíusfluga í uppáhaldi

Það vita kannski ekki allir að leikarinn Hjálmar Hjálmarsson er pabbi Sölku. Hjálmar hefur verið fyrirferðamikill í gegnum tíðina og hefur leikið í áramótaskaupum, sjónvarpsþáttum, leikritum og svo mætti lengi telja.

„Ég fór rosalega mikið í leikhús sem krakki. Mér fannst svo gaman að við mamma gátum aldrei setið úti á enda því annars hljóp ég bara upp á svið. Mér fannst mjög gaman þegar hann var í áramótaskaupinu og að tala inn á Toy Story og svona en ég ætlaði samt aldrei að verða leikari heldur ætlaði ég frekar að verða kennari eins og mamma. Ég hafði mjög gaman að honum sem Haukur Hauksson í Ekki fréttum. En uppáhalds atriðið mitt með pabba er þegar hann lék í skets með Radíusbræðrum þar sem hann er að selja þorrabakka með súrum hrútspungum. Þetta fannst mér fyndnast í heimi þegar ég var lítil og er ennþá grínast við matarborðið hvort til dæmis franskarnar séu þorrafranskar.“

Talar mest fyrir stráka og vondar stelpur

Ferill Sölku í fjölmiðlum er hreint ekki langur þó hún hafi verið áberandi á árinu. Hún sást fyrst á sjónvarpsstöðinni Bravó en þar öðlaðist hún dýrmæta reynslu í þættinum Bravó í beinni. „Ég hef mikla reynslu í að lesa inn á teiknimyndir eins og Mæju býflugu, Lego Movie, Skrímsli Ehf og Plains. En síðan var ég beðin um að lesa inn á prufuauglýsingar fyrir Subway og var röddin mín valin. Ég fór þá upp á Bravó til að hitta Simma (Sigmar Vilhjálmsson) og ræða laun fyrir Subway-auglýsingarnar. Þá fór

Stúdentablaðið október 2014 hann að spyrja mig út í hitt og þetta og sagði að ég ætti heima í sjónvarpi og bauð mér vinnu. Ég er þakklát fyrir það traust sem ég fékk. Ég var ekki á leiðinni í sjónvarp en hafði hugsað mánuði áður að það væri gaman að vinna í dagskrárgerð. Þá voru uppsagnir á RÚV svo ég pældi ekkert meira í því.“

Heyrði Dodda tala um að það vantaði stelpu

Bravó-ævintýrið varð mjög stutt og fór svo að 365 keypti stöðina af Simma og félögum. Salka var þá ekki viss um næstu skref en heyrði, óvart að hennar sögn, Dodda (Dodda litla) tala í símann um svolítið sem henni fannst áhugavert. „Ég kynnist Dodda á Bravó og ég heyrði hann einu sinni tala í símann um að þeir væru að leita að konu til að leysa af um sumarið á Rás 2. Eftir að hann var búinn í símanum sagði ég „pick me, pick me,“ eins og lítill krakki enda langaði mig mjög mikið á Rás 2. Ég fór síðan að leysa Virka morgna af með Dodda í þættinum Sumarmorgnar og fannst það virkilega gaman. Ég hlakkaði alltaf til þess að mæta í vinnuna og gera eitthvað skemmtilegt fyrir þáttinn og byrjaði með Rappuppið þar sem ég rappaði fréttir vikunnar á föstudögum. Þetta allt varð síðan til þess að Frank (dagskrárstjóri Rásar 2) bauð mér að koma inn í Popplandið.

„Aðrir pæla meira í því að ég sé kona“

Kvenmenn hafa ekki verið áberandi í þáttastjórnandastólum Popplands í gegnum árin og þaðan af síður hafa konur verið áberandi sem rapparar á Íslandi. Salka segist þó pæla lítið í þessum hlutum sjálf og finnst fólk oft velta kvenhlutverkum of mikið fyrir sér. „Ég er ekkert, já, að núna sé kona komin í Popplandið. Við erum þrjú sem vinnum náið saman og eru þeir Matti og Óli

Palli búnir að vera ótrúlega næs og kenna mér á allt þarna og er ég bara endalaus þakklát fyrir að fá þetta tækifæri. Ég er síðan líka með þáttinn Hanastél með Dodda á laugardögum og er þetta virkilega gaman. Þegar ég var lítil tók ég upp á kassettur og æfði mig í að kynna lög sem er fáránlegt því ég ætlaði mér aldrei að verða útvarpsmaður. Ég grúskaði samt mikið í tónlist og fékk pabba til að kaupa fyrir mig geisladiska. Ég hafði líka mjög gaman að því að kynna lög fyrir fólki.

„Ég ætlaði mér aldrei að verða útvarpsmaður.“ Mér finnst aðrir pæla meira í því að ég sé kona. Það þarf ekki alltaf að taka það fram að maður sé kona eða karl. Auðvitað erum við mismunandi en í sumu skiptir það engu máli. Í ótrúlegustu hlutum þarf maður að taka það fram hvort maður sé karl eða kona eins og þegar maður er að fá sér e-mail eða eitthvað. Eftir að ég byrjaði í útvarpinu hefur fólk verið að koma til mín og segja að ég sé flott og sterk kona en ég er bara nákvæmlega eins og ég er en það tók samt mörg ár að leyfa mér að vera alveg ég. Stundum þegar ég hugsa um þetta skil ég ekki alveg hvernig þetta gerðist. Maður þarf ekkert að vera feiminn við það að viðurkenna að maður hafi hæfileika. Það er oft þannig, sérstaklega hjá konum, að það er einhver innprentuð hógværð sem þarf alltaf að passa sig á. Ég hef stundum sagt að ég sé „late bloomer“ en það er líka bara kostur því þó það hafi tekið mig langan tíma að finna mig þá fannst mér ég samt finna hina réttu mig.“

Stúdentablaðið október 2014

Myndir þú ferðast til Palestínu? Ég lofa þér því að Palestína er hundrað sinnum áhugaverðari en Full Moon partí, og ódýrara. Þegar ég var þar í sumar fann ég fyrir því að Palestína var smám saman að opnast fyrir túrisma. Ekki furða, enda margt þar að sjá og upplifa. T.d. Höll Hishams í Jeríkó, fornu borgirnar Jenin og Betlehem, borgarvirkið í Jerúsalem, rústir Sebastíu og Dauðahafið. Teið og maturinn er ljúffengur en það besta er að höfuðskyndibitinn er heimalagaður hummus. Heimamenn eru yndislegir og hikuðu ekki við að bjóða okkur fölu, bláeygðu vinkonunum inn í rjúkandi heitan drykk og rabb um lífið og tilveruna. Fyrst ég var að álpast utan alfaraleiðar túrismans fannst mér kjörið að taka þátt í lífinu með heimamönnum. Ég tók þátt í hungurverkfallsmótmælum í Ramallah, höfuðstað Vesturbakkans, og Bil’in. Friðsælir mótmælendur voru þar á móti alvopnuðum hermönnum

úti á sléttu. Þeim fannst kjörið að tækla okkur niður með táragasi eins og er algengt hjá hernum. Sorglegt en satt þá er þetta daglegt brauð. Eins truflandi og þetta kann að hljóma, þá mæli ég samt sem áður með þessu.

„Þeim fannst kjörið að tækla okkur niður með táragasi eins og er algengt hjá hernum.“ Ef tillaga mín er of háskaleg fyrir þig þá er vel þegið að slást í för með heimamönnum í ólífutínslu í október en Palestínumenn hafa lifibrauð af ólífuræktun. Það er róandi að dunda sér við að tína fallega sívala nammið af tré sem tekur 500 ár að vaxa. Í þokkabót veitir þú heimamönnum vernd við tínsluna með nærveru þinni. Hermenn eru

Stefanía Dóttir Páls

oftast ekki langt undan. En óttastu ei, það mun að öllum líkindum ekkert henda þig. Ísraelsher er ragur við að gera útlendingum illt því þeim er mikið í mun við að komast hjá alþjóðaumfjöllun um óréttlætið sem þeir beita á herteknu svæðum Palestínu, enda kolólögleg aðskilnaðarstefna á þeim svæðum. Ekki misskilja mig. Mér leið sjaldnast eins og ég væri í hættu. Það virðist oftast vera þannig að þegar þú ert komin á ákvörðunarstað venstu aðstæðum furðufljótt og líður eins og heima hjá þér, þrátt fyrir að þú sért á herteknu svæði eins og Palestínu. Ekki ennþá sannfærð/ur um kosti þess að gerast ferðamaður í Palestínu? Hittu mig í kaffi og ég skal segja þér frá snilldinni sem býr að baki. Hafir þú svo áhuga á því að starfa á Vesturbakkanum í þágu réttlætis, vil ég benda á samtök eins og ISM, sem vinna þarft og óeigingjarnt starf á svæðinu.

Stúdentablaðið október 2014

Hefur þú heyrt um Menningarfélagið?

Menningarfélag Hí er félag framhaldsnema í menningargreinum við Íslensku- og menningardeild. Félagið stendur fyrir ýmis konar viðburðum en þar má nefna kvikmyndasýningar, umræðufundi, leshringi og málþing. Tilgangur félgsins er að styrkja stöðu menningagreina innan Háskóla Íslands og efla fræðilega umræðu. Menningarfélagið var upphaflega stofnað út af þörf fyrir samtal milli nemenda. „Þetta er góður vettvangur til að tala um námið. Þegar komið er út í þessi fræði getur maður ekki endalaust talað við fjölskyldu og vini um það sem maður er að læra og þá er fínt að hitta aðra sem eru á svipuðum stað,“ segir Þórdís Rósmundsdóttir stjórnarmeðlimur.

Spennandi viðburðir framundan

Verkefni síðustu ára hafa verið vel sótt og er markmið félagsins að halda áfram að skipuleggja spennandi viðburði. Næsti viðburður er málþing um myndasögur 7. nóvember með skemmtilegri og fræðandi dagskrá. „Við hvetjum alla til að kíkja á málþingið okkar. Aðgangur er að sjálfsögðu ókeypis en hægt er að fá nánari upplýsingar á fésbókarsíðu félagsins, Menningarfélagið. Einsaklingar á meistaraog doktorsstigi og einn úr listahákólanum fjalla

um myndasögur og rannsóknir sínar. Við stefnum að því að vera með málþing á næsta ári líka,“ segir Sólveig Ásta Sigurðardóttir, formaður félagsins. Nemendur þurfa ekki að skrá sig í félagið né borga félagsgjöld svo að allir menningarþyrstir háskólanemar geta notið viðburða félagsins með bros á vör.

„Við hvetjum alla til að kíkja á málþingið okkar.“ Sirkústjaldið

Sirkústjaldið er vefrit tveggja nemendafélaga við Háskóla Íslands, Artímu (félag listfræðinema) og Menningarfélagsins. Á vefritinu eru birtar greinar, viðtöl og pistlar sem tengjast listum og menningu. Sirkústjaldið er vettvangur fyrir fólk til þess að koma hugðarefnum sínum sem tengjast menningu og listum á framfæri. Öllum er velkomið að senda ritstjórn vefsins greinar og annað efni sem tengist listum og menningu. Margrét Björg Ástvaldsdóttir

Stúdentablaðið október 2014

FIMBULFAMBIÐ Hversu vel ertu að þér ertu í okkar ástkæra ylhýra máli? Geturðu giskað á rétt svör við þessum sjaldgæfu orðum? Svarlykilinn finnur þú hér að neðan.

1. Englabellir

4. Skyndiklauf

a) Fingur á börnum b) Makkarónur c) Vindlingar

a) Lauslát stúlka b) Kind sem ber utan hefðbundins sauðburðar c) Saumspretta

2. Skriðköttur a) Kraftlítill bíll b) Lítill og lipur skriðdreki c) Sá sem alltaf nær prófum með lágmarkseinkunn 3. Pennaljómi

5. Hordálkur a) Grindhoraður maður b) Vasaklútur c) Að vera með hor niður úr báðum nösum

a) Gott ljóðskáld b) Maður með fallega rithönd c) Blek í penna

Mynd: Vísindavefur HÍ – Orð fengin að láni úr samnefndu spili

Svarlykill: 1.b, 2.c, 3.b, 4.a, 5.a

Stúdentablaðið október 2014

Mynd: Adelina Antal

Hefur þú tilhneigingu til þess að fresta? Vantar þig aðstoð við tímaskipulagningu? Margir kannast við það að fresta því að taka bensín á bílinn eða skila bók á bókasafnið en einnig kannast margir nemendur við það að fresta því að vinna verkefni þar til á síðustu stundu. Í ljós hefur komið að stór hluti háskólanemenda hefur einhverja tilhneigingu til að fresta því sem þarf að gera. Frestunin getur haft misalvarlega afleiðingar í för með sér og valdið einstaklingum vanlíðan. Ástæður þess að einstaklingar fresta geta verið ýmis konar, og geta tengst vinnubrögðum í námi, tímastjórnun og skipulagningu. En er hægt að losna undan því að fresta sífellt hlutunum? Svarið er JÁ! Hjá NSHÍ geta nemendur fengið aðstoð við vinnubrögð í námi, tímaskipulag og aðra þætti sem hjálpa til við að losna undan frestunartilhneigingu. Hægt er að bóka viðtal hjá Náms- og starfsráðgjafa eða koma í opinn viðtalstíma. Opnir viðtalstímar eru mánudaga til fimmtudaga frá kl. 13-15.30

og á föstudögum frá kl. 10-12. Auk þess eru haldnir örfyrirlestrar í hádeginu um frestun á hverju misseri. Á námstækninámskeiðum sem NSHÍ býður upp á er einnig fjallað um frestun, auk annarrar gagnlegrar umfjöllunar. Auk þess eru á heimasíðu Náms- og starfsráðgjafar, www.nshi.hi.is, gagnlegar upplýsingar sem nemendur geta nýtt sér við tímastjórnun og skipulagningu í námi, sem og til þess að bæta vinnubrögð sín til þess að losna undan því að fresta því sem þarf að gera. Inga Berg Gísladóttir, Náms- og starfsráðgjafi, NSHÍ

En er hægt að losna undan því að fresta sífellt hlutunum? Svarið er JÁ!

Stúdentablaðið október 2014

UPPSKRIFTASÍÐA Döðluhrákaka með vanillurjóma (Karenarkaka)

Kjúklingasalat í sparifötum

Uppskrift af www.matargledi.com Fyrir 4-8 manneskjur

Uppskrift af www.matargledi.com Fyrir 4-5 manneskjur Þetta salat er tilvalið þegar vinkonuhópurinn hittist og gerir sér dagamun. Við hefðbundið salat blandast dásamlegur kjúklingur með austurlensku ívafi og sætar hunangsristaðar pekanhnetur. Algjört gómsæti!

Hrákaka hljómar kannski ekkert svo vel en þér mun líklega snúast hugur þegar þú hefur smakkað þessa bombu sem fæddist í höfðinu á Halldóru Sigríði Halldórsdóttur, ferðamálafræðinema við HÍ og matarbloggara á www.matargledi.com. Kakan er fljótleg, einföld og mun pottþétt slá í gegn, þótt hún sé holl! Botn 1 bolli döðlur 1 bolli gróft kókosmjöl 1 bolli pekanhnetur 3 - 5 msk kakó 1/2 tsk vanilludropar Örlítið salt

Kjúklingurinn 1 bakki kjúklingalundir 1 dl olía 1 dl teriyakisósa 1 tsk cuminduft 1/2 tsk kóríanderduft 1 tsk salt 1 tsk svartur pipar 3 msk Worchestersósa 15 döðlur

Karen Sigurbjörnsdóttir

Mynd: Anna Bára Unnarsdóttir

Leggið döðlurnar í bleyti á meðan öll hin innihaldsefnin eru unnin saman í matvinnsluvél eða með töfrasprota. Bætið því næst döðlunum við ásamt örlitlu vatni svo blandan haldist betur saman. Setið blönduna í kökuform, á kökudisk eða slíkt, mótið og þjappið vel. Vanillurjómi 1 1/2 dl rjómi 200 gr vanilluskyr 1/2 askja bláber (nú eða hvaða ber sem er) Þeytið rjómann þar til hann er nálægt því að vera alveg stífur. Bætið þá skyrinu við og blandið saman við rjómann. Hellið blöndunni yfir botninn og kælið kökuna í stutta stund. Dreifið ferskum berjum yfir kökuna rétt áður en hún er borin fram.

Hreinsið kjúklinginn, skerið hann í hæfilega stóra bita og komið honum fyrir í eldföstu móti. Blandið olíunni, teriyakisósunni, Worchestersósunni og kryddunum saman í skál, hellið blöndunni yfir kjúklinginn og látið hann marinerast í um 30 mínútur. Skerið döðlurnar í grófa bita og dreifið yfir kjúklinginn að þrjátíu mínútnum liðnum. Eldið þá kjúklinginn í ofni í um 20 mínútur við 200°C hita. Salatið 1 bakki Babyspínat 1 bakki salatblanda 1/2 bakki lambhagasalat 1 rauð paprika 1/2 gúrka 1 mangó

Mynd: Adelina Antal

Skolið grænmetið og skerið í hæfilega stóra bita. Uppskriftin gefur aðeins hugmynd að því sem hægt er að nota í salatið og því um að gera að nota hugmyndaflugið og breyta og bæta eftir smekk! Hunangsristaðar pekanhnetur 100 g pekanhnetur 2 msk hunang Saxið pekanhneturnar í grófa bita og ristið á pönnu ásamt hunanginu þar til hneturnar eru þaktar hunangi. Dreifið hunangsristuðu hnetunum yfir salatið rétt áður en það er borið fram.

Stúdentablaðið október 2014

Fíknin mín Það var fallegt sumarkvöld. Ég lá í sófanum og horfði á HM í fótbolta. „Ætlarðu að horfa á alla leikina?” spurði betri helmingurinn. Mér fannst spurningin fáránleg. „Ætlum við ekki að gera neitt saman?” hélt hún áfram. Ég svaraði að hún gæti auðvitað horft á leikinn með mér. Bætti svo við að það væri stutt síðan við gerðum eitthvað saman. Reyndar mundi ég ekki nákvæmlega hvað það var en það er önnur saga. Aðstæður sem þessar eru ekki einsdæmi á mínu heimili. Kannski er það skiljanlegt þegar annar sambýlingurinn er fótboltafíkill og hinn veit ekki hver Þormóður Egilsson er. Ef ég er ekki að tala við sjálfan mig um leikinn sem ég var að horfa á er ég að hugsa um næsta leik sem ég fer á eða rökræða við tölvuna um eitthvað sem gerðist í síðasta leik. Maður verður að tala um leikinn þegar honum lýkur og ekki get ég talað um hann við sambýlinginn. Veggurinn heldur uppi betri samræðum um fótbolta. Ég held með tveimur liðum. Annað liðið er stórveldi sem berst um bikara og á að geta unnið hvaða lið sem það keppir við. Þetta er KR. Að fara á KR völlinn, upplifa stemninguna og fagna sigrum er frábært. Oftast geng ég brosandi heim eftir leik í Frostaskjólinu. Hitt liðið er algjört meðallið sem mér finnst að geti tapað fyrir flestum og hefur einungis unnið tvo bikara síðan ég fæddist. Þetta er Tottenham. Að horfa á Tottenham spila kostar oft grátur

og gnístran tanna. Þar af leiðandi finnst mér mun skemmtilegra að fylgjast með íslenska boltanum en boltasparki erlendis. Þess vegna getur eflaust tekið á að búa með mér á sumrin. Sérstaklega eins og síðasta sumar þegar stórmót í knattspyrnu bætist við hið venjulega áhorf. Þann mánuð sem heimsmeistaramótið stóð yfir horfði ég á nánast alla leikina og fór einnig á flesta leiki KR. Það er því ekki að ástæðulausu sem vor og sumur er bestu tímar ársins. Sólin er hátt á lofti, veðrið er gott og KR vinnur leiki. Reyndar kemur fyrir að veðrið og sigrarnir skili sér ekki að fullu en það er undantekning. Ég get vel ímyndað mér að það sé nánast óþolandi að búa með mér stundum. Af svipuðum ástæðum er síðasta umferð Íslandsmótsins versti tími ársins. Ekki nóg með að skammdegið og vonda veðrið séu framundan næsta hálfa árið heldur er líka hálft ár í að ég geti hætt að gnístra tönnum og rölt aftur á leik í Frostaskjólinu. Það er gott að halda með góðu liði. Á sumrin kem ég yfirleitt brosandi heim eftir leik og segi veggnum frá því hversu frábær leikurinn hafi verið. Veturnir geta verið önnur saga. Þá reyni ég stundum að skalla vegginn. En fíknin gæti verið verri en fótbolti. Ég gæti verið háður eiturlyfjum, ofbeldismaður eða eins og einhver sagði við mig um daginn: „forfallinn hnífaáhugamaður.” Eða það sem væri verst. Ég gæti verið Valsari. Jóhann Ólafsson

Stúdentablaðið október 2014

Endurfæðing femínistafélagsins Eftir nokkurra ára dvala var Femínistafélag Háskóla Íslands nýlega endurvakið og er það þegar farið að láta til sín taka. Heiður Anna Helgadóttir, formaður félagsins og Ásrún Ísleifsdóttir, almannatengill þess, deila hér með okkur hugmyndum sínum um félagið, femínisma og hvernig á að fá boltann til að rúlla. Hinir ógnvænlegu femínistar

„Fólk vill ekki kalla sig femínista, það þykir eitthvað neikvætt orð,“ segir Anna og bætir við að jafnvel fólk sem aðhyllist jafnrétti kynjanna virðist hrætt við að nota þetta ákveðna hugtak. Hún segir það eitt aðal verkefni félagsins að standa fyrir vitundarvakningu um femínisma og vinna á þeirri neikvæðu merkingu sem hefur verið hlaðið á hugtakið. Félagið vonast til að fá fólk til að kynna sér hvað það er í rauninni að vera femínisti... og jafnvel að þora að nota orðið um sjálft sig. Eitt af fyrstu verkefnum vetrarins er myndaþáttur þar sem farið er um háskólasvæðið og fólk á förnum vegi spurt út í afstöðu sína til femínisma. Valið á viðmælendum er mjög fjölbreytt og svörin við spurningum um femínisma eftir því. „Það eru margir sem trúa á jafnrétti kynjanna en vilja ekki kalla sig femínista af því þeir hreinlega vita ekki hvað orðið þýðir,“ segir Ásrún.

Femínismi úr öllum áttum

Í ár situr fjölbreyttur 14 manna hópur í stjórn Femínistafélags HÍ. Þetta er fólk með mismunandi áherslur, mismunandi skilning á femínisma og auðvitað misjafnlega róttækt. Anna segir að það sé mikill kostur að ekki séu allir að hugsa það sama. „Fólk er með einhverja ákveðna hugmynd um hvernig femínisti lítur út,“ segir hún. „Það er bara fáránlegt. Femínismi er fyrir alla. Við þurfum alls konar fólk til að halda baráttunni áfram. Þú ert kannski sammála konseptinu en ósammála því

Mynd: Adelina Antal

hvernig fólk fer að því. En það þýðir samt ekki að þú sért ekki femínisti.“ Fljótlega mun stjórnin fara af stað með greinaskrifaátak þar sem ýmsir meðlimir skrifa reglulegar greinar um hinar mörgu hliðar femínismans. „Við förum náttúrulega yfir greinanrnar til að vera viss um að þetta sé eitthvað sem við viljum birta undir okkar nafni,“ segir Ásrún. „En þetta á að koma úr öllum áttum.“

Jafnrétti fyrir alla

Á jafnréttisdögum stóð Femínistafélagið fyrir fyrsta Bechdel bíói vetrarins ásamt Q – félagi hinsegin stúdenta og Rýni – félagi kvikmyndafræðinema. Anna og Ásrún eru jákvæðar fyrir að vinna frekar með öðrum félögum innan háskólans, eins og til dæmis Rýninum og Q. Margar femíniskar hreyfingar hafa verið gagnrýndar fyrir að gleyma eða hunsa réttindabaráttu undirskipaðra hópa. „Það er búið að vera mikið í umræðunni að femínismi snúist ekki lengur bara um konur og karla,” segir Anna. „Samfélagið er alltaf að verða opnara eða kannski kynjalausara. Það eru ekki einu sinni allir sem skilgreina sig sem karl eða konu. Þess vegna er kannski farið að vera óþægilegt að tala alltaf bara um karla og konur.“ „Það sem við erum að berjast fyrir,” segir Ásrún, „er jafnrétti fyrir alla.“ Eva Dagbjört Óladóttir

Stúdentablaðið október 2014

Smásagnakeppnin

100 ORÐ

Í hverju blaði í vetur verður ritlistarkeppni. Að þessu sinni voru efnistökin frjáls en formið ekki, því hver saga varð að vera akkúrat 100 orð. Alls tóku 29 manns þátt og sumir þeirra með fleiri en eina sögu. Við fengum rithöfundinn Stefán Mána til að dæma og bar sagan Einnota vinur sigur úr bítum en höfundur hennar er Dísa Bjarnadóttir en í verðlaun fær hún gjafabréf frá Bókabúð máls og menningar. „Einnota vinur vinnur á stigum (laus við tæknigalla). Skemmtileg og súr saga, mjög saklaus og „ómerkileg,“ en líka sérstök og eftirminnileg. Eins og sögumaðurinn held ég að ég eigi oft eftir að hugsa um söguna, atburðinn, og þennan mann sem ég hef þó aldrei hitt. Flott sviðsetning, einföld lýsing og góð frásagnartækni. Hér er kominn Truman Capote Íslands; meistari hins smáa,“ sagði dómarinn dularfulli. Það var þó önnur saga sem heillaði Stefán best en hann hafði sínar ástæður fyrir því að velja hana ekki sem sigur söguna. „Botnlangi ER besta sagan en það er leiðinlegt málfar í henni. Ég myndi hafa fyrstu línuna svona: Ég get svo svarið að það var skilti … s.s. sleppa fyrra „það“, og svo er óþarfa „þá“ í næstu línu. En þá eru tvö orð farin og 98 eftir en ekki 100! Mikið hugmyndaflug, flott örsaga og óvæntur/skemmtilegur endir – frumleg hversdagssaga með sniðugu twisti.“ Höfundur Botnlanga er Fjalar Sigurðsson. Við hjá Stúdentablaðinu óskum Dísu til hamingju með sigurinn í þessari keppni og þökkum öllum höfundum fyrir þátttökuna. Hér má sjá umræddar sögur sem og aðrar sem þóttu hvað bestar að þessu sinni.

Einnota vinur

Mér fannst hann skrítinn frá því ég sá hann fyrst. Við vorum einu útlendingarnir í þessu fjölmenni svo við urðum vinir, án þess að eiga neitt sameiginlegt. Hann elskaði að hlusta á sjálfan sig tala. Lét dæluna ganga og ég þóttist hlusta. Við hittum sæta stelpu og byrjuðum að spjalla við hana. Hann varð ennþá tilgerðarlegri. Mér leið illa fyrir hans hönd vegna þess hvað hann var nervös. Þegar hann byrjaði að tala fraus hægri höndin á honum í miðju lofti. Hún varð að hálfopinni krumlu. Það var eins og hún héldi um ósýnilegan heldrimannastaf. Ég hugsa oft um þetta. Dísa Bjarnadóttir

Botnlangi

Ég get svo svarið það að það var skilti fyrir botnlanga efst í götunni en ég get samt ekki svarið fyrir það því stundum þá er eins og þessi skilti séu staðsett á þann hátt að enginn eigi að sjá þau fyrr en viðkomandi, eins og ég, er kominn inn í enda götunnar og horfir fram á það að þurfa snúa bílnum við með því að bakka inn

í innkeyrslu hjá einhverju saklausu fólki sem sér bjarmann af bremsuljósunum í stofuglugganum sínum, hoppar upp úr sófanum og hendir frosnum kleinum í örbylgjuna því að það á von á síðbúnum gestum. Fjalar Sigurðsson

Kærleiksríkt og hamingjusamt samfélag

„Ég er fjallið sem þú þarft að klífa yfir, ég er mýrin sem þú þarft að skríða í gegnum, ég er hafið, djúpt, kalt og skerandi. Ég er eldurinn sem brennur innan í þér, ég er lausnari þinn og bjargvættur.“ Sagði opinberi starfsmaðurinn um leið og hann tók í handfangið og sendi óharðnaðan unglinginn á kvalarfult ferðalag sinnar eigin hamingju. Fyrir ekkert allt svo löngu uppgötvuðu raunvísindamenn Háskólans lykilinn af hamingju; það eina sem þarf að gera, er að láta fólk verða fyrir mjög alvarlegu áfalli. Síðan er því hjálpað að vinna úr sínum málum og þannig verður fólk hamingjusamt. Heiðar Högni Guðnason

Í hár saman

Brjánn sat við tölvuskjáinn í eigin hugsunum. Hann var að hugsa um lausn svo að klikkaða kattarkonan í kjallaraíbúðinni fylli ekki þvottavélina hans aftur af kattarhárum. Sameiginlegt þvottahús var nefnilega eitthvað sem Brjánn hélt að yrði ekki vandamál þegar hann keypti þessa sjúskuðu risíbúð. Svona hátt uppi hélt hann að fuglar gætu orðið hvimleiðir, ekki kattarkonur. Á tölvuskjánum var keppni um fallegasta íslenska orðið, en fyrst vildi hann henda í þvottavélina áður en hann tæki þátt. Með þvottakörfuna í fanginu mætti Brjánn kattarkonunni í stigaganginum og skyndilega fann hann hugmynd að fallegasta orðinu og um leið lausn á vandamálinu: Kynlíf. Daníel Guðmundur Daníelsson

EYJAN

-Segðu mér söguna. Segðu mér söguna um eyjuna. -Það var eyja á köldum flóa. Og þar var löngum búið þar til landið hafði betur. -Segðu mér af dansinum. -Og þar voru stundum haldnir dansleikir á vorin í húsi sem er núna bara mosagrónar tóftir. Og einu sinni, einu einu sinni fékk ég að vera með, og mamma útbjó á mig pils úr gömlum gluggatjöldum. ...Nú dunar enginn dans þar en þegar gott er skyggni sjást húsin þar frá landi... -Hvar eru þau? ...þú sérð þau þar sem sólstafirnir koma niður og tjöldin blakta í golunni þó allt sé löngu þagnað. Jóna Kristjana Hólmgeisdóttir

Stúdentablaðið október 2014 Hundrað orða harmleikur

Nú verður sögð saga af ungum elskundum, sem eyddu saman öllum sínum frístundum. Þar til að dag einn hún vaknaði, og hans líkamshlýju hún saknaði. Hann lá þó henni við hlið, og í andliti hans mátti greina frið. Frið frá öllu þessu rugli, en þau höfðu kynnst á BUGL-i. Pillurnar lágu á víð og dreif, á meðan sál hans yfir rúmið sveif. Harmslegin hún ákveður hann að elta, og pillurnar byrjar að melta. Hún tekur inn sífellt meira og meira og hvíslar í hans kalda og lífvana eyra: „Nei elskan, okkur verður aldrei sundrað“ Ekki fyrr en orðafjöldinn nær eitthundrað. Arnar Gunnarsson

Tálsýn

Þú fórst eins fljótt og þú birtist. Græna druslan þín hvarf með þér inn í rykskýið og það litla sem ég náði að kveðja voru sandkornin sem þyrluðust í augun mín. Aðeins ef þú værir tálsýn. Tálsýn sem fæddist úr þrotlausum einmanaleika mínum sem kyndilberi í þessu nyrsta svartholi. Tálsýn sem braut speglana mína og sagði mig fallega, sem þaggaði raddirnar sem þóttu mig ljóta og brenndu fingurna sem vildu aðeins snerta. Tálsýn sem nú birtist í tárum mínum en hlutgerist í hvert sinn er ég finn kröftug spörkin frá litla dansaranum okkar. Nú ert þú raunverulegri sem aldrei fyrr. Krista Alexandersdóttir

Kvöldið

Ég sé logann draga seinasta andardráttinn,hikandi áður en hann snýr sér á hliðina og grúfir sig niður í myrkrið. Ég hugsa til þín, ég hugsa til kvöldsins þegar hendur þínar blæddu gylltum stjörnum ofan á spegilsléttann hafflötinn. Kvöldið þegar tunglið fannst myrt á versta mögulega hátt og fjöllin gáfu frá sér óp. Steinarnir grétu, runnarnir skipulögðu flóttatilraun. Heyra mátti þungan andardrátt mosans sem þú traðkaðir á. Undir lokin læsti skugginn klóm sínum í augu okkar og skýldi okkur fyrir öllu illu. Heimurinn rankaði við sér í þöglu myrkri. Þegar myrkrið er gjaldmiðill friðarins, þarf ég aldrei að sjá þig aftur. Krista Alexandersdóttir

Mylkingur

Þegar ég kom inn í eldhúsið í morgun tók ég ekki strax eftir því. Ég stefndi beint að kaffivélinni og fékk mér sopa af beisku, sjóðheitu kaffi. Ég lagði það frá mér. Mér fannst veggurinn bunga svo undarlega út. Ég var gleraugnalaus svo ég færði mig nær, tók tvö skref aftur á bak, opnaði munninn en lokaði honum aftur. Þarna á eldhúsveggnum blasti við kvenmannsbrjóst, beinhvítt með bleika geirvörtu. Úr geirvörtunni draup eitthvað hvítt. Ég lét það drjúpa í lófann. Þefaði fyrst af, dreypti á og áttaði mig á að þetta var mjólk. Svo ég fékk mér út í kaffið. Anna Kristín Gunnarsdóttir

Frumburður

Svo fylltust brjóstin af mjólk og hjartað af ást og ég var með grátkökk í hálsinum milli þess sem ég grét hástöfum og þá rann mjólkin látlaust úr brjóstunum og flóði um mig alla og varð að klístri sem erfitt var að þvo úr fötum svo ég var stöðugt útötuð í blautum bol þó ég skipti um oft á dag. Barnið sem var undirmáls við fæðingu tútnaði út með magaverkjum og broddskitugulur niðurgangurinn angaði eins og ný taða í hlöðu og hamingjan var innilokuð í tveggja herbergja kjallaraíbúð í vesturbænum að vori. Ég man ekki hvort kom sumar þetta árið. Ásdís Ingólfsdóttir

Rangtúlkun

„Kona sem á svona gula úlpu hlýtur að vera hamingjusöm“, sagði ég glaðlega við konu sem var á leið ásamt mér út af bókasafninu. „Það er ekki það sem þú átt, heldur hvað þú gerir sem skiptir máli,“ svaraði hún og hvarf fyrir hornið í eldgosamistrinu sem lá yfir borginni. Nokkrum dögum seinna voru tveir sjúkrabílar og löggubíl á bílastæðinu fyrir neðan háskólann. Ég lagði bílnum og flýtti mér framhjá. Þeir voru að taka konu út úr bíl og leggja á sjúkrabörur. Ég sá skærgula úlpuermi. Ég tók eftir að hún var skínandi hrein. Þeir óku ljóslausir burt í regninu. Ásdís Ingólfsdóttir

Án titils

Þegar hendurnar hafa eytt deginum við margvíslega iðju úti í garði strjúka þær af sér moldina í rauðan tóbaksklút og grípa um vanga þína. Þær halda þér kyrrum. Þú komst bara út í garð til að dást að gladíólunum, en nú kemstu hvergi. Sólin skín á hendurnar. Skuggi teygir sig í átt til þín. Þig langar að smokra þér undan takinu. Þessar hrjúfu, skítugu hendur halda fast. Þær verða að segja þér svolítið. Þú reynir að mjaka höndunum til hliðanna, yfir bæði eyrun. Ekki víst að hendurnar geti þá sagt þér það sem þær vilja og þú vilt ekki heyra. Anna Kristín Hannesdóttir

Í næstu ritlistarkeppni er þemað öfgar og er hámarkslengd 500 orð á sögu. Nú má hver höfundur aðeins skila einni sögu. Framlög sendast á studentabladid2014@ gmail.com og er skilafrestur 13. nóvember.

Stúdentablaðið október 2014

5 BEST KLÆDDU KENNARAR OG STARFSMENN HÍ Margir kennarar og starfsmenn skólans kunna heldur betur að klæða sig. Stór hluti þeirra pælir í hverju þau klæðast á hverjum degi, sem gerði val Stúdentablaðsins á 5 best klæddu kennurum og starfsmönnum HÍ svo skemmtilegt. Einn starfsmanna HÍ tók bleika daginn í október algjörlega alla leið. Njótið!

Kristjana Hera Sigurjónsdóttir tók saman Myndir: Hólmfríður Dagný Friðjónsdóttir

Árelía Eydís Guðmundsdóttir

Elmar Hallgríms Hallgrímsson

Dósent, viðskiptafræðideild

Lektor, viðstkiptafræðideild

Magnús Diðrik Baldursson, Skrifstofustjóri rektorskrifstofa

Bjargey Anna Guðbrandsdóttir

Helgi Gunnlaugsson

Verkefnastjóri í umhverfis- og auðlindafræði

Dósent, félags- og mannvísindadeild

Stúdentablaðið október 2014

GÖTUTÍSKA HÍ Það er fátt skemmtilegra en að sitja á fjölförnum stað eins og á Háskólatorgi með kaffi í hendi og spjalla við samnemendur og vini, og spá í fólk og týpum. Þessir staðir eru margir innan háskólans og náð var á tvo nemendur sem eru með allt sitt á hreinu hvað tískuna varðar. Þeir eru Hanna Lind Garðarsdóttir og Oddur Sturluson.

Þegar ég kemst erlendis finnst mér gaman að versla í Urban Outfitters, Ginu Tricot og Cos en hérna heima versla ég eflaust mest í Zöru. Svo stendur H&M alltaf fyrir sínu. Uppáhalds flíkin mín í augnablikinu er þessi kápa úr Zöru, vel hana oftast fram yfir aðrar yfirhafnir sem ég á, þangað til veturinn skellur algjörlega á. Svo var ég að fá mér þessa skó og ofnota þá þessa dagana. Get ekki sagt að ég eigi sérstakt uppáhalds fatamerki en held mikið uppá Michael Kors þessa stundina.

Kristjana Hera Sigurjónsdóttir

Uppáhalds búðin mín er Drakes í London. Ég held að ég gæti bókstaflega keypt hvað sem er þar inni og verið ánægður með það. Versla kannski ekki mikið hérna heima en ég hef mikinn áhuga á tísku fyrir karlmenn. Skemmtilegt að segja frá því að ég rek fyrirtækið Sons ásamt vini mínum. Fyrirtækið selur aðallega aukahluti fyrir karlmenn, eins og bindi og slaufur. Uppáhalds flíkin mín akkúrat núna er þessi frakki. Hann passar vel, er hlýr og frá uppáhaldsmerkinu mínu Paul Smith.

Myndir: Adelina Antal

Hanna Lind Garðarsdóttir

Oddur Sturluson

Skór: 67 úr Kaupfélaginu. Buxur: Dr. Denim úr Deres. Bolur: Zara. Peysa: Michael Kors. Hálsmen: Hring eftir Hring. Kápa: Zara. Taska: Michael Kors. Húfa: American Apparel. Loð: Gyllti kötturinn.

Skór: Converse. Buxur: Paul Smith. Skyrta: Budd. Peysa: Cheap Monday. Jakki: Suitup Reykjavík (sérsaumaður). Frakki: Paul Smith. Gleraugu: Barton Perreira.

Mastersnemi í mannuðsstjórnun.

Mastersnemi í stjórnun og stefnumótun.

Stúdentablaðið október 2014

Mynd: Lilja Gylfadóttir

UNGAR ATHAFNAKONUR Ungar athafnakonur er nefnd sem stofnuð var í haust af Lilju Gylfadóttur, nema í viðskiptafræði við Háskóla Íslands. Nefndin vinnur að því að virkja ungar konur til þátttöku í atvinnulífinu og starfar sem nefnd undir Félagi kvenna í atvinnulífinu (FKA) en í það félag eru um 900 konur skráðar. Eftir að hafa sótt opna viðburði FKA með móður sinni sóttist Lilja eftir því, að eigin frumkvæði, að stofna nefnd sem ætluð væri ungum konum og starfaði undir FKA. Hugmynd hennar féll í góðan jarðveg og í kjölfarið var haldinn stofnfundur 30. september síðastliðinn og þangað mættu hátt í tvöhundruð ungar konur. Fjöldinn kom stjórnarmeðlimum nefndarinnar skemmtilega á óvart. Kristel Finnbogadóttir, Rakel Guðmundsdóttir, ég, Karen Ósk Gylfadóttir og Andrea Karlsdóttir

„Við bjuggumst aldrei við slíkum fjölda þegar við fórum af stað með verkefnið en fjöldinn sem mætti á stofnfundinn sýnir hve áhuginn er í raun mikill og hve félagið er þarft.” Nefndin Ungar athafnakonur er ekki nákvæm fyrirmynd Félags kvenna í atvinnulífinu heldur er hún að sögn Lilju; „Nefnd fyrir ungar konur sem stefna að því að ná langt og hafa

Ragnheiður Vignisdóttir

metnað fyrir sjálfri sér. Þarna fá ungar konur tækifæri til þess að mynda öflugt tengslanet, sækja áhugaverða og hagnýta viðburði og síðast en ekki síst njóta félagsskapar hverrar annarrar.“

Glæst framtíð

Markmið nefndarinnar er að hvetja konur á jákvæðan og uppbyggilegan hátt til þess að taka þátt í atvinnulífinu

Stúdentablaðið október 2014 og styrkja ungar konur til framtíðar. Það má með sanni segja að Ungar athafnakonur taki skref í átt að auknu jafnrétti kynjanna með tilkomu sinni. Sú hugsun og hugmyndafræði sem stjórnendur nefndarinnar ganga út frá er framsækin og eflandi.

„Þær standi upp fyrir sjálfri sér og séu meðvitaðar um eigin verðleika og jafnan rétt kynjanna.“

Á starfsári sínu stendur nefndin fyrir fimm viðburðum sem hafa fræðandi og hagnýt gildi. Öllum meðlimum nefndarinnar gefst kostur á að sækja þessa viðburði ásamt því að sækja viðburði FKA. Skráning í Ungar athafnakonur fer fram í á heimasíðu FKA. Ungar konur úr öllum námsgreinum geta sótt um aðild að nefndinni þar sem hún er ekki bundin við ákveðin svið heldur einstaklingsbundinn áhuga á atvinnulífinu.

HÁSKÓLINN Á SNAPCHAT

„Mín hugmyndafræði er sú að þarft sé að móta ungar konur áður en þær fara út á vinnumarkaðinn til þess að stuðla að því að þær sækist eftir sömu tækifærum og karlar, standi upp fyrir sjálfri sér og séu meðvitaðar um eigin verðleika og jafnan rétt kynjanna.

Þrátt fyrir að árið sé 2014 þá sýna staðreyndir að enn er margt sem gera þarf betur og af mörgu er að taka í jafnréttismálum,“ segir Lilja.

Taktu skjáskot af skemmtilegum snöppum úr HÍ og sendu okkur á studentabladid2014@gmail.com

Brandenburg

Stúdentablaðið október 2014

ORKA FYRIR ÍSLAND Orkusalan

422 1000

orkusalan@orkusalan.is

orkusalan.is

Hvort sem þú ert á höfuðborgarsvæðinu, í þéttbýli, dreifbýli eða hreinlega uppi á jökli þá sjáum við um að koma þér í samband. Vertu í stuði með okkur. Það er einfalt að koma í viðskipti hvar sem þú ert á landinu, með einu símtali í 422 1000 eða á orkusalan.is. Við seljum rafmagn — um allt land.

Raforkusala um allt land

Stúdentablaðið október 2014

Lífsins sársaukafulla leið Leikhúsgagnrýni: Konan við 1000°

Nína Hjördís Þorkelsdóttir

Einkunn: Leikstjóri: Una Þorleifsdóttir Leikarar: Guðrún Gísladóttir, Elma Stefanía Ágústsdóttir, Snorri Engilbertsson, Edda Björg Eyjólfsdóttir, Edda Arnljótsdóttir, Baldur Trausti Hreinsson og Pálmi Gestsson Höfundur: Hallgrímur Helgason Konan við 1000° var frumsýnd í Þjóðleikhúsinu 26. september síðastliðinn. Sýningin byggir á samnefndri bók Hallgríms Helgasonar.

Hún liggur í hrúgaldi af ferðatöskum og étur súrar gúrkur úr krukku. Konan, Herbjörg María Björnsson, kemur áhorfandanum fyrir sjónir sem trunta og sorakjaftur, einsamalt kerlingarhró sem býr í bílskúr. En Herbjörg Björnsson, Herra Björnsson, saup marga fjöruna á lífsleiðinni. Barnsskónum sleit hún í Kaupmannahöfn og Berlín á tímum seinni heimsstyrjaldarinnar. Hans faðir hennar var sonur Sveins Björnssonar, fyrsta forseta íslenska lýðveldisins. Hann var nasisti. Herra var hins vegar enginn nasisti og tólf ára gömul var hún úthrópuð sem föðurlandssvikari af þýskum hermanni. Herra sagðist sjálf hafa verið á skjön við þær aðstæður sem lífið skapaði henni hverju sinni. Hún var ýmist af röngu þjóðerni, röngu kyni eða með rangar skoðanir. Stríðið lék hana grátt og henni var nauðgað, hún svívirt og yfirgefin barnung af móður sinni. Haldreipi Herru í lífinu var handsprengja sem faðir hennar gaf henni. Sprengjuna mátti hún aðeins nota ef lífið lægi við en Herra gekk með hana í veskinu alla sína ævi. „Gæslumann eldsins,“ kallaði hún sig og hélt lífi í eldinum með því að hlífa sprengjunni en bregða fyrir sér kjaftinum. Í upphafi sýningarinnar pantar Herra sér tíma í líkbrennslu. Hún treystir sonum sínum ekki til þess að sjá um það en reynslan hefur kennt henni að treysta ekki neinum. Sérstaklega ekki karlmönnum. Það er augljóst að Herra er deyjandi manneskja; hún hóstar og er svo máttvana að leiðina á klósettið kallar hún „via dolorosa.“ Konan við 1000° er byggð á samnefndri bók Hallgríms Helgasonar en hann annast leikgerðina sjálfur. Sýningin er sýnd á litlu sviði, nánar tiltekið í Kassanum, sem rúmar aðeins hundrað og fjörutíu áhorfendur í sæti. Eflaust hefur það komið mörgum á óvart að leikrit sem byggt er á því stórvirki sem

bókin vissulega er skuli vera sett upp á svo litlu sviði. Hallgrímur veit þó hvað hann syngur og þessi útfærsla er vel heppnuð. Persóna Herbjargar er svo umfangsmikil að lítið svið hentar vel, áhorfandinn kemst nær henni og skynjar hana í öllu sínu veldi. Hin annálaða textasnilli Hallgríms nýtur sín jafnframt vel í sýningunni og þótt munnsöfnuður Herru sé hranalegur þá er hann líka stórkostlega húmorískur Leikarar sýningarinar stóðu sig með prýði. Karakter Herru, svo hrár og gróteskur en á sama tíma svo viðkvæmur og brotinn var stórkostlegur í meðförum Guðrúnar Gísladóttur. Elma Stefanía Ágústsdóttir gerði Herru ungri góð skil og leikur hennar var þroskaður þrátt fyrir ungan aldur. Samspil leikmyndar, búninga, lýsingar og tónlistar mynduðu jafnframt sannfærandi umgjörð utan um aðalpersónuna. Þrátt fyrir að leikritið hafi gengið prýðilega upp á litlu sviði finnst mér leikaraleysi vera umkvörtunarefni. Aukahlutverkin voru mörg en leikarar sýningarinnar aðeins sjö talsins. Þannig misstu sumar senur trúverðugleika sinn, til dæmis þegar Edda Björg Eyjólfsdóttir lék jafnöldru hinar ungu Herru eftir að hafa nokkrum andartökum fyrr verið í hlutverki móður hennar. Edda og aðrir leikarar leystu þetta þó ágætlega af hendi en ef ekki hefði verið fyrir fagmennsku leikaranna hefði þetta getað haft talsverð áhrif á gæði sýningarinnar. Niðurstaða: Konan við 1000° er hrífandi og áhrifamikil sýning. Leikarar í burðarhlutverkum fara á kostum og umgjörðin sannfærandi. Umfram allt er það þó konan sjálf, Herra, og allar hennar þúsund gráður sem skilja mest eftir sig.

Stúdentablaðið október 2014

Skóladagur í lífi Þórhalls Auðar Helgasonar Fimmtudagurinn minn 9. október hófst þannig að ég vaknaði sem draugur. ÚúúúÚÚúú. Drauginn særði ég síðan burt með kaffilögg en sökum þess hvað draugar hafa lélegt tímaskyn varð mér þá fyrst ljóst að ég væri orðinn of seinn. Í miklum hamagangi burstaði ég tennurnar og í æsingnum burstaði ég á mér tunguna með aðferð sem hreinsar hana með því að skafa efsta millimetrann af henni með handafli. Þetta var ekki ætlunin, enda hoppaði kaffið mitt upp úr maganum eftir stutta dvöl, baðaði tungu og tennur með brúnni magasýrulausn og hélt þaðan leið sinni áfram, að mestu leyti, ofan í vaskinn. Ég gerði ekki aðra tilraun til þess að bursta tennurnar. Ég hljóp þess í stað upp í Sal 1 í Háskólabíó og komst að því að það að mæta í miðjan tíma í línulegri algebru er smá eins og að byrja að horfa á Lost í 4. seríu. Í tímanum voru þrír nemendur sofandi í mínu nánasta umhverfi, einn af hverjum hraut. Þú veist hver þú ert. Samt líklega ekki. Ég sat í fyrsta sal Háskólabíós frá 8:20-11:30 þennan morgun

eins og aðra morgna fimmtudags, eitthvað sem ég hefði haldið að væri áhugaverðari reynsla á yngri árum en raunin hefur sýnt. Undir lok eðlisfræðitímans sem fylgdi algebrunni var mig farið að svima og verða frekar bumbult. „Ég er að verða veikur,“ hugsaði ég þungur á brún. Þegar ég var yngri man ég eftir því að hafa hugsað, ég er að verða veikur! og sál mín lyftist við tilhugsun um margra daga þátta-binge í rúminu. Aldurinn hefur eyðilagt þetta. Í ljós kom að ég þurfti bara að kúka öllu kaffinu, sem ég gerði í Tæknigarði (frábær klósett). Ég þvoði mér með eplahandsápu og alkógeli og lyktarafurðin kallaði fram minningar um morguninn eftir eplasnafsfyllerí í menntaskóla, sem bætti ekki úr skák. Allavega, ég fer að klára þessi rúmlega 300 orð sem ég hafði til að lýsa deginum mínum – og það í vitleysu. Ég faldi leynigjöf inni á einu klósettinu í Tæknigarði. Hún er klárlega ferðarinnar virði. Það er bara spurning hver verður fyrstur.

PÓSTKORT FRÁ SKIPTINEMA

mannlíf t mögnuð, iðandi ka ein hr g ve al er að rg bo i Þess af því sem ég nn ðuhvr t t ei og r fe ég m se ræ hvert itingahúsamenningin.þúHérfærð þér best að meta er vehv n drykk sem tapas ríkjum, fyrir eð, ersem er eitt af því sem gerir fylgir frír tapas m svo ódýra að búa í. Í Um þessa stúdentaborga í Granada sem er afar fámennt 300.000 manns bú inn rúmar um 80 þúsund nemendur. Bjarmi Grétarsson, ði miðað við að skólaf leiðandi í raun um skólann og 22 ára, 2 ár í félagsfræ r þa t ýs sn og in ir rg ild Bo Granada, Spánn. sjá mismunandi de á gangi um borgina má „campusa.“

Mynd: Adelina Antal

Stúdentablaðið október 2014

STJÖRNUSPÁ Birna Guðmundsdóttir

Steingeit 22. desember - 19. janúar: Góða steingeit. Hættur leynast á hverju strái þennan mánuðinn og þú ættir að vara þig sérstaklega á að gleypa ekki smáa hluti úr áli. Enda gæti það endað svo að þú þurfir að fara í uppskurð á skurðlækningadeild. Og þar verður enginn..

Vatnsberi 20. janúar - 18. febrúar:

Þú munt finna fyrir ákveðnum mótbárum á næstu vikum. En engar áhyggjur. Þú munt synda ótrauður áfram á móti straumnum og komast í gegnum mánuðinn. Hvernig? Reyndu að brosa eins og Hugh Grant eða Mariah Carey.

Fiskur 19. febrúar - 20. mars:

Friðláti fiskur. Sköpunarþörf þín er mikil og hringar Úranusar hafa aldrei verið í meira jafnvægi. Semdu ljóð og lestu þau í næsta fjölskyldumatarboði. Gamall frændi þinn mun ærast af hrifningu, sem stofnar til óviðjafnanlegrar vináttu ykkar á milli.

Hrútur 21. mars - 19. apríl: Þú eignast glænýtt húsgagn 3. nóvember.

Naut 20. apríl - 20. maí:

Viltu koma þér á framfæri? Svarið er einfalt, naut. Safnaðu hári.

Tvíburi 21. maí - 20. júní:

Það er gott að fara eftir eigin sannfæringu. Haltu áfram að sniðganga mjólkurvörur frá tilteknu fyrirtæki. Venus og Plútó liggja í 90° sunnan við sólu og staðfesta grun þinn. Þér líður betur í maganum. Þú ert með mjólkuróþol.

24.10.14 24.11.14 Krabbi 21. júní - 22. júlí:

Þig langar að prófa eitthvað nýtt. Hvernig væri að ögra sjálfum sér? Það hefur ekkert nema jákvæðar afleiðingar í för með sér! Prófaðu til dæmis að gefa kunningjum og fólki á förnum vegi hörkuleg ,,high five”. Fáirðu dræm viðbrögð við háttseminni gætirðu prófað að setja upp breitt bros og kalla ,,high five” mjög hátt framan í viðkomandi. Fólk mun taka eftir þér. Mögulegur framtíðarmaki þar á meðal.

Ljón 23. júlí - 22. ágúst:

Kæra ljón. Þú mættir hætta að taka lífinu svona alvarlega. Kíktu niður í bæ og skvettu aðeins úr klaufunum en varastu Framsóknarkonur á djamminu.

Meyja 23. ágúst - 22. september:

Þú ert í banastuði næstu vikur og ert fyrirhyggjusöm og framsýn. Gasrisinn Satúrnus liggur norðan við sólu og gargar á þig að huga að tvennu mikilvægu: lífeyrissparnaði og vátryggingum.

Vog 23. september - 22. október: Þú átt rétt á því að vera ósköp venjuleg manneskja með ósköp venjulega hæfileika. Mundu það.

Sporðdreki 23. október - 21. nóvember: Þig mun líklega dreyma Bengaltígur í þessum mánuði. En óþarfi að örvænta. Draumfarir um undarlegar dýrategundir marka ákveðin tímamót. Vertu óhræddur.

Bogmaður 22. nóv - 21. des:

Þú átt eftir að taka margar slæmar ákvarðanir í þessum mánuði. En YOLO!

Stúdentablaðið október 2014

KROSSGÁTAN

Silja Hrund Barkardóttir

Fylltu í reitina út frá vísbendingunum

Stúdenta tvist

Fylltu í reitina út frá vísbendingunum.

Stúdenta tvist

1 2

Fylltu í reitina út frá vísbendingunum. 3

1 2

5 6

11 13

12 13 14

Across 4. Jedi-meistarinn Jón 6. Ferð í nafni vísindanna 9. Valencia filter eða Earlybird filter eða Hudson filter 10. Hreðjasteinar Across 11. Selfie 13. Eldgos 4. Jedi-meistarinn Jón 14. Mileyí Cyrus dansinn 6. Ferð nafni vísindanna Harry 15. Örið á enni 9. Valencia filter eðaPotter Earlybird filter eða Hudson filter

Lárétt

10. 11. 13. 14. 15.

Hreðjasteinar Selfie Eldgos Miley Cyrus dansinn Örið á enni Harry Potter

Created on TheTeachersCorner.net Crossword Maker

Down 1. Sími sem er klár 2. Íslenskar loftbylgjur 3. Snýst um sólina eins og Bubbi Morthens Created on TheTeachersCorner.net Crossword Maker 5. @ 7. Down Yoko Ono til heiðurs John Lennon 8. Hvað liggursem þér áerhjarta? 1. Sími klár 12. #2. Íslenskar loftbylgjur 13. 'Rhymes 3. Snýstwith umjerk' sólina eins og Bubbi Morthens 16. Það sem Eyþór Ingi Eurovisionfari á 5. @

Lóðrétt

7. Yoko Ono til heiðurs John Lennon 8. Hvað liggur þér á hjarta? 12. # 13. 'Rhymes with jerk' 16. Það sem Eyþór Ingi Eurovisionfari á

Sendu frítt h m eim! S: 78 12345

Brandenburg

4G box

990 kr. /12 mán. 9.990 kr. stgr. Verð miðað við 6 mánaða þjónustusamning í áskrift af 50 GB, 100 GB og 250 GB netpökkum. Mánaðarlegur reikningur skuldfærður á kreditkort.

Þú stingur boxinu í samband og kemst strax í þráðlaust háhraðanet Verslanir Nova eru í Kringlunni, Smáralind, Lágmúla, á Selfossi og á Glerártorgi Akureyri Þjónustuver 519 1919 | www.nova.is | Facebook | Twitter Mánaðarleg afborgun greidd með kreditkorti: 199 kr. greiðslugjald á mán. í 12 mán. Nánar á nova.is

Njóttu þess að vera í námi Betri kjör

Þjónusta

Námufélögum bjóðast betri vextir, Þú færð persónulega þjónustu, fríar kortafærslur, námsstyrkir og námslánaráðgjöf og í nethagstæð tölvu- og námslokalán. bankanum þarftu engan auðkennislykil.

Fríðindi Náman býður 2 fyrir 1 í bíó, afslætti af vörum og þjónustu, Aukakrónur og tilboð og viðburði í netklúbbnum.

JÓNSSON & LE’MACKS

•

jl.is

•

SÍA

Kynntu þér Námuna á landsbankinn.is, í næsta útibúi eða í síma 410 4000.

Landsbankinn

landsbankinn.is

410 4000