Gu alhi’ch karbax Gui’ nat tu u’ua: Mirna Lawrence Gui’ na mi tu jupsa: Nyambura Kariuki Gui’ nat jumai ñi’ok kɨ’n u’ua: Inocencia Arellano Mijarez
Nivel 1
Gu alhi’ch gu karbax gaagam gui’ nax io’m jix i’oob gu sai’. Gu jix dhaam na daaman jup tu’i’ joidham jix chɨɨdo’. Dai na gu cham paratai’ ja’k ji chɨnɨnɨidhat. 1
Gu ak mija’p totnaram pɨx kai’ch. Dai na gu’ gu alhi’ch karbax cham kɇɇ na jax kai’ch. 2
Ma’n gu u’i’ bhai’ ba bai’ñ, jup tɨtda: -¿Jax chum jim? Dai nat gu’ gu alhi’ch karbax pu cham ñio.
3
Dhi’ mui’ pɨx xi jimchu’ na gaagim gu sai’ gui’ nax io’m jix i’oob. 4
Jimhu’, gu alhi’ch karbax mas jix io’m mɨk ba bhɨi na pai’dhɨr gu dɨ’ɨ’n karbax. 5
Gu alhi’ch karbax ba tɨɨ gu sai’ gui’ nax io’m jix i’oob. Tu koi’mɨk, tu koi’mɨk. 6
Mɨk jii mi na pai’dhɨr gu dɨ’ɨ’n karbax.
7
Gu tu naan kaxbax xim tɨkka’n nat pai’ ja’k jii gu alhi’ch karbax. Tu gaa mu gaatɨr, dai ji na gu’ gu alhi’ch karbax chamtu’ mi’ oirɨ. 8
Gu tu naan karbax mɨɨ muja’k akkɨ’n. Dai ji na gu’ gu alhi’ch karbax chamtu’ mi oirɨ. -¿Pap oirɨ, alhi’ch karbax? -ba kuuku gu tu naan karbax. 9
Ma’n gu u’i’ bhai’ ba bai’ñ gu tu naan karbax. -Gu alhi’ch karbax mu koos jix io’m jix i’oob sai’chɨr basɨ’ndɨr gu pointi.
10
Gu tu naan karbax mu bhɨi pointi muja’k na pai’ gux i’oob sai’. 11
Mi’ ba tɨɨ gu alhi’ch karbax nax jix io’m koos. 12
-Xi ñiñia, alhi’ch karbax -jup kai’ch jix jɨboo’ kɨ’n gu tu naan karbax-. Mai’ gɨi pich.
-Cham añich chu’ mai’ gɨi... ¡Ya’ñ pu oirɨ bɨx chanolh! -Jup kai’ch gu alhi’ch karbax. 13
14
15
O’dam
Gu alhi’ch karbax Tepehuano del Sur bajo, Mexico. 1ª Jornada de traducción en StoryWeaver 2021
Gu alhi’ch karbax jim na gaagim gu sai’ gui’ nax io’m jix i’oob dai na cham maat na jɨ’x mɨk oirɨ na pai’dhɨr gu tu naan karbax.