"Tla eyi tikwikas ahtle titlaxtlawas" - Tlanonotzalli tlen Taiwan
“Tla eyi tikwikas ahtle titlaxtlawas” Tlanonotzalli tlen Taiwan Original Publisher: Pratham Books Author: Greystroke Illustrator: P.G. Dinesh Translator: Diego García Aparicio
Tlahkuilowani: Greystroke Tlapaltekani: P.G. Dinesh Tlahtolkuepki: Diego García Aparicio
Nivel 3
Nepa wehkatlalli tlen itoka Taiwan yelowa moyetztikah se tepetl tlen itoka Bàn Píng Shān 半屏山, kihtosneki “san tlahko”. “¿Tleka ihkon kitokayotiah?”, wel timotlahtlanis. Tla wel titlachia, tikittas kipolowa tlahko itepeyoh, amo kipia iyakaw. Motta kemeh kuakualok itepeyoh, kemeh se wey tepotztli okitek. Maka san xitlanemili itlah, nimitzilis tlen panok. Wehkaw, yeh wehkaw, keman inon tepetl ahsitok yetoya, inechka motlaliaya se altepetzin. Sehpa inin wewetlakatl ehkok iwan okalak nepa, kiwikaya se weyi tekomatl ikuatipan kimamatinemia. Itzonyoh nochi istak kemeh sepayawitl, noihki itentzon iwan ikampachyoh. Ixayak nochi xaxakachtik nochi xolochtik, witlaken tzotzomahtli. Iyollohko altepetzin omotlalitzino iwan kitlapo wey tekomatl. 1
2
Ahwiaya kemeh tamalli san kichiwkeh, ewaya iahwiakka. “Totonki tamaltzitzin, totonki tlakualli”, tzahtzia. “¡Se tamalli se pesoh, ome pesoh ome, tla eyi tikwika ahtle titlaxtlawas!”. Altepechanehkeh iixpan panowayah iwan kimatisnekiah tleka inin wewetlakatl tetlayokoliaya tamalli tlen melawak ahwiayah. “¡Se tamalli se pesoh, ome pesoh ome, tla eyi tikwika ahtle titlaxtlawas!” “Emolli ika aholin, tla eyi tikwika ahtle titlaxtlawas”. Altepechanehkeh omocholokeh itlok iwan moilwiayah “¿Xamo techkahkayawa? ¿Tla eyi tikwikaskeh ahtle titlaxtlawaskeh? ¿Nelleh?” Kihtowayah. * “Jiăozi” (noso “Dumpling”) nitlahtolkuepa kemeh tamalli ipampa ome kichiwah ika tixtli iwan kitemiah ika nakatl, molli noso xiwitl, noihki inin ome iksik tlakualli 3
“Tlawel senka welik” okili wewetlakatzin keman kitemakti ikse in tlakowani. Se wey tamalli kimakak. Tlakowani sepan kikua iwan mokamapopotzowa, wuuu... Motta iixko kiwelmati iwelikka iwan nochimeh tlachiah. Keman kikuaya ik ome tamalli yoixwitoya. Yehse kiitztaya wewetlakatzin iwan okili, “¿Tla nikkua in eyi, amo moneki ma nitlaxtlawa, nelleh?”. Kikakisnekia tla melawak wewetlakatzin teilwiaya. “¡Tla eyi titlakua ihkon yes!”, okili wewetlakatzin, iwan kimaka eyitetl tamalli. Tlakowani san kikalakia in ikamachal. Tla wel kikuaskia ahtle moneki kitlaxtlawi.
4
5
Wewetlakatzin tlakaittak itlahtol iwan tlakowani ahtle otlakow ahtle okitlaxtlawili, oyah sa ixwitok. Niman, nochimeh kinekiah tamalli. Ayak tlahtlaniah se noso ome, nochin tlahtlaniah eyi, amo tetlaxtlawisnekiah. Isiwka kitlamikeh in tekomatl. Sekimeh amo kinekiah ma yowi ichan wewetlakatzin. “Eeeeheee, melawak nanmayanayah”, okimili wewetlakatzin, niman oksehpa okitlali ikuatipan tekomatl iwan nehnemito. Ompa, okse altepechaneh tlen san kitlamiaya eyitetl itamal tzahtzi “¡Xikittakan sa! Tepetzintli kipoloa achi itepeyoh!”.
6
“¿Tlen tikihtowa? Timokuapolowa ipampa tikampotz” kinankilikeh altepechanehkeh iwan owetzkayah, yehse inin tlakatl ontlachiaya tepetl ok. Iteotakilis nochin kitenewayah in wewetlakatzintli iwan intamal tlen welik. “Koxamo yolomikki koxamo kipolo itonal, tla tikwikah eyi ahtle titlaxtlawa” owetzkayah nochin. “Ma techtlamaka mohmostla”. Imostlayok, oksehpa ehkok wewetlakatzin, oksehpa kimamatinemia wey tekomatl, oksehpa motlalia iyolloko altepetzin. “¡Se tamalli se pesoh, ome pesoh ome, tla eyi tikwika ahtle titlaxtlawas!” “Emolli ika aholin, tla eyi tikwika ahtle titlaxtlawas”.
7
Axkan, kitlamikeh tekomatl okachi kualkan. Altepechanehkeh kikuahkeh nochi tamalli, sehsen eyitetl. Ahtle kitlaxtlawilikeh. Wewetlakatzin oksehpa kitlalia ikuatipan in tekomatl. San ixwetzka yehwatzin. Imostlayok, oksehpa wallaw wewetlakatzin. Amanztin motlalitokeh kichiayah altepechanehkeh, teikneltih tlakatzin. San kitlamisnekiah itlakual, ahtle monekia tlaxtlawilistli. Ipa sa, kikakih se toskatl, “Wewetzin, ¿kox tinechnamakas san se?”. ¡Nochimeh omoketzkeh! Kamapopotzowayah, ayokmo tlakuayah, wetzia tepitzin tamalli itech inkamawan. Kittasnekiah akin kihto inon tlahtolli. 8
9
¿Akin yeh yolkokoxki kuakeptok san kinekia se tamalli? ¡tla kikuiskia eyi amo monekis tlaxtlawilli! Nochin motentzakuilihkeh. Kittakeh se telpochtli se telpokatl yamanki iixko, tetzalan moketzinotihkak. Wewetlakatzin okinankili. “Telpokaton, ¿amo wel titlakaki? Se tamalli se pesoh, ome pesoh ome, tla eyi tikwika ahtle titlaxtlawa”. “Kemakatzin, nimitzkakilia” okili telpochtli, itoski yolsewki. “Yehse, nikittak tiwallah mohmostla, titetlamaka, ahtle tikselia. Ahtle motlatlanil maski titekiti, noyoloh pachiwi, melawak nimitziknoitta, nimitziknelia. Nimitzpalewisneki, nimitzkowasneki, san se pesoh nikpia”.
10
Keman altepechanehkeh okikakilikeh itlahtol telpokatzin, mopinawkeh, no moyolpachiwkeh, ixpinawkeh, kuatolokeh, mosententzakuilikeh. Wewetlakatzin nehnemito iwikpa telpochtli iwan kinapalo kinawatek. “¡Ehe, nimitzahsik, otimonexti!” Ochokak. “Niitekoh in tepetzin, nitepeteotl, nimitzmachtis noixtlamachilis, tikmatis tlen nonawalyoh”. Iixayoh temowaya itech ixaxakachyoh. Altepechanehkeh kahsikamatkeh yehwatzin in tepeteotl tlen monawalo kemeh se wewetzin. Kitemowaya se tlasohyollotzin in ma kimachtili. Niman, okimilih tetzawtlahtolli: in tamalli tlen kikuahyah amo nelli tamalli. San tlalli tlen tepetl itech kikuia.
11
12
Keman okikakkeh inin tlahtolli, altepechanehkeh omotlalokeh in ma kiittakan tlen yetoya iihtik tekomatl. San tlalli, san tzokitl. Niman ontlachixkeh tepetzin, ¡amo kineltokaya intlachielis! San tlahko tepetl onmania. Kemeh okihto in okse kampotz tlakatl iyalwayoh... Satepan, tepeteotl kiwikak itelpoch ompa tepetzin. Kimachtisneki nawalyotl tlen teteotzitzin inaxka. Altepechanehkeh san pinawatinemiah, moyolkuepayah, ipampa inxolopihyoh, yehika inelewilis. Kitokayotikeh in tepetzin Bàn Píng Shān, iwan okitenewkeh ayokmo tlawel tlaelewiliskeh. Xinechnankili sa, ¿tle se wewetlakatzin wallas maltepetzin iwan kinamaka tamalli, “Se tamalli se pesoh, ome pesoh ome, tla eyi tikwika ahtle titlaxtlawas” - ¡keskin tikkowiliskia? * Shān 山 kihtosneki Tepetl ika chinotlahtolli 13
Amatetektli
Amatetektli ¿Otikittak in tlakatzitzin tlen nikan nesih kiwikah ¿Otikittak in tlakatzitzin tlen inkuatlasewal intzonehkawil? Inin kimokuatlalia itzonteko miltekitini keman yawi millah nikan nesih kiwikah inkuatlasewal tekiti, in maka tonalmiki keman xiwtlatla. intzonehkawil? Achi kualli tla tikneki seki wel tikchiwas. Inin kimokuatlalia itzonteko miltekitini Moneki: keman yawi millah tekiti, in maka a. se amatontli tlen kanawak, achi weyi tonalmiki keman xiwtlatla. b. tepotztlatekiloni c. tzawtli Achi kualli tla tikneki seki wel tikchiwas. d. ome ikpatl Moneki: a. Se amatontli tlen kanawak, achi weyi b. Tepotztlatekiloni c. Tzawtli d. Ome ikpatl 15/16
14
Kenin tikchiwas: Kenin tikchiwas: 1. Xikteki se weyi tlayewalli ika amatontli. 1. Xikteki se weyi tlayewalli ika 2. Xikihkuilo se "V" ipan amatlayewalli kemeh amatontli. tiknextiah. 2. Xikihkuilo se (tlen “V” ihkuilihtok ipan amatlayewalli 3.Xiknepano in tentli "A") ipan okse kemeh tiknextiah. tentli ("B"). Xikinpepecho ika tzawtli. Tikpia ya se kuawitztik tzonehkawilli. 3. Xiknepano in tentli (tlen ihkuilihtok 4. Xikkoyoni tlakoyoktli xikilpi ikpatl kemeh “A”) ipan ome okse tentli iwan (“B”). Xikinpepecho nesi. ika tzawtli. Tikpia ya se kuawitztik 5. Titlami a, ayokmo titonalmikis keman kualtzin tona. tzonehkawilli. 4. Xikkoyoni ome tlakoyoktli iwan xikilpi ikpatl kemeh nesi. 5. Titlami a, ayokmo titonalmikis keman kualtzin tona. 16/16
15
“Tla eyi tikwikas ahtle titlaxtlawas” - Tlanonotzalli tlen Taiwan Nawatl Central 1ª Jornada de traducción en StoryWeaver 2021
Yeh wehkaw ipan se altepetzin onehkok se wewetlakatzin tlen kinamaka ahwiak tamalli. Altepechanehkeh amo kimatih yehwatzin se teotl, in kitemowa akin kipia se itlasohyollotzin chipawak.