¿E ni ka lïn Kaa? Autor: Cheryl Rao Ilustrador: Saurabh Pandey Tranductor: Vilma López Luna.. Dzeamï dzeajmii
Nivel 2
Kaa kóó' Be', rö kön kiar. Komtöm kor kolïn, jaleba ñir kia' ruin.
1
Kóó nee, í jiun í sii Kaa, ka guier lï jmïtïn, lï e ja 'ian dzir, jó ka sï' Be' ir, -¿Su ka jïmba?- ja e ka ñii Kaa, lïkó' ka jör moguire. Mïka jin 'ie tufa' kiar, e ni ñir, su ka guier lï jmïtïn, ja e ka ñii í juin do, lï kó' ka ser guore. 2
-¿Kuu' mogui'?- ka jin 'ie tufa' kiar, Kaa, kalea tú, ka jör moguir, jin e úú, jolïn yûû lojur, -¿Eli' lïn?- jin tú 'ie tufa' kiar.
3
¿E lï' lïn Kaa? ¿Guium jiun run? ¿Guium nea kii? ¿Guium neayun' kii? Kaa, dzan lï kó' jör moguir. 4
Be', sun jmor jui', jiun í koo kóór, jó ka ï dzir, jeal ni jmer, e kia' ni lï 'ian dzii Kaa. Kóó, Ka dzen dzir, e lïnba e ni kiér dzii taloo kiar, jó ka guir, kia' ni er', lïfa, kóó ka ïm í jo' do, f ï lï sin Kaa. 5
6
Konguia ka tán ne' dze' lotur, ni kamïn tee í loo do, dzif ï lado, ka neá Kaa mo or, kia ka ngï ïr, jalem jiun, ka ngö, e ni ka sïjiü', kû majá Kaa, jóba joe ni ín fer, ongï ni ngï ïr. 7
¿E ni ka lïn Kaa? Chinanteco de Santiago Comaltepec, Oaxaca. 1ª Jornada de traducción en StoryWeaver 2021
Kaa sii jan jiun í ni ka sïjiü' kû majá, joba ja e ni ín fer.