¡'Ngo Yato gan'anj gi'ñanj an! Autor: Mozambican folktale Ilustrador: Hélder de Paz Alexandre Traductor: Martha Fernández González
Nivel 2
Asij diu na nin gi'iaj ne yuku man riki kïj I 'ngo gi'ñanj an, sani man guenda nej yuku nun sikúu gahuin man. 1
Ni gi'iaj yuguí yato man'an yu guenda gan'anj yu gi'ñanj an sani nanun ruhua yu si se guenda yu gan'anj yu dadin' nitaj sikú yu nun. 2
Gan'anj nana'ui' yu nin guinari' yu huij sikú yuku. Hue dan giri' yu nuta' yu ahui yu ni gan'anj 'nge yu gi'ñanj an. 3
Ya, girán'anj, nin go'o yu ginun yu gi'ñanj an. 4
Gininchre yu girán'anj yu nin gatoj yu nan rinin nán yichrá yu 'ngaj yu riña chrïn'in. Hue dan atoj yu 'ngaj yu ni gíninj 'nge sikú yu. 5
Nin hiuj dan ginin'in a'ngo nej yuku dan si gi'iaj yato sa huin ruhua yu' nin gan'anj yu' gi'ñanj an ru'huaj. Nin ganunkuaj daran'nej yuku man dan rakij yato nan ginahuin yachij rakij yu. 6
Hue dan ni gunanj nej yuku dan gan'anj nej yu. Rayi'í dan 'ngo ginaj yachij rakij yato. 7
¡'Ngo Yato gan'anj gi'ñanj an! Triqui de San Andrés Chicahuaxtla, Oaxaca 1ª Jornada de traducción en StoryWeaver 2021
Yato gan'anj 'ngo si gi'ñanj nej yuku nun sikúu. ¿Nuj huin si gi'iaj a'ngo nej yuku dan 'nga guinari' nej yu nun yato siganinj gi'ñanj an ra'aj?