SERYOSO ANG SAKUNA 9 AGHAMatTEKNOLOHIYA Kapag may kaalaman, tiyak ang kaligtasan

ni JHOZEAL V. HULIGANGA

“Ligtas ang may alam,” sabi nga nila, ito ay palasak na sa ating mga pandinig ngunit kung ating pagbubulay-bulayan ang pahayag na ito, kailan man kahulugan nito ay may malaking tulong para tayo ay makaligtas sa anumang kapahamakan. Lalo na sa sakunang gaya ng lindol, hindi natin alam anong panahon o araw ito darating.

Kamakailan lang ay isinagawa ang First Quarter Nationwide Simultaneous Earthquake Drill (NSED) 2023 nitong ika-3 ng Marso 2023, sa ganap na alas-2 ng hapon sa buong Pilipinas. Nakapaloob ang gawain sa NDRRMC Memo. No. 006, s. 2023, tunguhin nitong palawakin ang kaalaman ng bawat isa at kahandaan ng lahat sa oras na magkaroon ng sakuna.

“Ang mga sakuna na darating tulad ng lindol ay walang pinipiling oras at walang pinipiling araw kung kailan ito darating”,ayon kay G. Leonardo L. Alimorong, Jr., Disaster Risk Reduction and Management (DRRM) Coordinator ng San Jose City National High School-Junior High School (SJCNHS-JHS).

Nakiisa ang mga estudyante, guro at kawani ng San Jose City National High School-Junior High School sa ginanap na First Quarter Nationwide Simultaneous Earthquake Drill (NSED) 2023 upang mapataas ang antas ng kaalaman at kahandaan ng publiko sa mga dapat gawin bago, habang, at pagkatapos ng mapaminsalang sakuna, alinsunod sa NDRRMC Memo. No. 006, s. 2023 na isinagawa nitong ika-9 ng Marso.