Inclusão Sociopolítica dos Povos Indígenas do Tocantins - Povo Panhi - Apinajé

MẼ KOT HO WOTA XWỲNH (ELEITOR) Ỳ mẽ kot ho wota xwỳnh haxwỳnh kêp cidadão brasileiro nẽ õ kagà hkôt hixi piitão hã mex kumrẽx Nẽ mẽ kot amnhĩnhxi nẽ ri amnhĩ piitã hã kagà pê cadastro ja na htem hã ixkre pê Cartório Eleitoral kãmã na htem hipêx, Nẽ mẽ kãm anhõ kagà maati hã akarõ nhôr xwỳnh hõ pẽ mẽ kot ho wota xwỳj ri anhĩgro pê 151 ta ã.

Nẽ mẽ kot ho wota xwỳnh mããnẽn õ direito àmnhĩx mẽ hõ kapi nẽ hkôt ãm mã xwỳnhta õ wot hkôt.

Nẽ wot hã mẽ kãm amnênh tỳx xwỳnhjê ja na mẽ hã 18 nẽ 70 ãn nẽ mẽ hã 16 nẽ 18 ãn rỳ 70 ãn jakrenh xwynhjê kot mẽ kãm hprãm nẽ rĩ ho nẽ.

Mẽ kot wot nhõ anhĩgro hã mrar kêt xwỳnh Koja mẽ hõ nhỹỹri kot ho wota xà kamã htẽm kêt japêr rỳ õrkwỹ kurũm ho wota mã htẽm kaxyw kêp hã ahpunuj japẽr hãmri koja mẽ kãm kagà hkôt hprĩ hã anhĩjarẽ nhỹỹri marĩ sesãw hõ hã ixkre hõ kamã rỳ ten hapuj ri hã anhĩgro nhĩtep xà pumu nẽ kot anhĩjarẽnhja kaxyw calendário eleitoral kôt hprĩ hã mẽ kãm anhĩrẽ hã ixkre pê cartórios eleitorais xwỳnh kamã rỳ tem internet kôt kumẽ.

7