Ines Osinaga Urizar musikaria

Azkoitia BHI

Ines Osinaga Urizar musikaria, Musikariak Ikastetxean programari esker, gure ikastetxean izan genuen batxilergoko 1. mailako ikasleekin. Bi saio eman zituen, eta horietan bere bizitza eta bere musikari ilbidea azaldu zien. Eskusoinua jotzen hasi zen, nahiz eta bere aitak gitarra jotzea nahi. 15 edo 16 urte zituela hasi zen musika sortzen, baina ez zuen aurkitu halako musikarentzako zirrikiturik. Geroago rock-and-rolla landu zuen Ekon taldearekin. Ondoren, Gose musika taldeko abeslaria izan zen. Trikitia erabiltzen zuen Gose taldean, musika elektronikoarekin batzen aitzindaria izanik. Gose utzi zuen abiadura handiko tren baten gainean jarrita sentitzen zelako, eta oso zaila egiten zitzaiolako pen–tsatzea, sentitzea, bizitzea eta edozer gauza egitea. Haurdun zegoela eman zuen azken kontzertu bat, baina ama izan eta gero kontzertuak utzi zituen. 2017 aldean berriro poliki-poliki musikarekin lanean hasi zen: kontzertuak, hitzaldiak, ahalduntze tailerrak, eskolak, irakasle lana, eskolako kudeaketa, espresuki haurrentzat diren saioak, familientzako kontzertuak, soinu banda bat dokumental batentzat, edo poesia emanaldi musikatu Uxue Alberdirekin, eta azken aldi honetan Sarrionandiarekin. Soinua eta gitarra txiki bat ekarri zituen gure ikastetxera, baita musika sortzeko aparagailua ere, hauekin musika ezberdinak egin ziuten, erakutsiz soinu txikiarekin trikiti mundutik haratago ere joan daitekeela.