APÊL DDYNGAROL DEC WCRÁIN

LANSIWYD 3 MAWRTH 2022 | DIWEDDARIAD 6 MIS

Mae ymateb cyhoedd y DU yn wyneb erchyllterau'r gwrthdaro yn Wcráin wedi gwneud Apêl Ddyngarol Wcráin yn un o'r mwyaf yn hanes DEC, sy'n ymestyn yn ôl 60 mlynedd. Cefnogodd miliynau o bobl ar hyd a lled y wlad yr apêl, drwy decstio arian, roi arian trwy ein gwefan, fynychu digwyddiadau codi arian neu ymgymryd â heriau noddedig. Daeth cymunedau, busnesau, cyrff chwaraeon, sefydliadau celfyddydol a phobl o bob cefndir at ei gilydd, i gyd wedi'u hysbrydoli i weithredu.

Mae elusennau sy'n aelodau o DEC wedi ymateb i'r her o ddiwallu'r anghenion dyngarol eang ac amrywiol, ac mae maint y rhoddion wedi caniatáu iddynt gyrraedd miliynau o bobl gyda chymorth hanfodol. Ni fu'r ymateb heb ei heriau wrth gwrs. Ond er hynny maen nhw wedi llwyddo i gyrraedd nifer fawr o bobl sy'n cael eu dal yn y gwrthdaro gyda chymorth hanfodol.

Hoffai DEC dalu teyrnged i ddewrder anhygoel ac ymrwymiad y gweithwyr cymorth a'r gwirfoddolwyr ar lawr gwlad, y rhan fwyaf ohonynt yn Wcrainiaid sydd wedi parhau â'u gwaith hynod bwysig mewn amodau hynod o anodd, gan wneud gwahaniaeth gwirioneddol i fywydau cymaint.

Mae'r adroddiad hwn yn manylu ar y gwaith a wnaed gan yr 13 o'n helusennau sy'n aelodau ac sy'n gweithio yn Wcráin a gwledydd cyfagos gan ddefnyddio cronfeydd DEC yn chwe mis cyntaf yr ymateb a chyrraedd miliynau o bobl. Yn anffodus mae'r anghenion yn parhau i dyfu a newid wrth i'r gwrthdaro barhau, ond mae'r ymateb anhygoel o hael i'r apêl hon yn golygu ein bod yn gallu parhau i gefnogi pobl nawr ac yn y misoedd a'r blynyddoedd i ddod.

Llinell Amser Ap L

7.8 MILIWN

O Ffoaduriaid Wedi Ffoi O Wcr In

(dyddiad: 16/11/22)

6.5 MILIWN o bobl wedi'u Dadleoli'n Fewnol (PDF)

4.29 BILIWN gofyniad cyllido ar gyfer y tu mewn i Wcráin a nodwyd gan asiantaethau cymorth dyngarol a'r Cenhedloedd Unedig

1.85 BILIWN gofyniad cyllido ar gyfer y gwledydd cyfagos a nodwyd gan asiantaethau cymorth dyngarol a'r Cenhedloedd Unedig

Mae cyllid Cam 1 (6 mis cyntaf) ar gyfer gweithgareddau ymateb ar unwaith. Mae Cam 2 (o leiaf 30 mis) yn canolbwyntio ar gefnogi bywoliaethau, cryfhau gwytnwch a chapasiti ac ailadeiladu.

Mawrth 2022

Lansio apêl

Rhan

Gorffennaf 2022

Astudiaeth canfyddiad buddiolwyr yn cychwyn

Awst 2022

Adolygiad amser real yn dechrau

Rhan

Tachwedd 2022

Cyfnod presennol yr ymateb

Ionawr 2025

Gwerthusiadau annibynnol elusennau aelod