2020ko Maiatza · 17. zbkia
COVID-19
Azken hilabete hauetan egoera oso zail bati aurre egitea tokatu zaigu. Pandemia honek aldaketa ugari ekarri ditu herritar guztion egunerokotasunera eta neurri oso zorrotzak betetzera behartu gaitu. Honen aurrean, ezeren aurretik, eskerrak eman nahi dizkizuegu Etxebarriko herritarroi izandako jarreragatik eta erakutsitako konpromisoagatik: bai agindutako segurtasun neurriak betetzeagatik, baita bolondres moduan laguntzeko prest agertzearren ere. Konfinatuta egon arren, denbora honetan guztian udaletik lanean jarraitu dugu bilerak egin eta erabakiak hartzen.
EH BILDUTIK UDALEAN EGIN DITUGUN ESKAERAK
Herriko komertzioei segurtasun neurriak betetzeko babes ekipoak eskaintzea. Herritarrak uneoro egoeraren eta bete beharreko neurrien inguruan informazioa izan dezaten baliabideak indartzea: bandoak etxeetan, auzoetan, web orrian informazioa jartzea…
AURRERA BEGIRA EZINBESTEKOA IKUSTEN DUGU HONAKO PUNTU HAUEK LANTZEA Segurtasun neurriak mantentzen jarraitu:
Arduratsuak izatearen garrantzia azpimarratu udaletik. Guztion osasuna, bakoitzaren arduratik hasten dela kontutan izan.
Nagusien (eta batez ere bakarrik bizi direnen) jarraipena egiten segi zerbitzu sozialen bitartez. Espazio publikoetan segurtasun neurriak indartzen jarraitu:
Kaleko espazioen desinfekzioa mantendu. Gel hidroalkoholikoa jarri udal eraikinen sarreretan. Udalak dituen babes ekipamenduak (maskarillak, pantailak…) behar gehien dagoen puntuetan eskaini.
Beharrizan gehien dutenei laguntzeko diru partidak ezarri:
Egoeraren ondorioz premia larrian dauden herritarrei laguntzeko diru partida ezarri. Herriko negozio txikiek aurrera egitea lor dezaten neurriak hartu. Alde batetik, dirulaguntza zuzenak zabalduko dira; eta bestetik herrian edota eskualdeko komertzio txikietan kontsumitzeko bonuak ateratzeko lanean ari gara.
2020ko udal aurrekontuak berraztertu eta lehentasunak birdefinitu:
Diru sarrerak nabarmen jaitsiko direla aurreikusten da, eta gainera orain dugun egoera ez da aurrekontuak onartu zireneko berdina. EH Bildutik ezinbestekoa ikusten dugu udal aurrekontuak denon artean berraztertu eta egoera berri honetan ditugun lehentasunak berriro finkatzea. Guk argi dugu, proiektu batzuk itxaron dezaketela, baina pertsonek ez.
Zaindu gaitezen Guztion artean lortuko dugu
Herriko zerbitzuen eskaintza osotzeko galdetegiak buzoneatu dira
BERDINTASUN PLANA EH Bilduren oinarrietako bat da feminismoa, eta horri lotuta ezinbestekoa ikusten genuen herri mailan Berdintasun Plana martxan jartzea. 2020ko aurrekontuetan, Berdintasun Planerako partida bat adostu genuen eta urte honetan zehar martxan jartzea da asmoa.
Legegintzaldi honetako herri programan aipatu bezala, Etxebarriko EH Bilduren lehentasunetako bat herriko zerbitzuen eskaintza zabaltzea eta jadanik daudenak indartzea da. Helburu honetarako, pasan den abenduan 2020ko aurrekontuetan partida bat irekitzea lortu genuen. Zerbitzu hauek herritarren arteko sozializazioa eta harremanak sustatzeko garrantzitsuak izan daitezkeela uste dugu. Horregatik, prozesu hau herri-partaidetza bidez hastea proposatu dugu. Modu honetara, herritarren beharrizanetan oinarrituta erabaki desberdinak hartuko dira.
Baina zer da Berdintasun plana? Ekintza konkretu batzuen bidez emakume eta gizonen artean berdintasuna lortzeko tresna bat da, lan egitasmo bat, 34 urtean zehar garatzen dena. Denbora tarte horretan helburu eta ekintza zehatz batzuk adosten dira, eta urtez urte lantzen dira.
Herri-partaidetza honek galdetegi formatua du eta galdetegi orriak etxeetara banatu dira azken asteotan. Bertan, arlo desberdinetako zerbitzuen eskaintza azaltzen da eta herritar bakoitzak jarduera bat baino gehiago aukeratu dezake. Zerbitzu hauen artean, iraupen “adin guztiei irekitako da: umeak, desberdinetako jarduerak proposatzen inkesta helduak, dira: ikasturte guztikoak zein g a z t e a k , denboraldika egitekoak (hilabete nagusiak...� batean edo bitan burutzekoak adibidez).
Nori zuzenduta dago? Herritar guztiei, gizon nahiz emakumeei, udal talde eta gizarte eragile guztiei. Esparru guztiak dira garrantzitsuak bide honetan.
Behin galdetegia erantzunda, udaletxeko buzoian bota beharko da ekainaren 1a baino lehen. Modu honetara, gehien hautatutako zerbitzuen aldeko apustua egingo da. Beraz, galdetegia erabakigarria izango da 2020/21 ikasturtean jarduera hauek martxan jartzeko.
Gaur egun bizi dugun egoera berezi hau dela eta, ez dakigu noiz ekingo diogun planari, baina prozesuan zehar parte hartu eta bidea gurekin egitera animatu nahi zaituztegu, guztion artean gauzak hobeto egiten baitira.
Animatu galdetegia erantzutera, herria pizteko bidea hasiko dugu eta!