დარგობრივი ეკონომიკისა და ეკონომიკური პოლიტიკის კომიტეტის პრესრელიზი

დარგობრივი ეკონომიკისა და ეკონომიკური პოლიტიკის კომიტეტის პრესრელიზი

1.

ინფორმალური ეკონომიკური განათლების შესახებ მომხსენებელი: კომიტეტის წევრი გიორგი თოფაძე

2. საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „ელექტროენერგეტიკისა და ბუნებრივი გაზის შესახებ“ საქართველოს კანონში ცვლილების შეტანის თაობაზე“ 07-2/473, 30.03.16) წარმოდგენილი კანონპროექტის განმარტებითი ბარათის თანახმად, „ელექტროენერგეტიკისა და ბუნებრივი გაზის შესახებ“ საქართველოს კანონში ცვლილება ხორციელდება იმისთვის, რომ გარანტირებული სიმძლავრის წყაროს მუდმივი (ფიქსირებული) დანახარჯები გარანტირებული სიმძლავრის საფასურსა და ელექტროენერგიის წარმოების ტარიფს შორის სამართლიანად გადანაწილდეს. კანონპროექტის თანახმად, ახალი რედაქციით ყალიბდება გარანტირებული სიმძლავრის წყარო და მას ემატება ჩანაწერი, რომლითაც საქართველოს მთავრობას ენიჭება შესაძლებლობა განსაზღვროს კომისიის მიერ დადგენილი მუდმივი (ფიქსირებული) დანახარჯების ის პროცენტული წილი, რომლის ანაზღაურებაც უნდა განხორციელდეს გარანტირებული სიმძლავრის საფასურით. კანონპროექტით, კანონის 431 მუხლის მე-2 პუნქტს ემატება მე-21 პუნქტი, რომლის თანახმადაც კომისიის მიერ მოხდება გარანტირებული სიმძლავრის წყაროს მუდმივი (ფიქსირებული) დანახარჯების შეფასება და განსაზღვრა, ამასთან თუ საქართველოს მთავრობა მიიღებს გადაწყვეტილებას კომისიის მიერ განსაზღვრული მუდმივი დანახარჯების გარანტირებული სიმძლავრის საფასურში ნაწილობრივ ასახვის თაობაზე, კომისიის მიერ შეფასებული და დადგენილი მუდმივი დანახარჯები აისახება საქართველოს მთავრობის მიერ განსაზღვრული პროპორციით, ხოლო დანრჩენილი ნაწილი აისახება გარანტირებული სიმძლავრის წყაროს ელექტროენერგიის წარმოების ტარიფში. გარდა ამისა, კანონპროექტით შემოთავაზებულია კანონის 431 მუხლის მე-3 პუნქტის ახალი რედაქციით ჩამოყალიბება, რომლის თანახმადაც, გარანტირებული სიმძლავრის წყაროს ელექტროენერგიის წარმოების ტარიფში ამ კანონითა და ტარიფების მეთოდოლოგიით გათვალისწინებული წესით აისახება უშუალოდ ელექტროენერგიის წარმოებასთან დაკავშირებული დანახარჯები, აგრეთვე მუდმივი (ფიქსირებული) დანახარჯების ის ნაწილი, რომლის ასახვაც არ მოხდა გარანტირებული სიმძლავრის საფასურში.

3. საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტები: „მაუწყებლობის შესახებ“ საქართველოს კანონში ცვლილების შეტანის თაობაზე“ და „ელექტრონული კომუნიკაციების შესახებ“ საქართველოს კანონში ცვლილების შეტანის თაობაზე“(07-2/439, 31.12.15)

მესამე მოსმენა

4. საქართველოს მთავრობის მიერ რატიფიკაციისათვის წარმოდგენილი

„საქართველოსა და რეკონსტრუქციისა და განვითარების საერთაშორისო ბანკს (IBRD) შორის სასესხო ხელშეკრულებa (ეროვნული ინოვაციური ეკოსისტემის პროექტი)“ (07-2/475, 11.04.16) 2016 წლის 25 მარტს საქართველოსა და რეკონსტრუქციისა და განვითარების საერთაშორისო ბანკს (IBRD) შორის ხელი მოეწერა სასესხო ხელშეკრულებას „ეროვნული ინოვაციური ეკოსისტემის პროექტი“. აღნიშნული ხელშეკრულებით განსახორციელებელი პროექტი მოიცავს შემდეგ კომპონენტებს:

-

-

საქართველოს ტერიტორიაზე შერჩეულ ქალაქებსა და სოფლებში ინოვაციის ჰაბებისა და ინოვაციის ქსელის განვითარება; ციფრული მომსახურების განვითარების პროგრამების განხორციელება; ფართომასშტაბიანი ინტერნეტ მომსახურებისა და განვითარებული საინფორმაციო ტექნოლოგიების ადაპტაციისა და გამოყენების დიზაინის შექმნა შესაფერისი ოჯახებისთვის, რომელიც ფოკუსირებული იქნება სასოფლო ტერიტორიებზე; ინდივიდუალური პირებისა და ფირმების ინოვაციური შესაძლებლობების განვითარება და მასთან დაკავშირებული ტრეინინგების უზრუნველყოფა; შესაფერისი მცირე და საშუალო საწარმოების ტექნიკური დახმარების, ინოვაციების დაფინანსებისა და თანმდევი გრანტების უზრუნველყოფა; სესხის პირობები:

   

სესხის მოცულობა: 40 მილიონი აშშ დოლარი; სესხის დაფარვის ვადაა: 24 წელი, მათ შორის საშეღავათო პერიოდია 15 წელი; საპროცენტო განაკვეთი: LIBOR-ზე დაფუძნებული ცვლადი საპროცენტო განაკვეთი; ერთჯერადი ადმინისტრირების საკომისიო: 0.25% სესხის მთლიან თანხაზე (100 000 აშშ დოლარი);  სესხის ვალდებულების გადასახადი 0.25% ერიცხება სესხის აუთვისებელ თანხას; პროექტს განახორციელებს საჯარო სამართლის იურიდიული პირი „საქართველოს ინოვაციებისა და ტექნოლოგიების სააგენტო.  პროექტის დახურვის ვადა: 2021 წლის 30 აპრილი.  სესხის დაფარვა განხორციელდება 2031 წლის 15 სექტემბრიდან წელიწადში ორჯერადი შენატანით - 15 მარტს და 15 სექტემბერს. სესხის ჩარიცხვის ბოლო ვადაა 2040 წლის 15 მარტი.