Fasiliteerdersgids G07 ~ Sosiale Wetenskappe: Geskiedenis
Eenheid
2
EENHEID 2: Transatlantiese slawehandel LEERDOELWITTE Nadat hierdie eenheid voltooi is, moet leerders in staat wees om die volgende te doen:
Onderskei hoe inligting vanuit verskillende sienswyses beskou en gebruik kan word. Oor die vermoë beskik om twee of meer verskillende oogpunte oor dieselfde persoon of gebeurtenis te kan vergelyk. Sien hoe historici, handboekskrywers, joernaliste en ander tot verskillende gevolgtrekkings kom en in staat wees om ʼn rede(s) te verskaf waarom dit so is in ʼn besondere onderwerp van die geskiedenis.
INLEIDING Sluit aan en verwys terug na die vooruitstrewende Mali-ryk en hoe dit deur handel beïnvloed is. Leerders moet ook verstaan dat mensehandel en slawehandel deel hiervan gevorm het. ʼn Kort geskiedenis en agtergrond oor slawe moet aan leerders verskaf word deur te verwys na antieke slawehandel aan die hand van die Romeine en die Antieke Grieke, maar dan klem te plaas op die meer moderne slawehandel van die 15de eeu tot en met die vroeë 19de eeu en hoe die moderne slawehandel vanuit Afrika geskied het. Die leerder moet ook bewus wees dat daar verkillende tipes slawe was en dit hoofsaaklik afgehang het van hoe en waar die slawe bekom is. Slawe was ʼn bate waaraan rykdom gemeet kon word, alhoewel daar tog ook state en ryke was wat nie van slawe gebruik gemaak het nie. BELANGRIKE TERMINOLOGIE Slawe as eiendom: slawe behoort as eiendom/bate aan ʼn eienaar en kan deur die eienaar gekoop en verkoop word. Huisslaaf: werk hoofsaaklik in die huis en is die eiendom van die huiseienaar en kan verkoop word, maar dit het baie selde gebeur. Pandslaaf: ʼn persoon wat ʼn slaaf is totdat die skuld afgewerk is. Militêre slawe: slawe wat as soldate opgelei word en diens doen.
© Optimi
18
