A. Los interrogativos.

Formes de los interrogativos: identidá: qué, quién, cuál/cuála/cuálo llugar: ónde, ú tiempu: cuándo mou: cómo cantidá: cuántu/cuánta/cuánto

Los interrogativos presenten les mesmes formes que los relativos, estremándose d'ellos por estes notes:

- A diferencia de los relativos, los interrogativos son tónicos, esto ye, tienen acentu de so, polo que puen apaecer solos formando enunciáu completu. ex. ¿quién? ¿cuánto?

- Al interrogativu “cuál” nun-y correspuende forma átona que funcione como relativu.

L'interrogativu “qué”, cuando ye axetivu, lo mesmo pue referise a coses, animales o persones, pero cuando ye sustantivu siempre fai referencia a coses. ex. ¿qué quies?; ¿qué te pasó?; nun sabe qué-y dexaron en buzón.

Nos casos d'usu sustantivu del “qué”, emplégase tamién la secuencia “el qué” baxo estes condiciones: apaecer namái n'interrogatives direutes; funcionar ensin preposición, o seya, como suxetu o complementu direutu. ex. ¿el qué?; ¿el qué vos gusta más, el café o'l chocolate?; ¿el qué te dixo?

“Quién” ye singular o plural, pero nun presenta marques esternes de númberu. ex. ¿quién ye esi que ta falando?; ¿quién son esos que tán falando?

Namái “cuál” y “cuántu” presente variaciones morfolóxiques.

El masculín singular “cuál”, namái cuando ye sustantivu (non cuando ye axetivu), alterna cola forma “cuálu”. ex. ¿cuál/cuálu te lo dixo?; pero ¿cuál señor?, non *¿cuálu señor?

Como axetivu, “cuál” siempre s'alluga antepuestu al sustantivu. Poro, como axetivu nun pue usase la forma neutra cuálo.

Convién tener en cuenta que, siendo'l del axetivu un usu posible de “cuál”, esi cometíu cúmplelu normalmente ex. ¿cuántu pan quies pa mañana?, dicíime cuánta lleche vos pongo. ex. ¡qué quedrá esi babayu!; ¡cuál (cuálu) sería'l meyor!; ¡ónde taríes! o ¡ú taríes!; ¡cómo trabaya!; ¡cuántes vegaes te lo encamentó y nun-y fixisti casu!; ¡cuánto quier a los fíos!

“qué”. ex. ¿cuál rapaz te dixo eso? = ¿qué rapaz te dixo eso?; ¿cuála rapaza te dixo eso? = ¿qué rapaza te dixo eso?

“Ónde” y “ú” tienen un usu coincidente na fórmula interrogativu + “tar” + sustantivu. ex. ¿ú ta Xuan?/¿ónde ta Xuan?; ¿ú ta la rapacina?/¿ónde ta la rapacina?.

Tamién coinciden na fórmula interrogativu + sustantivu. ex. ¿ú Xuan?/¿ónde Xuan?; ¿ú la rapacina?/¿ónde la rapacina?.

Ye, sin embargu, esclusiva de “ú” la fórmula que permite a los pronomes átonos de complementu direutu “lu”, “la”, “lo”, “los” y “les” allugase enclíticos col interrogativu. e. ¿úlu?, ¿úla?, ¿úlo?, ¿úlos?, ¿úles?

L'interrogativu “ú” alterna llibremente con “aú”. ex. ¿ú vas?, ¿aú vas?

Esceición: cuando va acompañáu de pronome átonu. ex. ¿úlu?

Como axetivu, “cuántu/-a” solo pue allugase antepuestu, polo que nun pue presentase en neutru.

En singular acompaña a sustantivos non cuntables y fai referencia a la cantidá.

En plural acompaña a sustantivos cuntables y fai referencia al númberu. ex. ¿cuántos sacos traxeron?, nun saben cuántos sacos traxeron, ¿cuántes vegaes te lo encamentó?, nin m'acuerdo de cuántes vegaes te lo encamentó.

Como sustantivu, “cuántu” en plural (“cuántos”, “cuántes”) pue emplegase en masculín o femenín. ex. ¿pa cuántos ye esti dineru?, ¿cuántes van dir a la cena? Pero en singular namái apaez en neutru (“cuánto”). ex. de lleche, ¿cuánto te pongo?; ¿cuánto traxeron pa nós? (referencia a "carbón").

El repertoriu d'esclamativos ta formáu polos mesmos miembros que'l d'interrogativos. Les sos formes y les sos funciones son les mesmes.

Esceición: l'esclamativu “ú” nun almite les construcciones “ú” + sustantivu nin “ú” + “lu”, “la”, “lo”, “los” y “les”, permitíes nel casu del interrogativu.