IT-TALKIES LURA FI ĠNIEN LAPARELLI

Cinema City, l-avveniment annwali ta’ wiri ta’ films fil-miftuħ, se jirritorna bejn il-5 u l-10 ta’ Ġunju li ġejjin fi Ġnien Laparelli, il-Belt Valletta. Dan ħabbru l-Ministru għall-Wirt Nazzjonali, l-Arti u l-Gvern Lokali Owen Bonnici meta kien qiegħed iniedi dan l-avveniment imtella’ mill-Aġenzija Kulturali għall-Belt Valletta (VCA).

F’atmosfera partikolari taħt is-swar tal-kapitali, din is-sena ntgħażlu sitt films interessanti li jvarjaw fil-ġeneru biex jintwerew wieħed kull serata mingħajr ħlas. Fost dawn se jkun qed jixxandar il-film “Blood On The Crown”, li jittratta speċifikament waħda mill-aktar ġrajjiet storiċi f’pajjiżna, dik tasSette Giugno. Il-film, li jara s-sehem tal-atturi leġġendarji Harvey Keitel u Malcolm McDowell, inħadem f’pajjiżna u hu skedat li jintwera proprju fil-jum li fih infakkru dawn l-irvellijiet li seħħew fl-1919. L-għada se jintwera wkoll film ieħor Malti, “Merjen”.

“Dan l-avveniment jibni fuq l-impenn tagħna li niċċelebraw il-kultura fil-ġeneri diversi tagħha u nibqgħu nagħtu sostenn lill-artisti u, f’dan il-każ, lill-industrija tal-films. Kommessi li nkomplu nkabbru l-attivitajiet kulturali fil-Belt u f’diversi postijiet f’pajjiżna,” qal il-Ministru.

Iċ-Chairman tal-VCA Jason Micallef qal li l-aġenzija hi kommessa li tkompli bir-riġenerazzjoni ekonomika, soċjali u kulturali tal-kapitali u Cinema City ikompli jibni fuq is-suċċess tal-Valletta Green Festival li sar ftit tal-jiem ilu.

L-edizzjoni ta’ din is-sena ta’ Cinema City tinkludi films b’temi varji li ġew magħżulin minn voluntieri wara li evalwaw numru ta’ films li jaqgħu taħt ġeneri differenti.

Il-films (bil-klassifikazzjoni tagħhom fil-parenteżi) se jintwerew fid-9:00 ta’ filgħaxija skont din l-iskeda:

5 ta’ Ġunju – Inglourious Basterds (18)

6 ta’ Ġunju – The Book of Life (U)

7 ta’ Ġunju – Blood on the Crown (12A)

8 ta’ Ġunju – Merjen (18)

9 ta’ Ġunju – Sideways (16)

mal-Partit Laburista

10 ta’ Ġunju – Back to the Future (U) www.partitlaburista.org

Il-biljetti jistgħu jinkisbu mill-VCA fi Triq ir-Repubblika, il-Belt Valletta, bilpreżentazzjoni tal-karta tal-identità u jitqassmu lil min japplika l-ewwel.

Għal aktar tagħrif żur is-sit elettroniku tal-VCA (vca.gov.mt) jew ibgħat email fuq info@vca.gov.mt.

5160 2034 - €10