Crynodeb o’r prosiect ADTRAC+ i Weithwyr Proffesiynol a Rhieni

Crynodeb o’r prosiect ADTRAC+ i Weithwyr Proffesiynol a Rhieni Ysbrydoli pobl ifanc rhwng 16 ac 24 oed i ddatblygu yn Wrecsam Prosiect gwaddol ADTRAC

Cynnwys Beth yw ADTRAC+?

3

Rydym yn cynnig

4

Cyflawniadau 5 Enghreifftiau o waith

10

Gwasanaethau eraill ac ADTRAC

13

Pobl ifanc ac ADTRAC

15

Manylion cyswllt

19

Ref: WCBC/ER458/13062022

Beth yw ADTRAC+?

Mae’r Prosiect ADTRAC+ yn darparu cefnogaeth 1 i 1 i helpu pobl ifanc rhwng 16 a 24 oed i ystyried eu hopsiynau a symud ymlaen i’r cam nesaf yn eu bywydau.

Mae pobl ifanc a gaiff eu hatgyfeirio at y prosiect yn cael eu cefnogi i ddatblygu cynllun gweithredu sy’n nodi eu hanghenion cymorth unigryw gyda’r nod o oresgyn rhwystrau amrywiol sydd wedi’u nodi fel rhwystrau dyddiol.

Mae ADTRAC+ yn brosiect gwaddol i ADTRAC a oedd wedi gweithredu’n flaenorol am dair blynedd ar hyd a lled Sir y Fflint a Wrecsam.

Rydym yn cynnig Cefnogaeth mentor un i un wedi’i theilwra i anghenion yr unigolyn.

Cynlluniau gweithredu personol a ddatblygir gyda’r unigolyn ifanc er mwyn nodi dyheadau i’r dyfodol a fydd yn helpu i’w harwain ar eu siwrnai.

Cefnogaeth i ddatblygu hyder a goresgyn unrhyw rwystrau sy’n atal yr unigolyn ifanc rhag datblygu.

Cymorth lles gan gynnwys cyfle i gael mynediad at ddarpariaeth ar gyfer anghenion iechyd meddwl ysgafn/cymedrol gan dîm Gwasanaethau Iechyd Meddwl Plant a Phobl Ifanc (CAMHS) y GIG. Mynediad at gyfleoedd megis hyfforddiant, gwirfoddoli a grwpiau cymheiriaid sy’n galluogi’r unigolyn ifanc i gyflawni eu nodau.

Gwaith partneriaeth gyda gwasanaethau eraill i helpu’r unigolyn ifanc i ystyried eu hopsiynau ar gyfer y dyfodol.

Cyflawniadau

65 o bobl ifanc mewn addysg

191 o bobl ifanc wedi gwella eu hyder

49 o bobl ifanc wedi dod o hyd i waith

81 o bobl ifanc wedi ennill cymhwyster

167 o bobl ifanc wedi gwella eu cyflogadwyedd a’u profiad gwaith

45 o bobl ifanc wedi ennill mwy nag un cymhwyster

151 o bobl ifanc yn nodi bod eu hiechyd meddwl wedi gwella

155 o bobl ifanc yn nodi gwelliant yn eu sgiliau a’u cymwysterau

155 o bobl ifanc yn nodi eu bod wedi cael profiad dysgu cadarnhaol gydag ADTRAC

Simon accessed the ADTRAC project as he was

Enghreifftiau o waith

Defnyddiodd Simon y prosiect ADTRAC gan ei fod yn teimlo’n unig ac yn bryderus iawn am ei ymddangosiad.

Roedd Simon wedi colli cysylltiad â’i ffrindiau, nid oedd yn gadael y tŷ, ac roedd hyn yn ei rwystro rhag dod o hyd i waith.

Derbyniodd Simon gymorth i’w helpu â’i bryderon, cael mynediad at y gymuned a mynychu grwpiau, ac fe wnaeth hyn ei helpu i fagu hyder.

Mae Simon bellach yn gweithio 16 awr yr wythnos yn y maes manwerthu.

Atgyfeiriwyd Samantha at ADTRAC gan yr Adran Gwaith a Phensiynau, roedd Sam â’i phryd ar fynd i’r brifysgol, ond roedd hi’n teimlo nad oedd hynny’n opsiwn gan ei bod yn dioddef ag Aspergus.

Roedd Sam yn ferch ifanc, greadigol a chlyfar a oedd yn gallu chwarae nifer o offerynnau cerddorol.

Gyda chefnogaeth gan ADTRAC, datblygodd Sam yr hyder i ddefnyddio cludiant cyhoeddus a mynychu cwrs hyder lle llwyddodd hi i wneud ffrindiau newydd. Daeth Sam yn fwy hyderus yn defnyddio’r bws a dechreuodd deithio i leoliad gwirfoddol mewn stiwdio gerddoriaeth leol.

Mae Sam bellach yn y Brifysgol ac yn byw’n Sam in now at University annibynnol mewn llety and living independently in myfyrwyr. student accommodation.

Simon accessed the ADTRAC project as he was

Ymunodd Aaron â’r prosiect ADTRAC gan nad oedd yn gallu canolbwyntio ar beth hoffai ei wneud ac roedd arno eisiau datblygu ei hyder.

Cefnogodd ADTRAC Aaron i fynychu apwyntiadau gan gynnwys y Ganolfan Swyddi.

Drwy dderbyn cefnogaeth gan ADTRAC, dechreuodd yr unigolyn ifanc fynychu cyrsiau Dysgu Oedolion yn y Gymuned ac mae’r profiadau dysgu cadarnhaol hyn wedi annog Aaron i ymgeisio am le yn y Coleg a dechrau cwrs arlwyo.

Daeth Sarah i siarad gydag ADTRAC oherwydd bod arni hi angen cymorth â’i hyder, roedd Sarah yn teimlo’n ynysig yn gymdeithasol ac yn cael trafferth yn yr ysgol.

Mynychodd Sarah sawl cwrs gan gynnwys cwrs datblygu hyder, lle llwyddodd i ennill sawl cymhwyster, fe wnaeth y cwrs ei helpu i beidio â bod ofn mynd yn ôl i addysg. Fe wnaeth Sarah hefyd fynychu ein grŵp ieuenctid wythnosol, a oedd yn rhoi cyfle iddi gyfarfod pobl newydd a gwneud ffrindiau newydd.

Mae Sarah bellach yn y brifysgol yn astudio cwrs celfyddydau theatr a dawns lefel 2. at University Sam in now and living independently in student accommodation.

Roedd Naomi wedi cael trafferth ymgysylltu â’r ysgol; roedd ei phresenoldeb yn wael, ac roedd hi hefyd yn ofalwr ifanc a oedd yn dioddef â’i hiechyd meddwl pan ddaeth hi at ADTRAC am gymorth.

Roedd Naomi’n teimlo’n ansicr iawn am fynychu’r coleg yn sgil cyfleoedd dysgu negyddol yn y gorffennol, roedd hyn hefyd wedi cael effaith ar ei hyder ac roedd Naomi’n teimlo ei bod wedi colli cysylltiad â’i ffrindiau.

Gweithiodd ADTRAC gyda Naomi i ddatblygu ei hyder drwy fynychu grwpiau a chyrsiau byr, a llwyddwyd i’w helpu i fagu’r hyder i gofrestru ar gyfer y coleg.

Er mwyn helpu Naomi yn y coleg, mae ADTRAC wedi bod yn gweithio gyda’r coleg i’w helpu i ddeall anghenion cymorth Naomi, roedd y trefniadau hyn yn eu lle erbyn i Naomi ddechrau ei chwrs.

Gwasanaethau eraill ac ADTRAC “Rwyf wedi atgyfeirio dau unigolyn ifanc at ADTRAC ac mae’r gefnogaeth y maent wedi’i derbyn wedi bod yn wych, mae eu hyder wedi datblygu gymaint, ac o ganlyniad, mae un ohonyn nhw bellach mewn gwaith a’r llall wedi cael ei derbyn ar gyfer We Mind The Gap, a gobeithir y bydd hynny’n arwain at gyflogaeth.

Roedd yr unigolion ifanc hyn wedi cael trafferth yn gymdeithasol a gyda’u hunan-hyder, ac mae ADRTAC wedi eu helpu i sicrhau dyfodol disglair.”

- Cwnselydd

“Fel tîm, rydym wedi gweithio’n agos gydag ADTRAC dros y tair blynedd diwethaf, ac maent wedi cefnogi rhai o’r bobl ifanc anodd eu cyrraedd yr ydym yn eu cefnogi. Mae rhai o’r bobl ifanc hyn bellach yn gweithio neu’n astudio mewn coleg neu brifysgol, ac arferai’r bobl ifanc gredu y byddai hynny’n amhosibl!

Cynigir gwersi Mathemateg a Saesneg i’r bobl fanc, ac nid oeddem erioed wedi meddwl y byddai’r bobl ifanc yn mynychu’r rhain, ond yn sgil darpariaeth y cwrs, mae’r bobl ifanc wedi bod yn mynychu’n wythnosol!”

- Awdurdod Lleol

Pobl ifanc ac ADTRAC “Mae gennyf ADHD, ac rwyf wedi bod yn ddigon ffodus i dderbyn cefnogaeth gan ADTRAC, rwy’n cael trafferth gyda phethau fel trefnu a rheoli amser oherwydd yr ADHD, ac roedd yn ddefnyddiol iawn cael rhywun i’m harwain a’m helpu gydag apwyntiadau. Fe wnaeth ADTRAC fy helpu i ymgeisio am le yn y brifysgol yn ogystal ag ymgeisio am gyllid, roedd cael rhywun i eistedd gyda mi a sicrhau fy mod ar y trywydd iawn yn ddefnyddiol tu hwnt. Mae ADTRAC wedi cynnig llawer o gefnogaeth i mi, rwy’n gwybod bod arnaf angen cefnogaeth, ac mae hynny’n iawn. Rwyf bellach yn sylweddoli fy mhotensial ac yn fwy hyderus, rwy’n gallu gofyn am gymorth!

“Rwy’n gwybod fy mod angen cefnogaeth, mae hynny’n iawn.”

“Rwyf wedi dioddef trawma ac anaf i’r ymennydd, mae ADTRAC wedi bod yn ddefnyddiol iawn, maent wedi fy helpu i ddatblygu sgiliau cymdeithasol a chwrdd â phobl sydd yr un oed â mi.

Rwyf wedi mynychu rhai cyrsiau gyda phobl ifanc eraill sydd wedi fy helpu i ryngweithio gyda phobl eraill, ac rwy’n awyddus i fod yn rhan o gymdeithas eto.

Mae ADTRAC wedi fy helpu i deimlo’n fwy hyderus a wynebu heriau mwy, rwy’n gwybod na allaf wneud popeth, ond rwyf bellach yn teimlo fy mod yn gallu gweithio o amgylch fy nghyfyngiadau”

“Mae ADTRAC wedi fy helpu i deimlo’n fwy hyderus.”

“Mae ADTRAC wedi rhoi cyfle i mi gael mynediad at gyfleoedd newydd, heb eu hanogaeth a’u cefnogaeth nhw, fe fyddwn i’n dal i fod yn yr un sefyllfa, yn gwneud dim byd. Rwyf wedi cwrdd â phobl newydd, cwblhau cyrsiau a mynychu grwpiau.

“Gallant helpu i wneud pethau’n haws i chi.”

Mae’r mentoriaid wedi fy helpu â chyllidebu ac wedi helpu fy iechyd meddwl, a phan fyddaf yn cael diwrnod drwg, maent yn cysylltu i weld sut ydw i ac yn deall, nid ydynt yn fy ngorfodi i wneud pethau nad oes arnaf eisiau eu gwneud, ond maent bob amser yn fy ngwahodd i’r pethau y maent yn eu cynnal!

Gallant helpu i wneud pethau’n haws i chi.”

“Mae ADTRAC wedi fy helpu i fagu’r hyder i siarad gyda phobl nad wyf yn eu hadnabod, mynd ar fws ar fy mhen fy hun, mynd i’r siop heb rywun wrth fy ochr drwy’r amser, talu am bethau ac arbed arian”

“Mae’r prosiect ADTRAC wedi rhoi mwy o hyder i mi yn gyffredinol, mae wedi fy helpu i gymysgu gydag amrywiaeth o bobl ac wedi fy helpu i anelu at yrfa yn ogystal â gwirfoddoli mewn gwahanol lefydd cyn dod o hyd i swydd”

Manylion cyswllt Os hoffech chi siarad â rhywun am ADTRAC+, gallwch gysylltu drwy; E-bost: adtrac@wrexham.gov.uk Ffôn: 01978 295518 youngwrexham.co.uk/info/adtrac lle gallwch lawrlwytho pamffledi a’r ffurflen atgyfeirio.