Dorsier
Festenals per la dintrada !
Vaquí… Setembre... Cal tornar al trebalh, menar les nenons a la grépia, les enfants a l’escòla ; tornar a la rotina lenta dels encombraments, transpòrts claufits, facturas, seradas cortas de l’ivèrn. Es naturalament le moment de la granda question : cossí fasèm per pas plorar sulpic, per téner còp fins al periòde de las fèstas ? Cal dire que tu, car Lector, as ja la solucion. Òc, ajam pas paur d’ac díser : Lo Diari es la solucion per luchar contra le marasme de la dintrada ! E parli pas sonque de sas qualitats recreativas e instructivas. Per vos menar de la fin de l’estiu a la magia de las fèstas, vòstra revista vos prepausa pasmens de quatre festenals occitans !
Festenal Occitània Maquina plan oliada, la del Festenal Occitània. Quinze ans ja e una programacion a l’entorn de « L’Umanitat Plurala ». Un festenal ric e long doncas : del 18 de setembre al 4 de novembre (totas las datas dins l’agendà, p.24). Que siá a Tolosa o dins tota la region, le festenal prepausa eveniments de tot tipe : concèrts, balèti, teatre, passa-carrièra... Occitània : de tot, pertot, per totes ! I volèm anar : • 19 de setembre, Tolosa ; inauguracion del festenal, passa-carrièra, mercat d’Occitània. • 25 de setembre, Puègbonieu ; concèrt de Liza l’occitana. • 9 d’octobre, Senta Gabèla ; Teatre, La gata de la barona. • del 12 al 30 d’octobre, Tolosa ; exposicion de gravaduras de Georges Simeonin. • 15 d’octobre, Tolosa ; concèrt : Anaïs Constans e l’Orchestre Mozart de Toulouse. • 23 d’octobre, Caramanh ; concèrt de la Talvera. • 31 d’octobre, Albi ; collòqui d’Albi (cf. p.20).
Per tot saber : > Qué ? le Festenal Occitània > Ont ? Region de Tolosa e MiègjornPireneus > Quora ? del 18 de setembre al 4 de novembre > Qui ? IEO 31 05 61 11 24 87 ieo31@ieo31.com www.festivaloccitania.com
12
N°27 – Dintrada 2015
Vendémias d’Òc Per beure (amb moderacion, ac sabètz), esperar la lenta e secrèta madurason del vin. Per pas mancar de paciéncia d’aquí enlà dins la « ciutat d’Ingres », l’IEO 82 – Associacion Antonin Perbòsc vos prepausa quatre jorns de vendémias occitanas, amb per moment màger, le concèrt de La Mal Coiffée le divendres 16 d’octobre. « L’arrasim, lo vin e l’umor gascona que hèn excellents antidòts contre la malenconia. » diguèt le Montesquieu. Pariam que las Vendémias montalbanesas se defendràn tanben ? Le 3 d’octobre (cf. agenda p.24), Maryse Laborde donarà una conferéncia (en francés) sul tèma dels Vaudois, un moviment religiós nascut a Lyon en 1170, fondat per Pèire Valdes, un òme que comandèt una traduccion en francoprovençal de passatges de la Bíblia. Per la projeccion de cinèma (dins l’encastre de la Mòstra –cf. p.15), seràn donats Flamenca una ficcion de Michel Gayraud, Écransud, 1994 ; Crosada, ficcion de Michel Gayraud, Écransud, 1997 e Lo truel d’Arsin, una realizacion e produccion de l’IEO Lemosin, un documentari de 2014. Les tres son en occitan, sostitolats en francés. I volèm anar : • 16 d’octobre, 20h30, Montalban, Espaci dels Augustins : Concèrt de La Mal Coiffée, amb Santa Fe en primièra partida. • 18 d’octobre, 14h, Saint Nauphary : passejada toponimica menada per Paul Brugan.
Per tot saber : > Qué ? Vendémias d’Òc > Ont ? Montalban e Sent Naufari (82) > Quora ? del 3 al 18 d’octobre > Qui ? IEO 82 – Associacion Antonin Perbòsc 05 63 03 48 70 ieo82@ieo-oc.org
N°27 – Dintrada 2015
13
Festenal Occitan de Pàmias Sèm a un quinzenat de quilomètres del Parc Naturel Régional des Pyrénées Ariégeoises. Una polida vila : Pàmias. Pendent tres jorns de la fin del mes de novembre (del 20 al 22) son còr batrà en occitan. Cinèma, concèrt, rescontre literari : auretz pas le temps de vos embestiar, qu’es plan la tòca ! Sens doblidar las exposicions, pendent tot le mes entre la mediatèca e la bibliotèca. Perqué pas prene una setmana per descobrir le PNR e començar (o acabar) amb una etapa occitana a Pàmias ? Nosautres, avèm ja las valisas prèstas ! Pel festenal, s’organiza un concors fotografic sul tèma : « Torres e campanals d’Occitània ». Se la fotografia vos agrada, se lo tèma del concors vos parla, podètz depausar fins a doas fotografias al Espaci Occitan de Pamiàs fins al 30 d’octobre 2015. Las fòtos deuràn èsser acompanhadas d’un tèxt en mai d’indicar le lòc fotografiat que descriurà le sentit del candidat al moment de la presa de la fòto. Pòt èsser una frasa, un tèxt de mens de 15 linhas o un tròç de poèma. Le tèxt pòt èsser escrit dins la lenga a la causida de l’autor (amb revirada en francés o occitan). Per trobar mai informacions o consultar le règlament : www.lodiari.com/2015/05/20/concours-fòto I volèm anar : • 20 de novembre, 21h : Teatre en òc amb la pèça La gata de la barona per la tropa les galejaires
Per tot saber : > Qué ? le Festenal Occitan de Pàmias > Ont ? Pamias (09) > Quora ? Exposicions pendent tot le mes de novembre, del 20 al 23 de novembre > Qui ? Cercle occitan de Pàmias (en collaboracion amb La Lauseta) ; 05 61 69 60 96 ostaloc09@club-internet.fr
14
N°27 – Dintrada 2015
Mòstra de Cinèma Occitan Dels dos costats de las montanhas, dins mai de trenta-quatre luòcs : s’aquò es pas de l’interregionalitat ! La Mòstra de Cinèma Occitan, a l’iniciativa de la Generalitat de Caralunya, « ofereix una visió panoràmica de la llengua i la cultura occitanes a través de creacions audiovisuals » Aquesta oitena edicion ofrís un fum de creacions, qu’apertenon a de sensibilitats e proposicions artisticas plan diferentas, que s’exprimisson a travèrs d’un autentic ventalh de varietats lingüisticas, que van del gascon al vivaroalpenc, del lengadocian al lemosin o del provençal a l’auvernhat : las lengas pròprias dels diferents territòris occitans e de las personas que las parlan. Montalban, Tolosa, Narbona, L’Isla de Baish, Bordèu... : vos cal pas esitar a consultar le site de l’eveniment per trobar las projeccions a costat d’en çò vòstre ! I volèm anar : • a Tolosa, al mes d’octobre, les 1, 8, 22 e 29 ; • a Montalban, les 12 de setembre e 9 d’octobre ; • a Bordèu le 14 de setembre ; • e perqué pas tanben a Barcelona les 30 d’octobre, 11 de novembre e 2 de decembre ?!
Per tot saber : > Qué ? Mòstra de Cinèma Occitan > Ont ? dels dos costats dels Pirenèus > Quora ? de Junh a decembre > Qui ? Generalitat de Catalonha, Departament de Cultura llengua.gencat.cat/ca/occita/mostracinema-occitan/
N°27 – Dintrada 2015
15