Sena ta ħidma mill-Fratellanza tal-Madonna tal-Karmnu

Carmel Pace

Fratellanza Madonna tal-Karmnu Is-sena 2020-2021 kienet sena mimlija qtigħ il-qalb fir-rigward it-tkomplija tar-restawr talOratorju għal raġunijiet varji fosthom il-pandemija. Iżda għall-grazzja ta’ Alla u ta’ Ommna Marija talKarmnu, b’xi mod ix-xogħol baqa’ għaddej. Lejn tmiem is-sena l-oħra tlesta l-kisi u immedjatament inbidlet is-sistema tad-dawl.

Minħabba esiġenzi finanzjarji ġiet mtluba stima għat-tibjid mingħand kuntrattur ieħor, fejn sibna li kien jaqbel ħafna mal-baġit li kellna. Kif dan tela’ fuq l-iscafolding biex jibda s-saqaf instab li l-kisi li sar mill-kuntrattur preċedenti beda jinqala kollu. Bi ftehim mal-perit u ż-żewġ kuntratturi ġie deċiż li jinqala’ l-kisi u jerġa’ jsir kollu mill-ġdid. Ovvjament dan ħa ż-żmien biex jitlesta. Fil-bidu ta’ Frar it-tibjid tlesta inklużi l-aperturi u l-kanċell – immedjatament is-Sur Josef Aquilina, mill-Creaid beda x-xogħol tal-induratura. Sadanittant ġie miftiem ma’ Jonathan Cassar biex jibda x-xogħol ukoll fis-sagristija li jinkludi ukoll tiswija tax-xorok, it-tikħil u t-tibjid. Hawnhekk inbidlet ukoll is-sistema tad-dawl. Ix-xogħol flOratorju ma waqafx hawn. Bħala xogħol amministrattiv – wara ħafna korrispondenza bejn ir-Rettur, il-Kurja u l-entitajiet tal-gvern fl-aħħar irnexxielna li l-Fratellanza tiġi rikonoxxuta bħala VO (Voluntary Organization) – b’hekk ikunu nistgħu napplikaw għall-fondi relatati ma’ għaqdiet volontarji. Fis-6 ta Jannar inġiebet lura mir-restawr il-vara artistika u antika tal-Madonna tal-Karmnu milllaboratorju tal-kumpanija Atelier del Restauro. Minħabba x-xogħol li għaddej fl-Oratorju l-vara qed tinżamm fl-Oratorju ta’ San Ġużepp. Ta’ dan nirringrazzjaw lis-Sur Joe Cioffi, Rettur talArċikonfraternità tal-istess fratellanza. Għall- istess vara kien bix-xieraq li jsir stellarju ġdid, u par labtijiet ġodda tal-lama u r-rakkmu tad-deheb fuq disinn tas-Sur Silvio Pace, u mħallsa mill-ħabrieki Rettur tal-Fratellanza Dr Mark Agius. L-istess Rettur ħa l-inizjattiva wkoll biex jinbeda r-restawr fuq pittura tal-Kunċizzjoni ta’ Giuseppe d’Arena, li kien ukoll fratell tal-Karmnu. Qed isir restawr fuq sitt fjuretti tas-sekondi festi tal-artal tas-Sagramaent (li l-Fratellanza tagħna tieħu ħsieb) mis-Sinjorina Josepha Spiteri, u l-vażuni tagħhom qed jiġu restawrati mis-Sur Ludwig Noel Desira. Dawn għandhom aktar minn 100 sena u kien dnub li nitilfu xi ħaġa daqstant ta’ preġju. Fis-26 ta' Mejju ġie miftiehem mas-Sinjura Valentina Lupo tal-Atelier del Restauro biex isir ir-restawr fuq iż-żewġ statwi, id-Duluri u l-Ecce Homo, it-tnejn ta’ Karlu Darmanin u l-Bambin ta’ Praga li jkunu esposti fl-istess Oratorju. Bħalissa għandna wkoll għar-restawr in-niċċa tad-Duluri li aktarx saret fuq disinn tal-arkitett magħruf Emmanuel Luigi Galizia, għand il-Kumpanija Creaid.

Sadanittant bl-għajnuna ta’ xi membri tal-Għaqda Festa Madonna tal-Karmnu beda jinbidel id-drapp tal-vetrini tal-ex voto li l-Oratorju huwa mdawwar bihom, u qed jitnaddfu l-fided li hemm fihom - ta’ dan il-Frattelanza tirringrazzja mill-qalb lil dawn sħabna.

Bħala Fratellanza qegħdin nikkordinaw ilpreparazzjonijiet għall-festa tas-sena d-dieħla li jaħbat l-400 mitt sena mit-twaqqif tagħha li seħħ fit-12 ta’ Frar 1622.