PRÍOMH-CHAINTEOIRÍ NA COMHDHÁLA
Roy Lyster Ollamh Emeritus le hOideachas sa Dara Teanga, Ollscoil McGill, Ceanada
Mórthionól: Why and How to Support Sustained Use of the Immersion Language
Diane (Dee) Tedick Ollamh le hOideachas sa Dara Teanga, Ollscoil Minnesota, Na Stáit Aontaithe
Mórthionól: Effective Immersion Teacher Professional Development
Tá Roy Lyster ina Ollamh Emeritus le hOideachas sa Dara Teanga in Ollscoil McGill. Ina chuid taighde, féachann sé ar an teagasc ábharbhunaithe sa dara teanga agus ar éifeachtaí idirghabhálacha teagaisc a bhfuil sé mar aidhm leo cothromaíocht a aimsiú idir cuir chuige fhoirmdhírithe agus cuir chuige ábharbhunaithe. Cuimsítear lena thaighde freisin an fhorbairt ghairmiúil agus an comhoibriú idir múinteoirí ar mhaithe leis an bhfoghlaim teanga chomhtháite agus le forbairt an dátheangachais. Bronnadh Gradam Paul Pimsleur as Taighde in Oideachas sa Dara Teanga air in 1998 i gcomhar le Leila Rannta agus bhronn Cumann Múinteoirí Dara Teanga i gCeanada Gradam Robert Roy air in 2017. Chaith sé tréimhse mar chomh-uachtarán agus mar uachtarán ar Chumann na Teangeolaíochta Feidhmí i gCeanada idir 2004 agus 2008. Tá sé ina údar ar mhodúl dar teideal Content-Based Language Teaching a d’fhoilsigh Routledge in 2018, mar aon le trí leabhar: Learning and Teaching Languages Through Content a d’fhoilsigh Benjamins in 2007; Vers une approche intégrée en immersion a d’fhoilsigh CEC Publishing in 2016, agus Scaffolding language development in immersion and dual language classrooms (in éineacht le D. J. Tedick) a d’fhoilsigh Routledge in 2020.
Tá Diane (Dee) Tedick ina hOllamh le hOideachas sa Dara Teanga in Ollscoil Minnesota, áit a bhfuil sí ina hoideoir múinteoirí agus ina taighdeoir i réimse an tumoideachais le breis is 30 bliain anuas. I measc na réimsí spéise atá aici, áirítear forbairt teanga daltaí i ranganna tumoideachais agus oideachas agus forbairt ghairmiúil múinteoirí tumoideachais. Cuireann sí eispéiris foghlama gairmiúla ar fáil do mhúinteoirí tumoideachais agus dátheangacha sna Stáit Aontaithe agus go hidirnáisiúnta. Tá leabhar do mhúinteoirí tumoideachais foilsithe aici le déanaí (i gcomhar le Roy Lyster) dar teideal Scaffolding Language Development in Immersion and Dual Language Classrooms (Routledge). Bhí sí ar dhuine de chomheagarthóirí ar dhá leabhar ar an tumoideachas freisin atá foilsithe ag Multilingual Matters: Pathways to Multilingualism: Evolving Perspectives on Immersion Education (2008) agus Immersion Education: Practices, Policies, Possibilities (2011). Bronnadh Gradam Paul Pimsleur uirthi faoi dhó as a cuid taighde in Oideachas i dTeanga Iasachta: in 2013 i gcomhar le Laurent Cammarata agus in 2016 i gcomhar le Tara Fortune.
15
