༡། སེང་གེའི་རྒྱལ་གཞིས། The Kingdom of the Lion ༢། ཤིང་སྡོང་དང་འདམ་རྩྭ། The Tree and the Reed

༡། སེང་གེའི་རྒྱལ་གཞིས།

༢། ཤིང་སྡོང་དང་འདམ་རྩྭ།

རི་མོ་དང་བོད་སྒྱུར་བ་བསྟན་འཛིན་རང་གྲོལ།

(Aesop’s Fables Stories –The Kingdom of the Lion)

སེང་གེའི་རྒྱལ་གཞིས།

འདབ་ཆགས་དང་། རི་དྭགས། གཅན་གཟན་མང་པོ་གནས་པའི་ཤིང་ནགས་སྟུགས་པོ་ཞིག་གི་ཁྲོད་ན་སེང་གེ་ཞིག་

ཡོད། ཁོ་རང་སེམས་ཅན་དེ་དག་གི་རྒྱལ་པོ་ཡིན། ཁོ་ནི་སེང་གེ་གཞན་དང་མི་འདྲ་བར་གཞན་ལ་བརྙས་བཅོས་བྱེད་མཁན་

ཞིག་མིན་པ་དང་། མ་རབས་དང་གདུག་རྩུབ་ཅན་ཞིག་དེ་བས་ཀྱང་མིན། ཁོ་ནི་སེམས་བཟང་དང་། དྲང་པོ། གཞན་ལ་ཕན་ ཐོགས་བྱེད་མཁན་གྱི་རྒྱལ་པོ་ཞིག་ཡིན། ཁོ་ནི་རྟག་པར་སེམས་ཅན་གཞན་ལ་མཐུན་གཤིབ་ཅན་ཞིག་ཡིན་པས། ཁོའ ་ི མངའ་ཁོངས་སེམས་ཅན་རྣམས་ལ་ཞི་བདེ་རག་གི་ཡོད།

ཉིན་ཞིག་ཁོས་སེམས་ཅན་ཚང་མ་ཚོགས་འདུ་ཞིག་ལ་སྐད་བཏང་བ་རེད། དེར་ཁོས་སེམས་ཅན་རྣམས་ལ་གསལ་

བསྒྲགས་ཤིག་བཀྲམས་པ་རེད། “ད་ལྟ་ང་ཁྱེད་རྣམས་ཀྱི་རྒྱལ་པོ་རེད། དེ་རིང་ནས་བཟུང་སེམས་ཅན་སྤྱང་ཀི་དང་ལུ་གུ།

དོམ་དང་རེའུ། ཁྱི་དང་རི་བོང་སོགས་སེམས་ཅན་ཚང་མ་ཕན་ཚུན་མཐུན་ལམ་དང་། ཞི་བདེའི་ངང་གནས་དགོས། ད་དུང་ སེམས་ཅན་ཆེ་བ་དང་། ཆུང་བ། འབྲིང་བ་ཚང་མས་འཆམ་མཐུན་གྱིས་ལས་ཀར་མཉམ་རུབ་བྱེད་དགོས།” ཞེས་གསལ་ བསྒྲགས་བྱས་པར་སེམས་ཅན་ཚང་མས་དགའ་མོས་ཀྱིས་ཐལ་མོ་བརྡབ།

རི་བོང་ཞིག་དགའ་སྤྲོ་ཚད་མེད་སྐྱེས་བཞིན་སེང་གེའི་མདུན་དུ་མཆོངས་ཡོང་སྟེ་སྨྲས་པ། “ཨ་ ཙི་་་

ཙི་་་ཉིན་མོ་འདི་ངས་རྒྱུན་རིང་ལོས་མྱོང་ཐུབ་བམ། སེམས་ཅན་ནུས་སྟོབས་ཆེ་བས་སེམས་ཅན་ཉམས་ ཆུང་རྣམས་ལ་ཐུབ་ཚོད་དང་། བརྙས་བཅོས་ཆག་ཡང་གཏོང་བའི་ཉིན་མོ་འདི་རྒྱུན་རིང་ལོས་གནས་ སམ།” ཞེས་བཤད་དེ་རི་བོང་ཁོ་རང་གི་བདེ་འཇགས་ཆེད་ཐག་རིང་པོར་བྲོས་སོང་ངོ་། །

(Aesop’s Fables Stories –The Tree and the Reed)

ཤིང་སྡོང་དང་འདམ་རྩྭ།

ནགས་ཚལ་དང་། ཤིང་ཕྲན། ཤིང་སྡོང་། རྩྭ་སོགས་ཀྱིས་ཁེངས་པའི་ཡུལ་ལྗོངས་ཞིག་ཡོད། དེའི་ཉེ་འགྲམ་ཞིག་ན་སྟོབས་དང་

ནུས་ཤུགས་ལྡན་པའི་ཤིང་སྡོང་ཞིག་སྐྱེས་ཡོད། ཁོ་ནི་ཁོ་རང་གི་གཟུགས་སྟོབས་དང་། ནུས་ཤུགས་ཆེན་པོ་ཡོད་པ་རྣམས་གཞན་ལ་ ངོམ་སོ་དང་སྤོབས་པ་ཆེན་པོ་བྱེད་ཀྱི་ཡོད།

ཉིན་ཞིག་ཁོས་འོག་ལ་མར་ལྟ་དུས་ཁོ་རང་གི་འགྲམ་ལ་འདམ་རྩྭ་ཆུང་ཆུང་ཞིག་སྐྱེས་ཡོང་བ་མཐོང་ནས། “འདམ་རྩྭ་ཆུང་ཆུང་།

ཁྱོད་རང་གི་རྩ་བ་སའི་འོག་ལ་བླུགས་ནས་ང་ནང་བཞིན་ཆེན་པོ་དང་། སྦོམ་པོ། རིང་པོ་ཞིག་སྐྱེས་ཐུབ་བམ།” ཞེས་མཐོང་ཆུང་གིས་ དྲིས།

འདམ་རྩྭ་ཆུང་ཆུང་གིས་“ང་རང་གཟུགས་པོ་ཆུང་ཡང་གས་མི་འདུག། ང་ད་ལྟ་སྐྱིད་པོ་འདུག” ཞེས་བཤད་པར། ཤིང་སྡོང་གིས་

“ཧིན་་་ཞེས་སྣ་སྒྲ་ཞིག་འདོན་ཞོར། སུ་གཅིག་གིས་ངའི་རྩ་བ་བཀོག་ཐུབ་ཀྱི་མ་རེད། སུ་གཅིག་གིས་ང་གུག་གུག་བཟོ་ཐུབ་ཀྱི་མ་རེད་ ” ཅེས་སྤོབས་པ་ཆེན་པོས་བཤད།

སང་ཉིན་དེར་ཆར་བ་དང་རླུང་འཚུབ་ཀྱི་གནམ་གཤིས་བསྟན་པས། རླུང་འཚུབ་དང་ཆར་ཤུགས་

ཀྱིས་སྤོབས་པ་ཆེ་བའི་ཤིང་སྡོང་ཆེན་པོ་ཁོའ ་ི རྩ་བ་ནས་བཀོག་སྟེ་ས་ཐོག་ཏུ་འགྱེལ་ཡོད། ཁོ་ནི་བེད་སྤྱོད་

མེད་པའི་ཤིང་དུམ་ཞིག་ལྟར་གྱུར། འོན་ཀྱང་འདམ་རྩྭ་ཆུང་ཆུང་ནི་རླུང་འཚུབ་ཁྲོད་འགུལ་ཙམ་འགུལ་ ཙམ་བྱས་ནས་ཆར་རླུང་འཇགས་རྗེས་སྔོན་ལྟར་རྩྭ་ཐང་སྟེང་ཀྲོང་ངེར་གནས་སོ། །