HARDANGER INTERNASJONALE SIDERFEST

Velkomen til Hardanger Internasjonale Siderfest!

Det er nok slett ikkje tilfeldig at denne etterlengta festen kjem i mai, då Hardanger er på sitt aller finaste. Fjella med kvite toppar speglar seg i den blanke fjorden. Bakkane er blitt grøne og fruktblomen funklar som sølv på bunaden.

FOTO: GUNN GRAVDAL ELTON

FOTO: ØISTEIN HARA FOTO: STORE NAA

FOTO: HARDANGERGUTANE Dette er den optimale tida å vitja Hardanger. Frå gamalt av var det og til "vaoren" at sideren var klar for prøvesmaking.

Festen hadde ein liten sped start i 2019, men vert arrangert for fyrste gang i fullskal no i 2021. Festen startar onsdag 5. mai med to fagdagar for bransjen.

7. – 8. mai vert det publikumsdagar. Sider- festen vert arrangert ute på sidergardane i Sørfjorden, og i lokala til det nedlagde Odda Smelteverk, i fabrikkhallen Lindehuset og i Sentralbadet Litteraturhuset. Smelteverkstomta er ein spennande stad som står i ein herleg kontrast til fruktgardane.

Ein million liter sider

Norsk sider opplever ein solid opptur for tida langt ut over lande- grensene. I november 2019 vart norske siderprodusentar heidra med ni internasjonale medaljer under den internasjonale siderkonkurransen i San Sebastian. Målet for siderbøndene i Hardanger er å etablera Hardanger som ei merkevare på linje med Champagne.

Innan 2025 er målet å produsera 1 million liter sider i Hardanger. Målet med Hardanger Internasjonale Siderfest er å spreie kunnskap og auka kjennskapen til sider frå Hardanger, slik at sideren vert enno meir synleg, fortel Ingerid Wembstad frå Matarena som er prosjektleiar for festivalen.

Vi har allerede Siderfestivalen i Hardanger, som vert arrangert i Øystese kvar haust, Sidersleppet i Ulvik som arrangeres kvar vår og vi har Norsk siderfestival i Bergen om hausten.

Vi har tenkt at vi skal byggja opp ein fest som skal vara i generasjonar. Vi har store vyer, og steinane vi no set på plass skal vara lenge, seier Olav Bleie frå feststyret, som fortel om fest og planar saman med styreleiar Øyvind Stueland og nestleiar Kjetil Raaen Widding.

Som ynskjer alle velkomne til Odda og Sørfjorden for gilde opplevingar. Smaka på sider, god mat, lokal kultur og spennande musikk.

PROGRAM 5. - 8. MAI 2021

5. - 6. mai: Fagdagar for Horeca-bransjen og siderprodusentar 7. - 8. mai: Publikumsdagar Fredag 7. mai: Sidersafari til sidergardane ved fjorden Fredag 7. mai: 4 retters middag i Tyssedal Kraftstasjon kl. 19. 30 - 24.00 Laurdag 8. mai: Den store siderfesten i Lindehuset og Sentralbadet Litteraturhuset i Odda