Velkommen til ferieparadis i Nordfjord

Vi har trua på kortreist sommar i år. Økonomien til oss nordmenn tilseier at vi bør halde oss heime i Norge. Det er ikkje noko negativt det, for her er nok å finne på. Sjølv om vi sjølve gløymer det – så bur vi midt i eit ferieparadis i Nordfjord.

Her er kort veg enten du vil prøve deg på surfing i bølgjene i Hoddevika, finne nye turmål på fjellet, eller ta deg ein tur til topps med Loen Skylift.

Heile Nordfjord har noko for deg. Her får du alt i ein fjord – frå fascinerande breis, til at du kan ri på ein fjordhest eller prøve deg på laksefiske.

Kanskje du kan oppleve landet vårt på nytt? Her er nok av ting å finne på, berre ein brukar fantasien. For kva er vel betre enn å kjenne roa av å fiske, før du steiker fangsten på bål i fjøresteinane

I Fjordabladet si sommaravis har vi tatt med eit utval av det vi kan gjere på og oppleve i nærområdet vårt. Å vere turist i ditt eige nærområde er gull verdt. Samtidig er det mange tilreisande. Cruiseskipa gjer at verda kjem til oss.

Vi trur at kvar og ein vil få mange fine opplevingar i Nordfjord i sommar – her vi har alt i ein fjord!

God sommar!

Sommar 2023

Fjordabladet si sommaravis 2023 kjem ut i eit opplag på om lag 16.000 eksemplar.

www. fjordabladet.no

Ansvarleg redaktør: Ingebjørg Nilsen. ins@fjordabladet.no

Adresse: Rådhusvegen 6 A, 6770 Nordfjordeid.

Tryk: Polaris trykk, Ålesund.

Framsidefoto: Boka Opptur Stad, Ingebjørg Nilsen, Hilde Renate Kroken.