Turistane strøymer til vikingsenteret Sagastad

På Nordfjordeid finn du godt synlege gravhaugar og spor frå vikingtida. På vikingsenteret Sagastad får du eit innblikk i livet for 1200 år sidan.

Turistane liker godt det enorme vikingskipet. Det er veldig spesielt at du får lov til å gå oppe i skipet, og «alle» skal sjølvsagt ha bilde av seg sjølve med vikingeffektar på.

På Sagastad kan du også få lære om korleis dette skipet er bygt.

Vikingkongen Audbjørn

Via ulike installasjonar er det rikeleg høve til å lære om historia, mellom anna om vikingkongen Audbjørn. Og dersom du ikkje er for tander, kan du ta turen innom kinosalen, for å sjå filmen om det brennande skipet. Dei var ikkje akkurat Guds beste barn, desse vikingane.

Vikingbygda Nordfjordeid

VR-stasjonen i senteret er populær, ikkje minst blant dei yngste. Her kan du vitje vikingbygda Nordfjordeid, med VRbrillene på kan du få eit inntrykk av korleis det kanskje var her for 1200 år sidan.

I VR-universet er det busetnad, folk, dyr, natur og vikingskip på fjorden, og du kan mellom anna prøve deg på virtuell bogeskyting på blink.

Ligg like ved Sagaparken Sagastad reknar med at kring ein femtedel av turistane på cruiseskipa tek turen innom vikingsenteret, og det kan til tider vere mange gjester, men bygget er romsleg og har litt av kvart å by på, så det går bra.

Like ved Sagastad ligg Sagaparken, her er det både leikepark og ei fin strand, som er mykje nytta både av fastbuande og turistar.

ANNA WUTTUDAL anna@fjordabladet.no

SKIPET OG FILMEN: ‒ Vi likte aller best filmen, og sjølvsagt det store skipet. Det seier dei tyske turistane Hans, Gudrun, Anette og Karl, som nettopp har besøkt den største turistattraksjonen på

HISTORIE: Kva veit vi eigentleg om fortida? Her kan du på ein kjekk måte

VIKINGSMYKKE: Nytt av året er ein unik smykkeserie inspirert av lokale vikingfunn.

Foto: Saltnwax