8. ESTRATEGIAREN GARAPENA, JARRAIPENA ETA EBALUAZIOA

ESTRATEGIAREN GARAPENA, JARRAIPENA ETA EBALUAZIOA

Laneko Segurtasun eta Osasunerako 2021-2026 Euskal Estrategiaren helburua pertsonen osasun integrala sustatzea da, lana eta jarduera osasuniturri izan daitezen. Estrategia hau diseinatu eta hedatzea Gobernuaren erantzukizuna da. Bere sail eta erakunde guztiek inplikatu behar dute haren gauzatzean, jarraipenean eta ebaluazioan.

Diseinatutako Estrategia arrakastaz garatzeko, kudeaketarako sistema eta organigrama bat definitu behar dira, fase eta jarduera bakoitzean ardura duten eta inplikatuta dauden organoak argi eta garbi ezarriz, bai eta beharrezko koordinazioa ziurtatuko duen lan bateratuko eragiketa ere.

Estrategia formulatu eta onesteko jarraitutako prozesua deskribatu da Metodologiaren kapituluan. Ardatzak, helburuak, lehentasunezko ildoak eta jarduteko neurriak zehaztean, estrategiaren garapenean erantzukizuna duten eta parte hartu behar duten sailak, erakundeak eta eragileak azaltzen dira. Kapitulu honetan, hura gauzatzeko, jarraipena egiteko eta ebaluatzeko kudeaketaeredua zehazten da.

Bi erantzukizun maila bereiziko dira –estrategikoa eta betearazpena– Estrategia aurreikusitakoaren arabera ezartzeko, indarraldia amaitu ondoren jarraipena egiteko eta emaitzak ebaluatu eta zabaltzeko, betiere tartean diren sail eta erakundeek esleituta dituzten eginkizunen eta jarduera-arloen banaketa errespetatuz.

Estrategia kudeatzeko eredua taxutzean, kontuan hartzen da Euskal Autonomia Erkidegoko Administrazioko sailak sortu, ezabatu eta aldatzen dituen eta horien eginkizunak eta jardun-arloak finkatzen dituen Lehendakariaren Dekretuan, bai eta tartean diren sail eta erakundeen egiturari buruzko dekretuetan ere, jasotako eskumenen eta eginkizunen banaketa.